نداء عاجل لبنات بريدة

[ام خالد]

السلام عليكن ورحمة الله وبركاته

أخواتي ابي فزعتكم معي انا مو من سكان بريدة وعندنا زواج فيها في العطلة وانا ما اعرف أي شي في بريدة ابغى منكم تدلوني على اقضل المشاغل فيها ترى الزواج مهم جداً بالنسبة لي .
الله يعافيكم لا تهملون طلبي وكل وحدة تدخل اتمنى تكتب لي رد واللي ما تقدر هنا ترسلي على الخاص وشكراً

[الشهد]

اتمنى الاخوات يفيدوك

[ام خالد]

جزاك الله خير اختي الشهد بس والله منقهره ليش محد يبغي يفيدني معقولة مافي احد بالمنتدى من أهل بريدة !!!!!!!!!!!
اتمنى يساعدني احد.

[غيلانة]

أنا مو من بريدة لكن أسأل قريباتي هناك وإن شاء الله أرد لك.

[غيلانة]

مساء الخير أختي أم خالد
عسى ما أكون تأخرت عليك بالرد،
فيه في بريدة حي الصفراء مشغل المقص الذهبي ومشغل شهد وهو الأحس، طبعاً من ناحية المكياج والتسريحات أما الخياط فما أعرف عنهم شيء،
وفي بجانبهم مشاغل كثيرة لكن هذي اللي سألت عنها وقالوا إن شغلهم حلو.
أرجو إني أكون أفدتك.

[ام خالد]

اختي غيلانة
بارك الله فيك ، والله ما قصرتي بذلتي جهد وتعبتك معي
وانا اللي اسفة على تأخيري بس والله ما دريت عن ردتك الا اليوم
وبالنسبة للمشاغل (مشغل المقص الذهبي ومشغل شهد) بحاول احصل على ارقامهم علشان احجز والمهم عرفت الأسم علشان اسأل عن الرقم .
مشكوووووووووورة على تفاعلك وردك،
انتي عسل مافي مثلك

[غيلانة]

لا شكر على واجب، وحنا خوات لازم نخدم بعض.
أتمنى تحصلين اللي تريدين.

[شجون الليل]

مساء الخير ام خالد
انا من بنات ابريده واعرف مشاغل كثيره ببريده بس الاحسن فيها (دار شهد -والقفص الذهبي -والهنوف) تلاقيها
بحي الصفراء بشارع المشاغل.بس اقولك دار شهد قمه في الروعه.وان شاء الله تكوني استفدتي مني