المساعد الشخصي الرقمي

مشاهدة النسخة كاملة : معانات صب القهوه (منقول)



ام سلطان
19-10-2003, 07:33 PM
بخبركم عن معانات صب القهوه تراها مو بس احنا اللي انعاني من صب القهوه هناك ناس غيرنا يعانون و هذه قصة بنت من البنات اللي تعاني من صب القهوه والعزايه
تقول البنت :


ياهلالالالالا ومسهلالالالالالا
كيفكم بنات ؟؟؟

عندي مشكله نقدر نقول عنها انها مشكله اغلب البنات والعيال

ألا وهي مشكلة ( صب القهوة .. وما ادراك ماصب القهوه )

قبل لا اطرح المشكله واظهر الحقائق والخفايا واكشف الاوراق

خلوني اسألكم سؤال : ليش لاجونا ضيوف لازم نشربهم قهوه ؟

ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟

ليش وليش ولمازا هزا يحدس ؟؟؟؟؟

يعني تجيني امي وتقول : بعد المغرب بيجونا حريم .

اقولها : منيب طالعه لهم مالي نفس .

تقووول : تراهم مهب ميتين عليتس بس مين اللي بيصب القهوه ؟

يوووووووه صارت عندي حالة نفسيه من صب القهوة

لاني اذا باصب القهوة لازم اول البس وطبعا عشان البس قبلها ابلللط ساعة

قدام دولابي اختار خلقنّه من بين خلاقيني .. همن استشور شوشتي لو عزيمه

هذا غير المكياج يووووووووووه مشوااااااااااااااااااااااااااااااار

شي ثاني وهو اني ادخل على الحريم وانا ماسكه القهوه مدري احط القهوه

على الطاوله وادور اسلم !!!!!!

والا ادور اصب القهوة واسلم بنفس الوقت !!!!

والا ادخل اسلم بعدين اروح اجيب القهوة !!!!!

بعدين انا مدري اصب بالدوووور من اليمين والا اروح لاكبر وحدة !!

سـألت امي هالسؤال وقلت بكل غباء : يمه اصب بالدور والا لاكبر وحدة ؟؟

وصدف ان مر أخوي وقال : صبي بالدور تدرين ليش !! عشان الحريم

كلهم صغار مايكبرون خخخخخخخخخخخ

قلتله : يعني عادي محد يقول هالبنت هبله ؟؟؟

>>>>>>>>> هالسؤال يدل على الهباله الملازمه للعقل

قال اخوي : لا .. انتي ما ينشره عليتس لانتس هبله ؟؟

خخخخخخخ ياحوبيله اخوي يستخف دمه >>>> يشتمها وتضحكله

نرجع لموضوعنا

صب القهوة شي مو حلووو ات از نت نااااااايس

لاني اصير اطامر بين الحريم ومايمديني اخلص الا فيه وحدة خلصت فنجالها

وتأشرلي امي .. صبيلها .. يعني من جد عذاااااااااااااااااااااااااااب

هذا غير لامني صبيت لوحدة واقولها : سمي . تقول : لا مابي

اقول بيني وبين نفسي : هاهاها تحسبيني بأترجاتس .. شربتيها والا عساتس هاهاها

بس يجي صوت امي ويحطم علي متعتي واحلااامي

: ( وش بتس ماتقهويتي ؟ طيب اخر فنجال ... )

ياربييييييه .. وتجلس امي تحايل فيها وانا واقفه آكل هواء

( وجعن يوجعتس انشالله .. مدي ايدتس خوذي الفنجال والا قسمن لا اصبها عليتس )



هذا انا اقوله بيني وبين نفسي

-

والشي اللي يقهر بعد انه لاصارت وحدة تسولف

بنص السالفه تأشرلي اختي ( وحدة خلصت فنجالها قومي صبي قهوة )

اقوم انا أأشرلها بعد ( ليش ياعمتي !! وراه ماتصبينلها انتي ؟؟ )

ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

مايضرها لو صبرت شوي .. خلاص بتموت اذا ماصبينالها على طول

لا نكون تشتغل خدم عند ابوها وانا مدري

عاد كله كوم واذا جوكم ضيوف فاضين كووووووووووووووووم

يجلسون يعزمون على بعض والله ان تاخذينه انتي لا والله انتي

طيب وانا اللي واقفه محد فكر فيني .. والا عشان اصب القهوة صرت صفر على الشمال

اصابعي مولعه من الحرررارررة وهم جالسين يعزمزن على بعض

وقتها يجيني شعور اني ودي اصب القهوه على روسهم واقول لا انتي ولا انتي

محد بيشرب قهوة .. خلالالالالالالالالالالالالالالالاص

والا لاجت وحدة تميلح وتقوم تمسك الدله وتحاول تفتحها وتناظرني

يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال

واروح لمها واقول : ( هاتي عنتس ) . تقول : ( لاه عادي ) ..

اقطعي واخسي تراني منب اترجاتس هاتي الدله اقووول

بس تبين تصيرين قرمه قدام الحريم ..

وععععع الللللللله لا يعيده من موقف شعووور مووو حلووووووو

شي ثاني لا مننا قلنا (( تفضلوا العشااااء ))

آآآآآآه و آآآآآه ثم آآآآآه مدري وش يصير فيهن !!!

والله العظيم ترانا قلنا تفضلوا للعشاء !!!

يقعدون يسولفون ولااااااااا على بالهم وكل وحدة تحط بجيبها مو بس حجر

الا اثقااااااااااال وجبااااااااال وتلال وبحوووووووور

وعبال مايمشون او بالاحرى يتسحبون من الصالون الى غرفة السفرة

يااااااااي طيب اذا ماتبون تتعشون وش مجلسكم لوقت العشاء ؟؟

((( سؤال مههههم يطرح نفسه )))

عاد انا جتني فكرة اننا نقولهم قبل لا يجهز العشا بنص ساعة

تفضلوا للعشاء >>>>> يازينتس ساكته

والا مايقومون الا لما اروح عند وحدة وحدة واقولها تفضلي

ماباقي الا ابوووس رجولهم واترجاهم تكفون تفضلوا للعشاء

مير ودي اترجاهم واقولهم لا عاد تجون لمنا انا مااحب العزايم اللي ببيتنا

اكرررررررره العزايم اللي ببيتنااااااااااااااااا

اكرهاااااااااااااااااااكرهاااااااااااااااااااااكره
ااااااااااااااااااااااا

والا قولوا لأمي مو لازم تجي الملسونه تسلم علينا

خليها على راحتها >>> من جد يازينتس ساكته

-

-

هذي معاناتي مع صب القهوة ,,





:p




اختكم ام سلطان

الشهد
20-10-2003, 02:27 AM
ام سلطان رووووووووعة

ضحكتييييييني وانا لوحدي زي المجنونة:D


والله انها صادقة المسكينة معانااااااااة
والله انها فطستني ضحك وكله كوم وحكاية انهم يتعازموا وهي واقفةوودها تصب القهوة عليهم يالطيف عليها شرانية:D

ام سلطان
20-10-2003, 10:38 AM
اااااااااااااااااااااااااه واااااااااااااااااااااااه لو كنت بدلها لصيت الدله مو بس الفنجان بس شو نسوي واجب احترام الملاقيف اللي يزورونا;) هههههههههههههههههه
اضحك الله سنج ويجعلج دوم مبسوطه.

بسمة
21-10-2003, 01:29 AM
حلوة تسلميييييييييييييييييين:)

ضي
31-10-2003, 03:25 PM
حلوووووووووة أختي أم سلطان:D
لكن الحمد لله ما قد عانيت هذي المعاناه
لأني أحب أتلبس و أحب أصب القهوة علشان أسمع سوالف الحريم وأضحك :D :D

منـــــــاهل
31-10-2003, 10:10 PM
السلام عليكم ورحمة الله وبركات

ووواااااي ي ي مت من الضحك،وش ذا يام سلطان غربلتس الله بخير؟

والله انتس صادزة وانا مايزملن للعزايم غير صب القهوة والا اذا قلت تفضلوا على العشاء ما تدرين من تقولين له الاول


بس جد جد


اروع منها مافيييييييييييييييييه،،،


تحيــاتــي،،،

أم البدر
01-11-2003, 10:04 PM
حلو ام سلطان ...واعجبنى لا والله الاضحكنى و انا طفشانه..والله انك رهيبه ام سلطان.....
الله يسعدك:)

هديل
02-11-2003, 12:20 PM
الحمد لله ما عنا هذه العادة فالقهوة نضيفها مرة واحدة وبس

حلوة تسلمين

اوقاتك سعادة :)

الناعمه
09-11-2003, 07:30 AM
حلوة حلوة حلوة ياْم سلطان :D تصدقين انك ضحكتيني وانا مالي نفس بس للاْسف :o ماحسيت في معناتك لاْني لما كبرت وصرت اعرف اصب قهوة كان فيه حريم اخواني يصبون عني يعني طلعت على الدلع بس اكلتها صح في بيت زوجي

ام سلطان
09-11-2003, 01:59 PM
ههههههههههههههههههههههههههههههههههههههههههههههه

لا مفر من صب القهوه يا الناعمه;)

سديم
10-11-2003, 02:18 AM
الحمدلله ماصار لي مره صبيت لاي حرمه قهوه:D


والله عذاااااااااااااااااب وانا في استغناء تام:p

ام سلطان
10-11-2003, 10:54 PM
مثل ماقلت يا سدوم لا مفر من صب القهوه :D