كافيه بنات سوريا 6

[نارنيا]

:rroo:بسم الله الرحمن الرحيم :rroo:
.....Zلا اله الا الله ومحمد رسول الله .....Z
:30:اللهم صل على محمد وعلى آله وصحبه أجمعين :30:
:10: كيف الصبايا الحلوين تعالو هون صار الكافيه الجديد :10:
اتفضلو اهلا وسهلا

[غربتي ذبحتني ؟؟]

اهللللللللللين اشتقتلكن انا رجعت من الشام طمنوني عنكن يابنات

[نارنيا]

الحمدالله على السلامة يا غروبتي كيفك شو اخبار الشام انشالله كلو تمام وانشالله انبسطي بالشام حكيلنا شو ساويتي

[نارنيا]

كيف الصبايا التانيين وينون مو مبينين من زمان والله اشتقنالون كتير واشتقا لحكياتون الحلوين لا تطولو علينا الغيبة وانا بعرف انو كل واحد عذرو معو بسبب الغياب

[نارنيا]

اما عن جودي اكيد اكيد ملتهية بالبوبو تبعها الله يتمملها على خير ونسيتنا وينك هي لسا الك شهر وهيك تركتينا لما تولدي بالسلامة وتجيبي ولي العهد شو بدو يصير ما بتفوتي على النت ابدا اكيد هلق بيكون بلش الوحام الله يعينك وقوليلنا شو عم تشتهي وشو عم تكرهي خبرينا

[غربتي ذبحتني ؟؟]

اهلين نارنيا كيفك وكيف الحمل معك طمنيني عنك عنك انا امممم عادي روحات ومشاوير بالشام اخخخخخ بس يلعن هاغربة الشام غيرررررررررررررررر والله روعة يابنات

دانة كيفك بس تجي ابعتيلي رسالة ميشان شوفك

جودي كيفك وكف البوبو

[غربتي ذبحتني ؟؟]

وووووينكن يابنات والله من زمان عنكن ؟؟؟؟؟؟؟؟؟؟

[جودي2]

كيفكم يا احلى صبايا بالمنتدى
شووووو اخباركم اشتقتلكم كتير لاتواحزوني ماعم فوووت كتير بس والله تعبانة من الوحام ومتدايقة كتير
من يومين رحنا شفنا الجنين على الايكو الدكتورة قالتلي الوضع كلووو تمام وصرلي حامل شهر واسبوووع

[جودي2]

كيفك يا نارنيا انا الحمد لله منيحة وصفتلي الدكتورة حبوب للاستفراغ ارتحت عليهم شوي الحمد لله
وعم اشتهي الرماااااااااااااان كتيرررر ممممممممممممم هاد اكتر شي

[جودي2]

كيفك ياغروبة وشو اخبارك انا منيحة الحمد لله ومشتاقتلك
الحمد لله على سلامتك ايه والله كلامك مظبوووط مافي احلى من سوريا
وكيفك يادانة الورد اشتقنالك

[جودي2]

سبحان الله وبحمده سبحان الله العظيم
الحمد لله رب العالمين
استغفر الله العظيم استغفر الله العظيم استغفر الله العظيم

[جودي2]

احكولنا يا صبايا شو اخباركم ووينكم ماعد بينتو ابداااااااااا
ايه نارنينا انت اي شهر صرتي وايمتى رح تنزلي على سوريا
وكيفها البنوتة الحلوووووة اكيد عم تعزبك
ديري بالك على حالك وسلام للجميع

[غربتي ذبحتني ؟؟]

اهلين جودي كيفك ويلا اتحملي فترة وبتعدي

نارنيا ووووووووووينك انتي ودانة مو مبينين ؟؟

[غربتي ذبحتني ؟؟]

وووووووووووووووووووووينكن يابنات

[المحبة باخلاص]

مرحبا ياصبايا كيفكم وشو اخباركم

[غربتي ذبحتني ؟؟]

المحبة باخلاص اهلين فيكي بينا شرفتي ووين مغتربة ؟؟


بنات والله طولتو الغيبة ؟؟؟؟؟؟؟؟؟؟؟؟؟؟؟؟؟

[نارنيا]

مرحبا يا صبايا كيفكون انا اسفة عم غيب عنكون بس عم حضر للسفر
وقليل لحتى عم افضى وانتو بتعرفو قبل السفر اديش منكون معجوقين والله مو عرفانة شو بدي اعمل انا نازلة على الشام انشالله ب 1 الشهر يعني يوم الاحد وعم اركد ماعم لحق ادعولي الله يهون عليي السفرة لانو سفرة طويلةكتير ولا تاخذوني اذا غبت عنكون شوي واكيد انشالله ما بقطعكون وبضل بفتح النت وبحاكيكون

[نارنيا]

ايه يا جودي بدك تتحملي حبيبتي الوحام ييييييييييييييييي والله الحق معك صعب كتير بس يلي بعدو اصعب لانو بعدين ما بتعودي بتحسني تنامي من بطنك الكبير ف نامي قد ما بتقدري وانشالله الله يقومك بالسلامة ويسرلك ولادتك

[نارنيا]

كيفك يا غروبتي شو اخبارك شكرا كتير لانو سالتي عني واستفقدتيلي شو طابخة اليوم انا عاملة فاصوليا ورز وعم اطبخ كل الاكل يلي بيحبو زوجي لانو انا تاركتو ورايحة كنوع من التعويض الله يصبرنا بدنا نبعد عن بعض شي شهرين لحتى يلحنقي هو وينزل الله يهونها علينا

[نارنيا]

المحبة باخلاص ودانة الوردة كيفكون شو اخباركون شو عم تعملو هالايام ليش ماعم تطلو علينا كتير كل وحدة عزرها معها انا قدمت عزري وانتو شو عزركون نحنا اشتقنالكون كتير ومستفقدين الكون كتير

[غربتي ذبحتني ؟؟]

نارنيا منيح رح تنزلي على سورية انشاء الله تتهني امممممممم وين البنات الباقيين ؟؟؟؟؟؟؟؟؟

[ولاتزعل؟!]

مر حبا يابنات سورياا

ممكن اي وحده ساكنه سوريا ترسلي ايميلها؟!:30:

لاني ابغى استفسر استفسار ومايصلح ع العام:10:

[غربتي ذبحتني ؟؟]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[غربتي ذبحتني ؟؟]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[غربتي ذبحتني ؟؟]

اللهم صل على محمد وعلى آله وصحبه أجمعين

[" شام"]

السلام عليكم ورحمة الله وبركاته

ما شاء الله عليكن نازلين طق حنك وما حدا عم يسأل عني هههههههههه ما هيك ماشي أنا على كل حال زعلانة كتير منكن يعني بغيب وما حدا بيفقدلي مو نحنا اخوات ولا لاء.

اللهم صل على محمد وعلى آله وصحبه أجمعين
اللهم صل على محمد وعلى آله وصحبه أجمعين
اللهم صل على محمد وعلى آله وصحبه أجمعين

[غربتي ذبحتني ؟؟]

شاااااااااااااااااااااااااااااام عاد شوفي انا سالت عنك بالكافي القديم روحي شوفي بس ماحدن عم يطل من هالبنات مدري شو قصتن ؟؟اللهم صل على محمد وعلى آله وصحبه أجمعين سبحانك اللهم وبحمدك ، أشهد أن لا إله إلا أنت أستغفرك وأتوب إليك

[غربتي ذبحتني ؟؟]

اللهم صل على محمد وعلى آله وصحبه أجمعين

[" شام"]

تسلمي عالسؤال اختي الغالية وان شاء الله جميع الاخوات يكونوا بالف خير

والله الدنيا مشاغل

اللهم صل على محمد وعلى آله وصحبه أجمعين

اللهم صل على محمد وعلى آله وصحبه أجمعين

[m.n.w]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[غربتي ذبحتني ؟؟]

انشاء الله المانع خير
اللهم صل على محمد وعلى آله وصحبه أجمعين

[asoola12345]

.......................................

[غربتي ذبحتني ؟؟]

كل عام وانتووووووووووووووووووووووو بخير يارب

[غربتي ذبحتني ؟؟]

اللهم صل على محمد وعلى آله وصحبه أجمعين

[غربتي ذبحتني ؟؟]

يابنات ويييييييييييينكم والله غريبة قطعتكن؟؟؟

[غربتي ذبحتني ؟؟]

اللهم صل على محمد وعلى آله وصحبه أجمعين

[طبوش]

أحممممممممممممم:10::10::10:
طبوش عادت ياالله وين الترحيب الحااااااار فيها:80::80::80:

[طبوش]

كيفكم ياصبايا اشتقتلكم كتير كتير سامحوني على التقصير بس لما كنت بسوريا ما كان عندي نت وبقيت بسوريا حوالي ثلاثة أشهرولما ارجعت النت عندي كان مقطوع ولبين ما ظبطت الأمور وأنا الآن والحمد لله صار عندي نت وحابة أسمع أخباركم كلكم

[طبوش]

غربتي ذبحتني الحمد لله على السلامة كيف كانت زيارتك للشام وكيف الأهل
.جودي قريت أنك حامل ألف مبروك الله يتمملك بخير وتقومي بالسلامة
استغلي هل فرصة قبل ما يجيكي البيبي يعني روحي وتعي لأنو بكرة لما يجي البيي بتخف كتير هل الأمور
نارنينا الغالية كيف حالك اشتقتلك كتير كيف البيبي شو كم شهر صرتي شوصورتي بنت ولا صبي طمنيني عنك
شاام الغالية هلا وغلا صدقيني أنت دائما بالبال ومتل ما قالت غربتي ذبحتني ادخلي الكافيه القديم وشوفي كيف كنا نسأل عنك

[طبوش]

أهلا وسهلا بكل الصباايا الجدد اللي انضموا ألنا
وينكم يا بنات ياالله حابة أسمع أخبااااااركم أن شاء الله كلكم تكونوا بخير وصحة وعااااافية

[غربتي ذبحتني ؟؟]

طبووووووووس اهليييييييييييييين كيفك شو اخارك طمنيني عنك انا منيحة الحمد الله خبريني عنك

[غربتي ذبحتني ؟؟]

ووووووووووينكم يابنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حزينة العمر]

كيفكم يا بنات انا كنت اتابع بالكافيه القديم بس ماشاركت الا مره وحده وان شاءالله رح شارك بهالتجمع الحلو انا عني سوريه مغتربه بالامارات واهلي بالسعوديه وبشوفهم بالاجاازات لما بروح زياره لعندهم وانتو خبرونا عنكم

[طبوش]

هلا وغلا غربتي ذبحتني أنا بخير ومشتاقتلكم كتير ومشتاقة لسماع أخباركم كيف بنوتك شو صار عمرها
ابني بخير وصار عمره الحين سنة وثلاثة أشهر
كيف قضيتي الإجازة بالشام
أنا كتير انبسطت ياالله ما أحلى جمعات الأهل

[طبوش]

حزينة العمر هلا ومرحباااا
كتير مبسوطين بتواجدك معنا خبرينا عنك متزوجة ولا بنوتة
كيف الإمارات وين ساكنة بأي منطقة بالإمارات
ومن وين أنت بسوريا

[طبوش]

وين باقي البنات مو مبينين
يالله وين التفاعل الحلو

[حزينة العمر]

كيفكم بنات انا من حما ه ومتزوجه صارلي 6سنين وعندي بنوته وحده بالصف الاول وساكنه بالشارقه وانتو من وين من سوريا وين مغتربين

[طبوش]

هلا حزينة العمر شرفتي أنت وكل أهالي حماه
وأنا كمان من حماه متزوجة وعندي ولد عمره سنة وثلاثة أشهر ومتغربة في قطر

[حزينة العمر]

ياي قطر حلوه كتير انا رحت عليها زياره الصيف الماضي 4ايام بس انبسطت فيها وصدفه حلوه انه انتي كمان من حماه

[طبوش]

صباح الخير ياحلوين
قلت باعتبار فاضية وعم أشرب قهوة لأدخل عالنت وأعزمكم معي على فنجاااان قهوة بياخد العقل لسة ساخن وطعمته غير شكل
طبعا لأنو من شغل أيديه الحلوة
حزينة العمر وين الأماكن الله زرتيها بقطر
ومن وين أنت حواضرية ولا سوقية

[طبوش]

شو وين باقي البنات ليش مو مبينين اشتقنالهم كتير وبدنا نسمع أخبارهم الطيبة
شو عاملين غدا اليوم أنا بدي ساوي فريكة كتير بحب هل أكلة اتفضلوا عازمتكم يا حلوين

[حزينة العمر]

اهلين طبوش كيفك اليوم انا اليوم طبخت باطرش وانا حواضريه من الطرفين يعني ماما وبابا وجوزي كمان حواضري ههههههه ولما كنت بقطر نزلنا بفندق رويال قطر جنب سوق واقف كان كتير حلو وطبعا كنا ننزل كل يوم على سوق واقف ورحت على فيلاجيو وعلى سيتي سنتر وعلى مطعم الساحه وعلى الكورنيش وكتيير انبسطت انا بحب السفر والتغيير وجوزي كل شهر بزور قطر عنده شغل هونيك هو مهندس وبزور مواقع انتي خبريني عنك من وين من حماه يمكن نكون بنعرف بعض لانه الحمويه كلهم قرايبين هههههههههه

[ام منير 2008]

الله يسعد اوقاتكم - هي اول مرة بدخل على هاد المنتدى وكتير حبيتو لأنو سوري كيف حال الجميع بتمنى تقبلوني معكم والله حسيت حالي فايتة على شي صبحية - مافي احلى من سوريا والله يعيننا عالغربة شومررررررررررررررررررررررررررررة

[طبوش]

ياهلا فيكي أختي رولا أم منير
شرفتي الجو بهل كافيه كتير حلو ورح تنبسطي معنا باذن الله وكوني دائما على تواصل وعرفينا عنك أكثر من وين أنت ووين متغربة وعندك أولاد

[طبوش]

حزينة العمر ياهلاااااااااااا بالحواضرية كلهم
صرنا تنتين وأنا كمان حواضرية لعيونك الحلوة

[ام منير 2008]

شكرا طبوش على الترحيب انا من الشام وجوزي من حلب ومغتربة بالامارات متزوجة من عشر سنين ونص وعندي ولد عمرو سنة وشهر حبيت كتير هالكافيه وانشالله كل يوم بتشوفوني عم اشرب القهوة الصبح معكم

[غربتي ذبحتني ؟؟]

اهلين وسهلييييييييين بالبنات نورتو كلكن ايه عطونا اخباركن شو عاملين وكيف الولاد ؟؟ وشو عاملين بهالغربة ؟؟

[غربتي ذبحتني ؟؟]

حزينة العمر

رولا ام منير
نورتووووووووووووووووووووو واهلين فيكن معانا

[حزينة العمر]

كيفكم يا بنات شو اخباركم طبوش لك اهلين بأهل الحاضر وبالمناسبه نحنا بيتنا بمنطقه اسمها الاميريه وبقيت الاهل بالمناخ وبالقصور وهيك يعني متفرقين وبيت جدي هنن بيت حداد معروفين انتو وين ساكنين مع اني ما كتير بعرف بالاماكن هونيك لانه ما بنزل كتير على سوريا وهلأ صارلي شي 8 سنين مارحت على حماه لانه اهلي بالسعوديه وبروح بأجازتي لعندهم وما بصحلي انزل على سوريا بس يمكن هالسنه ننزل

[حزينة العمر]

رولا ام منير كيف حبيبتي انا متلك مغتربه بالامارات من 7 سنين تقريبا انتي بأي اماراه ساكنه انا بالشارقه غربتي ذبحتني كيفك حبيبتي شو اخبارك طمنينا عنك انتي من ريحة الحبايب بالسعوديه انا بحب الرياض لاني ولدت فيها وعشت فيها طفولتي وشبابي وبعدين اتزوجت واغتربت عن اهلي وعن كل احبابي وعلى فكره اسمك بيفتح لي جروحي

[ام منير 2008]

شكرا غربتي دبحتني وحزينة العمر عالترحيب انا اهلي بدبي بس انا ساكنة بالسلع عالحدود مع السعودية يعني الغربة غربتين وبنزل لعندهم كل اسبوعين يوم يلا الحمدلله
بس ليش قلتي انو اسمي بيفتح جروحاتك سلامة قلبك انشالله وانو حبايب قصدك؟ اهل الشام او حلب
يسلملي تراب سوريا كلو من اي محافظة كان!!!!!!!!!!!!

[حزينة العمر]

كيفك رولا شو اخبارك اليوم ومنيح انه بتشوفي اهلك كل اسبوعين مره احسن منا نحنا بالسنه لنشوفهم مره صح انتي بغربه بس قريبين شوي اهلك ومابينكم حدود وفيزا وتأشيره ماشاءالله والله يقربكم اكتر واكتر وانا كنت عم اقصد اسم غربتي ذبحتني لانه فعلا عم يعبر ألم الغربه الي نحنا موجوعين منه وانتي اسمك بالعكس بجنن والله يخليلك منير يارب

[ام منير 2008]

صباح الخير يا صبايا كيفكون اليوم . شو مافي حدا . تفضلوا عم اشرب نسكافيه واسمع فيروز
اختي حزينة العمر طولي بالك مشان الغربة هاد اللي ربنا مقدرو علينا ولازم نتحمل وانشالله الغربة بتنتهي للجميع ويآمننا بأوطاننا- بالنسبة الي انا صارلي 28سنة بالغربة مع اهلي وبعدين تزوجت كمان هون بالامارات يعني ماحدا داق الغربة متلي بس اللي بيهون انو اهلي معي هون بس اخواتي كلهم بالشام - الحمدلله-
حاج حكي عالغربة وجايبين سيرتها____ انا الاسبوع الماضي كنت بالشام وحلب الجو هونيك رووووووووووووعة وبرررررررد بيجنن والمطر ولا أحلى

[حزينة العمر]

مرحبا يا بنات كيفك رولا والحمدلله على سلامتك كويس انه سافرتي وغيرتي جو وعقبالي انا كمان سافر خبرينا عن حياتك شو بتعملي وكيف الحياه بالمنطقه الي انتي عايشه فيها انا بالنسبه الي حبيتها للشارقه ومرتاحه فيها وبحب الاماكن السياحيه بالامارات وبنطلع كتير بس ناقصني وجود اهلي معي وياااارب يوفقنا ويصبرنا على الغربه والحمدلله على كل حال

[ام منير 2008]

شو الظاهر مافي حدا غيرنا هون
انا كنت مدرسة بالشارقة بس بعد ما انتقل جوزي عالسلع تركت التدريس هون مافي حدا قاعدة بنص الصحراء
منيح انك بتطلعي وبتتفرجي انا مابطلع من البيت غير اذا بدنا نروح لعند اهلي بدبي وباقي الوقت قاعدة بالبيت بعمل اشغال يدوية وبحب الطبخ والحلويات كل يوم بخترع شغلة (وجوزي بيحكم) بتسلى فيهم وبعد ما اجا ابني صرت اتسلى شوي - انا سكنت بالشارقة سنتين كانو حلوين
انتي خبرينا عنك - شو بتعملي وكم ولد عندك؟

[حزينة العمر]

ايه شكلو مافي حدا غيرنا هون انا ما بشتغل كمان قاعده بالبيت وبضل بالبيت ما بطلع الا يوم الجمعه والسبت لانه اجازة جوزي وبنتي انا عندي بنتي عمرها 6 سنين بالصف الاول بمدرسة المعرفه انترناشونال وماعندي غيرها عم انتظر الله يرزقني بغيرها يااااارب ادعيلي والله يعينك على السكن بالسلع صح بعيده بس حلو انه اهلك قريبين يعني بتتونسي فيهم وممكن تزوري عندهم بالاجازات وبالعيد وان شاءالله بتنتقلي عن قريب وبتسكني جنبهم والله كريم مافي اكرم منه

[ام منير 2008]

صباحكم ورد جوري وزنبق بلدي وياسمين الشام وزهر النارنج
كيف الصبايااااااااااااااااااااااااا - شوووووووووووو عاملين اليوم؟؟؟؟

[طبوش]

صباح الخير كيفكم ياصبايا
أختي رولا أم أمين كيف الشام وحلب والله شوقتيني للنزلة أنا بموووووووووووووت على حلب
شكرا على النسكافيه ومع فيروز ياسلااام الطعم أغنى وأطيب

[طبوش]

سامحوني امبارح ما قدرت أكلمكم لأني كنت مشغولة
كان جاييني ضيوف وكنت عم اتحضر من الصبح
ومافضيت لأي شي تاني غير المطبخ
شو يابنات شو قصتكم مع الغربة
مافي أحلى من الغربة طلعات وفوتاااات وبسط وتسلية ومرح ومابتقعدي بالبيت أبدا شو مابتعرفوا هل شي عن حبيبة قلبي الغربة
هههههههههههههههههه
سامحوني بس الواحد أحيانا من قهره واشتياقه للأهل بحاول يلطف جومشان يغير روتين هل حياة المملل

[طبوش]

شو ناويين تطبخوا اليوم
أنا بدي ساوي زهرة مطبوخة اتفضلوا أهلا وسهلا فيكم
بس للحين ما بلشت طبعا لأني قاعدة على النت ولسه قهوتي ما خلصت
يعني بس خلص قهوة بقوم بسعى بأموري وببلش روتينا اليومي

[حزينة العمر]

مرحبا يا بنات كيفكم انا اليوم عامله فتة دجاج

[طبوش]

واااااااااااو فتة دجاج روعة كتير أكلة طيبة
صحتين وهنااااااا على قلبك

[حزينة العمر]

وعلى قلبك طبووش شو وين بقية البنات الحلوات

[ام منير 2008]

كبفكم صبايا انا كنت عاملة مقلوبة بيتنجان مممممممممم شو طلعت طيبة واشتهيتكم معي
الغربة مرة بس مع شوية سكر بتصير مقبولة هههههههههههه على قولتك طبوش عم نغير جو
انتي شو بتعملي ومن وين وكيف طلعت عزيمتك.......... اذا بدك مساعدة المرة الجاية جاهزييييييييييييييين تكرمي

[ام منير 2008]

عزيزتي طبوش اسمي ام منير مو ام أمين الاسم حلو ومتل ماقلتلكم اني استنيت 10 سنين لحتى ربنا بعتلي ياه الله يخليلكم ولادكم

[حزينة العمر]

كيفكم يا بنات كيفك طبوووش وكيفك رولا ماشاءالله عليكي يا رولا والله انتظرتي كتير بس الله عوضك والله يحفظلك منير يارب خبرينا عن تجربتك وبحكم تجربتك خبريني شو احسن دكتوره نسائيه انا عم تابع بمشفى الزهرا ولهلأ مافي نتيجه مرضيه ماحدا عرف حالتي بس بيقولوي ساوي هالصوره وساوي هالتحليل مليت وكرهت المشفى والاطباء مافي حدا شاطر وبيفهم انتي وين تعالجتي والله يبعتلك اخوه واخوات لمنير ويملو عليكي حياتك

[طبوش]

صباح الخير ياصبايا
كيف حالكم سامحيني أختي رولا أم منير على هذا الخطأ الفني
أنا من حماه متزوجة في قطر من حوالي أربع سنين وعندي ولد عمره سنة وثلاثة شهور
صحتين على المقلوبة أكلة طيبة كتير

[طبوش]

حزينة العمر كيف حالك
بدي منك تكوني متماسكة وتملي وقتك بشغلات مفيدة حتى تقدري تتأقلمي مع الغربة لأنو اللي ما بيعمل هيك بيتعب كتير
وياأختي اصبري وتوكلي على الله
بالنسبة للحمل أكثري من الاستغفار والله يرزقك ويرزق رولا أم منير والجميع الذرية الصالحة

[طبوش]

غربتي ذبحتني نارنينا شام جودي
وينكم ياصباايا اشتقنالكم وين الهمة القوية شو الظاهر الكافي صار موضة قديمة وبطلتوا تدخلوا عليه
خخخخخخخ

[طبوش]

بنات بتعرفوا شو أحلى شغلة بالغربة
الصبر
الصبر على كل شي
على بعدك عن الأهل
على غياب زوجك عنك
على الفراغ اللي نشعر فيه
وكما يقال الصبر مفتاح الفرج
يعني بالنهاية لابد ما تفرج الأمور والله يصبرنا ويجعلنا من الصابرين

[ام منير 2008]

صباح الورد ياحلوين كيفكم اليووووووووم حزينة العمر انا كنت عند الدكتورة عواطف كتيييييييير منيحة بالمشفى الكندي بدبي كتير منيح والعناية عندهم كتير ظريفة وكل شي بيد ربنا
وصحة على قلبك كمان اختي طبوش

[ام منير 2008]

شكرا على دعواتكم لي وانشاءالله انتو كمان الله يبعتلكم ذرية صالحة يارب
طبوش - ابنك يعني اكبر من ابني بشهرين تقريبا انا ابني بشهر تشرين2
تيتة من حماه يعني في عرق معكم
شو مافي حدا غيرنا بالكافيه؟؟؟؟؟؟؟؟؟

[حزينة العمر]

كيفكم يا بنات ومعك حق ياطبوش لازم نتاقلم على الغربه ونشغل حالنا انا عم فكر ادرس معهد انجليزي قوي فيه لغتي ,والله يخليلكم ولادكم ان شاءالله

[ام منير 2008]

شو القصة مافي حدااااااااا(لاتندهي مافي حدا)
الظاهر هالكافيه بمنطقة مقطوعة لحتى ماعم شوف حدا
يمكن صار لازم شوف شي واحد تاني روح عليه يمكن لاقي فيه حدا

[نغمة شامية]

أهلين بأحلا صبايا مغتربة
وأنا حواضرية يا مية السلامة
صرنا ثلاثة أكيد بدو يطلع لنا كنز
أنا غربتي ثلاثية أنا من حماه
وزوجي حلب و ساكنة بحلب
أبي ربي يحفظه بمدينة رسول الله
وباقي العيلة بحماه
لكن ربي ماحرمني في جزء من عيلتي بحلب
عنجد كتير مبسوطة اني بقيت بعرف حدا بالمنتدى من حماه و سوريا
شورأيكم بحلاوة الجبن يا حلوين

[غربتي ذبحتني ؟؟]

ههههههههه طبوش لا مين قال موضة قديمة بس والله بتعرفي الظروف المهم كيفكن كلكن واهلين بالبنات كلن

[حزينة العمر]

كيفكم يا بنااات نغمه شاميه شو اخبارك شو هالصدفه الحلوه حواضريه كمان يا عيني بتعرفي كأنه صار لازم نفتح كافيه بنات الحاضر شو رأيك؟ ههههههههههه

[طبوش]

ياصباح الخير والحاضر والسوق وكل السورية وكل الحموية
كيفكم شو هل تفاعل الحلو اللي صار بهل كم ساعة اللي غبتهم عن البلد عفوا عن الكافيه
خخخ

[نغمة شامية]

صباح النواعير ونهر العاصي
شورأيكم بفنجان قهوة بالقلعة
وتطل فينا ع نهر العاصي
قعدة كثير حلوة ورايقة
حزينة العمر مافي شي بحزن في هالوجود
إلا تقصيرنا مع رب العالمين
الله يحفظنا أولادنا و أهلنا و صحتنا
اذا مطولن بالقعدة رح وصيلكم على فتة حمص من عند أبوجودت
بما انه قريب من القلعة بس وحدة منكم تجيب حامض ( مخلل )

[طبوش]

ياهلا فيكي عزيزتي نغمة شامية سورية حموية حواضرية
كيف حالك اتشرفنا بمعرفتك وعلى قولك رح يطلعلنا كنز
خبرينا عنك وين متغربة متزوجة ولا بنوتة
شو بتعملي بالحياة

[طبوش]

الظاهريا نغمة شامية دخلنا مع بعض
والله جبتيها فتة حمص من عند أبو جودت مع مخللات من عندي لأني عاملة مخلل بيتوزع على كل أهل الكافي
الله على القلعة والنواعير وحماه
الله يحفظ بلادنا من كل مكروه

[نغمة شامية]

شكرا طبوش خانم
انا متزوجة على حلب وعندي صبيين وبنت الله يخليلي ايهم
طبعا البيت و الاولاد ومسؤليتهم ما خلولي شي تاني أعمله
انت من وين وكل كم بتروحي حماه متزوجة

[نغمة شامية]

عن اذنك لانه بده تجي الحواسة على قولة أهل حلب تنظف البيت
ومالي عرفانة شو بدي أطبخ
بركي اذا فتحت بعد العصر بلاقي اقتراحات منكم ع الطبخ
لانه أكلي على العشاء

[ام منير 2008]

صباح الخير يا حلويييييييييييييييييين شو اخباركم اليوم؟؟؟
اهلين نغمة شامية فيكي وميت السلامة على قولة اهل حلب - انا كمان جوزي من حلب - وبيتي بحلب بس انا مغتربة بالامارات

[نغمة شامية]

أهلين بأم منير
وين بيتك بحلب
هاتي المفتاح دير بالي عليه
انت حموية من وين

[ام منير 2008]

حلاوة الجبن مافي اطيب منها مين ماراح على حماه منوصيه عليها كنا ناخدها من عند سلورة ولما كنا نروح نزور خوال ماما كان احلى فطور كان لما يجيبوا شعيبيات بالقشطة مممممممممم شوطيبين وبحلب الفطور مامونية وسحلب سخن ياسلاااااااااام
انا عاملة عالغدا دجاج مشوي مع البطاطا والاعشاب وقدامو سلطة سيزر وتوم مع المايونيز تفضلووووو

[طبوش]

رجعتلكم يا صبايا بس رحت عملت الطبخة
اليوم ساويت ملوخية اتفضلوا يا حلوين
أنا يا نغمة شامية متزوجة بقطر وعندي ولد واحد
صرلي حوالي أربع سنين متزوجة

[ام منير 2008]

اهلين فيكي انا بيتي بالاكرمية بجانب المسبح الاولمبي وانا من الشااام بس تيتة حموية من السوق
انتي بيتك وين؟

[ام منير 2008]

من عشر ايام رجعت من حلب رحت قضيت العيد هونيك وكان برررررررررد
طبوش .... كيف الجو عندكم بقطر
على فكرة انا قريبة عليكي لأني ساكنة على حدود الامارات مع السعودية

[طبوش]

آخ يا بنات والله أنا كتير بحب حلب
وماكنت حب السحلب بس بحلب حبيته وصرت موت عليه
بعد أذنك نغمة شامية ابعتيلنا شي صحن سحلب
أنا كنت أشربه من عند بائع بمنطقة المريديان خاصة مع بردات حلب اللي غير شكل كان يطلع طعمه رووووووووعة

[طبوش]

هلا رولا أم منير الجو عنا بقطر بدأ يبرد بالليل بس الصبح لسه في شوية شوب
سلميلي على ستك الحموية واتفضلي زوريني بقطر مية السلامة

[نغمة شامية]

بيتي بالفرقان
أهلين طبوش
شور أيكم اليوم مارح اطبخ كل واحد طابخ طبخة يصب لي صحن وأحلى سفرة
ام منير صححي معلوماتك لا تاكلي حلاوة الجبن الا من عند افاميا بساحة العاصي مقابيل نهر العاصي
كلي و ادعي لي كثثثثثثثثير طيبة

[طبوش]

أنا بنزل على سوريا كل صيف وأحيانابنزل بالسنة مرتين مرة بالصيف ومرة بالعطلة الإنتصافية
بس السنة ما بعرف أذا في نزلة بالعطلة الانتصافية ولا لأ
خاصة العطلة السنة بقطر مطولة شوي

[نغمة شامية]

تكرم عينك طبوشتنا
سحلب اطلبي أكلة محرزة كبب لبنية سفرجلية سماقية
صح الي 7 سنوات متزوجة بس سبقت الحلبية بطبخهم

[طبوش]

تكرم عينك نغمة شامية لعيونك أحلى صحن ملوخية حموية
صحيح أفاميا طيب شغله بس كمان سلورة هو الأساس بحماه
منطقة الفرقان كتير حلوة وهادئة كانت قريبة من معهدي بحلب

[طبوش]

خيتو ابعتيلي شو قرصين كبة مشوية مو مشكلة لأني مشتهيتها

[نغمة شامية]

طبوش و ين ساكنة بحماه و ليش بتجي لحلب
فبي الك حدا
اذا بتقدروا توقفو التوقيع بهذا القسم ياريت
لأنه بيأخد مساحة كبيرة ونحنا بدنا نقرأ بسرعة

[ام منير 2008]

انا من زمان بعرف سلورة بس يمكن صار في واحد غيرو احسن
طبوش --- شكرا على العزيمة على قطر

[نغمة شامية]

وينك يا أم منير الله يرزقك أخوة لمنير
معانا ولا انسحبت
يمكن راحت تستفقد الطبخة
تكرم عينك كبة ومشوية و10 قراص شو هالشغلة

[ام منير 2008]

تكرم عينك نغمة شامية هلق احلى صحن دجاج بيكون عندك
افتحي الباب

[نغمة شامية]

شامين ريحة طيبة
ابني فضا قنينة العطر على حالو
لك اذا بشهر ماغسلتو بضل ريحته عم تفوح
اللهم صلي على سيدنا محمد
عن اذنكم الان

[ام منير 2008]

من عشر ايام بالضبط اكلت كبة سفرجلية عند بنت حماي
وانا كمان بطبخ اكلات حلبية طيبة شوبدنا نعمل لازم نطعمي الرجال

[ام منير 2008]

وانا عم قول من وين هفت علينا هالريحة
منيح قنينة عطر مو علبة شي كريم او شغلة تانية

[ام منير 2008]

شفتوا قعدة النسوان كلها بتكون عن الاكل مافي شيي سيرة تانية..............

[ام منير 2008]

شووووووووووووووو وين رحتوا؟؟؟

[طبوش]

بنات أنا درست بحلب سنتين
بس صرلي الحين أربع سنين متخرجة
بس عندنا بيت هنيك بالسريان الجديد

[طبوش]

رجعت جددت القهوة وقلت لأشربها معكم

[طبوش]

بس بعد شوي بدي قوم أطبخ الرز لأنو جوزي علملي

[طبوش]

حلوة هيك المشاركة يعني ياريت دائما نضل مع بعض متواصلين

[ام منير 2008]

اسفة بنات علق النت معي
بدي قوم اطبخ بتوصو شي بحاكيكم بعدين
باي

[غربتي ذبحتني ؟؟]

بنات مرحبا في حدن ؟؟

[طبوش]

هلا ومرحبا غربتي ذبحتني كيف حالك

[حزينة العمر]

كيفكم يا بنات يا حلوين شو بضلو بتحكو عن الاكل ههههههههه يعني لو ما قلتو انه في الكم عرق حموي كنت عن جد بدي شك فيكم لانه مبين انكم حمويه روووح قلبهم الاكل والطبخ والشغل بالمونه ايام الصيف وتقطيف الملوخيه وعصر بندوره وتيبيس بيتنجان الله يعينا هي شغلة الفاضيين الي متلي انا والله مرات بتسلى بالطبخ والاكل

[عاشقة سورية]

مرحبا صبايا ومدامات
كيفكم ان شاء الله بخير
انا عاشقة سورية من الشام
وبالتحديد من العمارة
ومتزوجة وساكنة مع زوجي بالمدينة المنورة
طبعا زوجي سعودي
فانا غربتي ابدية
الحمد لله رب العالمين
عندي بنتين وولد
الله يخليهم الي ويخليلكم الي عندكم
واللي ما عندها اللهى يطعمها يارب

وبتمنى تقبلوني معكم
باي

[غربتي ذبحتني ؟؟]

اهلين طبووووووش انا تمام وانتي كيفك ؟؟

[ام منير 2008]

صباح ورد الشام للجميييييييييييييع يسعد صباحكم كيفكم اليوم وشو اخباركم؟ شو عاملين اليوم؟
في حدا معي؟
عاشقة سورية اهلا وسهلا وميت مرحبا

[ام منير 2008]

عزيزتي غربة سورية صحي انك مغتربة ابدية متل ماقلتي بس بيكفي انك ببلد الحبيب المصطفى
يعني بدك احلى من هيك جوار ماشاء الله تتهني
وأكيد بتروحي عالشام بالاجازات وبتشوفي اهلك؟
عزيزتي حزينة العمر - اذا ماحكينا عالاكل والمونة شلون بدنا ننعرف انو نسوان بعدين بيكفي انو ماعم نحكي على حدا وناخذ ذنوب هههههههه
يسعد صبااااااااحك مع احلى فنجان قهوة وصوت فيروز اللي بيذكرني بصباحات الشااااااااام الله يحميها

[طبوش]

صباااااااااح الخير على الجميع
كيف حالكم جميعا

[طبوش]

عاشقة سورية صباح الخير
http://www.althkra.net/pic/ep/1212.gif
ياهلا ومرحبا فيكي معنا نتمنى تكوني على تواصل دائم وما تقطعينا

[طبوش]

حزينة العمر كيفك شو أخبارك
على قولتك حكينا بس عالطبخ والنفخ
صحي شو طابخة اليوم
خخخخخخخخ

[طبوش]

رولا أم منير يسعد صباحك
شو خلصتي شرب قهوة ولا لسه
أنا خلصت بس ناوية قوم جددها لأنو القعدة الصبح ما بتحلى بدون فنجان القهوة

[طبوش]

نغمة شاامية كيف حالك
الظاهر لسه نايمة ومتغطية باللحاف والحراف خوفا من بردات حلب الحلوين
ياالله قومي اصطبحي معنا صارت القهوة

[طبوش]

صباح الخير غربتي ذبحتني كيفك اليوم ليش ما عم تشاركينا هل صبحيات الحلوة
كيف بنوتك شو عاملة اليوم

[طبوش]

صبايا رح أقترح عليكم اقتراح حلو
شو رأيكم تجديدا للروتين اليومي والحديث عن الطبخ والنفخ كل وحدة فينا تحكي عن يوميات أولادها وعن فصولهم الحلوة

[ام منير 2008]

صباح الخير مرة تانية يا صبايا
حبيبتي طبوش شلونك
اي خلصت القهوة من زمان وحفرت الكوسا وجهزتو مشان الغدا ورتبت البيت ورجعتلكم
بس مافي مشكلة منرجع منجددها كرمال عينك

[ام منير 2008]

اقتراح حلووووووووووووووو
انا ابني عمرو سنة وشهر وهلأ اول حركتو ورح يجنني اذا طويت الغسيل بينكتو-اذا بدي اطبخ مابيخلي معلقة ولا كاسة مابيلعب فيون اذا بدي اكتب شي شغلة لازم ياخد القلم
ااااااااااااااااااااه شو بدي احكي لأحكي رح جننننننن

[ام منير 2008]

الظاهر ماحدا بيقيق بكير؟ او بيفتحو النت متأخرين؟ انا بفتحو وقت فيق بشرب القهوة وبسمع فيروز وبقرا البريد وبشوف اخر الاخبار بعدين بقوم حضر الطبخ والنفخ وضب البيت ونعود ونجدد النت
وانتو كيف بتبدو نهاركم؟؟؟؟؟؟؟؟؟؟؟؟؟

[ام منير 2008]

صبايا عندي سؤال جاوبوني ارجوكم
ابني صار عمرو سنة وشهر ولهلأ ماعم يقول ماما وبابا مع انو لما كان عمرو 9شهور تقريبا كان يقولهم وفجأة ماعاد حكى شي بس بيقول مم وقت بدو ياكل ونانا اذا بدو يرضع - هالشي طبيعي ولا اعرضو على دكتوووور انا خايفة help me pleassssssssssssssse

[طبوش]

لا أختي رولا أم منير شي طبيعي
لأنو ابني عمره سنة وثلاثة شهور اتأخر بالحكي وكمان ما بقول غير بابا وماما ودادا وكوكو
على فكرة ابني اتأخر بكل شي
أسنانه ومشيه وزحفه وحتى حكيه
يابعدي متقل حاله مشان يعرفنا أهميته

[طبوش]

متل ماقلتي يارولا كمان ابني بينكت الغسيل
وروح قلبه المطبخ بطالع المطاربين وبيركض فيهم
وعلى فكرة أنا قالبة الكنبايات عندي مشان ما يطلع عليهم ويوصل على التلفزيون
طبعا غير الشغلات اللي حطيتها قدام التلفزيون مشان مايوصله

[طبوش]

على فكرة رولا من أعراض الغربة أنو الأطفال بيتأخروا بالحكي لأنو بكونوا منعزلين عن العالم
على فكرة هلأ ابني جنبي واقف عالديوان وعم يكبس الكيبورد ويلعب بالبفلات وشكلي رح أعمله قتلة لأنو جنني

[طبوش]

شو الظاهر اليوم ما في حده وين الصباااااااايا شو كلهم كسلانين وبحبوا النوم

[طبوش]

2 ىلالالالالا ى



\
هتة ااااالضلفغ






لللللللبغ
شئ
عفوا هي كتابات ابني الله يحميه

[نغمة شامية]

سلام لأحلى صبايا سوريات
ولسه ماشفتوا شي من أولادكم لسه الخير لقدام
رولا إنشاء الله كل ما نط الكوز للجرة بدك تركضي ع الدكاترة
كثير طبيعي حمزة ابني الان عمره سنتين الآن بدأ يتكلم بس كله مع بعض
شو ماسمع بدو يعيد
ربي يحفظهم و ع فكرة عنجد اسألي عن اي موضوع بخص الأطفال قبل الذهاب للطبيب
أهلييييييييييين طبوش يعني بتشوفوني دخلت بتنهزموا طيب طيب

[طبوش]

هههههههههههههه
بكير نغمة شامية ليش كنت لا تدخلي اليوم بالمرة
شو وينك ما شربتي القهوة معنا اليوم

[عاشقة سورية]

اهلين اختي رولا ام منير واختي طبوش
كيفكم اليوم شو اخباركم
صح حبيبيتي انا ببلد الحبيب
والحمد لله هدا اللي مصبرني على الغربة ؟وانا بشكركم من كل قلبي
وان شاء الله بنتم على تواصل

[ام منير 2008]

مسا المسك يا حلوين شكرا على نصايحكم مشان ابني بس انا المشكلة انو في ناس حولي عم يقولولي ابنك كتير تأخر بالحكي لييييييييش؟

[ام منير 2008]

عزيزتي طبوش هي شغلة الكيبورد عادي يااااااااااما ابني مخبص بالكمبيوتر او الموبايلات رح يجنني
مبارح نمت شوي انا وياه الضهريات فاق قبلي وماخلى شي عالكومدينو ماشلفو عالارض أأأأه
لا تشكيلي ببكيلك وكل واحد بيشوفو بيقولولي استني لسى الخير لقداااااااااااااااااااام هاد مو شي!!!

[ام منير 2008]

يمكن الكل بيتأخر بالنوم يعني لبين ما يتمطمطو بالفرشة ويصحصحوا منكون انا وطبوش شربنا القهوة وساوينا البيت وخلصنا طبختنا
تيتة كانت لما تطلع الشمس الصبح تفيقنا وتقول قومو أذن الظهر هههههههههههههه

[غربتي ذبحتني ؟؟]

ههههههههههه ام منير حلوة
بنات انا ماكتير بفيق بكير بس يلا عم بقرا قصصككن وحكياتكن
طبوش كيفك؟؟
وكيفك نغمة شامية شو اخبارك
عاشقة سورية شو اخبارك اليوم
انا عني بنتي عمرها سنة و8 شهور الحمدالله جنان رسمي بكرة بتشوفو شويمل ولادكن بس لمن بتحكي بصير اضحك وبنسى اني زعلانة منها ؟؟ قلبي رقيق بس والله عم تعزبني كتير الله يهديها

[طبوش]

صباااح الخير
شو رأيكم ياصبايا تجوا تفطروا معي عاملة لفلوفة زعتر مع كاسة شاي
يميميميم
اشتهيتكم معي

[طبوش]

بتعرفوا اليوم ابني فايق من الخمسة الصبح يعني مع أبوه فتح عيونه وطلع لعند أبوه وأنا ضليت نايمة
ولما راح جوزي شغله التلفزيون على طيور الجنة وصار يتفرج
بس خارب الغرفة فوقاني تحتاني
وكل شوي يجي لعندي يرضع ولما يسمع شي أنشودة تعجبه يتركني ويرجع يكمل متابعة وهيك لحتى فقت حضرتي الساعة سبعة

[طبوش]

شو وينك يارولا اليوم متأخرة على غير عادة

[طبوش]

بتعرفي رولا ابني للحين ما يحكي وما طلعله غير أربع سنان من فوق وثلاثة من تحت
بس عن جد بحس الأطفال بيفهموا عليكي كل شي
يعني أذا طلبت منه شغلة بيفهم وأذا عيطت عليه بيزعل وبيبكي
ومع هيك عالمهم غريب عجيب وأحيانا كتير بتمنى أعرف بشو بفكر هل طفل الصغير

[ام منير 2008]

كيفكم بنات شو اخباركم معك حق طبوش اليوم متأخرةلأني من الصبح طايشة ولايشة عم ضب غراضي لأني رايحة اليوم لعند أهلي حتى القهوة الصبح ماعندي وقت اشربها لأنو خبرني جوزي الصبح أنو اليوم رايحين على دبي
وهلق يادوب خلصت وعم استنى ليرجع من الدوام وروووح

[ام منير 2008]

ابني نفس الشي عندو اربع سنان من فوق و3من تحت وبيجرجر كتيييير مابعرف شوعم يحكي
والأحلى انو اوقات لما بشكيه لأبوه كأنو بيفهم عليي بيصير يقلب شفتو وبيطلع بالأرض وبتدمع عيونو يعني زعلان مني ليش عم اشكيه

[ام منير 2008]

مبارح الصبح ابني فاق بكير الساعة 7 قمت رضعتو ونيمتو جنبي بعد ماراح ابوه عالشغل نام شي ساعة وفاق بعدين صار يلعب عالتخت وعملني حاجز يقلب من فوقي للطرف التاني ويلف ويرجع يقلب يعني رايح راجع وهو عم يضحك عاجبتو هاللعبة لحتى تعب وتستطح جنبي بدو ينام هههههههههههه

[طبوش]

صبااح الخير على الجميع كيف حالكم اليوم شو وين ناويين اليوم تطلعوا بالعطلة
كيفك رولا الله يهنيكي اليوم عند أهلك وأكيد مو متذكرتينا اليوم ولا نحن على بالك

[حزينة العمر]

كيفكم يا بنات انا كنت هاليومين الي راحو كنت كتير مشغوله وهلأ دخلت بس سلم عليكم وشوف اخباركم وامته ما صحلي بدخل مر تانيه سلااااااااااااااااام يا حلوين

[غربتي ذبحتني ؟؟]

اهلين بنات كيفكن شو الاخبار
انا رح انزل على سورية اخر الاسبوع بس شغلة اسبوع مش اكتر بدي شوف اهلي وارجع
طبوش انتي متلي لما بتقعد بنتي
بحطلها على طيور الجنة وبتم رايحة جاية لعندي بس الحمدالله بنتي بتحكي بعدين اكبر من ابنك ولا تنسي اذا مابتحكي مع ابنك باستمرار ماراح يحكي بسرعة حاولي تحاكي طول اليوم حتى لو رح تتعذبس بس لازم تجربي و
بنات ماعندكن رفقات ولا طلعات ؟؟ احكولنا عن صداقاتكن بالغربة ووين بتطلعو؟؟؟

[طبوش]

سلام حزينة العمر نورتي اشتقنالك
أن شا الله اللي شاغلك يكون خير
لا تقطعينا وتطولي الغيبة

[طبوش]

هلا وغلا غربتي ذبحتني بعد زمان وينك شو بالسنة حسنة
صدقي عم حاول كلمو كتير بس ما برد حتى بابا وماما كان يقولهم بس الحين ما عاد يقولهم
مابعرف شو بصرله يا بقول بابا وماما بالنهار كله يا بصير بيحكي كلمات مو مفهومة
بس بتوقع هذا كلو لأنه ما حوله أطفال مشان هيك رح يتأخر ابني بالكلام

[طبوش]

أي غربتي كيفك شو وين عم تروحي هل أيام
أنا ما عندي صديقاتو أغلب طلعاتي على المجمعات
كان عندي صديقات بس صار شوية أمور خلتني أقطع صلتي معهم
ماعندنا غير رفقات جوزي ونسوانهم كل فترة يا نزورهم يا هم يجوا لعندنا

[طبوش]

شو طبختوا اليوم يا حلوين
اليوم كان عندي ورق عنب
اشتهيتكم عليه

[طبوش]

فتحت الصبح قلت بشرب القهوة معكم بس النت اليوم صاير أخوت ما بعرف ليش
مشان هيك تركت الكمبيوتر وما دخلت للحين لأنو صار
وهلق عم كلمكم وابني على التلفزيون يشوف طيور الجنة
(نياله على هل الأم المهملة)
خخخخخخخخخخخخخ

[طبوش]

شو نارنينا وينها وجودي وشام
ماعادوا بينواشو قصتهم
اشتقنالهم من زمان ما اسمعنا عنهم شي

[ام منير 2008]

مسا الخيييييييير عالحلوين كيفكم اشتقتلكم واشتهيتكم معي بدبي رحت عالقرية العالمية فيها شغلات حلوة وفتت عالجناح السوري شميت ريحة بلادناااااااااا

[ام منير 2008]

اهلييييييييين غربتي دبحتني وحزينة العمر
من زمااااااااان هالقمر مابان وينكم طولتو الغيبة علينا

[ام منير 2008]

انا ابني ماحب طيور الجنة ولا سبيس تون بس بيحب يتفرج على قناة سنا للأطفال كتير حلوة والاولاد اللي فيها كلهم سوريين واغانيهم حلوة
انا كنت عندماما وكانت عاملة يلنجي وكبة وفطاير سبانخ مع شوربة ومعكرونة فتوتشيني وكسكسي تونسي ( ماتفكوا على شرفي ههههه بس كان في عندهم عزيمة اشتهيتكم بالاكلات)

[ام منير 2008]

صباح الخير على احلى صبايا شومافي حدا هوووووووووووون كلكم نايمين ومتغطيين؟؟؟؟؟؟؟؟
انا اليوم عم اشرب نسكافيه تفضلواااااااااااشوفي اخبار جديدة ؟؟؟؟؟انا اليوم طابخة لوبية مع السلق بيقولولها بحلب ( طنبورة) شرفونا عالغداااااا

[طبوش]

صبااااااااااح الخير ياهلا ومرحبا رولا
الحمد لله على السلامة كيف زيارتك بدبي وكيف الأهل
أن شا الله تكوني انبسطتي

[طبوش]

أنا من زمان فايقة وفاتحة النت بس مابعرف صاير عم بعلق كتير ومشان هيك ماقدرت أكلمك بكير

[طبوش]

شوووووووووووووووووو وينكم ياحلواااااااااات للحين ما حده على الكافي موجود
شو قصتكم عم تطولوا الغيبة

[طبوش]

شو عم تعملوا أنا بعد ما اتغديت كنت عاملة باطرش
نمت شي ساعتين بعدين فقت شربت القهوة مع جوزي وابني نايم
والحين قلت لأجلس على النت وكلمكم بس الظاهر مافي حده
على كل حال حبيت مسي على جميع الصبايا

[غربتي ذبحتني ؟؟]

مرحبا كيفكن بنات انا والله مشغولة عم جهز لنزلة الشام ادعولي

[حزينة العمر]

مرحبا يا بنات كيفكم شو اخباركم والله انا كنت بالمشفى مع بنتي قعدت 4 ايام كان عندها التهاب بالرئه بس الحمدلله اتحسنت ولسه عم نتابع حالتها عند الدكتوره واليوم طبخت محشي ملفوف وعملت تبوله انتو شو عاملين

[ام منير 2008]

صباح الورد ياحلويييييييييين كيفكم
غربتي دبحتني الله ييسرلك أمورك وتروحي وترجعي بالسلامة روحي وانبسطي واشتهينا بالبردات
حزينة العمر ألف سلامتها بنتك وانشاءالله اجر وعافيه والله يقويكي ويخليلك ياها وانشالله صحة عالتبولة والمحشي
انا اليوم عاملة خضار مشكلة ورز تفضلوااااا

[ام منير 2008]

طبووووووووووش وينك اليوم متأخرة بالنوووووم او ابنك عاملك شي فيلم اليوم؟؟؟؟انا خلصت قهوتي وبدي قوم اطبخ

[طبوش]

سلااااااااام لكل الحلوات
بصراحة يارولا أنا فايقة من بكير بس النت كتير عم يكون تعبااان الصبح لذلك ما عم بقدر فوت بكل وقت
كيفك شو أخبارك
أنا الحين خلصت غدا وقلت لكلمكم واليوم كنت عاملة بزاليا مع مرقة بندورة ورز

[طبوش]

غربتي ذبحتني هلا وغلااااا أن شا الله ترحي وترجعي بالسلامة
اتذكرينا بسوريا واشتهينا على هواها الحلو الله ييسرلك
رح نشتقلك كتير

[طبوش]

حزينة العمر مسا الخير اشتقنالك كتير والحمد لله على سلامة بنتك
طمنينا كيف صارت بنوتك الله يحميها ويحفظها يارب

[طبوش]

شو يا بنات وين ناويين تطلعوا اليوم
أنا اليوم كتير مبسوطة أهلي بدهم يجوا ويكلموني على النت
كتير مشتاقة لهم وبتعرفوا عالنت بشوفهم وبسمع صوتهم يعني بعوض شوي

[طبوش]

نغمة شااامية وين هل غيبة شو قصتك الظاهر مو مشتاقة ألنا ولا لشرب القهوة معنا

[نغمة شامية]

السلام عليك يا أحلا صبايا
سامحوني طولت الغيبة بس عنجد قلة فضا
شلونك طبوووووش شكرا على سؤالك
أنا بكرة أهلي جايين لعندي
بركي بشرب معكم فنجان قهوة الصباح قبل وصولهم
وكمان قبل مايجوا اطفالي من الروضة وجايبين معهم ورقة العلامة
تحياتي لرولا كمان أم منير الغالية
تصبحو على خير

[طبوش]

صبااااااااااااح الخير فايقة اليوم عبكير كتير أنا وابني وجوزي
جوزي بطبيعة الحال بفيق بكير بس ابني من الخمسة الصبح فايق الله يحميه وعلى طيور الجنة عم يتفرج وعم يلعب بألعابه
وأنا صليت الصبح وقلت لشوف أذا في حده متلي فايق

[طبوش]

ياسلااااااااااام
الله يهنيكي يا نغمة شامية وتشوفي أهلك بخير وسلااامة
وأن شا الله علامات ولادك تكون ممتازة

[ام منير 2008]

كيفكم ياحلوييييييييييين انا فايقة من بكير بس كمبيوتري اليوم جانن ماعم يشتغل من الصبح وكل ماافتح الموقع يطلعلي موقع بدون أمان ويقفل النت عندي
طبوش منيح ابنك عم يفيقك على صلاة الصبح - انا طبختي اخت طبختك بس انا خضار مشكلة
نغمة شامية انشاءالله بيجو اهلك بالسلامة
وتكون نتائج ولادك عالية.... طمنينا مشان نعمللهم حفلة نجاح هههههههههههه

[طبوش]

مسااااااااا الخير رولا كيف حالك اشتهيتك الصبح على فنجان القهوة شربته لحالي لأنو ولا حده كان على النت اليوم

[طبوش]

شووووووووو نغمة شامية وعدتينا تشربي القهوة معنا قبل ما يجوا أهلك وينك ما شفنااكي الصبح
شو بشرينا كيف نتائج الفصل النصفي عند الأولاد أن شا الله كويسة

[طبوش]

غربتي ذبحتني شو خلصتي أغراضك وصرتي مستعدة للنزلة على سوريا
الله ييسرلك وتوصلي بالسلامة وأن شا الله تكون إجازة سعيدة تتهني فيها

[طبوش]

عاااشقة شامية وينك ليش ما عدتي طليتي علينا
شو اللي شاغلك عنا ياالله بدنا نشوفك معنا

[حزينة العمر]

كيفكم يا بنات شو اخباركم طبوووش ماشاءالله عليكي على طول منوره بالكافيه وشكرا على سؤالك على بنتي والحمدلله اتحسنت ومبارح كان عندها مراجعه والدكتوره قالت انه صدرها صار احسن بكتير وقفنا العلاج الحمدلله طمنونا انتو عنكم

[طبوش]

هلااااا وغلاا حزينة العمر ألف الحمد لله على سلامتك بنوتك والله يحفظلك اياها من كل مكروه
شكرا صحي أنا منورة على قولتك بس بنور أكتر لما بتواصل معكم وبسمع أخباركم الحلوة وأنتم بألف صحة يا أخواتي العزيزات

[ام منير 2008]

مسا او صباح الخير عالحلوين كيفكم ؟ شو في اخبار جديدة
مدري شو صايرلو النت اليوم كتييييييييييييير بطيء رح يجنني
المهم الحمدلله على سلامة بنتك حزينة العمر وانشالله راح الشر والله يخليلك ياها ويبعتلك اخوة الها بنين وبنات

[ام منير 2008]

صحي بنات ادخلوا على منتدى الهدايا وشوفو اشتراكي بالمسابقة تبع تميزي في هديتي وصوتولي ورجوني شلون بيكونو اهل البلد

[نغمة شامية]

تكرمي أم منير ألف طلب متل هالطلب
سلامات الكم جميع
اليوم خاب ظني و اهلي ما اجو
و بنتي رجعت من الروضة مريضة مرجعة و اسهال
والتصت لوصة كبيرة من السجاد للكنب ..الخ
الحمد لله المساء صارت أحسن و جهزوا الكاتو الاتنين بالروضة ممتازين
الكل نايم نومة الهنا
الله معكم
لا اله الا الله

[ام منير 2008]

محمد رسول الله
شكرا نغمة شامية وانشالله سلامتها بنتك يمكن أخدت برد؟؟؟ يلا انا الكاتو عليي ولنشوف مين بيعمل التبولة
http://forum.hawahome.com/attachment.php?attachmentid=19091&stc=1&d=1262181805

[طبوش]

صباح الخير على كل البنوتات الحلوات
وألف سلامة لبنتك يا نغمة شامية ومبرووك التفوق للبنات والله يجعلهم من أحسن لأحسن
بالنسبة للتبولة عليه تكرم عينكم
http://www.arjwan.com/vb/imgcache/17158.imgcache

[طبوش]

كيف حالك رولاا الظاهر النت عم بصير معك متل ما عم بصير معي عم يفصل كتير وصاير كتير سيء
بس بتعرفي لازم نستغل الفرص وبس يكون البااااااشا (النت يعني) رضيان علينا ندخل ونكلمكم يا حلواااااات

[طبوش]

اتفضلوا يا صباااياااا القهوة لسه سخنة وغير شكل
(طبعا لأنو من عمايل أيديه وحياة عينيه)
هههههههههه

[طبوش]

بالنسبة للتصويت يا رولا تكرم عينك غالية والطلب رخيص.....Z
بس ترى هاااااااااا بالحق يعني أذا ما عجبني الشغل ترى ما تحلمي بصوتي
خخخخخخخخخخخ
عم أمزح مابعرف اليوم حالل عليه المزح"R:"R:"R:

[ام منير 2008]

عزيزتي مافي مشكلة طبعا بالحق التصويت انا في عندي مشاركتين
وشكرا عالتبولة بتشهي

[ام منير 2008]

طبوش انشالله ايامك كلها مرح ومبسوطة انتي والكل
طبعا نحنا سوريات ودمنا خفييييييييييييف هههههه

[نغمة شامية]

أحلى سلام لأحلى صبايا سورية
يسلمو على الكاتو ام منير يا أحلى رولا
و طبووووش الامورة ياسلام ع التبولة نغم
حشيمة و شكلها بشهي القلب
مممممم
{"
بدي أسألكم شو بتعرفوا عن مرض سوء الامتصاص

[طبوش]

سوء الامتصاص Malabsorption





http://www.tbeeb.com/ph/files/1/health_topics/Small_intestine.jpg
‏سوء الامتصاص ‏هو تدهور قدرة بطانة الأمعاء الدقيقة على امتصاص العناصر الغذائية والفيتامينات والمعادن وعلى أن تجعلها تصل إلى مجرى الدم بوفرة.

الطعام غير الممتص يخرج من الجسم مع الفضلات البرازية.
‏ثمة حالات كثيرة يمكن أن تسبب حالة سوء الامتصاص وتشمل الالتهاب البنكرياسي المزمن ، واستئصال جزء من الأمعاء الدقيقة والمعدة، وعدم تحمل اللاكتوز ، ومرض كرون ، والردوب المعوية ، والمرض الجوفي.

‏كما أن هبوط القلب والتهاب الأوعية الدموية اضطرابات قلبية وعائية يمكنها تعطيل امتصاص العناصر الغذائية بأن تسبب تورم بطانة الأمعاء.
‏
الأعراض

‏إذا كنت تعاني سوء الامتصاص، فقد تصاب بالإسهال ونقصان الوزن، وقد تصاب أيضاً بنقص في الفيتامينات أو نقص في المعادن أو أنيميا .

‏خيارات العلاج

‏حتى يمكن تشخيص حالة سوء الامتصاص، فسوف يدون الطبيب تاريخك الطبي المرضي، ويقيم أعراضك المرضية ويجري اختبارات للدم للكشف عن الأنيميا.
قد يأمر بتحليل عينة من البراز للكشف عن وجود الدهن غير الممتص من الأمعاء،وقد يأخذ عينة من بطانة الأمعاء الدقيقة لفحصها، وهذا يتم عن طريق إدخال أنبوبة استكشافية مرنة من خلال الفم إلى الأمعاء لأخذ العينة النسيجية.
يبنى علاج ‏الحالة على علاج سببها أياً كان.

[طبوش]

بصراحة نغمة شامية أنا ما عندي معلومات بس بحثت بالنت وجبتلك هل معلومات وأن شاء الله أكون قد أفدتك
والله يحفظنا ويحفظك ويحفظ جميع المسلمين من الأمراااااااض

[ام منير 2008]

الله يعطيكي ألف عافية يا طبوش ماشالله حولك على طول بتلبي
انا بعرف انو هاد المرض الله يعافينا جميعا منو انو مابيقدر المريض فيه ياكل قمح ومشتقاتو يعني اي شي بيدخل الطحين فيه وبيصير معو سوء هضم مشان هيك لازم ياكل اكل معين والمعجنات لازم تكون من طحين الذرة

[طبوش]

صبااااااااح الخير عليكن جميعا كيف حالكم اليوم
شو ناويين تعملوا بهل اجازة طالعين ولا بالبيت
شو طابخين اليوم
اليوم أنا عاملة شيش برك
اتفضلوا

[طبوش]

الله يعافيكي يا رولا هذا أقل من الواجب
نحن السوريين بطبيعتنا وبدمنا حب الخير وتلبية مين يحتاجنا
كيفك اليوم شو أخبارك ليش ما شربتي القهوة معي اليوم
آآآه صحي اليوم لازم تشربيها مع جوزك الله يهنيكي
بصراحة أنا أول فنجان شربته مع جوزي
وبعدين جددت القهوة بعد ما راح على صلاة الجمعة وقلت لكلمكم قبل ما بلش طبخ

[طبوش]

الظاااهر يوم الجمعة كلكم بتعتزلواااااا النت

[ام منير 2008]

كيفكم جميعا شو اخباركم ؟؟؟ شكرا طبوش ونغمة شامية عالتصويت يسلمووووووووو ياحلوين
اليوم انا مو معتزلة النت بس ماعم اقدر افتح مواقع لأنو برنامج الحماية عندي انتهت مدتو وعم حاول نزل برنامج من عالنت بس ما عم يظبط مابعرف شو بدي ساوي والمنطقة اللي انا فيها مقطوعة يعني مافيها محلات كمبيوتر - انا اليوم ماطبخت جوزي جاب مندي دجاج يعني عندي استراحة من الطبخ
انشالله صحة عالششبرك والله من زمان مشتهيتو

[حزينة العمر]

كيفكم يا بنات طمنونا عنكم وشكرا لكل من سالت عن بنتي والله يخليلكم ولادكم وتشوفهم عم يكبرو قدامكم بالصحه والعافيه يارب شو كيف كانت الاجازه معكم طبعا لازم نطلع ونغير جو على الاقل يوم الجمعه انا بستنى يوم الجمعه مشان اطلع وانبسسسسسسسسسسط شو طبختو اليوم خبرونا يا حلوات انا عم فكر شو بدي اطبخ بس لسه ماقررت

[طبوش]

هلا ومرحبااا حزينة العمر كيف حالك وكيف بنوتك
بالنسبة للطبخ أنا عندي شيشبرك من البارحة
ويسن رحتي بالعطلة وكيف كانت العطلة معك بالنسبة ألي ما طلعت من البيت
هئ هئ هئ

[طبوش]

رولااا كيف حالك وكيف ابنك أن شا الله ما عم يعذبك
شو خبريني مين فاااز بالمساابقة

[طبوش]

شو رأيك يارولاااااااااا بصحن شيشبرك على كيفك
باعتبار انك مشتهيتي
بتعرفي من زمان جوزي مشتهي بس امبارح لحتى ساويته
مابعرف ليش صايرة كسلانة
أنت كيف بتعمليه بتخبزي بالفرن ولا بتسلقي بالمي

[نغمة شامية]

السلام عليكم ورحمة الله وبركاته
كيفكم يا صبايا طبوووووووووووووش .. روووولا .. حزينة العمر
يسعد ربي اوقاتكم
شكرا طبوش على المعلومات حول سوء الامتصاص
ياريت تنزليها بموضوع في الصفحة الطبية
من الاشياء المسببة لهذا المرض العصيرات الصناعية للأطفال وايضا البطاطا الشبس الكولا بانوعها
ياريت نحمي اطفالنا منها
بصراحة انا بديت انشر توعية بين اطفالي و امنعهم قدر المستطاع

[نغمة شامية]

طبوش انت ورولا و حزينة العمر بريدكم بموضوع خاص
كيف بدي اقول عليه ما بعرف

شغلة تانية مشان الششبرك لازم تطبخي دست لكفينا
يسلمو اشوي بالفرن اذا ناوية ترفعي العجينة بالفريزر

[طبوش]

هلاااااااااا وغلااا نغمة شامية
لاشكر على واجب الله يحمي أطفالنا من كل شر
متل ما قلتي والله الشيبس والكولا من أخطر المواد على جسم الانسان والكبار متولعين بهيك شغلات أكتر من الأطفال
ياربي الكل يقدر يقلع عن تناول هل مأكولات الضارة

[طبوش]

هاتي لنشوف نغمة شامية شو هل موضوع اللي بدك اياه مناااا

[طبوش]

بالنسبة للشيشبرك برفعه بالفريزة قبل شويه ولا بعد شويه أذا كنت حابة حطه بالفريزة
لأنو أنا بالعادة ما برفعه بالفريزة بساويه تازة وبوقته

[ام منير 2008]

شكرا ياصبايا على سؤالكم وشكرا طبوش عالششبرك انا بعد مابحشي العجينة بحطها بالصينية بالفريزر نية وبعد ما بتتجمد بحطهم بكيس بالفريزر هيك ما بياخدو حجم ووقت بدي اطبخ بطبخ اللبن وبحط العجينة فيه بعد ما بشويها بالفرن انا مابحبها لما بتنسلق بالمي

[ام منير 2008]

مابعرف التصويت لسى ماخلص ولسى مابعرف النتيجة - اي شو الموضوع نغمة شامية احكي وفضفضي نحنا اخوات

[طبوش]

مراااااحب للحلواااات
كيف حالكم شو ما في حده مبين اليوم دخلت كذا مرة وماشفت حده كاتب شي
وينننننننننننننننننننننكم ليش كلكم صايريين كسلاااااانين

[طبوش]

شكرا رولاا على طريقة الشيشبرك
أنا أول ما اتعلمته كنت اسلقه بالمي بس الحين صرت أشوي بالفرن لقيت هي الطرقة أحسن
على فكرة مرة شفت الشيف رمزي عم يقليه بالزيت لحتى يصير لون العجينة ذهبي ياترى في حده من الصباايا جرب هي الطريقة

[طبوش]

رولاا لوسمحت ممكن تخبريني كيف بتنزلي الصور من جهازك على النت
ولك جزيل الشكر
أنا حاولت بس ما ظبطت ياريت أعرف الطريقة منك

[ام منير 2008]

الششبرك يمكن اذا انقلى بالزيت بيصير دسم زيادة ونحنا مو ناقصنااااااااااااا انا الصبح مافتحت كان عندي صبحية عند جارتي كانت بحلب ورجعت
الصور جربت كتير طرق بعدين اكتشفت وحدة لحالي بفتح عالايميل تبعي وبعمل كأني عم ابعت رسالة وبكبس على ارفاق ملف وبنقي الصورة اللي بدي ياها وبحملها عالرسالة وببعت الرسالة على عنواني ووقت بتوصل الرسالة بتكون الصورة موجودة
بضغط بالماوس اليمين عالصورة بتطلع قائمة بتفتحي آخر وحدة (خصائص)او(propertis) بتطلع خصائص الصورة وفي عنوان بتلاقيه بدايتو (http)بتنسخيه كلو - منرجع للموضوع اللي بدك تضيفي الصورة عليه وبتكبسي على ايقونة ادراج صورة بيطلعلك مربع فيه بداية عنوان (http)وبتملي لصق بيطلع العنوان اللي نسختيه وبتحطي موافق بتطلع الصورة -الطريقة التانية - الصورة اللي طلعت بالايميل حطي عليها باليمين واكبسي نسخ وبالموضوع اكبسي لصق بيطلع بس على شرط يكون عندك الصندوق الاحترافي
انشالله يكون واضح واذا في شي مو مفهوم قوليلي

[نغمة شامية]

يا هلا بالربع و المرابع
شو اخباركم عنجد مشتاقة لكم كتير
بدي اقولكم انا بشارك بمنتدى تاني سوري حموي
و حابة تكونوا معي فيه
هو ببدايته لكن انشاء الله بكون اله مستقبل

شو رايكم
رولا و طبوووش و كل السوريين

[نغمة شامية]

وينكم ياحلوين ماردوتوا ليش
شو بتقرأو مواضيع

[طبوش]

أنا بالنسبة ألي موافقة بس شو قصدك من خلال اسمك ندخل على المنتدى
أرجوووووو التوضيح

[طبوش]

رولااااااااااااااااا طريقة معقدة حسيت حالي مو فاهمة شي بس أكيد لما بطبقها رح تكون أسهل يعطيكي العاااااافية

[طبوش]

نغمة شامية وينه ما طلع معي شي بجوجل

[نغمة شامية]

اكتبي بحث عن
معزوفة النواعير
اسمه

hotline-du.com

[نغمة شامية]

طبوش ورولا عم بنتظر اشتراكم
من خلال اسمي البحث بيظهر بسرعة أو ادخل اسم المنتدى المكتوب سابقا
بس متل ماقلت لكم لسه ببدايته و خلونا نكون مع بعض

[ام منير 2008]

الطريقة يمكن تكون صعبة ببدايتها بس لما تجربيها مرة وحدة بتلاقيها سهلة
بس ابعتي ايميل لحالك في الصورة اللي بدك تنزليها بعدين عملي نسخ عليها وبالموضوع عملي لصق انشالله بتظبط معك وقوليلي شو بيصير معك
رح جرب منتدى نغمة شامية بركي بشوفكم هونيك
تصبحوا على خييييييييييييييييييييييييييييير

[نغمة شامية]

سلامات لأحلى صبايا
طبوش شكرا على قبول الدعوة .. و سجلتلك ترحيب بالاعضاء الجدد
بس ليش ماكتبت الاحالة مني ... على كل حال مية السلامة و كمان اضفت حالي على قائمة اصدقائك مشان ندردش بشات المنتدى
بانتظار رولا معانا ,, وينك يا أحلا أم منييييييييييييير
تحياتي الكم جميعا

[طبوش]

نغمة شامية كتبت اسمك بالدعوة نغمة شامية وطلعلي غلط ووقت دخلت وشفت معز وفة النواعيراتذكرتك
بس على فكرة أنا حابة غير اسمي بهل المنتدى وسجل من أول وجديد باسم تاني عندك فكرة كيف بيتغير الاسم

[نغمة شامية]

عزيزتي طبوش
بكل بساطة ادخلي المنتدى و سجلي من أول و جديد اسم جديد و معلومات جديدة انا بانتظارك هناك

[نغمة شامية]

أو سجلي دخول باسم طبوش واذهبي الى ملفك بالضغط على اسمك او من خلال لوحة التحكم
تعديل بياناتك
غيري الاسم

[طبوش]

نغمة شاامية شو اللي عم بصير عم دور على المنتدى عم يطلع ألف منتدى بنفس الاسم
شو وين اختفى المنتدى

[طبوش]

كتبت بحث بجوجل وما مشي الحال
وكمان نسخت الرابط اللي كتبتيه وكمان ما ظبط
شو الحل ساعديني

[نغمة شامية]

اكتبي بالبحث
معزوفة النواعير
أسهلك

[ام منير 2008]

كيف الصبايا اليوووووووووووم؟ كمبيوتري تعبان ما عم يشتغل منيح يعني اذا ماطلعت بيكون عندكم علم بالسبب
نغمة شامية انا اشتركت بالمنتدى باسم ياسمين الشام بشوفكم هونيك بس بأنو قسم؟

[نغمة شامية]

أهلين رولا .. صباح الورد و الفل .
فعلي اشتراكك مشان اعملك ترحيب
و بعدين بضيف حالي على قائمة أصدقائك و منتحاكى بالشات الخاص للاصدقاء

وبانتظار طبوووش

[طبوش]

سلااااااااااام لأحلى صباااايا كيف حالكم شو عاملين اليوم
شو طبختوا أنا اليوم كنت عاملة سمك مقلي اشتهيتكم عليه

[طبوش]

نغمة شامية كيف حالك
خبريني كيف اشتركتي بمنتدى هوت لاين ومين خبرك عنه
احكيلنا القصة من طقطق للسلام عليكم

[طبوش]

نااااااااارنينااا جودي شام غربتي ذبحتني كيف حالكم اشتقتلكم كتير كتير

[طبوش]

حزينة العمر وينك ليش ما عم تطلي علينا اشتقنالك
أن شا الله أنت بخير طمنيني كيف بنوتك كيف صحتها بخير

[ام منير 2008]

كيف الصبايا اليوم ؟ انا اليوم جوزي جاب كبسة مريحني من الطبخ اليوم لأنو عندي ميت شغلة بالبيت وما عم افضى حك راسي
نغمة شامية انا فعلت تسجيلي بالمنتدى واسمي ياسمين الشام بشوفك هونيك انتي وطبوش

[ام منير 2008]

حزينة العمر وينك شو اخبارك وشلون صارت بنتك؟ انشالله احسن
غربتي دبحتني شو اخبارك ؟ صرتي بالشام ولا لسى؟ اشتقنالك
شو القصة في صبايا ماعم نشوفهم وينهم؟ نارنيا فتحت الكافيه ورااااااااااااااااااااحت ؟؟؟؟

[ام منير 2008]

طبوووووش كيفك؟ عم تشربي القهوة لحالك؟؟؟ كيفو ابنك ؟ شو عم يأذي هاليومين؟ ابني مبارح نكتلي سلة الغسيل كل اللي فيها صار براااااا ههههههه

[طبوش]

صباح الخير رولا كيف حالك
فعلا عم أشرب القهوة لحالي وعم بتمنى كلمك الصبح بس متل ما قلتي النت عندك عم يعذبك
شو احكيلي كيف لقيتي المنتدى الجديد بعد ما اشتركتي فيه

[طبوش]

بالنسبة لابني الحمد لله الأذى شي اتعايشنا معه
بس بتعرفي عم حس أنو كل ما بيكبر بيهدى عن قبل
بس أهم شي عنده يشوف باب الغرفة اللي فيها الكمبيوتر مفتوح وينطلق متل الصاعقة لحتى يلحق ويلعبله شوي بالكيبورد
وكمان عنده شغلة اللعب ببراد المي وبس ألحقه مشان أمسكه بيعمل حاله بدو يشرب وبقلي (ما-ما)يعني ماء هي عم ترجملك
خخخخخخخخخخ

[طبوش]

والحين صرلي فترة عم حاول نضفه وبدي أفطمه بس كتير معذبني بالفطام وما عم أقدر عليه
أنت ما بلشتي مع ابنك

[طبوش]

الظاهر نغمة شامية ملتهية بالمنتدى الثاني وما عادت طلت عليناااااااااااااا

[ام منير 2008]

صباح الخير
شو طبوش فاتحة على بكير اليوم
انا هلأ عم فطر ابني -وعلى قولتك تعايشنا مع الاذى ههه - براد المي لا تقوليلي عنو كان بيغتنم الفرصة ليروح عليه بس بعد مافتح المي السخنة فيه ولدع اصبعتو بطل هالشغلة
لسى بكير تنضفيه ما بيفهم لسى لأنو على حسب قولتك انو اكبر من ابني بشهر ونص تقريبا - لسى بكير
ومشان الفطام عم خففلو وجبت الدوا يلي بيقطع الحليب عندي مشان ما يحجر صدري وجبتلو الدوا مشان ينام وبس انزل لعند اهلي ببدا رفيقتي قالتلي انو هيك مابيطول بيعذبني يومين وبس بينسى بعدين

[ام منير 2008]

علمتو يشرب الحليب بالشلمونة وعم جيب العلب الصغيرة حليب بالموز وبالفريز وعم يشربهم كل يوم مشان يتعود عليهم ويعوض الحليب ويخفف من عندي لأنو ابني مابيشرب الببرونة

[طبوش]

بصراحة ابني ماقبل الحليب لا العادي ولا المنكه
ابني مواليد 9-9-2008
ابنك مواليد أي سنة رولا
بالنسبة للتنضيف من زمان بلشت معاه صرلي حوالي 4 شهور
بس كنت أول دخلوا عالحمام مرتين وأحيانا مرة بس الحين مبلشة دخله عالحمام تقريبا 5مرات
ويارب أنجح
مشان يقولوا عني ماما شاطرة
خخخخخخ

[نغمة شامية]

شفتكم ياحلوات صباح الخير انا بين الايادي بس حضرتكم امبارح من بعد الضهر ماحدا دخل
شفت الترحيب رولا بالمنتدى التاني

[نغمة شامية]

طبوش لا تعذبي حالك ادخلي زيارة ع المنتدى و سجلي باسم جديد
رولا فعلت اشتراكك

[نغمة شامية]

يابنات برجع لكم بعد نصف ساعة انتظروني

[طبوش]

نغمة شامية ظبطت معي خلص وبدون ما سجل من جديد فقط كتبت موضوع طلبت فيه تغيير اسمي
وتم المراااااد
بشوفك عالهوت لاين
صحي اسمي الجديد هو ريم البوادي
يالله بدي ترحيب حااااااااااااار

[غربتي ذبحتني ؟؟]

مرحبا كيفكن بنات انا بسوريا والدنيا برد ومطرررررررر ماشاء الله

[غربتي ذبحتني ؟؟]

شو هو المنتدى الجديد الي عم تحكو عنو شو انا اخر من يعلم ؟؟؟؟

[غربتي ذبحتني ؟؟]

طبوشششششششششش كيفك ؟؟؟؟؟؟

[طبوش]

هلااااااااا وغلااااا غربتي كيف حالك وكيف الشام
أن شا الله مبسوطة اشتقنالك بيناتنا
منورة يا عسل

[طبوش]

بالنسبة للمنتدى هو منتدى سوري حموي خبرتنا عنه نغمة شامية واشتركنا فيه
وياريت كمان أنت تكوني معنا

[ام منير 2008]

اهليييييييييييين غربتي دبحتني شلونك وكيف البردات معك بالشام ؟ انشالله سفرتك كانت ميسرة
اشتقنالك

[ام منير 2008]

طبوش كيفك ابني مواليد 17 -11-2008 انا علمت ابني عالحليب المبستر من زمان اول شي ماقبلو بس شوي شوي تعود عليه كان يشربو بالكاسة جربي مع ابنك
على فكرة حليب المراعي اللي حبو لاني جربت كتير انواع ماحبون

[طبوش]

شوووووووووووو وينكم للحين ولا وحده منكم دخلت على الكافي
صرلي من الستة الصبح عم أدخل وبقول هلق يدخلوا والحين يدخلوا وللأسف خااااااااب ظني
شو قصة التأخير يا حلوين

[نغمة شامية]

صباح الخير يا صبايا
شلونكم وشواخباركم
طبوش انا صبحت عليكي من صلاة الفجر بالهت لاين
غربتي ذابحتني مية السلامة فيكي بسوريا و ارجو ان تنضمي الينا في المنتدى الجديد
و الدعوة مني شلة رفقى حموية

اكتبي بالبحث في جوجل

معزوفة النواعير

بيطلع ملفي الشخصي ادخلي من خلاله على المنتدى و سجلي
بتمنى شوفك معنا

أو المنتدى hotline-du
انا معزوفة النواعير

رولا ام منير :: :: ياسمين الشام

طبوش ::::::: ريم البوادي
اسماءنا بالمنتدى الجديد

[طبوش]

صباح الخير كيف حال الجميع
شو وينكم مو مبينين اشتقتلكم
رولا وين غاطة لسه النت مو شغال وعم يعذبك

[غربتي ذبحتني ؟؟]

ياسلام خلص اول ماارجع عالسعودية حشارك بمنتداكن دغري وانضم للشلة ههههههه
اما عن الشام بررررررررررررررررد كتير وانا الحمدالله سفرتي كانت ميسرة
وتشتالكن العافية ياررررررب

[ام منير 2008]

كيف الصبايا اليوم شووووووووو مافي حدا
شغلكم المنتدى الجديد
كيفك طبوش اي والله النت كتير زاعجني هاليومين ماعم اقدر افتح على طول
عرفتي شي عن قصة نغمة شامية مشان المنتدى هي مشرفة فيه!!!!!
شو نغمة ما جاوبتينا منين عرفتي المنتدى وشلون انتي مشرفة

[طبوش]

هلااااااا رولا صباحك خير وقشطة
كيف حالك وكيفو ابنك الله يخليه
بصراحة ما عرفت شي من نغمة شامية وبتمنى أذا دخلت على الكافيه تعرفنا عن كل تفاصيل المنتدى
رولا الظاهر ما عم تدخلي على المنتدى الجديد لأني ما عم شوفك فيه
حتى نغمة قليلة التواجد فيه

[طبوش]

سلاااام غربتي كيف حالك
ياالله عم نستناكي بالمنتدى الجديد

[نغمة شامية]

يا حلوات اشبكم مشغول بالكم
يمكن لاحظتو انه المنتدى اعضائه قليلة و مشان هيك اللي عندو اهتمام و معرفة ممكن يختبروا او واسطة و يصير مشرف
عرفت المنتدى عن طرق صديقت عمري و على مقاعد الدراسة المشرفة ريمي
حكت انه صاحب المنتدى محامي حموي و انه لسه ببدايته المنتدى و انا حبيت المنتدى لانه بنحكي فيه بلهجتنا بكل اريحية

بعدين رولا انا شفتك امبرح بالليل ما ماقدرت اسلم عليك لانه جوزي بالبيت
عنجد ومافي شي غير هيك
بانتظاركم
لنصبح احلى شلة

[طبوش]

نغمة شامية عجبتني منك كلمة(اشبكم)
الظاهر لهجتك صايرة حلبية تمام
خيتو أيش رأيك بشي فنجان قهوة أبوس روح حلب
بمووووووت عليها

[طبوش]

كيفك أم منير شو ما عم شوفك بالمنتدى الجديد
شو عم تعملي هل
أيام خبرينا وكيفو منير الله يسلمه
امبارح كان عندي مشاهد كوميدية غير شكل اشتهيتكم عليها
كنت عاملة بطاطا ملفحة مع بصل ولحمة ونحن عم نتغدا مسك ابني وبلش بأيديه التنتين ياكل بهل بطاطا وشوفوا المنظر غير شكل وأيديه كلها صارت سمن وما بعرف أضحك ولا أبكي
بس والله ضحكني (الجوع كافر)

[طبوش]

غربتي ذبحتني سلام حااااار
كيفك كيف زيارتك شو ايمت راجعة على السعودية
كيف الشام وكيف المطر والبرد
الله يهنيكي

[طبوش]

حزينة العمر وينك عزيزتي من فترة مو مبينة
عسى اللي شاغلك عنا خير
كيف حالك وكيف صارت بنتك أن شا الله أمورها أحسن

[طبوش]

عاشقة سورية
سلام كيفك ما عم تطلي علينا ولا عم تونسينا وتشربي قهوتك معنا
ليش مقاطعتينا اشتقنالك وبدنا ترجعي على الكافي

[ام منير 2008]

كيفكم صبايا شلووووووووووونكم
نغمة شامية صايرة عم تحكي حلبي اي مين عاشر القوم بس انا صارلي عشر سنين وحيصيروا 11 وما حكيت حلبي بالعكس جوزي رح ينسى الحلبي
النت عندي شوي معذبني واذا ما شفتوني عذروني

[ام منير 2008]

طبوش كيفك وكيفو ابنك الله يحميه شو اسمو؟؟
اذا ابنك صار ياكل بطاطا صحة وهنا تعي شوفي ابني شو عمل فتح البراد شاف نص ليمونة اخدها وصار يمصها ويتلمط وهو مبسوووووط وانا عم كش من الحموضة وهو ابدا بالعكس حتى صار يقحط فيها من كتر مو عاجبتو - كل يوم بيطلعلي بفيلم جديد

[نغمة شامية]

أهليييييييييييييييييييييييييييين برولا ليش مابتردي علي بالمنتدى التاني
ببعتلك سلامات و كانك موهون
بعدين انا بحكي حلبي خيت .. لأني عايشة فسط حلب
أبوس روحك ماني برات البلد
سلامات طبوش .. عنجد عن كافينا ما بستغني
عاشقة سورية يسعد اوقاتك و غربتي ذابحتني بانتظاركم

[نغمة شامية]

الله يخليلك هو ماشاء الله عليه ربي ويرزقك اخوة وخوات اله
قولواا آآآآآآآآآآآآآآآآآآآآآآآميييييييييييييييييييييييييي يييييييين

[ام منير 2008]

عاشقة سورية اهلا وسهلا فيكي معنا والبيت بيتك وسوريا بترحب بكل الاخوة العرب من اي جنسية كانو عنا ما بتفرق معنا المهم كلنا عرب

[ام منير 2008]

اهلين نغوم كيفك ماعم اقدر افتح المنتدى الجديد عم يطلعلي بلوك عليه

[طبوش]

كيفكم صباااااااايا
رولا الظاهر كلنا بالهوا سوى من تصرفات وأذى ولادنا
كمان ابني بحب الليمون يعني اذا شاف ليمونة قدامه بيركض لياخدها وبياكلها وبكش وبصير منظره بفرط من الضحك بس بصراحة ابني ما وصل لدرجة يفتح البراد ولو صارتلو هل فرصة ما رح يقصر
ابني اسمه (عمر)

[حزينة العمر]

كيفكم يا بنات ان شاءالله بخير انا صحيح انقطعت عن المنتدى كم يوم بس رجعت وقرأت كل كلامكم وبشكر كل الي سالو عني وعن بنتي وهي الحمدلله اتحسنت كتير صحيح شو قصة منتدى الحمويه رح شوفو بركي بفهم شي سلااااااااام يا حلوات

[طبوش]

هلا وغلا حزينة العمر نورتي عزيزتي
كيفك طمنينا عنك
بالنسبة للمنتدى هو منتدى دعتنا عليه نغمة شامية لأنها مشتركة فيه ونحن ما كذبنا خبر أنا ورولا ركض على المنتدى وسجلنا فيه
ياالله عم ننتظرك معنا

[حزينة العمر]

صباح الخير طبوش اهلين فيكي حبيبتي كيفك شو اخبارك شربتي قهوتك ولا لسه انا لسه ماشربت لانه هلأ فقت عم نام للضهر صايره من الفضى اكيد مافي شي ورانا

[طبوش]

هلا حزينة العمر أنا اليوم فقت من الخمسة الصبح
جلست شوي على النت وبعدين نمت من 8للساعة10
كيف حالك صايرة كسولة وعم تتأخري بالنوم
بدنا اياكي تشربي القهوة معنا الصبح

[نغمة شامية]

أهلين صديقتي طبوش .. أكيد ابنك الطبوش مو انت
سلامات حزينة العمر .. ربي يسعد كل ايامك بانتظارك معنا شلة حموية سورية بالمنتدى التاني لا تتأخري
اقرأي التفاصيل من صفحة 26
عم نستناكي

[ام منير 2008]

كيفكم يا صبايا شو اخباركم
صحي انا ماعم افتح بس قلبي معكم
انا عم حاكيكم من عند اهلي بدبي

[طبوش]

هلا ومرحبا رولا كيف حالك تتهني أن شا الله مبسوطة عند أهلك
وين رحتي بدبي ولا بالبيت قاعدة مع أهلك
ليش ما عم شوفك بالمنتدى الجديد
كيفو منير أكيد مبسوط عند بيت جده
عم نستناكي

[حزينة العمر]

كيفكم يا بنات شو اخباركم رولا وطبوش ماشاءالله على ولادكم الله يحميهم يارب بس عن جد الولد الحرك حلو وبسلي اكتر بس بدو شغل اكتر هههههه يلا بعينكم الله نغمه شاميه كيفك ان شاءالله رح سجل معكم سلاااااااااام

[طبوش]

سلاااااااام للجميع كيف حالكم
شو صاير معكم ليش قلة هل نشاط
وينكم عم تفوتوا بالسنة حسنة
زعلتوني بعد ما كنا ندخل يوميا وكنا مع بعض بشكل متواصل الحين كلكم ملتهيين وما عم نسمع أخبار بعضنا إلا نادرا

[طبوش]

هلا نغمة شامية كيف حالك شايفة الهوت لاين لاهيكي عنا وما عم نشوفك بالكافي
لازم تبقي على تواصل معنا
سؤال وين راح المسنجر اللي كنا نتحدث فيه عالهوت لاين
وصندوق المحادثة عوضا عنه ولا كل واحد ألو شغلته

[طبوش]

رولا كيفك الظاهر لسه عند أهلك بدبي شو عم تعملي وين رحتي وين جيتي خبرينا

[نغمة شامية]

أهلييييييييييييييييييييييييييين طبوشتنا
انا هون بين الايادي .. شو عم بيصير مابعرف بس صندوق المحادثة بظن عوض الشات الخاص
رووووووووووووووووووووووووووووولااااااااااااااااااا ااااااااا طولت الغيبة اشتقنالك
حزينة العمر بانتظارك لشلتنا
غربتي ذابحتني وينك المنورة سوريا فيكي
شايفة هالبردات بس اليوم مشرق و جميل مع برودة شديدة

[نغمة شامية]

طبوش شلون سويتي توقيعك كثير حلو

[ام منير 2008]

كيفكم صبايا رجعتلكم اليوم المغرب بس ماشفت حدا
انبسطت عند اهلي - رحت عالقرية العالمية فيها شغلات حلوة اشترينا منها تحف من الجناح الباكستاني حلوووووووووو كتيييير

[ام منير 2008]

بديت من يومين افطم ابني وكتير هو تعبان وعم ترتفع حرارتو بس احسن
هلأ صارلو يومين مارضع مني وكل فترة بيحن وبيجي لعندي مشان يرضع وانا بلعبو مشان يلتهي وينسى
ادعولي صبايا تمر هالأزمة على خير

[نغمة شامية]

أهلن رولا الحمد لله على السلامة .. نيالك على هازيارة .. الله يطعمنا
و يسرلك امورك مع ابنك ويرزقك اخ اله بالعجل قولوا امييييييييييييييييييييييييييييييييييييييييين
شايفتك عم تقرأي على حبوب منع الحمل بالمنتدى التاني

[ام منير 2008]

صباحوووووووووووووو شو ماحدا عم يشرب القهوة معي اليوم
نغوم انا فتحت شوف المواضيع الموجودة - بحب آخد فكرة عن كل شي (ثقافة عامة)

[ام منير 2008]

اليوم ابني فيقني من الساعة 7 الصبح متل العادة بدو يرضع بس ما عطيتو قام شرب حليب بالفراولة وقام يلعب ويئذي متل العادة الله يصبرني عليه هاليومين

[طبوش]

هلاااا بالصبااااايا
أي هيك خليكم منورين دائما الحمد لله فتحت وشفت هل كتابات الحلوة
والله اشتقت
شوف صفحات الكافي مليانة

[طبوش]

نغمة شامية بالنسبة للتوقيع
أنا لطشته من أحد المنتديات دخلت على جوجل وكتبت تواقيع جاهزة للمنتديات واخترت هذا التوقيع
حفظته على سطح المكتب وبعدين دخلت على بيت حواء واخترت تعديل التوقيع
وبعدين أخذت كلمة رفع كتبولي تم الرفع بنجاح
وبعدين بصفحة الرد على المواضيع عملت نسخ ولصق وتم المطلوب

[طبوش]

بتعرفي من زمان بتمنا يكون عندي توقيع وما عم بعرف كيف ساويه
وبصراحة كنت متمنية أكتر لو أنا اللي عاملته يعني على ذوقي
بس ماشي الحال الرمد أحسن من العمى

[طبوش]

صباح الخير رولا
الحمد لله على السلامة كيف كانت زيارتك
من زمان ترجعي مشان نشوفك معنا
خبريني شو الطريقة اللي عم تتبعيها بالفطام
الحقيني وعلميني مشان اتعلم كيف افطم ابني

[طبوش]

غربتي ذبحتني الظاهر لسه بسوريا
تتهني الله يبسطك ويسعدك
امبارح كلمت أهلي على النت قالتلي أمي الجو بحمااااااااااااااه
بااااااارد صقيع

[طبوش]

حزينة العمر صباح الخير
ولا قول مساا الخير لأنو أنت ما بتقعدي متلنا بكير وبتحبي النووووووم كتير
هههههههههه
اشتقنالك تكوني معنا شي نهار على فنجان قهوة بهل صبحياااااات الحلوة مع الشلة

[طبوش]

ناااااااااااارنينا الغالية اشتقت لحكياتك الحلوة
شو صاار معك ولدتي شو جبتي كيف أمورك ليش ما عم نشوفك

[طبوش]

عزيزتي جودي كيفك
شو وين مو مبينة قطعتينا مرة وحدة طمنيني كم شهر صرتي وكيف أمور الحمل معك أن شا الله مامتعذبة

[طبوش]

شااااااااااااااااااام
وينك أختي الغااااااااااالية اشتقنالك معنا
لا اتصال ولا ألو ولا حتى عنا تسألوا

[ام منير 2008]

مسا الورد عالحلوااااات - شلونكم؟؟؟
عزيزتي طبوش انا أخدت تجارب رفقاتي بالفطام بس رفيقتي صيدلانية عطتني طريقة قالتلي خلال يومين كل شي بيصير تمام وهي: احم احم .......
جيبي دوا اسمو ميدرالين( هو مضاد تحسس للأطفال) ودوا اسمو Dostinex 0,5mg مشان ينشف الحليب بصدرك وما يحجر قبل ما تبدي خلي ابنك يتعود على شرب الحليب سادة او منكه (موز - فريز --.......) مشان يعوض عنك بعدين بتبدي بالليل عطي ابنك 5نقطمن الدوا وخدي نص حبة انتي وخلال اقل من ساعة رضعي ابنك الرضعة الأخيرة يعني شبعيه منيح وبينام طول الليل لأنو هاد الدوا منوم ولو فاق بالليل لا ترضعيه ابدا لأنك اخدتي الدوا وحاولي تلهي ابنك باي شي ممكن يشرب مي او عصير اوحليب وينام والصبح بتاخدي نص الحبة التاني وهيك على يومين مشان ينشف الحليب بصدرك

[ام منير 2008]

تابع: وبالنهار حاولي تلهي ابنك مشان ما يتذكر الرضاعة وكل شوي شربيه حليب او طعميه المهم يبقى شبعان ولبسي قبة عالية مشان ما يحاول يشوفك اول يوم صعب شوي وبعدين بيبقى اخف
يعني شغلة 3-4 ايام بينسى الموضوع اذا صار يبكي كتير خديه مشوار برا البيت بيتعب وبينام - تاني ليلة عطيه 3نقط تالت ليلة 2نقطة من الدوا مشان يتعود ينام وما يفيق بالليل انا اليوم صرت بالتالت كتير منيح واليوم ما تذكر الرضاعة غير مرة الصبح وبعدين لا بيصير يأشرلي على علبة الحليب بس يعطش
يلا شدي همتك الشغلة بدها ارادة قوية ومهما بكي لا تحني وترضعيه ابدا ( لا يعني لا)صحي خطوة صعبة بس بدها شجاعة وارادة

[نغمة شامية]

يا بنات ع السريع ما بنصحك طبوش بالدوا لانه ممكن يسبب أثار جانبية على عقل الطفل بالمستقبل اسألي مجرب و لا تسأل طبيب
أنا فطمت ابني 3 ايام أطعميه قبل النوم وجبة كبيرة و بعدين أسقيه كأس حليب طازج بدون منكهات لانه المنكهات خطر على صحة الاطفال
وبعدها بينام نومة طويلة للصبح لانه شبعان وحتى لو بكي ساوي دان من طين ودان من عجين
نصيحة أخوية
أنا غايبة الان بسبب مرضي الشديد بالكريب
بس حبيت ساعدك ع السريع
تحياتي الكم يابنات والله كثير مشتاقة لكم

[ام منير 2008]

عزيزتي نغمة انا عم اعطي الدوا لأبني للضرورة فقط يعني 3 ايام على الاكتر بس وانا سألت الصيدلاني وقاللي ما بيعمل شي اذا بس كم يوم للضرورة- ورفيقتي صيدلانية وعندها ولدين استعملتو واختها عندها ولدين واستعملتو وولادهم كبار صارو الحمدلله مافيهم شي وبعدين كل واحد يعمل اللي بيريحو انا قلتلها تجربتي مع ابني

[ام منير 2008]

بالنسبة للدوا هو عبارة عن دوا مضاد للحساسية والمعروف انو ادوية الحساسية كلها بتنيم وهو مارح ينام كتير كلها شغلة 5-6 ساعات متواصلة وبالنسبة للحليب انا قلت انو حليب منكه اذا ابنها ما بيحب الحليب العادي وهو للتنويع فقط

[حزينة العمر]

مرحبا بنات كيفكم رولا ان شاءالله تعدي هالايام على خير وينفطم ابنك هالايام صعبه اسأليني انا مريت فيها اصعب شي لما الوحده بتشوف ابنها عم يبكي وبيوجعها قلبها عليه ومابتقدر تعملو شي انا لما فطمت بنتي اتبعت طريقه كتير مريحه بدون اي ادويه انا نصحتني جارتي فيها وهي انك تخلطي قهوه بشوي موي وتدهنيها على صدرك وتورجيها لابنك واذا شافها رح يقرف ومايرضع وكل ماحاول الطفل يقرب على الصدر ليرضع اعملي هالحركه وبخلال يومين بينفطم الطفل وبسهووووله

[حزينة العمر]

بالنسبه لحبوب تنشيف الحليب انا ماسمعت فيها قبل هيك بس ياليتني كنت بعرفها لانه كتير تألمت بتحجير صدري

[حزينة العمر]

طبوش انا عاملتلكم تغير بهالكافيه كلكم بتدخلو بتقولو صبح الخير وانا بدخل بقول مساء الخير وتصبحو على خير هههههههههه فعلا انا بسهر ومابفيق بكير قليل كتير مافيق الصبح مع انه بحب فيق الصبح ومرات بحاول ضل اسبوع وعشر ايام بس بالاخير برجع لنظام السهر ليش مابعرف

[حزينة العمر]

بتعرفي طبوش حتى نحنا عنا برد بالامارات اول مره بيصير هيك الجو بالعاده الجو ربيعي بس هلأ برررد بقى شلون بسوريا الله يعينهم مع انه مرات البرد حلو وتغير حاج بقى بالصيف على قولة بابا بننشوى شوي خلينا هلأ بالشتويه نبرد شوي ونشم هوا بينعش وهو كلها بالكتير كم يوم بيجينا البرد

[طبوش]

شكرا لكم صباااااايا ولكل وحدة حطت تجربتها بفطاااام ابنها
الله يعطيكم ألف عاااااااااافية

[ام منير 2008]

صباح الخير صبايا
انا استعملت الدوا مضطرة لأنو ابني كل ساعة بيفيق بالليل مشان يرضع وأكلو كتير قليل يعني مابقدر طعميه ليشبع مشان هيك عطيتو الدوا للضرورة وبما انو ابني اجا بعد عشر سنين مابعتقد اني رح اعطيه اي دوا إلا لكون متأكدة منو تماما ومتل ما قلتي حزينة انو حط قهوة عالصدر مشان يقرف بس انا ابني ما بياكل وان اكل بياكل لقمتين وبس يعني معتمد على صدري كتيييييييير هاد السبب اللي خلاني اعطيه الدوا بالليل هلأ اليوم الخامس وابني الحمدلله نسي الرضاعة وما عاد تذكر الموضوع وعم ينام بالليل بدون الدوا لأنو تعود عالنوم
سلااااااااااااااااااام

[طبوش]

رولاااااااااا
عزيزتي الله يخليلك ابنك ويحفظلك ايااه ويرزقك أخ أله آمين يارب العالمين
ومبروك أنك انتهيتي من مرحلة الفطام وعقبال عندي يارب

[طبوش]

حزينة العمر مشكورة على طريقتك جربتها مع ابني أول مرة ماقبل يرضع
وصار بعدها يبكي بألم بس بدون ما يجي لعندي مشان رضعه
واتبين لي أنو بدو يرضع ومو قادر
قلت لجرب وحط قهوة مرة تانية وناديه لشوف بيقبل قام والله ماكذب خبر صار يرضع شوي شوي لحتى صارت القهوة كلها بتمو
أذا عندك شي مفعوله أقوى من القهوة
هههههههههههه
حاكم مبين عليه ذويق للقهوة من صغره

[طبوش]

نغوم كيفك على قولة رولا ابني ما بتمشي معه انو عشيه وجبة كبيرة قبل النوم
لأنو كمان صاير أكله قليل واعتماده كمان على الرضاعة كبير
خاصة انو في أضراس بلشت تطلع عنده ومشان هيك خافف أكله بزيادة

[ام منير 2008]

صباح الخير صبايا كيفكم؟مافي حدا هوووووووووووون؟

[ام منير 2008]

طبوش كيفك؟ كيفو عمورة افندي؟ الله ييسرلك الفطام متل مايسرلي ياها - الحمدلله ابني نسيها تماما

[ام منير 2008]

حزينة كيفك؟ وكيف بنوتتك؟ وشلون البردات عندكم بالشارقة؟؟؟
بعد اذنك بدنا نغيرلك اسمك يعني مو معقول نناديلك حزينة العمر دائما !!!!! بعدين بيمشي عليكي- انشاءالله ايامك كلها تكون فرح شورأيك نبدل حزينة لفرحة وتصيري فرحة العمر ؟؟؟؟؟؟؟فكري

[ام منير 2008]

غربتي كيفك بسوريا وشوعاملة بهالبردات؟؟؟؟ الله يعينك - طمنينا كيف الاهل ؟ وكم طبقة عم تلبسي؟

[ام منير 2008]

شوصبايا شوعاملين اليوم؟ انا طابخة منزلة زهرة تفضلوااااااااااااااا اكلة شتوية

[طبوش]

رولا طبختك فيها نفس مكونات طبختي بس أنت عاملة منزلة وأنا عاملة زهرة مقلية

[ام منير 2008]

صباحوووووووووووووووو عالجميع شو وينكم؟
المنتدى التاني لاهيكم؟

[ام منير 2008]

صباح الخير طبوش كيفك وين قهوتك اليوم؟ شلون الجو عندكم بقطر؟ في برد؟؟؟؟؟؟

[ام منير 2008]

نغمة وينك سلامتك لسى مريضة ولا انتي هونيك وماعندك وقت تجي لهووووووون؟؟؟؟

[ام منير 2008]

فرحة العمر وينك؟ ملتهية مع بنتك بالدراسة ؟ آآآآآآآه اكيد بنتك عطلت وعاملتيلها اجازة وعم تدوريها!!!!

[طبوش]

صباح الخير رولا
اليوم صار معي فصل غير شكل
كنت عم بمسح البيت وعم بسمع قرآن وابني نايم وفجأة مالقيت ولا في حده فوق راسي طلع ابني الله يخليه
جاية لعندي بدون ما أسمع له ولا حس
وأنقطع قلبي بعدين صرت أضحك على حالي
وعلى فكرة هي مو أول مرة بيعمل معي هيك فصول ناقصة
هههههههه

[طبوش]

بالنسبة للجو مر علينا يومين برد بس بعدين رجع الشوب
على فكرة أنا هل سنة ما لبست شتوي أبدا
شو رأيك بزيارة على قطر رولا

[ام منير 2008]

اهلين طبوش الله يحميلك ابنك ابني كمان اوقات مابحس الا وهو فجأة قدامي
شكرا على دعوتك انشالله دياركم عامرة بقطر وبسوريا انا عندي كمان مر كم يوم برد وهلأ رجع الدفا

[طبوش]

صبااح العسل على الصباااايا القشطة
كيف حال الجميع
رولا خبريني شو صار معك بفطام ابنك مشي الحال
بالنسبة ألي امبارح كان أول يوم ألي بعملية الفطام الحمد لله مرت بسلام وواجهت بعض الصعوبات إلى حد ما ولكن الحمد لله مضى اليوم الأول بدون أن يرضع
والله يعيني على اليوم التاني ويمر متل اللي قبله بسرعة
أمانة ادعولي يابنات الله ييسرلي وتعدي هل قصة على خير

[طبوش]

نغووووووم كيفك وينك اشتقنالك كيف صرتي أن شا الله اتحسنتي
كيف الجو بسوريا عم بقولولي باارد صقيع
أكيد بسوريا لا بسين ستين طبقة فوق بعض
ونحن هون لسه بالصيفي

[طبوش]

حزينة العمر مساااا(صباح)الخير كيفك غاليتي شو وينك
شو آخر أخبارك شو عاملة هل أيام وكيف بنوتك الأمورة لله يحميها
بتعرفي جربت طريقتك بالفطام أول مرة ما ظبطت بس بعدين ارجعت عملتها ومشي الحال بس زدت على القهوة ملح وكمون لأنو القهوة لحالها صار ياكلها
وبالليل مشان ما أخرب الدنيا بالقهوة حطيت معجون أسنان وفوقه ملح وكمون(هههههههه)
الله ستر ابني ومع هيك صار يتأكد ويمد لسانه ويتذوق مرة وتنين والتالتة وبعدين يئس من الموضوع ووقت النوم أخدته على الغرفة التانية شغلتلو التلفزيون شوي وبعدين نام
ووقت فاق بالليل قمت شربته ماء وبعدين رجع نام بدون أن يرضع
ويارب يمشي الحال وتمضى على خير

[طبوش]

غربتي ذبحتني كيفك لسه للحين بسوريا خبرينا كيف زيارتك اشتقنالك
احكيلنا عن تجربتك بالفطام
كيف كانت شو عملتي باعتبار أنو الحين حديثنا الأساسي صار عن الفطام

[ام منير 2008]

كيفكم صبايا يسعد صباحكم ومساكم صدقوني اذا ما فتحت شي يوم بستفقدلكم
طبوش الله ييسرلك الفطام اول يوم هو اصعب يوم ومدام مر عليكي معناها راح ثلت العذاب يارب ينفطم ابنك متل ابني انا ابني صارلو 8 ايام الحمدلله كل شي تمام وماعاد تذكرو ابدااااااا
لاتنسي تاخدي الدوا تبع الحليب مشان مايحجر صدرك وتتضايقي

[ام منير 2008]

حزينة(فرحة) العمر صباح الخير بالليل اذا عم تتأخري بالنوم الصبح مافي مشكلة افتحي المسا ونحنا منتخيل انو الصبح ههههههههه
سلامي لبنوتتك

[ام منير 2008]

طبوش بتعرفي ؟؟؟ ظريف انك عم تحطي منكهات لأبنك قهوة - ملح - كمون - معجون اسنان .........هههههههههه خايفة يتعود عالطعم

[المتوكلة على الله1]

طق طق طق

ممكن أدخل؟؟

حبيت أمسي عليكم: السلام عليكم ورحمة الله وبركاته :rroo:

التوقيع:
مصرية بتحب سوريا وأهلها :68:

’(

[ام منير 2008]

وعليكم السلام ورحمة الله وبركاته
اهلا وسهلا وميت مرحبا بـ المتوكلة على الله شرفتينا والبيت بيتك
اهلا وسهلا بأهلنا من مصر أم الدنياااا

[طبوش]

مية هلا ومرحبا بالمتوكلة على الله
حياك الله معنا
شو رأيك تنضمي ألنا

[طبوش]

رولا كيفك
ليش ما عم تدخلي الصبح
بتعرفي فعلا امبارح كان كتير مزعج بالنسبة لي وفعلا حجر صدري بس خبرت الدكتورة وقالتلي تعالي لأكتبلك على دوا
الدوا هو dostinex
وهو عبارة عن حبتين وحده الثلاثاء والتانية يوم الأحد
ياترى هو نفسه الدوا اللي أخدتيه أنت

[المتوكلة على الله1]

حبيبتي طبوش جزاك الله خيرا...بجد يسعدني أنضم لكم :10:II::75:

أختكم/ نهى

[المتوكلة على الله1]

وهلا بك أم منير رولا....جزاكن الله خيرا على الأستقبال

أحبكم في الله

أختكم/ نهى

[المتوكلة على الله1]

ازيكم/ كيفكم أحلى بنات سوريا... أسعد الله صباحكم

[ام منير 2008]

صباحكم ورد وياسمين وفل
كيقكم احلى صبااااااااايا
هاد هو الدوا عزيزتي وانا قلتلك عليه - طمنيني شلون اليوم معك- انشالله احسن؟ ماعم افتح بكير عم كون ملتهية مع ابني وتحضير اكلاتو لأنو بعد الفطام متحسن أكلو الحمدلله وعم يفيق جوعااان
ههههههههه حضري حالك

[ام منير 2008]

اهلا وسهلا اخت نهى شرفتينا
ومنحب نتعرف عليكي وين ساكنة ومتزوجة اولا وهل عندك اولاد؟؟؟؟؟؟

[المتوكلة على الله1]

هلا حبيبتي رولا...أنا من القاهرة ،بنوتة :10:(23سنة) حبيت تجمعكم اللهم بارك قلت أنضم لكم II:


:68::rroo:

[أم ياسين الزهراء]

مرحبا انا جزائرية حبيت نسلم و نسالكم مامعنى كافية و تقبلوني صديقة لاني نحب بزاف نتعرف على العربيات لاني نحسها اخت

[طبوش]

مرحبا بانضمامك معنا عزيزتي نهى وأختي أم ياسين الزهراء
نتشرف بوجودكم معنا ونتمنى لكم طيب الإقامة