معلمة التآآريخ كارهتني وحاقده علي !!

[شمعتي أمي]

السلام عليكم ..



اخباركــم ؟؟






بقول لكم مشكلتي معهاا وبليز تسااعدوني ..


اليوم معلمة التاريخ ماقصرت فيني ..
كانت بالحصه تشرح وسألتها سؤال متعلق بالدرس .. وجاوبتني بعدين قالت انتي يا فلآنه كنتي سااكته طول الحصه و ما انتي فالحه الا بالابتسامات و التعليقات والسوالف الجانبيه ومن هالكلام .. وتاركه المشاركه على جنب .. واللحين تسأليني .. قلت لها : ليش يعني انا ما شاركت ؟؟ ( للمعلوميه انا مشاركة معهاا بس قليل مو زي دايم لاني كنت تعبانه ..)
المهم .. قالت يعني عاجبتك مشاركتك اليوم .. قلت : الحمدلله .. قالت لا ابداا هذا الي انتي فالحه فيه تسولفين مع الي جنبك بس الله يجزاها خير فلانــه ما ردت عليك ..
صح اني كلمت صديقتي ابغى منديل حتى كنت اكلمها بالاشاره عشان المتخلفه الابله ..المهم انا سكتت ما ابغى السالفه تكبر .. ونظرات البنات بالفصل تجيب المرض .. وقسم بالله تمنيت اني ماسألتها ..


طبعا عارفه بتقولون اكيد مسويه شي لها من قبل .. يعني مو من الباب لطاقه تحقد ..


فيه موقف صار لي معهاا من قبل وهي فهمته غلط بـ غلط ..


انه فيه يوم من الاياام ..


قالت الي بتجيب لي معنى هالكلمه من النت لها درجه وحده بس .. انا دايم لساني متبري مني فقلت : بــــــــــس !! قالت : ايه بس انتي يا فلآنه وحده مستهينه بالدرجات تدرين ان درجه ترفعك من مقبول الى جيد الى جيدجدا الى ممتاز .. وقالت مابغااك تجبين شي انتي .. واذا جبتي ماراح اعطيك شي يعني لاتتعبين نفسك .. ومحاضره طويله عريضه ..


المهم اني انا سكتت ودق الجرس وطلعت ورحت لها بمكتبها ..
ابغى افهمهاا انه مو قصدي شي .. رحت اعتذرت لها .. بس كانت ترد علي بأسلوب يجيب المرض .. المهم طنشت قلت سويت الي علي وبكيفها .. ترضى او تزعل مااهي احد والديي .. ( الحيبيه نشرت الخبر عند الفصول كلها وقالت لهم فلانه قالت وقالت -اخبار الجزيرة- ) وجت حصه لها بعد هالموقف .. قلت بشاارك معهاا يعني بصيير دفرره عشان ما تلعب بدرجاتي .. فـ البدايه كنت اشارك ولا تنااظر فيني يعني كأني مو موجوده .. شااركت الين طلعت روحي قلت مافيه بنشب لهاا الين تطلعييني .. بعدين سألت سؤال ومحد عرف الاجابه غيري .. المهم انها قومتني بس مره او مرتين .. قلت الحمدلله طاح الحطب ..
وجاء يوم للجنادريه ساعدتها فيه .. وكانت عادي معااي تضحك و فله معها .. بس جاء اليوم وخربتهاا معي .. وفشلتني قدام صديقاتي .. ونص الفصل جاني يقولون وش فيها عليك ؟؟
والي يتطنزون .. وربي حاله ..


وترى قالت لي قبل بطريقة غير مبااشره .. ياا فلآنه .. تبغاني اسكت لانه صديقتي الي جنبي كلمتني .. طبعا مخلصين الدرس .. وقاعدين نكتب الواجب ..
قالت ياابناات بعدين لا تجووني تحاجوني على درجات المشاركه وتقولون ليش ما اخدت العشره .. !!



المطلووب اللحين ..


ابغى اعرف هالمعلمات شلون يتعاامل معهم ؟؟ ..


لاني وقسم بالله كرهت حياتي مع هالمعلمه ..


حاولت في اهلي اني انقل من المدرسه .. بس راافضين تماما ..


عشان المعلمات الفصل الاول مدحوني .. مالت عليهم ..





ويآآآآآآآرب فكني من شرهاا ..



( طالبــة بـ اولى ثانوي )

[sahra salem]

السلام عليكم ورحمة الله وبركاته حبيبتي قرأت موضوعك او بالاحرى مشكلتك مع استاذة التاريخ فهوني عليك فليس في الدنيا مربي يحقد على من يربيهم مهما كان الامر واعذريها على اي تصرف فربما تعيش تحت ظروف صعبة ـ ولو اني الوم كل مدرس يجعل القسم مكان يفجر فيه ضغطه ـ ويكفي قول امير الشعراء احمد شوقي : قم للمعلم وفه التبجيلا كاد المعلم ان يكون رسولا
فانا مدرسة ولا اخفيك القول تخيلت اني عانيت من بعض اساتذتي ولكن الان لو اراهم فلن اتورع من تقبيل اقدامهم وطلب العذر منهم ان اخطات في حقهم في يوم من الايام فحاولي التقرب من استاذتكي ولن تندمي

[ام لبنوته]

ياعزيزتى الواضح انك طالبه حركه ونشيطه 00 وغالبافى هالسن الطالبات حركتهن كثيره 00

والواضح ايضا انك طالبه مجتهده ومتفاعله فى الحصه 00 بدليل فقط معلمه التاريخ مثل ماذكرتى لاتطيقك00 لكن المطلوب ماذا ؟؟

انااقولك :: غبرى مكانك الى الامام امام المعلمه اثبتى لها انك طالبه مجتهده ومنصته للدرس ومتفاعله معها وليس التفاعل الذى اقصده انك تقطعين الدرس فجاه لان المعلمه فهمت قطعك للدرس والسؤال انك تردين استفزازها00
عليك برفع يدك عند السؤال 00 والافضل عند طلب المعلمه لكن فيه اى سؤال00

قللى من الالتفافات الجانبيه وكونى طالبه منصته لاتدعى شئ يشغلك سواء زميلاتك الطالبات او ادواتك المدرسيه00

[شمعتي أمي]

السلام عليكم ورحمة الله وبركاته حبيبتي قرأت موضوعك او بالاحرى مشكلتك مع استاذة التاريخ فهوني عليك فليس في الدنيا مربي يحقد على من يربيهم مهما كان الامر واعذريها على اي تصرف فربما تعيش تحت ظروف صعبة ـ ولو اني الوم كل مدرس يجعل القسم مكان يفجر فيه ضغطه ـ ويكفي قول امير الشعراء احمد شوقي : قم للمعلم وفه التبجيلا كاد المعلم ان يكون رسولا
فانا مدرسة ولا اخفيك القول تخيلت اني عانيت من بعض اساتذتي ولكن الان لو اراهم فلن اتورع من تقبيل اقدامهم وطلب العذر منهم ان اخطات في حقهم في يوم من الايام فحاولي التقرب من استاذتكي ولن تندمي


البيت الشعر كآآن زمآآآآآآآن .. اما في وقتناا هذاا مافيه الا التفكير السلبي ..
.
.
يآستاذهsahra salem معليش انا عارفه انه فيه معلمات عندهم مشاكل وحالات نفسيه يعانون منها وياما ويااما عذرتهم ..

بس توصل انها تهاوشني على الفاضي .. بعرف اللحين .. انا مو من حقي كطالبه اني اسأل اذا ما فهمت فقره في الدرس .. !! والا صار السؤال كأني غلطت بحقها ..

واذا قصدك اتقرب منها .. حاولت وحااولت .. بس ماانفع معهاا .. انا ما بغى منها شي ..

تبغى تزعل ترضى بكيفهاا .. بس تخسفني بالدرجات وتهدد وتفلشني لاا ماارضى ..

ومشكووره يا بعدي ع المرور ..


:)

[شمعتي أمي]

ياعزيزتى الواضح انك طالبه حركه ونشيطه 00 وغالبافى هالسن الطالبات حركتهن كثيره 00

والواضح ايضا انك طالبه مجتهده ومتفاعله فى الحصه 00 بدليل فقط معلمه التاريخ مثل ماذكرتى لاتطيقك00 لكن المطلوب ماذا ؟؟

انااقولك :: غبرى مكانك الى الامام امام المعلمه اثبتى لها انك طالبه مجتهده ومنصته للدرس ومتفاعله معها وليس التفاعل الذى اقصده انك تقطعين الدرس فجاه لان المعلمه فهمت قطعك للدرس والسؤال انك تردين استفزازها00
عليك برفع يدك عند السؤال 00 والافضل عند طلب المعلمه لكن فيه اى سؤال00

قللى من الالتفافات الجانبيه وكونى طالبه منصته لاتدعى شئ يشغلك سواء زميلاتك الطالبات او ادواتك المدرسيه00



تسلمين ع المدح .. كبرتي راسي :10:

والله تووبه مااعااد اسأل .. اي معلمه .. سواء هي او غيرهاا ..


واشكررررك غاليتي ع المرور ..



:rroo:

[sahra salem]

حبيبتي لا تزعلي من كلامي وانا اعتبركي ابنتي فالبيت الشعري يبقى ساري المفعول للابد مادام يوجد اهتمام بالتعليم ولازم تسألي حتي تتعلمي فالعلم من المهد الى اللحد حبيبتي وان شخصيا افرح عند طرح اي سؤال حتى ولو خارج الدرس فلا تترددي في فهم ما لم تفهمي وستندم المدرسة على تصرفها عند تفوقك فالاساتذة مو زي بعض