المساعد الشخصي الرقمي

مشاهدة النسخة كاملة : مشروع منزلي !!! وين الفكره ووين الاراده


نسرينه
26-06-2005, 03:24 PM
السلام عليكم ورحمة الله وبركاته

كيف حالكم يابنات
انا حابه اتكلم معاكم عن مشكلتي مع المشاريع المنزليه
لاني عندي افكار بس الاراده عندي ضعيفه والخطوه الاولى بالنسبه لي وايد وايد صعبه
اوقات اخاف من الفشل واوقات كسل واوقات اقول اشوف شي ثناني احسن
فكرت بتغليف الهدايا والطبخ والتدريس بس مالقيت نفسي فيهم
احس اني ممكن اشتغل شغله بالكمبيوتر يعني فكره تعتمد على تشغيل المخ اكثر من اليد بس مو لاقيه الفكره :confused:
فحبيت اتشاركوني الراي واذا عندكم افكار اتساعدوني
جزاكم الله خير
ام بسمة 2005
27-06-2005, 08:39 AM
وعليكم السلام ورحمة الله وبركاته
بلنسبة لشغل الكمبيوتر فا ممكن تظبطي دفاتر التحضير حقت المدرسات
او تعملي بحوث للطلبة او قائمة باسماء الفصل يعني حسب ما يطلبون منك
بس حسافة حنا في الاجازة
او ممكن تسوي دعاية لمشروع معين عن طريق المنشورات او المطويات ت او الكروت
شغل الكمبيوتر حسب ما يطلب منك وطبعا لازم تسوين لنفسك دعاية جامدة عن طريق
الاصدقاء او النت

وان شاء الله اكون قدرت افيدك
نسرينه
27-06-2005, 02:01 PM
مشكوره ام بسمه على المرور والرد
كاكي
27-06-2005, 08:47 PM
أو ممكن تشتغلي ضمن المواقع النسائية

يكون احيانا اعلان عن وظائف تحتاج خبرة كمبيوتر ومو صعبه ؟

ابحثي وراح تلاقين ؟

على فكرة انتي وين؟
هنـــد
27-06-2005, 09:22 PM
أنا مع الأخوات ممكن تعملين بحوث مجموعة من الإنترنت وتبيعينهم

أيضاً جربي الطبخ
أحس الحين كثيرات صاروا يحبون التنويع في العزايم بس ما يمديهم الوقت حتى يسوون كل شي
فيشترون من بره

وجربي تطبخي الأشياء الجديدة والخفيفة وصدقيني راح يكون في إقبال عليج :)
ام رؤى
27-06-2005, 11:33 PM
شوفي حبيبتي بالنسبه لي انا في البدايه مثلك ومعي زوجة خالي وهي سوريه
واتفقنا انها تجيب بضاعه من سوريا متنوعه ونبيعها
وانا اسوي بهارات ودقه المدينه المعروفه بطعمها اللذيذ ومندوبه لكتاب رومانسيات زوجيه
واعطيت خبر لصديقاتي وجاراتي وناويه ادخل دورة تجميل
واشتركت في 4منتديات وبصراحه بعت من خلالها بهارات وكتب وكسبت والحمد لله
وان شاء الله ربي يوفقني

فيه مشاريع منزليه كثيره وان شاء الله ارسلك على الخاص رساله فيها فائده
نسرينه
28-06-2005, 12:48 AM
كاكي ( انا من البحرين )
هند
ام روى
افكاركم حلوه وراح استفيد منها ان شاء الله ما قصرتو ويجزاكم الله عني كل خير
وانا بانتظار رسالتك يا ام روى
ابداع 22
29-06-2005, 03:53 PM
حبيبتي نسرين
الخوف شيئ طبيعي لكن العزيمه والاصرار هم اللي يحددون الفشل او النجاح بكل شيئ
لكن اختاري لك شغله انتي تحبينها
وتقدرين تبدعين فيها
وبالتوفيق
الخبيره
07-07-2005, 05:41 PM
اختي نسرينه لو كنت من الامارات كنت قلت لك تعالي واخدي عندي دورة تعليم صناعة الدخون والعود المعطر والمخمريه والعطور بانواعها المختلفه وهذه الدوره تاهلك انك تبدائين مشروعك الخاص بنفسك وبراس مال بسيط ولكن انت من البحرين وعلى كل حال لو رغبتي بزيارة الامارات وحبيتي تاذخدي الدوره اهلا وسهلا وهذه ايميلي لمزيد من الاستفسار



أختي الخبيرة تم تعديل ردودك اكثر من مرة
يمنع وضع الايميلات بالمنتدى
الرجاء الالتزام بقوانين المنتدى
فساتين فخمه
10-12-2010, 02:54 PM
نبغى زياده