طالبتكم لا تردوني..

[نورالقصيم]

السلام عليكم ورحمة الله وبركاته
الله يجزاكم خير ابي أفكار حلوة للمصلى ......
و فكرة لاول حصة دراسية ادخل فيها على البنات لان مديرة المدرسه طالبة تحضير لهذي الحصة وانا جديدة ماأدري وش الطبخة.....

[彡كلمة صدق]

والله كنت اتمنى اساعد لكن ماعرف وش الطبخه http://messenger.msn.com/controls/images/NewToIM.png

[جوهرة العطاء]

هلا اختي حياك الله

بدور لك افكار حبيبتي ولا يهمك

[نورالقصيم]

الله يجزاك خير يا عاشقة الجنة بس بسرعه علشان يمديني أجهز

[ضي المهنا]

حياك الله حبيبتي..

بس ماحددتي انت اي مرحله تدرسين علشان نعطيك افكار تناسب اعمار المرحلة...

انتظر ردك..

[نورالقصيم]

عزيزتي ميل العود ادرس متوسط دين

[ضي المهنا]

متوسط....بس غريبة تحضرلك المديرة من اول حصه غريبة ليش ماعندكم حصص التمهيدي لصف الاول المتوسط؟؟

المهم..

في البداية تعرفي نفسك على طالباتك..

تعرفي عليهم..

طبعا تحضر المديرة ومافيه درس صح؟؟

ليتك وضحتي لي أكثر علشان اعرف اصرقع لك الافكار تصرقع ههههههههه

على فرض انك بتدخلين بدون درس لتعارف (حصة تمهيدية لأول متوسط)

1-سؤالهن كيف قضينا الاجازة..

2-ماهي امنياتكن..

3-عمل مسابقات...تعملي لوحه فيها جيوب )حنا عندنا ضوئية على الكهرباء)انت سويها عادية من لوحه وحطي في كل جيب سؤال ...اسئلة عامة...الغاز...طلب نشيد تلقيه طالبة...الخ..

4-سوي لهن جوائز لتحفيزهن ..

5-اذكري قصة حلوه لهن بعد الانتهاء اطلبي منهن ان يجعلن لهذه القصة عنوان ..تحفيز لمعرفة وضع عناوين الدروس لأنه موجود في منهج الحديث الجديد..

6-مسابقة في الاكل..مثل أكل الزبادي اللي تخلص لها جائزة..

7-حطي اسئلة دينية خفيفة...مثل...اول من سن ركعتين قبل الموت...أول من رفع راية الجهاد...أول من قتل شهيد..أول من اسلم من الصبيان...اول من اسلم من الرجال...الخ..

المصلـــــــــــــــى..

لابد ان لديك مجلة للمصلى...لوحه من اللاستيك او الفلين على راحتك وفيها جيوب شفافة من الزجاج او البلاستيك...تضعين فيها الفتاوى..الكتيبات والنشرات الدعوية...المسابقات..الحكم..الخ..وتعلق في الممر المؤدي الى المصلى او داخل المصلى..

تصممي لك حواجز الستر للصلاة من الفلين بمشاركة مع طالبات المصلى..

اعملي مسابقة شهرية او اسبوعية...

حفزي طالباتك على حفظ القرآن....وطبعا لابد تخصص المدرسة لك جوائز اخر السنة للحافظات..

اعملي بطاقات خاصة تعلق على الطالبة تبين انها ناشئة في حفظ القران الكريم....(سميه انت اسم مناسب)

(شوفي البطاقات اللي انا نزلتها في هذا المنتدى)

بين فترو وفترة سوي نشرات او مطويات..

اذا جاء في بالي اي فكرة جديدة اكيد بخبرك حبيبتي..