خواتي فيدوني جزاكم الله خير

[اليازيه الأماراتيه]

السلام عليكم ورحمة الله وبركاته

خواتي الحبيبات

ابي اسألكم عن كريم او اي شي طبيعي يكون مجرب من أحدكم استعمله عند تمشيط شعري يعني مثل كريم بريل كريم وصانسلك كريم والخ .. لان هالكريمات سيئه على شعري وماصرت استخدمها فمحتاجه استخدم شي آخر

أرجو أفادتي بخبراتكم خواتي بارك الله فيكم

بانتظاركم

[طيف]

عزيزتي اليازيه انا بقلك على شئ تستخدميه اثناء الاستحمام وليس كريم

انا شعري مصبوغ بلياج ويتعبني اثناء التمشيط مع ان نوعية شعري ناعم

استخدمت بعد الشطف الاخير لشعري بديل الزيت اللي من بانتين بالمره ممتاز

يخلي للشعر لمعه ويسهل التمشيط

والحين استخدم فاشكول بعد احسن بكثير من بديل الزيت

فاشكول هو عباره عن حمام زيت تضعيه على شعرك بعد ان غسلتيه بالشامبو وشطفتيه

تتركي الفاشكول لدقائق ثم تشطفيه

واذا تبغي نتائج افضل ضعي الفاشكول على شعرك واتركيه لمدة خمس عشر دقيقه في حمام البخار

ثم اشطفيه وشوفي النتايج الفاشكول تقدري تستخدميه في كل استحمام وفي اي وقت

ان شاء الله اني اكون افدتك

دمتي بود عزيزتي

[أم البنات3]

السلام عليكم ورحمة الله وبركاته
عزيزتي اليازية الإماراتية اموت في الإمارات واهلها عساهم القوة انشاء الله والله يااختي انا مجربة بديل البانتين واستخدمة بعد الحمام اكرمكي الله والشعر مبلول اضع كمية صغيرة وامسح بها الشعر خاصة اني مسوية بلياج واتعب وايد عند التمشيط وشعر بنتي ملفلف واتعب واتعبها معاي لمن امشطها يعني تعزير والله اني احط شوي منه لمن تخرج من الحمام وامشطها بسهولة لاصياح ولايحزنون وخلية لمن ينشف وشوفي شعرك كيف يصير ماراح تحسين انك حاطة شي بل نعومة

[اليازيه الأماراتيه]

اختي الغاليه طيف شكرررررررررررراااااا جدا

انا بستخدم الفاشكول وبشوف

بس شو هو بديل البانتين هذا ؟ انا اللي اعرفه الشامبو واستخدمته ومانفعني .. بس هو له كريم؟؟؟؟

وشو اسمه بالضبط عشان اشتريه؟

دمتي بالف خير

[اليازيه الأماراتيه]

وعساج انشالله بالف خير يا ام البنات

والامارات بعد تحب كل اللي يحبوها

وياللا تعالي زورينا وبنحطج بالقلب قبل العين

وتحياتي للبنات الحلوين بناتج .. انا عندي بنت وحده بس وبعدها عمرها شهرين :baby:باكر تكبر وتتعبني هههه

الغاليه بسالك نفس السؤال عزيزتي شو هو بديل الباننتين زيت هذا؟

وكيف اسال عليه وحصله .

؟؟؟

تحيااااااااااتي

[طيف]

حبيبتي اليازيه بديل الزيت من بانتين تجي نفس علبة الشامبو من بانتين

بس بالمقلوب يعني لما تجي توقفي العلبه ماتوقف معاك الا على الغطى

ويجي مكتوب عليها بالعربي بديل الزيت وانتي لما تروحي السوبر قسم الشامبوهات راح تحصليه على طول

ان شاء الله اكون افدتك

ودمتي بود

[اليازيه الأماراتيه]

تسلمييييييييييييين يا طيف الحبيبه

انا حصلته فعلا مشكوريييييين كلكم

[رفـا]

أخواتي العزيزات بغيت اقولكم هالمعلومه
انا شفت مقابله مع فنانه هنديه وشعرها طويل
فسألوها شنو سر طول شعرج فقالت كل شي
آكله ويبقى منه أحطه على شعري مثل الخضروات والفواكه
نصيحه بدال استعمال الكريمات اهتمي بشعرك يعني للنعومه
معروف موزه واحده مع ملعقة عسل كبيره و دهن اللوز وعلبته
تجي صغيره ويباع في الصيدليات نخلطهم لما يمتزجون مع بعض
وتحطين على شعرج بالاسبوع مره وتخلينه عشرين دقيقه وخلال
شهر راح شعرج يصير ناعم ولا تحتاجين انج تستخدمين كريمات
وهذي نصيحه لأخواتي ومجربتها أنا وهي شدة جرجير تضربينه
بالخلاط مع قليل من الماء مو وايد المهم نحصل على ماء الجرجير
وهذا السر في ليونة ونعومة وطول الشعر وشهر وكملي لا تقطعينه
لأنه شي عجيب ويزيل القشره ومجرب أيضا شدة واحده من البقدونس
مغسوله ومنقوعة في ماء مغلي لما يبرد ويغسل فيه الشعر ولا أروع من
شعرك والكل راح يسألك عن سر جمال شعر ك
أرجوا إني كتبت لكم بعض الأشياء المهمه اللي استفدت منها

[اليازيه الأماراتيه]

بصراحه شو اقولك يا رفا

تسلمين فعلا

انا جبت ورقه وقلم ودونت ومن اليوم بسوييها

بارك الله فيج

واذا عندك شي ثاني خبرينا

تراني شعري رايح فيها:(

ياريت يا اختي رفا تكتبين موضوع عن الجرجير والموز والبقدونس .. موضوع كامل واذا عندك اشيا اخرى
ترى وايدات اللي يعانون بشعرهم

سلمتي