متطلبات الحج ... لمن يريد الحج.. أفزعوا يالنشاما

[أنحــــــــف دبـــــــــا]

بما أنو الحج ع الأبواب

ياريت كل وحده سبق لها الحج أن تعطينا

معلومة .. فايدة .. نصيحة .. أو اي شي يفيد الحاجة

مثل : الأغراض اللي تحتاج لها الحاجة ... أو أنواع الكتب ..أوالحاجات اللازمه والضرورية

يالله أبدأوا ولكم الأجر والدعاء

[لحن الغروووب]

معك حق اختي ياليت يفيدونا اللي حجوا من قبل

لاني بأذن الله بحج هالسنه وشريت اغراض بس مدري يمكن اكون ناسيه شي

اللي شريته

1\جلابيات من غير تطريز والوانها غامغه

2\شرابات سود

3\شنطه كبيره احط فيها اشياء بسطيه لما اروح من منى لمزدلفه

4\عبايه اسلاميه

5\شيله يعني طرحه قطن>>> عشان مااموت من الحر

6\نقاب اسلامي

7\ملابس داخليه

8\مشط وشوية ربطات للشعر

9\الله يكرمكم نعال طبيه لسهولة المشي

10\سجادة صلاه مع المصلى >> غطاء الصلاه

11\شاحن جوال

12\ مصحف + حصن المسلم

تكفون اذا انا نسيت شي ذكروني عشان ماانساه

[الأسطــــــورة]

والله حتى انا إن شاء الله بأحج

تكفووووون لاتبخلون علينا

[أنحــــــــف دبـــــــــا]

الله يتقبل منا ومنكم

لازم تاخذي عبايتين

وغطاء الوجه أثنين لان( الحاجة ) ماتلبس نقاب وهي محرمة

نقابين تلبسيها بعد ماتحلين إحرامك

ملابس داخلية نص لعدم إحتكاك الفخذين

كريم غير معطر/ وصابون غير معطر

بنادول وفيتامين c

بيجامة داخلية لأنو راح يكون الجو باااااارد

ملابس بعدد إيام الحج لانك ماراح تغسلي حاجه هناك تكون قطن / ولباس حلو للعيد


شنطه قماش لجمع الملابس الوسخانة

كتب تذكرك باحكام الحج

يالله ذكرونا ياإخوات

[تهووووني]

اختى الغالية في الحج ماتلبسي عبايه اسلاميه انت قصدك المسكرة من قدام انتبهي تلبسيه البسي اسلاميه مفتوحة لانه خطر عليك

[تهووووني]

وانا إن شاءالله ابحج هالسنة فرضي والله يسر الامور والله ماستعديت ولافي شىء غير التطعيم فقط

[دلع الشمال]

وأنا أن شاالله راح أحج هالسنه

أتمنى من الأخوات اللي سبق لهم الحج لايحرمونا من نصايحهم...

[أنحــــــــف دبـــــــــا]

ونسيت لا أقول لكم

اسألي الحملة اللي راح تحجي معاها

هل هناك مكان خااااااااااااااااص لتبديل الملابس ؟ يعني لتغيير الملابس

لأنو صعب تبدليها في دورات المياه راح تتوسخ

أرجو إني أفدتكم

[عصير توت]

إضافة للي ذكروه الأخوات
راح تحتاجين:_


-حذاء رياضي + شراريب (مع مراعاة أن يكون مرييييح للتنقل بين المناسك وما يكون خيوط (رباطات) )
- نعال عادية تكرمون (هذي اللي تطلعين فيها حوش بيتكم) عشان التنقل البسيط من الخيمة للحمام
- قد تحتاجين إلى قناع الوجه (حق الممرضات) بس مو شرط إنك تحتاجينه حسب الظروف
- شوية شوكولاته لشحن الطاقة (فيه ناس مثلي ما يستغنون عنها ) وتنفع بالأزمات
- أكياس فاضية (شوي مو تكثرين) عشان الملابس المستعملة.
- حلاوة مص لآلام الحلق
- مرهم لآلام العضلات
- كريم للاحتكاك بين الأفخاذ (كيناكومب) قد تحتاجين إليه
- الجل المعقم (تلقينه في السوبر ماركت) يغني عن الماء والصابون بس تمسحين فيه يدك وهو ينشف (بس احرصي تاخذين الشفاف اللي بدون ريحة معطرة)
- فرشاة ومعجون
- كتيبات ومطويات (للتوزيع على الحاجات في الحملة)
- 2 بطانيات اللي تجيك الخفيفة يبيعونها في السوبر ماركت (هذي بتنفعك في عرفة ومزدلفة وحده تحتك ووحده فوقك وبعد تنفعك لو كنتي من النوع الموسوس اللي ما يشتهي ينام إلا على أغراضه الشخصية)
- شنطة البطن اللي تنربط حول الخصر أو اللي تجي مثل حزام الأمان تنحط على كتف وتكون الشنطة على الخصر من جهة الكتف الثاني (أتمنى أكون أعرف أفهم) (هذي بيكون فيها جوالك + مناديل + المعقم + بندول + فلوس)
لأنك ما راح تكونين فاضية تشيلين شنطة يد
- جلابية بس تكون أحلى شوي من اللي كل يوم + شوية مكياج واكسسوار للعيد ورغم إنه عيد لكن فيه مناسك يعني لا تكشخين ببدلة :)


وراح أعطيكم شوية أفكار:_
- بالنسبة للملابس خذيها جديدة (أرواب البيت العادية القطنية اللي نلبسها) ومو لازم تكون غامقة فتصير لما تحطينها بالشنطة ما تاخذ مكان
- ما له داعي عبايتين (وحده تكفي) وشوفي اللي ترتاحين عليه كتف أو راس بس الشيلة تكون قطن ويكون معاك غطاء ونقاب.
- فيتامين سي الفوار تاخذين منه كل يوم حبة في نص كاسة موية
- لا تنسين تحطين قبل ما تسافرين هدية العيد لأمك أو زوجك وأطفالك مع بطاقة معايدة لأنك ما راح تكونين موجوده بالعيد


ولي عوده إن شاء الله وأي سؤال حااااااااااااااااااااااضرة لكم :)

نسيت أقول لكم ان الملابس تكون صيفية وخذي معاك جاكيت + شال الشتاء + البطانيتين اللي قلت لكم عنهم
لأنه في الغالب الجو حار لكن تجيه بعض البرودة

ونسيت أقول لكم ادعوا لي بالحج :)

[أنحــــــــف دبـــــــــا]

يعطيك العافية ماقصرتي

الله يسهل ع المسلمين أجمعين

واللي يطل لا يطلع

يحط فايدة

ماله الا الدعاء

وعلى الحجاج الدعاء لنا جميعآ

لاتنسووووووووووووووووون

[درةالجنوب]

الله ييسر لكن الحج وفيما قالت الاخوات فيه الكفايه
وانت ياتهوووني الله ييسر لك حج هذا العام بس العبايه المسكره من الامام استر وراحه من المسك لاتطير قد حجيت بها مرتين والحمدلله ارتحت فيها جدا يااااااااااااارب يسر لنا حج هذا العام قلن آآآآآآآآآآآآآآآمين

[ntsaa]

اختى الغالية في الحج ماتلبسي عبايه اسلاميه انت قصدك المسكرة من قدام انتبهي تلبسيه البسي اسلاميه مفتوحة لانه خطر عليك
ليه خطر؟؟ علشان ماتطيح يعني؟؟ انا ناويه احج وآخذ عبايه مفتوحة وعباية مسكرة!! شكلي ببطل من العبايه المقفوله يا روح ما بعدك روح

[عصير توت]

نسيت علبة المناديل
مقص عشان تتحللين
كتيب الحج عشان تعرفين المناسك عدل


دفتر اكتبي فيه كل الأدعية اللي في بالك لأنه مع يوم عرفة ورهبة الموقف والطواف والسعي يكون ودك تدعين لكن تنسين الأدعية فمن الآن اكتبي كل الأدعية اللي تبينها واعصري مخك واكتبي كل اللي تبين من خيري الدنيا والآخرة
واكتبي أسماء اللي وصوك تدعين لهم (ولا تنسيني)

ولا تنسين استغلال الوقت بالذكر والدعاء والاستغفار (خلي عنك السوالف) وأذكار بعد الصلاة والتسبيح

والله يتقبل منكم ولا يحرمنا الأجر

[MUSK1]

جزاكم الله خير والله يتقبل منا جميعا

[العبرة الحائرة]

جزاكم الله خير
والله ماقصرتو
الله يسهلنا الحج وان شاء الله ماانساكم من الدعاء

[الجمال المحافظ]

ماشاء الله البنات ماقصروا.....الله يسهل للمسلمين حج هذا العام ويتقبل منا ومنهم......

[أنحــــــــف دبـــــــــا]

علشـان مـاتنسيــن اللــي أوصــوك بالدعـــــــــــاء

إذا دعيتـي لنفسـكـ قولــي((( ولمــن أوصـانــي بالدعـــاء )))

وبكـذا تدعيـــن لمــن أوصــاكـ ولاتنسيهــــم

وطبعـــــــــآ للمسلميـــــن والمسلمـــــــــــات

اللــــــــــه يتقبـــل مـن الجميــــع صـالــــح الأعمــــــال

آآآآآآآآآآآآآآآميـيييييـــــــــــــــــــــــــــ ــــــــن

["صمـت"]

ماشاء الله تبارك الله كفيتوا و وفيتوا بس في شئ مستغربة منه ..

ليه العباية المقفلة خطر انا ناوية ان شاء الله احج فيها !! لان ما اعرف للعباية المفتوحة هع

والشئ الثاني اللي تقول اشترت النقاب

اليوم سمعت الشيخ في برنامج الجواب الكافي ..

ان النقاب محرم لبسة في الحج وفي بعض الناس يلبسوا نقاب ويحطوا فوقه طبقة ويقولوا مو نقاب هذا ايضا حرام .. للفائجة ذكرتها ..

ويارب يسرلي الحـــــــــــج ..

[شجون الموج]

ماشااااااااااءالله تبارك الله البنات ماقصرو
والله يتقبل منكم يارررررررررب
انوري المقفله قصدهم عشان زحمه مايدعسونها من ورى ويخنقك
خلي عباتك لي فيها طق طق تكون سهله الفتح
لا تنسين لبس العيد ومناديل عشان الله يعزكم للحمام
احسن شي مناديل السفره البيضاء لي تجي مربعات يكون مرتب
واذا تذكرت برجع لكم والله ذكرتوني بحجتي العااااااااام يازينها زينااااااااه

["صمـت"]

اها شجونتي توني افهم الله يجزاك الجنة ..

المشكلة كيف اروح السوق انا ماعندي الا العباية النقفلة خخخخخخ والسوق الحين كلهم حجاج الله يعين مالي الا العباية المقفلة بس بحاول ان شاء الله اجيبلي عباية بطقطق

ومشكورين يا حلوين :)

[تهووووني]

العباية المسكرة أذا احدوطاها من الخلف تختنقك والكل يقوله

[شيرين حسن محمد]

الله لا يحرمنى منكم وانا فعلا استفيد من كل نصائحكم واعمل بها وانتظر المزيد

[الرايه سعوديه]

الله لا يحرمنى منكم وانا فعلا استفيد من كل نصائحكم واعمل بها وانتظر المزيد

[قلبي فداك]

مشكوووورين ويا بخت من بتحج هذا العام

انا كنت ناويه احج لكن بنتي عمرها 10 شهور وترضع من صدري واخاف اخليها عند اهلي بعدين تعذبهم بالبكاء واخاف صدري يوجعني في الحج علشان كذا استخرت مرتين واجلتها خلاص بأذن الله السنه الجايه

قولوا امين
يارب يسر لنا الحج ...