السفر إلى ماليزيا........... *^_^*

[أم سيف وساره]

السلام عليكم ورحمة الله وبركاته..

انا عضوه يديده .. واتمنى الاقي ترحيييب يا حلوات...


هلا خواتي ...

ممكن تعطوني من معلومااات عن ماليزيا .. والمناطق الحلوه فيها .. والاماكن الزينه للعيال فيها...

لاني اول مره اسافر لماليزيا واصلا اول مره اسافر بالطياره وزوجي بعد نفس الحال..

وابي اعرف شو احسن الفنادق وفي اي المناطق.. وحدائق حيوانات او حدائق العاب.. وشو الجزر الحلوه هناك...
وممكن تعطوني عن اسامي شركات سياحيه في دبي او العين.. اترتب لي كل شي بالنسبه للسفر...

وشو النصايح اللي بتعطوني اياها عن ماليزيا.. لاني ما عرف شي ابدا..

ارجوا افادتي يا حلواااااات .. وشكرا...
*^_^*

[قلب الدلع 12]

اهلا فيك اختي نورتي المنتدى
ونشالله البنات بيساعدوكي

[المتميزة جدآ جد]

اهلا ومرحبا نورتي المنتدى

ما عندي معلومات للاسف

انشالله البنات يساعدوك

[دلوعة عزوز%]

هلا اختي ماليزيا صراحه تهبل وراح تستانسين فيها كثير وفيها جزر كثيره روحي مكتب سياحي وهو يرتب لكم كل شي واحلى جزيره بينانج

[هبه الغندور]

http://forum.hawahome.com/t197294.html

يمكن الرابط هذا يفيدك
ربي يسعدك حبيبتي

[أم سيف وساره]

شكرا حبوبااات والله يجااازيكن كل خير.. *^_^*

[لعبة الاقدار]

ماعندي اي معلومة
تروحي وترجعي بسلامة ونشاء الله تنبسطي

[الغزال منال]

ما عنـــدي اي معلوومــاات حبيبتـــي ...

ان شاء الله البنــاات يسااعدوونج

[_فراشة_]

هلا ام سيف وسارة

انشاء الله تروحون وترجعون بالسلامة
السنه الماضيه راحوا اهلي وكل الحجوزات سوها من هناك ما واجهوا اي صعوبات

[الطيب طبعي**]

والله قلبي مااااعرف شي
وإن شاء الله سفريه حلوه وسعيده

[محبة الحرمين]

هلا الغاليه ..

ماليزيا حلوة و مناااسبه للعااائلات ...

كم يوم بتمون هناااااك ؟؟؟

شوفي : حج السوق : العاصمه ...
فيها شاارع العرب و مرااكز تسوق وااايد .. و مطااعم عربيه مثل مطعم الناب الإيرااني و الطربوش .
خليها آخر محطه ..

جنتنج : الغاليه منتجع ألعاب ، الله يسلمج مدينه ألعاب صغيرة تبعد نصف ساعه عن العاصمه ، محاطه بمجموعه فنادق ، الجو وااايد باارد للأطفال تحتاجين جااكيتات و انت بعد إذا ما تتحملين برد خذي ويااج جااكيت .
فيه تلفريك .. وناااسه خاصه اليهاال بيستانسون هنااك ..

فيه منطقه إسمها كاميرون هايلاند : تبعد أربع ساعات عن العاصمه .. الجو باارد و حلو فيها ..
تزورون فيها مزارع الشاي و الفراوله و مناطق طبيعيه .. بس لازم ترجعون من وقت لأن الجو يضبب يعني ترجعون 4 عصر . أحسن شئ تسيرون بسيارة تكون عائليه خذوها من الفندق ... عسب أأمن .

يتكلمون عربي .. و دوله إسلاميه و الحمدلله ...

في منطقه ملكا .. ترومون تسيرون لسنغفورة " جزيرة سنتوتزا" مدينه ألعاب رااائعه و تلفريك ... أحلى منطقه في سنغفورة .. ترومون تنامون هناك يومين إذا حبيتوا بس عمله أغلى من عمله الإمارات 1000 درهم تقريبا 400 دولار سنغفوري .

لا تصرفون بالدولار لأنه نازل ... بدلوا عملاتكم باليورو ..

ع فكرة في جزيرتين : بينانج و لانكاوي .
بينانج : أكبر و ناس أكثر و بصراحه أنا ما سرتها بس أهلي ساروها إذا تبين بسأل لج .. و لا يهمج ..

لانكااوي وااايد حلوة من مناطق اللي حبيتها .. جزيرة صغيرة ,, تسيرون بها لرحلات بحريه حلوة . ، ترومين تسيرون لتايلاند و تنامون في بوكيت يومين أو ثلاث إذا بغيتي السوج و المشترى و فيه مكان بين الحدود و بوكيت إسمه هياااتا فيه مركز حلو إسمه سنترال .. بس تايلاند وسخه .. و ناس فيها ما ترتاحين لهم ,,, و تسمعين تعليقاات وسخه ... و حراميه وااايد .. و تحملي يوم تصرفين يصورونج عسب يسرجونج .. بس لا تحااتين .. كوني حريصه و ربي يحفظك أنبهج لأنج تجولين أول مرة تسيرين ...

و بعد في مناطق واايد يمكن تسيرينها من كوالالمبور .. المناطق اللي عدااالها ..

جو عندهم وااحد طول السنه يبالج ملابس قطنيه خفيفه و جوتي ريااضه و عبايات مسكرة أحسن و أستر ...
بس جنتنج و كاميرون بارده و لانكاوي يطيح بها مطر أحياانا ..

إذا بغيت تفاصيل زيااده إسألي .. و إن شاء الله إذا دخلت بذكرج و برد ..

و بعد فيه موقع إسمه زاد المسافرين و العرب المسافرون و موقع السفاري ع ما أعتقد ,,, فيه معلومات بالتفصيل و سجلي وياااهم بيسااعدونج واايد ..

أختي أنتي من دبي سجلي بمكتب سفرياات من الشارجه أحسن أرخص لج .. دبي أغلى ..
و بعد العين أغلى و ع راحتج اللي يريحج ..

و إذا عندنج أي سؤاال حاضرين للطبين ..

و بقولج الرحله طويله تاخذ 6 ساعات من دبي لكوالمبور ...

و خذي طيران داخلي من لانكااوي للعاصمه .. و بجولج شئ لوجه الله ..
تعرفين كيف تشترين من السووج سلمج الله يوم تركبين طيراان داخلى إذا طلع وزن زيااده خلو شنط صغيرة و إسحبوها لداخل مسافه صغيرة .. و عقب تركبون طيارة و كلها فيري سيت يعني تركبين أي مكاان ..

هو مبلغ مب عود .. بس خسارة تدفعين لهم .. بس يسمحون للشخص ب 15 كيلو ..

و سلامنج .. حبيت أسااعد لأن ما أشوف ردود .. غمضتيني ..

و تسلمين .. و لا هنت ..

و سلامات داتنغ ...

إذا تبغين تروحين أندونيسيا ترى وااايد رخيصة و ترومين تسيرين من صباح و سيروااك (مدن ماليزيه ) لأندونيسيا و لا فلبين .. وااايد رخيصه و عندهم سنترات عالميه و مال بلادهم شرات أشيا طبيعيه ..

و السموحه ع الإطاااله

[محبة الحرمين]

لا تنسيني من صااالح الدعااااء ..
إدعيلي الله يوفقني بحياااتي دنيا و آخرة ,,,
محتاجه للدعاااء ..

دعاااء المسلم لأخيه بظهر الغيب مستجااب ...

بس نصيحه .. إنتريوا لا تحجزون إسمعوا عن مرض إنفلونزا الخناازير عسى ربي يسلمكم و يحفظكم يااا رب ..
يمكن المرض ينتشر عندهم .. و الله الواحد يخاااف .. خاصه من تايلاند و كلهم عند بعض ...

فكري بعد بالعمرة ,, وااايد أحسن و يمكن تزورين مناطق بالسعووديه

[محبة الحرمين]

الغاليه ع فكرة يقولون ماليزيا و تايلاند فيها إنفلونزا الخنازير .. إسألي وزارة الصحه بعدين سااافري ..

الله يحفظك ,,,

[المملكة2010]

ونعم الاختيار ماليزيا كل شي فيها جنان وخيالي خذي مني احسن الفناق =الخيول الذهبيه= مكانه جدا رائع تنهبلي عليه وعندك =اصان واي لاقون= وراه مباشرة المنتزه المائي بنفس الاسم هذا يصلح حق الاطفال بس لازم تاخذي لهم لبس السباحه عشان يلعبون فيه لان المنتزه كله مائي راح ينبسطون وايد -- انظريني بحاول انزل لك صور رحلتي لها اتمنى اكون أفدتك

[الشيف عبير]

تروحي وترجعي بالسلامه

[احساس ام]

عزيزتي او سيف وساره
انا لي نيه اني اروح لماليزيا في شهر شوال وعندي معلومات بسيطه جمعتها من صديقاتي وزوجي
وعندي مجموعه ارقام لسواقين وفنادق اذا حابه ارسلي عى الخاص
على العموم تعتبر افضل مكان لسياحه العائليه
جو وطبيعه والمطاعم متوفره بكل الانواع والاذواق
واكثر شي يمدحه زوجي حديقه الفراشات وصديقتي تقول ملكا ولنكاوي
وناس تقول بينانج
وكلا وذوقه ان شاء الله تكون رحله سعيده وعقبالي

[دن دن داناو]

البنات ماشاء الله ماقصروا اعطوك المعلومات المفيده
يعني مايحتاج نتكلم
تروحي وترجعي بالسلامه واذا على انفلونزا الخنازير فهي منتشرة في كل مكان اهم شئ اخذي الاحتياطات الوقائية وان شاء الله ما يصيبكم شئ

[هيوفي]

[ترجعون بالسلامة]

[أم عزوو]

الله يوفقك

[الفنانه الذهبيه]

ماليزيا بلد الجمال والاحلام بلد مريحه ونظيفه واهلها طيبين جدا وماشاء الله تسمع فيها الاذان وكثير من شعبها مسلم
انا توني جايه منها مالي اسبوعين انصح كل عائله تبي تسافر وتستانس ويستانسون اولادهم الذهاب لها بحاول انزل
عنها موضوع مع الصور
الله ييسر انتظروني

[إنسانة غير]

انا سافرت لماليزيا بصراحة وايد حلوة وراح اعطيكي الجزرالحلوة جزيرة لانكاوي وجزيرة بيننج وبعدروحوا الكاميرون
مكان يهبل واذا رحتي العاصمة روحي فيه حديقة الفراشات وفيها حديقة الحيوانات واذا كان عندك عيال روحي سلالنجور فيها العاب مائية

[beeshoob]

يسلمووووو

[مشاعر محطمه]

ماليزيا روووووعة زييييييييييييين ما اخترتي وبالنسبة للاماكن الزينه صراحة ما أنصحك تروحين لنكاوي روحي بس كوالالمبور وبيننج وعندك في كوالا حديقة بردانا ومدينة صنواي لاجون خطييرة ومدينة ويندر لاند ومدينة افاموسا تبعد عن العاصمة ساعتين بالسيارة قضي فيها يوم كامل بس ما أنصحك تنامين فيها وعندك مدينة جنتنج تبعد حوالي ساعة مدينة حلوة وباردة فيها ملاهي وأسواق وتلفريك هذا إللي أذكره الحين وموفقه عزيزتي

[نجمة خراسان]

يمنع رفع المواضيع القديمة