دائما تفزعون لي فلا تردوني هذه المره خائبه

[الدنيا سفر]

السلام عليكم أخواتي

أنا معلمه جديده لي شهرين فقط

ولا أعرف كيف ينبغي لي التصرف أثناء زيارة الموجهه لي

أنا معلمة قرآن ومتمكنه ولله الحمد

ومبدعه في حصتي

بس أشوف المعلمات يخافون مرررره من الموجهه مع إن بعضهم بيتقاعد خلاص

وطلبي منكم الله يسعدكم

أنكم تعرفوني وش المطلوب من المعلمه أثناء تواجد الموجهه

وش هي الإنتقادات اللي تنتقدها الموجهه في المعلمه

بالتفصيل الله يسعدكم ويخليكم لي

[الدنيا سفر]

وينكم يامعلمات معقول ولا وحده تحن عليه وترد

[بلسم المجروح]

انا طلبة وتوي
اقولك شكله مافي معلمات بالمنتدى
انا اطلب وما احد يرد

[أم نجم 2008]

وعليكم السلام ورحمة الله وبركاته
والله يأختي أنصحك ابدا ً إنك ماتخفي مهما كانت الموجهة ومهما سمعتي كلام عنها ، لأن كل وحده لها نظرتها وبعدين المعلمات يعرفوها وانت لسا جديده ماتعرفيها والكلام اللي سمعتي لا تخليه يأثر عليك

طبعا الموجهة عندها استبيان حق الأداء الوظيفي ممكن تطلبيه من المدرسة وهم يعطوك فيه امور كثيره راح تستفيدي منه
وبعدين في نقاط مهمة مثلا ً المادة العلمية هل انت متمكنه منها وإلا لا ؟
انظباط الفصل
تفاعل الطالبات معاك
طريقة شرحك أو استنتاجك للفوائد
ترتيب السبورة ( أهم شيء عند الموجهة ) المادة - الموضوع - التاريخ والكتابة بخط واضح
الوسائل التعليمية
اوراق العمل
لازم مشاركة جميع الطالبات وليس الاقتصار على كذا طالبة
التعزيز أو العبارات التشجيعية يعني لوحده اخطأت لا تقولي خطأ لكن قولي حاولي مره أخرى كذلك ممكن عمل مسابقة كأفضل مجموعة وكرميها بالهدايا كتعزيز
اللغة يعني لغتك هل هي عامية وإلا عربية دائما ً يركزوا عليها وخاصة معلمات القرآن (حاولي التحدث بلغة عربية فصحى )
نظافة الفصل مهمة
هذا اللي اعرفه والله يوفقك ويسهلك كل أمورك

[أم نجم 2008]

ولا تنسي دفتر الدرجات لازم يكون معاك مهم جداً ( واتمنى إنك تدخلي موضوع الأخت فديت التميمية )( أفكار ابداعية لتفعيل حصة القرآن الكريم )

[الدنيا سفر]

بلسم المجروح

مايخلونا أخواتنا بس هم مشغولين شوي هههه

[الدنيا سفر]

ام نجم 2008

الله يعطيك العافيه كفيتي ووفيتي

ماقصرتي يالغلا

الله يجعله في ميزان حسناتك يالغاليه

[مندوبة الابداع]

الله يوفقك

[اام القماري]

بالتوفيق