المساعد الشخصي الرقمي

مشاهدة النسخة كاملة : برنامج السويشswish v2.1 البرنامج


روائع
04-03-2005, 04:37 PM
السلام عليكم ورحمة الله وبركاته


بعد عناء البحث والتجارب (فوق الـ 6 مرات أحذف وأنزل برنامج السويش من جديد عشان تجيني المشكلة اللي تصادفكم مع بس للأسف ما واجهتني http://www.raash.com/images/smiles/zombie.gif هههههه

فقمت ببعض التحريات إلى أن وجدت هذه الحلول اللي ان شاء الله تجيب نتيجة ويتركب معكم ونشوف إبداعاتكم (لو نجحت الطريقة ياويلكم لو ماشفت مشاركاتكم .. طلعت عيني وأنا أدور الحل :cool:





أترككم مع الحلول .. كاتب الموضوع الأخ (اوبل) جزاه الله كل خير


°ˆ~*¤®§(*§*)§®¤*~ˆ°............................... .........°ˆ~*¤®§(*§*)§®¤*~ˆ°


كثرت في الاونه الاخيره طلبات عديده جدا من اكثر الاعضاء بخصوص السويش وانه لايعمل http://www.raash.com/images/smiles/zombie.gif
http://www.raash.com/images/smiles/zombie.gif
في واقع الامر ان ناقص ملف مهم جدا وهو ملف lame_enc.dll

غير مسموح بروابط وطرق تفعيل البرامج

طريقة التركيب وركزوا معي تراها سهله جدااااااا بس محتاجه شوية تركيب :

اول شي نسويه نروح وناحذ ملف lame_enc.dll ونضعه في المجلد التالي :
C:\WINDOWS\system

ملاحظه : بعد ماتحمل ملف lame_enc.dll المضغوط بتحصل داخله ملفين ملف اسمه readme وهذا اتركه وانا سويته لحقوق الطبع هع هع والملف الثاني اسمه lame_enc.dll وهو الملف اللي نحتاجه واللي لازم تنقله لمجلد : C:\WINDOWS\system )


الحين بعد مانخلص من الخطوه الاولى نروح وناخذ ونضعه في مجلد برنامج السويش على المسار التالي : C:\Program Files\SWiSH v2.01

بعد ماننقل نفتحه وبتلاحظ بعدها ان البرنامج شغال زي الحلاااااااااااوه



ملاحظه ومعلومه على الطاير للمبتدئين :
انا لما اقول المسار التالي : C:\Program Files\SWiSH v2.01 معناها كالتالي
1- تروح للقرص الصلب c
2- تروح للمجلد Program Files
3- تروح للمجلد SWiSH v2.01

°ˆ~*¤®§(*§*)§®¤*~ˆ°............................... .........°ˆ~*¤®§(*§*)§®¤*~ˆ°


جربوا الطريقة ان شاء الله تضبط معاكم ..
أمنياتي القلبية لكم بالتوفيق ....
روائع
04-03-2005, 04:48 PM
معلومة أخواتي قبل لا تجربوا الطريقة ..

أبغاكم تحذفوا البرنامج وكل شي يخص البرنامج ,,
وبعدين حملوا البرنامج والملف الناقص من هنا
عشان ماتصادفكم مشاكل إن شاء الله.
ضي
05-03-2005, 01:11 AM
يعطيك العافيه رورو وما قصرتي

ويا رب البنات يستفيدوا

:)
روائع
06-03-2005, 11:37 PM
تسلميين ضيووونة
الشهد
07-03-2005, 11:45 AM
نقل طيب

جزى الله صاحب الحل خير الجزاء
الآء
07-03-2005, 02:42 PM
:eek::eek::eek::eek:

زي ما قال اوبل اشتغل زي الحلاوة...













أخيرا بعد طول عناء قرر السويش يشتغل
sm22:sm22:

شكرا رورو بجد ما عرف كيف أشكرك
روائع
07-03-2005, 05:14 PM
جزى الله صاحب الحل خير الجزاء
آمين يارب.




أخيرا بعد طول عناء قرر السويش يشتغل
شكرا رورو بجد ما عرف كيف أشكرك
طمنتيني آلاء .. كنت محتاجة احد يجرب ويرد لي خبر لأني ماقدرت أجربه (بالأصح ماواجهتني المشكلة)
الحمدلله ياربي..
عقبال حبيبة السعودية وباقي البنات يضبط معاهم..

يالله آلاء خلينا نشوف إبداعك..
angel soul
06-04-2005, 08:57 AM
تسلمين الغالية عالموضوع

جزاج الله خير

دومتي بود
روائع
07-04-2005, 04:17 AM
حياك الله روح الملاك / أو ملاك الروح ,,,
أم يااااسر
11-04-2005, 01:11 PM
السلالالالالالالام عليكم
وربي حاااسه بقهر لانه موضابط معاي مو
عارفه ليش بيصير معاي هالشكل
لا فوتوشوب ضابط ولا اسويتش
موراضيه تشتغل معاااي ابدا
بليز مشرفتنا الغاليه ممكن تساعديني
في بالي اشيااااء اكتير ابي اسويها
بس كلها تعتمد على هالبرنااامج
لكي مني كل تحية وتقدير
روائع
11-04-2005, 04:06 PM
وعليك السلام ورحمة الله

هلا أم ياسر
طيب ماقلتي فين المشكلة!
نزلتي البرنامج والا لا؟
إذا تقصدي الروابط فهي شغالة 100%
ام انس1
29-04-2005, 10:18 PM
كيفية تنزيل برنامج السويش swish v2.1 ا ((((((((((((( الداعم للعربيه )))))))))))) مع الكراك


سؤال؟؟؟؟؟؟؟؟؟؟؟؟؟؟؟؟؟


هل باللغة العربيه ؟؟؟؟

لا حظت انه هناك اختلاف في الكراك ( 1 -2 ) لماذا؟؟؟؟؟؟؟؟

ايهما افضل
روائع
01-05-2005, 03:12 AM
كلمة (داعم للعربية) تعني انه يقبل الكتابة فيه بالعربي

انتي تقصدي انه البرنامج نفسه عربي يعني القوائم كلها عربية صح؟
هذا يحتاج برامج تعريب .. واظنه موجود ..



واختلاف الكراكات لأن كل نسخة وكل اصدار له كراكه اللي يمشي معه
ام انس1
02-05-2005, 10:28 PM
والله له تعريب ؟؟؟؟؟؟؟؟؟؟؟


اللحقوني فيه !!!!!!!!!!!!!!!!

جزاك الله خير

ابله روائع يارب ينفع بك المسلمين
روائع
03-05-2005, 04:09 AM
تفضلي التعريب مع اني ما انصحك فيه
الا اذا حبيتي تعرفي القوائم والاوامر الموجودة فيه

ولانك راح تواجهي صعوبة في تطبيقك على الدروس لأنها بتكون مشروحة بالانجليزي


تعريب السويش v.2 (http://www.swishe.org/Download/swisharab.zip)

تعريب السويش ماكس (http://www.swishe.com/Download/SwishMax_AR.zip)
أسرار
10-05-2005, 12:10 AM
السلام عليكم ..
مشكورة اختي ..
وجزاكِ الله خير ..
مراحب
14-05-2005, 09:18 PM
أشتغل معي ,,,,,,,,,احلا من الحلاوة ,,,,,,,,,,,,,يعطيك العافية اختي روروو( روائع )

الله يجعله في موازين حسناتك ,,,,,,,ويسعدك في الدنيا والأخرة,,,,,,,,,,دائما ررررائعة ,,,,,يحفظك ربي

اتنظروووووو محاولاتي ,,,,,,,تحلو بالصبر عاد
روائع
15-05-2005, 02:03 AM
فرحتيني مرااحب
بانتظار ابداعك ياعسل
وترى بنبدأ من جديد فخليكي معنا
لمــــار
08-06-2005, 08:20 PM
مشكوره والله روري على البرنامج والكرك ..

بس عندي سؤال .. انا عندي بجهازي سويش v2.0 شو الفرق بينه وبين سويش v2.1 ؟؟

يعني يستاهل احمل الجديد .. او لأ ..

وربي يعطيك العافيه ..
روائع
09-06-2005, 04:46 AM
يا هلا لماار
هذي النسخة اللي بعدها .. وتقريبا كل اللي فيه مثل اللي قبله
لأني لما نزلته ما حسيت فرق .. الماكس هو اللي يختلف عنهم شوي..
اخت راحل
10-06-2005, 05:03 PM
مساء الخير بنات
انا حملته في البدايه ضبط معي فرحت كثير بس لم سكرت الجهاز وفتحته من جديد اشغله مو راضي تطلع نافذه تقول اكتب sity kisyمكتوب فوقهcode nameوحذفته والحين احمله مره ثانيه والله يعين بس وش اسوي لوتطلع نافذه مره ثانيه
اختكم اخت راحل
ام يوسف2005
12-06-2005, 12:13 AM
يعني لازم انزل البرنامج علشان الدروس
DSL مقطوع عندي ولو بنزله عن طريق ايزي نت ولا بعد يومين يتحمل
اقدر اشتريه من المكتبات ؟
جاوبوني بسرعه اختكم جديده على هالشغلات بس والله ابي اتعلم بجد
روائع
12-06-2005, 06:54 AM
أختي بنت راحل
انتظري بفتح لكم موضوع واحط لكم طريقة التحميل والتثبيت عشان نكون ماشيين مع بعض
لاتخافين بينزل عندك ان شاء الله تمام.


أم يوسف .. تقدري تشتريه على سي دي وتثبتيه
أو تخلي صاحب المحل ينزله لك على جهازك ..
واذا ماقدرتي فيه برنامج لتجزيء التحميل بيساعدك كثير
ام يوسف2005
12-06-2005, 11:36 AM
مشكوره روائع يعطيك العافيه
اليازيه الأماراتيه
15-06-2005, 11:24 AM
انا يا روائع يا اختي ظهر عندي movie1-swish 2.01 صح هالشي؟؟؟؟؟؟؟؟؟؟
تراني خااااااااام فالسالفه... يعني هذا هو السويتش؟؟؟ انزين شو الكراك؟؟؟ هو نفسه بعد؟؟؟
يوم سويت نفس الطريقه اللي قلتيلنا عليها بالظبط طلع عندي برنامج اسمه crack swish2.1 صحححححححح؟؟؟؟؟؟؟

بس يا روائع انا ماعرف ابد اشغل هالبرامج نهائي نهائي تعتقدين راح اتعلم..؟؟
انزين شو بالنسبه للفوتوشوب ؟؟؟ ماعندي هالبرنامج ابدا وما اعرف اشتغل عليه ونفسي اتعلم .. فاذا ماكنت اعرف الفوتوشوب
كيف بعرق السويش والكراك؟؟؟

ارجو اجابتك اختي.
اليازيه الأماراتيه
15-06-2005, 11:25 AM
انا يا روائع يا اختي ظهر عندي movie1-swish 2.01 صح هالشي؟؟؟؟؟؟؟؟؟؟
تراني خااااااااام فالسالفه... يعني هذا هو السويتش؟؟؟ انزين شو الكراك؟؟؟ هو نفسه بعد؟؟؟
يوم سويت نفس الطريقه اللي قلتيلنا عليها بالظبط طلع عندي برنامج اسمه crack swish2.1 صحححححححح؟؟؟؟؟؟؟

بس يا روائع انا ماعرف ابد اشغل هالبرامج نهائي نهائي تعتقدين راح اتعلم..؟؟
انزين شو بالنسبه للفوتوشوب ؟؟؟ ماعندي هالبرنامج ابدا وما اعرف اشتغل عليه ونفسي اتعلم .. فاذا ماكنت اعرف الفوتوشوب
كيف بعرق السويش والكراك؟؟؟

ارجو اجابتك اختي.
روائع
15-06-2005, 12:59 PM
اسمه كذاmovie1-swish 2.01 ؟؟
طيب تقدري تصوري لي شكله عشان أشوفه؟
عشان تصوريه (افتحي البرنامج واضغطي برنت سكرين من لوح المفاتيح وروحي الرسام واعملي لصق واحفظي الصورة .. بعدين حمليها لي هنا)

وياريت يالغالية نكمل على هذا الرابط لأنه مخصص لاستفساراتكم
http://www.hawahome.com/vb/showthread.php?t=23642