**السوري**
17-02-2009, 07:16 PM
أخليكم مع معآنآتهـ ...
×××××××
ياعـــــالم والله راحت حياتي أوراق صغيرة .. جيوبي مليانة ..
كل ظهرية و بعد صلاة العشاء طيب يا زوجتي العزيزة فيه شيء اسمه دمج ..
رئاسة تعليم البنات بكبرها دمجوها مع تعليم الاولاد ..
ماتدمجين أنتِ ورقة مقاضي الظهر مع ورقة مقاضي الليل و نفتك من هالقلق اليومي .. المشكلة وشي ؟
المشكلة إني أقرأ طلبات ما لها داع بس مجبور أجيبها :
عيش / طماطم/بقسماط/ برغل /
و آخرتها ما نلقى على السفرة إلا كبسة و إن سوينا نفوسنا متطورين حطينا فجل !
طيب هالبقسماط و الصولجان و بقية الأسامي الصعبة لمن؟
طبعاً لأخواتك إذا جاؤوا يوم الربوع و أنا ياغافل لك الله !
طقني الجوع مع أبو بندر و أبواحمد وابو مالك أرسلنا واحد يجيب لنا بروستد و تهاوشنا على الثوم
و المدام مع أخواتها يتنعمون من خيري و من تعبي و مطامري في البقالة مع ورقة المقاضي !
مرة سويت فيها ذكي ، و بعد ما قضيت لزوجتي يوم الربوع قلت بروح للشباب ..
و أطب على المدام بدري و أحصل أخواتها عندها و توهم حاطين العشاء ... و تصير الكـــارثة !
أخيرا شفت ورقة المقاضي صدق .. لقيتهم حاطين سفرة بدايتها في المقلط و نهايتها عند باب الشارع
إلى درجة أنهن حاطين سيكل جنب السفرة علشان إذا واحدة بغت صحن من طرف السفرة يمديها تجيبه ..
المشكله إن زوجتي تعاملني على أني مدبر، و عندي خبرة ، و أنا و الله ما أفرق بين البقدونس و الكزبرة !!
مرة كتبت في الورقة كيلو كنافة كذابة ( والله ضحكت وش ذا الكنافة الكذابه ؟ )أنا أعرف الصادقة يوم أعرف الكذابة ؟
وأروح البقالة ما لقيتها !اتصلت بصديق قال : رح لمحل حلويات .. و أروح وأنسى اسمها واقول لراعي المحل :
عطني كنافة نصابة ناظرني باحتقار وأعطاني أشكل بدل ما يعطيني كنافة ..
في الأخير رحت عنده و قلت يا أخي معليش أنا نسيت اسمها بس إنها كنافة ما هيب مضبوطة يعني كنافة كافرة وبتروح النار. ضحك قال : قصدك كنافة كذابة ؟
قلت : إيـــــــه هي أبي منها كيلو .. زحمة و كنافة كذابة و آخرتها قطعة خبزلاعبين علينا و حاطين عليها شيرة
و كله كوم و يوم أخذت بنتي في المدرسة طريقة عمل المكرونة بالبشاميل ،
سرى يومنا ما غير نأكلها إلى درجةأن أضفتها في دفتر العائلة لأنها صارت جزء من العائلة و واحدة منا .
الله يرحم الوالدة .. ورقة المقاضي حقتها ما تتغير علشان كذا ما رميتها وأنا حاطها في المفضلة لأنها هي نفس الطلبات
كل يوم بصل/ طماطم/ رز/دجاج/خبز/ و إذا بغت تسوي نفسها متطوره
استبدلت البصل بثوم و إذا ملينا و بغت تجدد فيها حطت الرز قبل البصل و الخبز قبل الطماطم رحمة الله عليها
و الله إني عشت عمري كله و أنا نفسي آكل شيء جديد و خاصةً ذا اللي يقولون عنه أومليت
إلى درجة إني سكنت في فندق مرة علشان لقيت في القائمة أومليت ما دريت إنه بيض ..
المشكلة ما عندهم رحمة .. درجة الحرارة في عز الصيف ألف و أنت تطامر من محل إلى محل و معك ورقة المقاضي لو تجيب بنده والرايه كلها و تنسى شيء بسيط قامت القيامة ،
و لازم ترجع و أنت أصلاً شرير و لا عمرنا شفنا منك شيء يا بخيــــــــل ..
و يا عيني علىاستخدام التقنية ..ورقة المقاضي صارت من العصر الحجري الحين تجيك المقاضي مسج على الجوال
و الله إني أبغى أصيح إذا قريت رسايل جوالي و رسايل جوال أخوياي العزوبية ..
كل رسايلهم ( عندما تشرق شمس يوم جديد أذكرك .. ) ( كفاني أن جنح الليل يغشاني و يغشاك .. )
و أ نا تعال شف رسايلي ( حليب سريلاك .. ) ( ارجع بدري نبي موية ) ( و أنت جاي جب أعواد اسنا ن ) أعواد أسنان في نص الليل الله من الأعذار بس !
و ما قطع قلبي و نكد علي حياتي إلا إذا طلبوا تسالي .. تجيب برنقلز قالوا نبي جحا ..
تجيب بنكهة الكاتشب قالوا نبي بالخل و الليمون ..تجيب رقاق الوردة قالوا نبي رقاق غوار .. تجيب صلصة قالوا نبي ماجي ..
بس خل عنك و الله صار عندي خبرة و لا خبرة رابحة وأنا و الله من أول كنت أحسب البندورة هي البطاطس
مناسبة هالموضوع إني رحت بعد صلاة الجمعة و معي كالعاده رفيقة دربي ورقة المقاضي طولها حوالي 7.12 متر
و يوم دخلت بنده و ألقى زحمة و أنا اللي تصعب علي نفسي و أتمرد و أشق ورقة المقاضي و أرسل للمدام رسالة أقول لها إني تمردت و قطعت الورقة ...
جزاها الله خيرا تفهمت الموضوع بشكل حضاري
××××××
ههههههههههههههههههه ينرحــــــــــــــمـ
يالله بشوف تعليقآتكمــ ...
سبحآن الله وبحمده .. سبحآن الله العظيمـ
×××××××
ياعـــــالم والله راحت حياتي أوراق صغيرة .. جيوبي مليانة ..
كل ظهرية و بعد صلاة العشاء طيب يا زوجتي العزيزة فيه شيء اسمه دمج ..
رئاسة تعليم البنات بكبرها دمجوها مع تعليم الاولاد ..
ماتدمجين أنتِ ورقة مقاضي الظهر مع ورقة مقاضي الليل و نفتك من هالقلق اليومي .. المشكلة وشي ؟
المشكلة إني أقرأ طلبات ما لها داع بس مجبور أجيبها :
عيش / طماطم/بقسماط/ برغل /
و آخرتها ما نلقى على السفرة إلا كبسة و إن سوينا نفوسنا متطورين حطينا فجل !
طيب هالبقسماط و الصولجان و بقية الأسامي الصعبة لمن؟
طبعاً لأخواتك إذا جاؤوا يوم الربوع و أنا ياغافل لك الله !
طقني الجوع مع أبو بندر و أبواحمد وابو مالك أرسلنا واحد يجيب لنا بروستد و تهاوشنا على الثوم
و المدام مع أخواتها يتنعمون من خيري و من تعبي و مطامري في البقالة مع ورقة المقاضي !
مرة سويت فيها ذكي ، و بعد ما قضيت لزوجتي يوم الربوع قلت بروح للشباب ..
و أطب على المدام بدري و أحصل أخواتها عندها و توهم حاطين العشاء ... و تصير الكـــارثة !
أخيرا شفت ورقة المقاضي صدق .. لقيتهم حاطين سفرة بدايتها في المقلط و نهايتها عند باب الشارع
إلى درجة أنهن حاطين سيكل جنب السفرة علشان إذا واحدة بغت صحن من طرف السفرة يمديها تجيبه ..
المشكله إن زوجتي تعاملني على أني مدبر، و عندي خبرة ، و أنا و الله ما أفرق بين البقدونس و الكزبرة !!
مرة كتبت في الورقة كيلو كنافة كذابة ( والله ضحكت وش ذا الكنافة الكذابه ؟ )أنا أعرف الصادقة يوم أعرف الكذابة ؟
وأروح البقالة ما لقيتها !اتصلت بصديق قال : رح لمحل حلويات .. و أروح وأنسى اسمها واقول لراعي المحل :
عطني كنافة نصابة ناظرني باحتقار وأعطاني أشكل بدل ما يعطيني كنافة ..
في الأخير رحت عنده و قلت يا أخي معليش أنا نسيت اسمها بس إنها كنافة ما هيب مضبوطة يعني كنافة كافرة وبتروح النار. ضحك قال : قصدك كنافة كذابة ؟
قلت : إيـــــــه هي أبي منها كيلو .. زحمة و كنافة كذابة و آخرتها قطعة خبزلاعبين علينا و حاطين عليها شيرة
و كله كوم و يوم أخذت بنتي في المدرسة طريقة عمل المكرونة بالبشاميل ،
سرى يومنا ما غير نأكلها إلى درجةأن أضفتها في دفتر العائلة لأنها صارت جزء من العائلة و واحدة منا .
الله يرحم الوالدة .. ورقة المقاضي حقتها ما تتغير علشان كذا ما رميتها وأنا حاطها في المفضلة لأنها هي نفس الطلبات
كل يوم بصل/ طماطم/ رز/دجاج/خبز/ و إذا بغت تسوي نفسها متطوره
استبدلت البصل بثوم و إذا ملينا و بغت تجدد فيها حطت الرز قبل البصل و الخبز قبل الطماطم رحمة الله عليها
و الله إني عشت عمري كله و أنا نفسي آكل شيء جديد و خاصةً ذا اللي يقولون عنه أومليت
إلى درجة إني سكنت في فندق مرة علشان لقيت في القائمة أومليت ما دريت إنه بيض ..
المشكلة ما عندهم رحمة .. درجة الحرارة في عز الصيف ألف و أنت تطامر من محل إلى محل و معك ورقة المقاضي لو تجيب بنده والرايه كلها و تنسى شيء بسيط قامت القيامة ،
و لازم ترجع و أنت أصلاً شرير و لا عمرنا شفنا منك شيء يا بخيــــــــل ..
و يا عيني علىاستخدام التقنية ..ورقة المقاضي صارت من العصر الحجري الحين تجيك المقاضي مسج على الجوال
و الله إني أبغى أصيح إذا قريت رسايل جوالي و رسايل جوال أخوياي العزوبية ..
كل رسايلهم ( عندما تشرق شمس يوم جديد أذكرك .. ) ( كفاني أن جنح الليل يغشاني و يغشاك .. )
و أ نا تعال شف رسايلي ( حليب سريلاك .. ) ( ارجع بدري نبي موية ) ( و أنت جاي جب أعواد اسنا ن ) أعواد أسنان في نص الليل الله من الأعذار بس !
و ما قطع قلبي و نكد علي حياتي إلا إذا طلبوا تسالي .. تجيب برنقلز قالوا نبي جحا ..
تجيب بنكهة الكاتشب قالوا نبي بالخل و الليمون ..تجيب رقاق الوردة قالوا نبي رقاق غوار .. تجيب صلصة قالوا نبي ماجي ..
بس خل عنك و الله صار عندي خبرة و لا خبرة رابحة وأنا و الله من أول كنت أحسب البندورة هي البطاطس
مناسبة هالموضوع إني رحت بعد صلاة الجمعة و معي كالعاده رفيقة دربي ورقة المقاضي طولها حوالي 7.12 متر
و يوم دخلت بنده و ألقى زحمة و أنا اللي تصعب علي نفسي و أتمرد و أشق ورقة المقاضي و أرسل للمدام رسالة أقول لها إني تمردت و قطعت الورقة ...
جزاها الله خيرا تفهمت الموضوع بشكل حضاري
××××××
ههههههههههههههههههه ينرحــــــــــــــمـ
يالله بشوف تعليقآتكمــ ...
سبحآن الله وبحمده .. سبحآن الله العظيمـ