دعوة للنقاش $@$ طـــــــلاء الحـــــــائط $$

[*خلود*]

موضوعنا الجديد حول طلاء الحائط

هل تفضلين الطلاء الموحد لجميع غرف المنزل أم تخصيص ألوان معينة لكل غرفة أو صالون ....وكذلك رأيكن في التعتيق ماهي أفضل الألوان والمقترحات حول ذلك ...

بانتظاركن ...وشكرا

[قلب محب]

موضوع رائع
بالنسبه لموضوعك الاول انا افضل السيراميك بس لا غنى عن السجاد خاصه في غرف النوم
اما بالنسبه للطلاء فافضل كل غرفه تكون بلون مغاير عن الاخرى
لان اللون اذا كان موحد ما راح تحسي بتغيير في البيت فالصالون مثل غرفه الجلوس ........الخ اما ان كانت الالوان مختلفه
فهذا يعطينا انطباع بالتجديد

[الشهد]

وييييييين البنات؟؟

بالنسبة لرأيي :

انا اشوف التعتيق خطييييييييير وخاصة انهم كل يوم ولتاني يطلعوا لنا اشكال رهيبة

واشوف البني في التعتيق رهيب ولكن الالوان الاخرى كمان بتكون جميلة خاصة لو كان في تناسق في الالوان مع الموكيت والاثاث

وبالنسبة لتوحيد اللون او عدمه

التغيير حلو لكن بيكون مشكلة لو حبينا نغير الاثاث او ننقل الغرف راح نواجه مشكلة كيف نحلها مدري هههههههه مافي الا تغيير لون الحائط او لون الاثاث وكلهم مكلفين

لذلك ممكن ان يتم تغيير الوان بعض الغرف فقط حتى ما نوقع في مثل هذا الحرج وباقي الغرف تكون بلون واحد محايد يمشي مع اي لون في الغرفة


اتمنى اني قدرت اوفي الموضوع نقاشه

واتمنى نشوف اراء الاخوات حتى نستفيد اكثر خاصةلو كانت مدعومة بالتجارب :)

[*خلود*]

قلب محب يعطيك العافية على تواجدك وإبداء رأييك ....مشكورة

الشهد ...تسلمين ياالغالية
((واشوف البني في التعتيق رهيب ولكن الالوان الاخرى كمان بتكون جميلة خاصة لو كان في تناسق في الالوان مع الموكيت والاثاث))
مع إني إلى الآن مادخل مزاجي التعتيق لأنه في منازل كثيرة صابغين تعتيق لمجرد انه موضة دارجة دون مراعاة لتناسق الألوان والديكور المحيط ....لكن أحيانا ارى درجات البني والبيج مع أثاث مناسب ويكون اللون ملفت للنظر ومريح.

تعدد الألوان في الغرف مشكلة وكذلك الأستمرار على لون واحد ممل وخاصة لو كان أبيض ...
وفي رأيي إنه اللون البيج أو السكري لون جميل جدا ومحايد يناسب ويتماشى مع كثير من الأثاث خاصة مع استخدام الإضاءة المناسبة وأفضل يكون في المجالس وغرف الأستقبال ...أما غرف النوم فيمكن أن يختار الشخص اللون الذي يحبه ولكن يفضل أن يكون على أفتح درجة حتى لا يعطي شعور بالقتامة .

[المودة]

السلام عليكم ورحمة الله..
يابنات ............تصدقون كبستوا على الوتر الحساس عندي..............
لأني أبغىأجددقسم غرف النوم عندي في الدور الثاني وما مشي معايا الحال...لأني كلمت زوجي وقال طيب بنسوي تعتيق لغرف الأولاد والبنات.....................بس اللي حصل انه غالي شوي وأحنا مانقدر ذحين على المبلغ المطلوب لأنه مضغوطه الفلوس شوي.....
بس بعد ثلاثة شهور أنشاء الله راح أسوي تعتيق للدور الثاني..........ولاتنسوني من دعواتكم لأني بصراحه أول مرررررررره أسوي معتق لغرف الأطفال من رسومات وخرابيط أنا مصممتهاوخايفه ماتزبط؟؟؟؟؟؟؟؟؟
المهم أنا معاكم انوا التعتيق مره حلوووووووو وخطير والأحلى انه كل قسم في المنزل يكون بلون غير .............يعطيك أحساس باالمرح والبهجه........ بالذات أذاكان عندك أطفال يحبون هذه الأجواء الفرحيه والألون الفاتحه مثل الليموني والزهر والأورنج والتركواز
.........معليش ماني معاكم في الألوان الكاتمه مثل البني ألا يكون في المجالس الرسميه مثلا مجلس للرجال أو اللون الزيتي يوحي بالهدوء والفخامه ورسمي على حسب علمي........
طولت عليكم بالهرج يابنات ...........معليش سااامحوني.......
بس من فيه وحده فيكم جربت ترسم هي بنفسها أوتعتق بنفسهالووووووووو فيه وحده شطووره سوت كذا تقولي عشاااااان أستفيد
من تجربتها.........
لأني أحب الرسم وفكرت أناأسوي لبناتي وردات ناااااااعمات ولمسااااااااات خفيفه في الغرفه..............ماعندي صبر لبعد ثلاثة شهور........الله المستعان......ويعطيك العافيه أختيتي الأمل على طرح هذا الموضوع .........وجزاكي الله الفردوس ولأخواتي في المنتدى.........

[*خلود*]

حياك الله أختي المودة

معاك حق الألوان الفاتحة تضفي المرح والحيوية ....والصراحة أنا ما جربت أرسم أو أعتق لكن ممكن أنقل لك تجارب إذا حابه
لكن بما إنه أنت راح تغييرين بعد ثلاثة أشهر ممكن تقومي بتجربة في غرفة بناتك وإذا ما نفعت راح تتعدل بعد الطلاء ..
طالما حابه لمسات خفيفة جربي الطباعة بالإستنسل على الحائط ...في المكتبات أستنسل مفرغ برسومات جميلة تنفع للبنات مثل ورود وأزهار وحركات أخرى والعمل بها سهل وممتع ...وإذا اردتي مساعدة أو رسومات أنا حاضرة ....شكرا لك

[المودة]

حياك الله أختي الأمل........
مشكوره وماقصرت ياعمري وجزاكي الله الجنه....
بس عندي سؤال بسيط أيش الألوان اللي أستخدمها لتلوين الرسومات...
وبالنسبه للدرج اعتقه بسحاب داخل على بعض أواذا عندك أفكار أتحفينا...
معليش ياعمري غثيتك....ســــــــــــــــــــامحيني...
والله يجعلهافي ميزان حسناتك....ياأمووووووووله..

[*خلود*]

أختي المودة الألوان في الرسم تختارينها حسب ذوقك أنت وما يتماشى مع ألوان الغرفة والحائط
مثلا هذه الرسمة لنفع للبنات وهي عبارة عن طباعة بالاستنسل المفرغ

http://stencilease.com/GIF/j863.jpg

وهذه أيضا جميلة

http://stencilease.com/GIF/kidskit.jpg

وهذه تكون على شكل شريط

http://stencilease.com/GIF/y3.jpg

مثال

http://www.stencil.co.uk/images/tulip.jpg

http://www.royaldesignstudio.com/root/MomImages/1018L.jpg

بالنسبة للدرج ...ممكن مثل ما تفضلي
وممكن تصبغيه لونين متناسبين يفصل بينهمم شريط رفيع من الجبس أو الرسم البارز

[*خلود*]

موقع رائع إن شاء الله ينفعك أختي المودة

هنا (http://www.designerstencils.net/Merchant2/merchant.mvc?Screen=CTGY&Category_Code=Stencils)


موقع أخر لأخواتي ...دهان , تعتيق والكثير ...اضغطي على الصورة لتكبيرها وتجولي في أقسامه المتعددة

هنا (http://www.faux-painting-murals-photos.com/)

[الشهد]

هلا فيك اختي المودة بالعكس احنا فاتحين الموضوع لتبادل وجهات النظر والاستفادة من الاراء والخبرات

بالنسبة لتجربتك بصراحة شي ممتاز انك تعمليه بنفسك وربي يوفقك

بس اول حتى تعتادي الرسم على الحائط لو تجربي ترسمي على خشب او جزء من جدار السطح مثلا او مستودع بالبيت حتى تقدري تحترفي اكثر بغرفة اطفالك وتكوني واثقة من نفسك اكثر فترسمي بحرية اكثر

وعلى فكرة بجرير اشرطة راااااااائعة لتعليم الرسم على الجدار طبعا دام انك رسامة ماشا الله ما تحتاجي تعليم لكن تحتاجي تاخدي فكرة واللي كانت ترسم بالشريط كانت حرييييييييييييييييييفة بحركات خفيفة تعملك حديقة

انصحك تشوفي اشرطتهم اكيد تفيدك

وامولة ماقصرتي ماشا الله بالموقاع ولاصور الحلوة

يعطيك العافية امولة

[المودة]

الأمل حبيبتي وعيوني أنتي والله ماقصرتي أصيله....
ومشاء الله ...عليكي كلك ذوق ياذواقه ....
الله لايحرمك الجنه ويجعلك من سكانهاامين ....
أنتي ماتتصورين قدأيش أفدتيني....وأي شي تبين أبشري أنا حاضره...
الشهد....حبيبتي الله يسعدك ويغليك عند ربك ياالغاليه وماعليك زود....بس يعني أعرف بالرسم شوي شوي ...
بس أذا شدينا الحيل بنطلع أشياء .......
وتسلمين ماقصرتي بسمع بنصيحتك وبروح أدور الأشرطه....
وأذا تبين خدمه أنافي الخدمه عيوني....
والله ييسر أمورك ....

[غيــــــوووض]

http://www.asmilies.com/smiliespic/FAWASEL/000.gif


الأمـــــــــــــل

http://www.stencil.co.uk/images/tulip.jpg

مشكــــووره ومــــاقصرتي يالغاليـــــه

والـــى الامـــام الدائم

الف شكر لك

[*خلود*]

هلا غيوض يعطيك العافية

[بياض النور]

صراحة التعتيق شيئ جناااااااااااااااان بس انا عندي مشكلة عملت تعتيق للصالة لون منقاوي والى الآن ماعرفت اضع لها اثاث مناسب دلووووووووووووووني ياعزيزاتي اش لون الأثاث اللي احطه مع لون التعتيق هذا