اهل الخبرة انظف الشجر الصناعي

[شيخة الزينات]

السلام عليكم




انا عندي شجر صناعي كثير داخل البيت شي حول النافورة وشي في المداخل


والجو من فترة الله يعفوا عنا في الرياض دايم غبرة وتنظفين فية مافية فايدة دايم يكون مو شكلة نظيف


ابي طريقة لتنظيفة بحيث يكون كأنة جديد مثل اللي بالمحلات دايم فية لمعه


ممكن تساعدوني من فضلكم

[المهرة@المهرة]

هلا والله فيك اختي

قريت مره في المنتدى طريقه عجبتني

وهي انك تاخذين الشجر وتدخلينه بكيس وفيه ملح بكميه كافيه وتقلبين النباتات في الكيس

وبعد كذا تطلع لامعه انا ماجربتها بس قريتها وحبيت افيدك

وممكن تمسحينها بملمع الزجاج تطلع روعه

اتمنى اكون افدتك

[فتاة المراعي]

ياهلا فييييييييك اختي الغالية

الصراحة انا ماعندي في البيت غير شجرة وحدة :454:

يعني امسحها مسح عاادي

بس بما انة انتي عندك اكثر من وحدة

جربي مسحها بالزيت ..شوية زيت مش كثير

يعطيها لمعة ..وياخذ وقت طويل على باال ماتتسخ مرة ثانية

ووانا يبغالي اخرب طريقة الاخت المهرة

[شيخة الزينات]

الله يسعدكم ويوفقكم


اختي لما احط زيت راح يثبت الغبار علية اكثر


ياليت اللي عندها معلومة ماتبخل علي

[*خلود*]

وعليكم السلام ورحمة الله وبركاته

حياك الله أختي شيخة الزينات ..

أختي الشجر حول النافورة يعني ارواق وأغصان متفرعة اغسليها بالماء عادي حطيه في حوض كبير او حتى المغطس ونظفيه بالمرش واتركيه ينشف من الماء الكثير وبعدين امسحيه بقطعة قماش قطنية ويرجع نظيف يلمع ..

أما لو شجرة كبيرة وفي مركن أو اصيص عادي نفس الخطوات لكن خليها طايحة على الأرض يعني المركن يكون على الجنب حتى ما تدخل المويه فيه ..
عندي شجرة كبيرة بنفس الطريقة أنظفها وساعات امسحها في نفس المكان لكن بقطعة قماش ناعمة ورطبة ..

إن شاء الله تستفيدي من الطريقة و بالتوفيق