مشاركتي بالمسابقة

[تولــيب]

السلام عليكم ورحمة الله وبركاتة ..


هذي مشاركتي بالمسابقة ونسأل الله التوفيق للجميع ..




قصيدة الام ..

http://www.up-00.com/Feb10/n4W38570.gif (http://www.up-00.com/)

بالنسبة للقصيدة توضيح صغير فقط انو بلهجتنا نكلم الانثى مثل الذكر علشان مايصير هناك لبس
مثل يارب تغفر لها حنا ننطقة بلهجتنا تغفر له ..حبيت اوضح فقط



اجمل مفاهيم الحياة العبادة=
لله وحدة وطاعة الوالديني
يالله جعلي دايمن في زيادة=
للخير والطااعة ودربن حسيني
الام كنز ومايبلة شهادة=
وماظن مابة شي غيرة ثميني
تحملت كل الغثا والنكادة=
وحطت حواليني سياجن حصيني
من شان نكبات الحياة وهجادة=
ومن شان ترضيني ولجل تحميني
ياما حرمت نفسة جميل الوسادة=
سهرانتن من شان ترتاح عيني
الطيب فيها اصل ماهوب عادة=
وكل الحنان بحضنها يحتويني
من ابسط حقوقة علية اشادة=
اشيد في فضلة علي بسنيني
يارب تغفر له وحقق مراده=
واجعل لها في كل دربن عويني
وابني لها عندك قصورن مشادة=
في وسط جناتك يانعم المعيني




يتبع:rroo:

[تولــيب]

القصيدة الثانية ..

2-قصيدة نقد سهل وصريح ونصائح للبنات اللاتي بدأن يقلدن الغربيات.


http://www.up-00.com/Feb10/Mm440312.gif (http://www.up-00.com/)



هاتوا الاصل وصادق العلم هاتوه=
بناتنا ضاعن بسبة هواهن
يمشن ورا الدنيا والدين خلوه=
يارب يامحيي القلوب تهداهن
ورا الغريب ومادخل بة دخلتوه=
شيطان انس وجالهن واحتواهن
قصات ايمو والجسم رسم تاتوه=
واللووست والسكيني معاهن
والجسم مابة شي الا وشافوه=
وينة حشيمتهن ووينه حياهن
هذا الحياء مع فتنة الغرب شاتوه=
تاهن ياعالم هالضعيفات تاهن
واذا نصحهم شخص قاموا وسبوه=
بالله قولوا ويش ينفع معاهن
من اجلهم الدين والعرض خنتوه=
لاتجعلن يكويكن اللي كواهن
سؤال واحد منة شاللي استفدتوه=
غير الضعف والانكسار وتواهن
اصل الحياء والدين ان كان صنتوه=
مايستقيم الحال ابدن بلاهن





يتبع:rroo:

[تولــيب]

-قصيدة غزل عفيف للزوج وبيان أهميته للزوجة ولأهل البيت
هذي قصيدة كتبته بزوجي لانو بعيد عنا بسبب الدراسة انا ياه كل مننا يدرس بمكان.

http://www.up-00.com/Feb10/K3K41427.gif (http://www.up-00.com/)



لآسآمح الله حضرتك يالدرآسه=
ماغير عوقن لاجتمآع المحبين
مانختلف انتي النجاح واساسه=
وصحيح كلك نفع لكن تغثين
شهر وأكثر فآقدين الونآسه=
انا وابوفلانه غدينا بعيدين
اشتقت لاحساسة وحتى لماسه=
وينه ديارك ياحبيبي وانا وين
كلن بديره بين هم وتعآسه=
بين الكتب ومعادلات ومضامين
نبغى التفوق وذبحتنا الحماسه=
ماراح نخلص غير حنا مجانين
الدرس يبغى جد ماهو فراسه=
ولاهوب ورثن تورثه كالملايين
الكل يغرس ويتلقى غراسه=
يجني محاصيله سوا زين او شين
ياخوف بعد الجد نلقى انتكاسه=
وتجي النتيجه غيرعن كل تخمين
لكن على الله كل امرالدراسه=
يكتب بفضله كل علمن لنا زين
ويرجع ابونا رافعن حيل راسه=
مع النجاح وكلنا به سعيدين


يتبع:rroo:

[تولــيب]

-قصيدة مدح لمواقع بيت حواء والمشتركات فيها.
http://www.up-00.com/Feb10/GzW43712.gif (http://www.up-00.com/)


مثلي تشوف اللي بعيني اشوفه=
في بيت حواء من زهور ورياحين
وببداع عضوات خضبن له كفوفه=
مثل العروس اللي بها الملح و الزين
وغنى له السعد ودق بدفوفه=
لينه غدا مسرة القلب و العين
اذا دخلت مرتبن في صفوفة=
مقسمن كنه من احلى البساتين
دليل شعبيته كثرة ضيوفه=
اعداد زوارة تعدا الملايين
يوحي بانه مكتبة و برفوفه=
تزخر بعلم شاملن دنيا ودين
ازياء وطبخ وماتبيه بتشوفه=
ابداع وافكارن جميله وتفانين
ومشرفه بكل الامانه تحوفه=
بكل الردود ومشاركات وعناوين
تدخل ولابه شي فيه بتخوفه=
الكل جامعهم سوا القلب والدين
كلمات شكري بالورود محفوفه=
لكل الخوات اللي على القلب غالين



يتبع :rroo:

[تولــيب]

5-قصيدة ذكر متاعب الحياة للمرأة العاملة ومخالطتها للمجتمع, العفيف والغير عفيف.

هذي قصيدة عن عمل المرأه بامكان الاختلاط

http://www.up-00.com/Feb10/h6s49675.gif (http://www.up-00.com/)


يارب عين اللي على الشغل منحده=
تتبع رزقها وين كان وتجيبه
ياعل تسلم من مجتمعنا ونقده=
اللي يسب البنت وشغله يعيبه
وش حدها على الشقا والمكده=
ياغير حاجات وحياتن صعيبه
البنت تقدر تحمي حاله وتشده=
ويبان من عاقل ومنهي مريبه
الشغل ماهوب الفسادومُعدّه=
ولاهوب كله وصخ واثارخيبه
اللي تحب المعصيه وتوده=
والله ولوتسجن راح بتجيبه
واللي قليبة حي دينه يصده=
ماهو المكان اللي يجيب المصيبه
عني انا ياباغي العلم رده=
الدين حصن النفس وايضاطبيبه
موضوع صعب ومن يبي منه جِده=
ياخذقناعاته وغيره يسيبه
وهرج منهو معارضن لاتعده=
خبيث نيه مير ربي حسيبه
تم بحمد لله واتمنى للجميع التوفيق

[تولــيب]

واعتذر عن تاخري بوضع المشاركات الى وقت اخر يوم بالسابقة اللي هو اليوم بسبب ظروف منعتني ..


وبالتوفيق للجميع