هنا طلبات الفلل في منطقة الرياض (أتفضلي أطلبي)

[كريستاله*]

كما هو واضح من العنوان اي وحده تبي فيلا تكتب طلبها هنا
بشروووط
ان تكتب المساحه
السعر
عمر العقار
عدد الأدوار
بعض المواصفات
ولا أحلل اي وحده تضيع وقتي باطل
الجاداااااااااااااااااااااااااات فقط

[بسبوسة قحطان]

يعطيك العافيه كريستاله


بغيت فيلا دور + ثلاث شقق

المساحه من 700 إلى 850

والأهم من كل هذا يكون البناء شخصي جداً يعني مو تجاري

وتكون بحي غرناطه أو قرطبه أو اشبيليا أو اليرموك

ويكون مدخل الرجال واسع يعني يكون فيه مساحه ..

وتكون جديده وإذا مستعمله مو مشكله بس تكون نظيفه ..



ومشكوره عزيزتي ..

[*ام سديم*]

بالتوفيق يالغاليه ...

[كريستاله*]

أم سديم مستحيل تلاقي فيلا دور و3 شقق بهالمساحه الكبيره
عجزت ادور لك
لقيت لك عرض بنفس طلبك وهذا تقريبا اكبر مساحه لقيتها
فيلا في جوهرة قرطبه دور وثلاث شقق
على مساحة 525م2
الدور خمس غرف وصاله ومطبخ وثلاث حمامات
وملحق خارجي ومدخل سياره
والشقق على ثلاث غرف وصاله و دورتين مياه
1270000 الف ريال

قابل للتفاوض

أنتظر ردك

[كريستاله*]

بسبوسة قحطان
في فله باليرموك دور وثلاث شقق رووووعه وجديده
جديده مساحتها 625 م دور وثلاث شقق كل شقه تتاجر ب 23 الف براااااااااحه
سكنيه وبنفس الوقت استثماريه
اذا ناسبك العرض بلغيني لاني مااقدر اراسلك عالخاص

[رومانسيه دلع]

انا ياقلبي محتاجه دبلكس حتى لوكان مستعمل مو مشكله بس حد 5 سنوات ويكون تصمصم جديد

ويكون بحدود ال600 الف ونازل يعني لو اقل يكون احسن والمساحه تكون من 200 _240

وتكون بحي الوادي او النفل وتكون بالتقسيط

والله يعطيك العافيه

[مزايا]

يعطيك العافيه


بغيت فيلا دورين + ثلاث شقق ومدخل خاص بالشقق

المساحه 700 م وتكون شرقيه جنوبيه على شارعين او شارع المهم يكون عشرين م واكثر

والأهم من كل هذا يكون البناء شخصي جداً يعني مو تجاري

وتكون بحي غرناطه أو قرطبه او التعاون او الازدهار او المروج أو اليرموك

ويكون مدخل الرجال واسع يعني يكون فيه مساحه ..

وتكون جديده وإذا مستعمله مو مشكله بس تكون نظيفه ..جزاك الله خير ووفقك ويسر امرك امين

[دلع الروح...]

بغيت فيلا جديده ولو مستعمله عمرها اقل من 5 سنوات من 400 500 متر وتكون مفصوله وياليت دورين وشقه مو مهم المكان الشفاء او البديعه اوالسويدى ولو يكون فى الشمال كويس وبنفس السعر سعرها لا يتعدى 600000الف ومشكوره

[همسة احساس]

بالتوفيق غاليتي :)

[شموخ991]

انا طلبي فيلا دبلكس في السويدي او الروضه او البديعه او النفل
وتكون مساحتها 240 او 260 مو لازم تكون جديده يعني في حدود 6 او 7 سنوات
وتكون في حدود 400 الف او 450 الف رياال واذ ا ما توفر شقه في نفس الاماكن بس تكون دورين وتمليك طبعا لكن الاولويه للفيلا وجزاك الله كل خير

[atheer1234]

السلام عليكم
أنا أدور على فلة بشمال أو شرق الرياض تكون دور و 3 شقق أو دورين و شقة
و يكون سعرها ما يزيد عن 800000 أو أقل

[مزايا]

ارجو منك الله يوفقك ان تبحثي لي عن فله دورين وشقه او شقتين مستعمله وبناء شخصي ولا يتعدى عمرها 8 سنوات في الشهداء او النزهه او الورود او الواحه او المروج او النخيل وتكون مساحتها 500م الى 700 ويكون سعرها مليون الى مليون و200 جزاك الله خير راسليني على الخاص

[لمور2008]

بغيت دور اودبلكس وشقق يكون جديد او سنه 500 م في حدود 800 الف

[مزايا]

ارجو منك الله يوفقك ان تبحثي لي عن فله دورين وشقه او شقتين مستعمله وبناء شخصي ولا يتعدى عمرها 8 سنوات في الشهداء او النزهه او الورود او الواحه او الازدهار المروج او النخيل الغربي وتكون مساحتها 500م الى 700 ويكون سعرها مليون الى مليون و200 جزاك الله خير راسليني على الخاص