المساعد الشخصي الرقمي

مشاهدة النسخة كاملة : الي عندها بطاقة الراجحي تدخل


لحظات
24-08-2008, 10:01 PM
بنات انا ابي اشتري و ابيع في الاسهم بس مو عارفة كيف

دخلت على تداول الالكتروني من موقع البنك وسجلت نصف البيانات و انسحبت
ياريت الي تعرف تعلمي كيف
هالونة
25-08-2008, 10:18 AM
طبعا اختي لازم يكون لديك حساب في نفس البنك
وتسجلين جميع بياناتك عن طريق النت بعد تفعيل البطاقة وبعدها تستطيعين ان تبيعي وتشتري وتتمتعي بجميع الخدمات الموجودة لدى البنك
وبعض البنوك تحتاج الى ان تقومي بتحويل المبلغ من الحساب الجاري الى الحساب الاستثماري
اتمنى اكون افدتك وانا انصحك ان تقومي بالاتصال بالرقم المجاني الخاص بالبنك لتحصلي على جميع المعلومات التي تريدينها
تقبلي احتراماتي
سـارهـ
28-08-2008, 03:21 AM
عزيزتي عادي انتي سجلي بالموقع ما راح تخسري شئ بالعكس راح تستفيدي انك تطلعي على حسابك وتعملي كشف حساب وتسددي الفواتير ...الخ من الخدمات المتاحه

بس الحين في الراجحي عشان تسجلي في خدمة مباشر لازم تسجلي رقم جوالك الخاص من جهاز الصراف الآلي أول شئ وقبل كل شئ

عادي تدخلي بطاقتك في الصراف والرقم السري بعدي اختاري(عمليات أخرى)بعدين اختاري(البريد الالكتروني او الإيميل)يطلع لك مكان تدخلي فيه رقم الجوال بعدها ارح يسألك هل تريدين تعديل بياناتك اختاري موافق

وحتى تتأكدي من تسجيل رقم الجوال راح توصلك رساله على جوالك على طول في نفس الوقت تؤكد تسجيل الرقم بشكل صحيح

بعدها عادي سجلي بالموقع


أتمنى أكون أفدتك بما لدي من معلومات
سـارة
28-08-2008, 05:54 PM
انا حاولت اسجل .. وقالي لازم 700 ريال رسوم سنوية ..
سكرت الصفحة ...
ببساطه ... ساميا صدق ربوي .. بس للعميل حرية استخدام وفتح المحفظة أي وقت
وعلى كل بيع أو شراء 12 ريال .. فقط .. بدون 700 أو 1000 إلا إذا طلبتي خدمة عرض الاسعار على طول .. هنا يأخذون رسوم سنوية
سـارهـ
28-08-2008, 09:03 PM
عزيزتي سارة الرسوم للي بيشترك في التدوال

أنا مشتركه في المباشر للأفراد وصار لي يمكن 3 سنوات عمرهم ما أخذو مني رسوم ولا خصموا من حسابي

وأشترك في الأسهم عن طريق المباشر وليس تداول

وأشتري وأبيع على راحتي

أنصحكم فيها صراحه للي تبغى تشارك بالأسهم

حبيت اوضح المعلومه فقط

تقبلوا مروري
لحظات
07-09-2008, 07:46 PM
حبيباتي يعني اذا سجلت في مباشر ما فيها رسوم و اقدر ابيع و اشتري في الاسهم
طيب ممكن الي تعرف تفيدني بالطريقة و الله يوسع لها ابواب رزقة الي تساعدني
سـارهـ
08-09-2008, 04:43 AM
عزيزتي انتي اول شئ سجلي مثل ما شرحت قبل

بعدين عادي تدخلين على بياناتك باسم المستخدم وكلمة المرور

بعديت تروحي لقسم (خدمات الاكتتاب)

راح يطلع لك على طول الاسهم اللي نازله في السوق للبيع (الأسهم التي تطرح للبيع)

وفيها من ضمن القائمه خيار (بيع) لبيع الأسهم اللي سبق واشتريتها


طبعا مو أي أسهم تشتريها لان هذا يكون فقط في التداول

هنا تشتري الأسهم التي يتم الإعلان عن طرحها في السوق فقط


أتمنى أكون أفدتك
لحظات
09-09-2008, 04:17 AM
الله يسعد يا اختي
خلاص راج اجرب الطريقة مشكورةما قصرتي
صلاة الضحى
21-09-2008, 08:53 AM
عيوني اذا تبين شراء وبيع الاسهم يعني تداول يومي
لابد من اشتراك بــ 700 ريال سنوي
اما اذا حبيتي شراء وبيع اكتتابات فهذا عن طريق مباشر افراد مجانا
وهذا اللي تقصده الاخت سارة اعتقد هي تظن انك تبين شراء اكتتابات وبيعها فقط

بس تبين نصيحتي ابعدي عن الراجحي وروحي لسامبا افضل بكثييييير ومجانا التداول اليومي

وانا مجربه الراجحي وياكثر اخطاءهم في البيع والشراء