القصه الرابعه&قصتي مع الشخص اللي حبيته بجنون ولد الجيران&

[عطرالوـورد]

السلام عليكم ورحمه الله وبركااته

لعيونكم القصه الرابعه

ملاحظه جميع القصص الي اكتبها منقوله

للامانه انا لا انسبها لنفسي

هذي القصه على اجزاء



قصتي مع الشخص اللي حبيته بجنون ولد الجيران,,,


للتمويه بيكون اسمه عبدالله وانا روان

بحكيلكم قصتي يمكن الشي اللي شايلته من حوالي 15 سنه بقلبي ولاعلمت احد لاقلته ارتاح شوي لأني عانيت كثير لحد ماوصلت لليوم هذا
مااحل أي احد ينقل القصة ويغير فيها وقصتي حقيقيه ماعدا اسامينا


قصتي معاه بدت من لما كنت بالمتوسطه


او بالأحرى من لما سكنا جنبهم وصرنا جيرانهم حنا مو من نفس القبيله يعني مستحييييل يتزوجون منا


هو الثالث بين اخوانه جماله عادي عنده اخوان احلا منه بكثيييير بس هو يتميز بطيبة قلبه لما يتواجد حول الشباب اللي بجيله ومع اخوانه يفحط يضارب مع الأولاد بالمدرسه يهرب من المدرسة وكل شوي كان يستدعون ابوه جذبني بالقصص اللي اسمع عنه كانوا لما يتكلمون عنه او لما يجي اخوي من المدرسه ويقول عبدالله سوى كذا ويضحكون عليه كنت اسكت واحس قلبي يخفق وكأن فيه شي ينسحب من داخل صدري ..كأن انفاسي بتنقطع وروحي بسلمها لربي


وهذا هو حالي كل مااسمع بأسمه او اشوفه


انا عاديه مو جميله مرة محجوزة لولد عمي (اللي ناسيه موضوعه بالمرة ولاعمري فكرت فيه وهذي كانت غلطتي) اغلا وحده بين البنات بالنسبه لأبوي ودلوعته



المهم


انا مااتغطيت الا بثالث متوسط


وقبل لااتغطى كنت دايم برا البيت بس بالشارع مدري ليه امي ماكانت تحشرني بالبيت عاد حنا بنات اول كنا حتىوحنا صغار بالعمر باين علينا حريم مو مثل جيل الحين وابوي كانت امي اذا هاوشتني او قالت لي شي يقول خليها بكيفها



كنت دايم اشوفه لاركب السيارة او طلع يلعب كورة (بالملعب اللي مسوينه جنب بيتهم)كنت اجمد مدري وش يصيرلي

كان هو اول مايطلع يشوفني برا يوقف شوي يناظرني وبعدين يركب السيارة ويدعس ...
عاد انا هنا يبرد وجهي ههههههههه كان نفسي ومنى عيني اسمع صوته ...يابخله بالكلام



مرت علينا شهور على هالحال

قلت فيها طلعاتي لبرا(تأدبت شوي) وركزت على دروسي

وكانت تجي يمي زميلتي بالمدرسه نحل واجبانتا سوا ولما تجي تروح لبيتهم وهي كانت خوافه مره تغصبني اوصلها لنص الطريق لأنها عارفتني مااخاف ارجع لحالي وكنا لما نطلع سوا واشوفه يلعب كورة برا صرت الاحظ انه يطلع من الملعب مدري وين يختفي وفجأة الاقيه عند باب بيتهم يناظرنا ويستناني لحد ماارجع وادخل البيت وبعدين يرجع للملعب

انا كل مااشوفه يسوي كذا بدا قلبي ينغزني منه واخاف مدري ليش هو يسوي كذا


وحتى صديقتي انتبهت ومسكتني مره بالمدرسه وصارت تسألني عنه شسمه ومدري ايش عاد هو كان مشهور بالحاره وتقولي هو عبدالله اللي كذا وكذا معروف انه داشر ومدري ايش انا هنا كنت انقهر وصارت لما تقولي بجيك اليوم اتعذر ماابيها تشوفه ...صرت اغااااار عليه
صرت من الأوائل بالمدرسه واخذ درجات عاليه وبديت انساه(وبديت البس طرحه لاطلعت برا البيت هههه شي اهون من شي ههههه)


بس سبحان الله هو بدا يتعلق فيني



وصار كذا وقف منه من غير مااسمع صوته


مره كنت بالبيت لحالي انا واختي الصغيرة


اختفت اختي مدري وينها جلست ادورها خفت ولبست طرحتي و فتحت باب البيت ادورها بالشارع و شفته جالس عند باب بيتهم ..يدخــــن...(انصدمت فيه من متى بدا يدخن حزنت عليه وتقطع قلبي يقوه)

مالقيت اختي رجعت ونسيت باب البيت مفتوح



ولقيت اختي متخبيه بغرفه من غرف البيت



شوي واسمع فيه طق على باب البيت طلعت والاقي اخوه الصغير قربت له ..مد يده قال امسكي قلت وش امسك واشوف ورقه بيضاء
مااستوعبت مدري وش السالفه ومن غبائي مديت يدي واخذت الورقه منه


قال هذي من عبدالله ويسلم عليك قلت هاااااه لا لا خذها.. وهو يهرب
انا قعدت ارجف
رحت لغرفتي ركض فتحت الرساله
قريتها ..الحين مر على الرساله حوالي15 سنه ناسيه اغلب الكلام اللي فيها بس اللي اتذكره ان كان خطه شيييييين مو حلو ابد ههههههه
يسلم بالرساله ويسأل عن حالي وكاتب انا احبك والله شاهد علي اذا انتي مو معجبك الكلام بالرساله لاتخبرين احد وحاط r+a
انا على طول قطعت الرساله ولافكرت احتفظ فيها ولاخبرت احد


ذيك الليله مانمت كويس كنت افكر فيه

اول مافتحت عيوني تمنيت الرساله بيدي واقرا كلامه مره ثانيه وندمت اني قطعتها




مرت الأيام وشوقي له يزيد


صرت بثالث متوسط وابشركم تغطيت وانضبينا بالبيت





وصار موقف ثاني


الصباح نتلبس ونفطر زحمه البيت وبنروح المدرسه طلع اخوي لبرا ورجع قال السيارة خربانه وابوي يبي يمشي لدوامه قال قل لعبدالله يوصلكم انت وخواتك للمدرسه بطريقهم


انا هنا ينفسي قلت مستحيل واحسه شي بقلبي مدري ايش يارب راح اشوفه عن قريب واحس بوجوده قريب عندي مستحييييل


صمعنا صوت بوري عند باب بيتنا قال اخوي يالله مشينا

انا بديت اتنافض شوي واقول خلاص بغيب بس امي راح تشك فيني


ركبن خواتي واخوي ركب قدام عنده انا ركبت اخر شي وحسيت الطريق طويييييل للمدرسة ابي اشوفه ماقدرت من الخوف
ماقدرت ارفع راسي

اناظر لبريك السيارة اشوفه ماسكه باليمين واناظر لدركسون السيارة اشوفه ماسكه بيده الثانيه رفعت راسي قلت خلاص لازم اشوفه بس خسارة كان منزل شماغة مو منسف قلت يووووووه كل هذي نذاله علشان مااشوفه



وصارلنا على هالحال 3 ايام لأن سيارتنا بالورشه وابوي يداوم بدري ومعتبرهم زي اخوي عادي نركب معهم



ماصار أي شي بيننا


بس كان يكفيني احس بقربه


صرت بالثانوي

وهو فصلوه من المدرسه لأنه كان مشاغب جدا شاب من صفه تطاول عليه وسبه وسب اهله عبدالله عاد يعصب بسرعة ضربه وصار الولد ينزف وعبدلله كمان لأن عيال عم الولد تجمعو عليه وضربوه

انا لما سمعت بهالخبر حزنت على حاله والوضع اللي صار فيه يدخن مشاغب مفصول من المدرسة




دخل معهد كمبيوتر واخذ شهاده ودورله ابوه وظيفة ولقاله بدائرة حكوميه براتب كويس

انا بديت انخطب جاني اول واحد ظابط جميل جدا ابوي ردهم قال محجوزة لولد عمها

انا هنا وعيت لولد عمي اللي متوظف بوحده من مناطق المملكة ويستناني اخلص مدرسة ويتزوجني وياخذني لعنده



ياربي بدا الهم يركبني


ماابي اخذ هذا ولاابي ولد عمي وهو مستحيل يتزوجني لأاننا مومن نفس القبيله وعنده ماشاء الله بنات عمه كثار وجميلات جدا بس مغرورات جدا جدا



قلت ماراح اتزوج ابد ابد وبركز على دراستي وابي اوصل لأعلى المستويات وهو ماراح انساه اكيد


جوني خطاب كثير بعد الظابط وكان ابوي يردهم ويقول لولد عمها

صرت بثاني ثانوي جا ولد عمي وجاء اليوم اللي كان كابوس بالنسبة لي

خطبني ابوي على طول وافق ماكان متوقع اني ماابيه وكان بذالك الوقت مافيه البنت تحلل ولاينسأل رايها على طول لو يبون يملكولها يملكون بدون رايها

وقالوا الزواج بعد مااخلص ثالث ثانوي


مااحد علمني من البيت بس كنت حاسه ان فيه شي


طلب ابوي مهر 60الف والذهب كامل لأن ولد عمي كان غني وعنده فلوس هو موظف بشركة مهمه ومن اكبر الشركات بالمملكة



جتني اختى اللي اصغر مني وعلمتني


انهرت وقعدت ابكي بالغرفة هي انصدمت ليش انتي ماتبينه قلت لاا لاا ماابيه ابغى اكمل دراستي(وبقلبي اقول احب عبدالله ومااقدر اعيش مع رجال ثاني وهو يسكن قلبي)



انتظروني بالاجزاء القاادمه

:68::68::68::68::68::68::68::68::68::68::68::68::6 8::68::68::68::68:

[battakhalil]

حلوه يا اختى كمليها

[*نوسة*]

مشكورة حبيبتي عالقصص الحلوة بس ماتطولي علينا بالتكملة الله يعطيك العافية

[عطرالوـورد]

battakhalil (http://forum.hawahome.com/u41531.html)

اهلين حبيبتي من عيوني انشاء الله باكملها

[عطرالوـورد]

نوسة

ابشري ياعسل من عيوني

[ولدي قلبي]

ماشاء الله عليك....بدايه موفقه ..
كملى....

[بنتوته عسل]

لالالالالالالالالالالالالالالالالالالالالالالالالا لالالالالالالا

حراااااااااااااااااااااااااام عليك
كمللللللللللللللللللللي

[عطرالوـورد]

ولدي قلبي

نوسه عسل

ابشروا

[عطرالوـورد]

تابع,,,,,,




عقدوا قراني على ولد عمي وزواجي بعد ثالث ثانوي على طول


ابوي حسيته بدا يتهرب مني(وانا بقلبي اقول تسوي كذا ببنتك روان اغلا بناتك الله يسامحك يايبه)


كنت حابسة نفسي بغرفتي وابكي ليل ونهار خواتي وصلو الخبر لأمي اني ماابيه وامي وصلت الخبر لأبوي
بس للأسف الكل يتهرب عني مايبون يواجهوني وهذا اللي كسر ظهري وحطمني اكثر




بنهاية الأسبوع اللي صارت فيه ملكتي


رحت بساعة متأخرة من الليل لغرفة امي
ابوي ماكان فيه طقيت الباب ودخلت عليها لقيت اختي المتزوجه عند امي


اختي طلعت


جيت جثيت عند رجول امي وقعدت ابكي ابكي ابكي
بكاء طفلة عمرها 3سنوات



مسكتني امي وضمتني قالت شفيك قلت ماابي اتزوج ليش سويتوا فيني كذا
قالت ليش يابنيتي هذا ولد عمك بيعزك ويصونك وماشاء الله عليه بيعيشك بنعيم



قلت انا ماابي اتزوج ماابي



سكتت قالت بس ابوك وعمك الشايب اكبر عمامك وبيزعل من ابوك




قالت شوفي يابنتي انا مااقدر اقول لأبوك شي
ولابيدي حيله هو يدري انك ماتبينه والشكوى لله



انا هنا تحطمت بزياده



طلعت من غرفتها وانا حاسة اني وحيده غريبة بين اهلي


ابوي عزوتي وسندي بهالدنيا يرميني هالرميه ليييييش



هذا والله اللي كان محطمني اكثر




رجعت لغرفتي بكيت اكثر



اروح للمدرسة شبه انسانه بروح محطمة مااضحك مع صديقاتي مثل اول
ماعندي احد اشكيله


اخت عبدلله جتنا مسيره مره للبيت وتخيلوا جت سلمت علي وتباركلي
يوووه تمنيت تباركلي بزواجي من اخوها مو ولد عمي


وعبدلله اااااه بس كل مااتذكره احس اني بحاجته اكثر من اول وكنت افكر هل هو يدري اني بتزوج ولا لا


هو ماصار بيننا شي كبير بس سبحان الله تعلقنا في بعض



ماصرت اشوفه زي ا ول هو مايجي من دوامه الا الساعة 3 والصبح يطلع الساعة 8 يعني مااشوفه وقت روحتنا او جيتنا من المدرسة



مر 3 شهور على هالحال
مااسولف مع اهلي نزل وزني صرت نحيفة مررره يطلعون مشاوير مااطلع معهم


ابوي يجلس انا اقوم



كنت خايفه احط عيني بعينه وتنزل دمعتي







صرنا بنصف الترم الثاني من ثاني ثانوي





منسدحة على سريري وافكر وطبعا فكره ورا فكرة لحد مادمعتي تطيح وادوخ وانام بس ذيك المره لا


قمت بدون وعي ورحت لمجلس الرجال ودخلت على ابوي


كان يتقهوى


رفع راسه شافني


رميت نفسي عليه وحبيت راسه


قلت تكفى يابيه لا يايبه


قال وش يابعدي


قلت ماابيه ارحمني يايبه




تخيلو قام يبكي معي وانا دافنه راسي بحضنه وماسكه ثوبه وابكي


وصار يمسح دموعي بطرف شماغة




بكييييييت



بكيييييت


من الهم اللي شلته 3 شهور
من الشوق لحظن ابوي الغالي
من الشوق لريحة شماغة



قال كفي دمعتك يابنتي


ويحلها ربك ان شاء الله




طلعت من مجلسه وانا كلي امل بس مادريت اني راح اتسبب بمشاكل كبيرة برفضي لولد عمي

















جاء من اليوم الثاني



صبح ابوي وهو يحمل هم كثر همي


وهو هم عمي الكبير اكبر اخوانه اللي يحترمه كثير


كيف راح يقوله عن بنته اللي رافضه ولده


لما صار الظهر بعد الغداء دق ابوي على عمي


قاله البنت ماتبي الزواج الحين ومن هالكلام



وفجأة طلع صوت ابوي



وجيت اتسمع انا وامي على مكالمتهم


وسمعته يقول لعمي ان بغيت الزواج بالغصب وانا جريت البنت هالحين وجبته لبيتك
بس ماحد يرضى بالغصب والزواج اللي بدون رضى ماهو من صالح ولدك





شوي ويقفل



عمي زعل على ابوي ...ليش اخوي مايقوى على بنته هالبنت قويان راسها


وتدق اخته الكبيرة على امي...بنتك ليش ترفض اخوي وش فيه اخوي
قالت امي اخوك كل بنت تمناه والله يرزقه بغير بنتي والبنت تبي تكمل دراستها


وبدا ينتشر الخبر


والناس بدت تتكلم



احنا بدو وعائلة معروفه وصعبه البنت ترفض ولد عمها
وانا رفضت ولد عمي
والناس تفاجأت
البنات بالمدرسه صارت نظراتهم غريبة لي
حتى صديقاتي
وين مااروح الناس تتهامس حولي
اللي شمتان واللي يحش ويقطع بجلدي واللي يقول كلام ماقلته



حسيت اني مخنوقه متى مامات هم انولد هم جديد
دراستي ماصرت اركز فيها
معلماتي بدو يلاحظون علي


انعزلت عن الناس اكثر من اول






يتبع بأذن الله,,,,, في حال ماشفت منكم تفاعل ماراح اكمل والعذر والسموحة

[القران كتابي]

ليش

ا حنا مرررررررره متفاعلين والله

كملي ياعسوله بسررررررررررررعه

بس لاتطولي حيل

[الجو2009ليا]

ياالله تكفين كميلي القصه ولاتقطعيها عشاااااااااااااان خاطر عبدالله

[عطرالوـورد]

من كان مع الله كان الله معه

جوليا

مشكورين على الرد والتفااعل

بنزل البارت بعد شوي

[عطرالوـورد]

هاااااااااااااااااااااااااااااي كيفكم

جاء الخبر لولد عمي
اهله تأخروا بتوصيل الخبر له على اساس يحاولون فيني بالذات خواته
كانوا يجون لبيتنا يبون يتكلمون بالموضوع وارفض اطلع لهم


ماعدا امه عجوز كبيرة واحترمها كثير ماشفتها من وقت ملكتي
جتنا اخر الناس وطلعت لها قالت انتي ماتبين ولدي قلت لا انا ابي ادرس
سكتت وطلعت من بيتنا مازودت كلام ابد


لماسمع بالخبر تفاجأ

اخذ اجازة وجاء
وانا تفاجأت بأصرارة علي
طلــــــــــــــع يحبني
وقايل لأخته انا مااخذ غير روان وطلاق ماراح اطلقها


قلت وش هالحظ ياربي
اللي يبينا عيت النفس تبغيه واللي نبيــــــه عيا البخت لايجيبه



وصرت ادعي ربي يفكني منه
ابوي سكت عنهم
امي صارت تسأله وش بيصير
يقولها نمهلهم فتره مانبي نزيد الطين بله ونزيد كلام الناس


مضى وقت


صارت فيه عزومه كبيرة بعايلتنا

مدري وش اللي خلاني احضرها
لأني اكتشفت مدى كره بنات عمي لي لأني رفضت اخوهن

صرت جالسه بين خواتي

وحطوا دي جي

وصار فيه اغاني ورقص

وكنت الحمدلله احلا وحده فيهم

وقلت ليش الهم اللي معيشه عمري فيه كأني خايفه منهم
خليني اقهرهم

واقوم وارقص

ماتوا من القهر لأن الحريم بالذات الكبار بالسن صاروا يمدحون فيني

وكانت من ضمنهم وحده ماتجي الا كل سنه مره عايشه خارج السعوديه وصادفت جيتها العزومه


قامو الحريم يتعشون
وانا قمت اتمشىلحالي(كانت العزومة مسوينها في استراحة)


شفت زوجه عمي تتكلم مع امي من بعيد بآخر الأستراحة قلت اكيد عني وعن ولد عمي


لما جينا البيت


سألت امي قالت ابشرك

الولد طلقك











هنا انا مرتاحة نفسيا بس بعد ايش
بعد ماصرت منطويه على نفسي مااحب الطلعات
ولا العزايم
مو اجتماعيه ابد
صاروا يسموني المغرورة
قاطعة بالرحم
وانا اذن من طين واذن من عجين ماطقيت لهم خبر ابد
الناس ماترحم ماترحم ابد وهذا اللي عرفته من اللي صار معي



بنهايه ثاني ثانوي ابوي فاجأني بجوال وشريحة


يبي يوسع بخاطري شوي


استانست عالجوال





وعبدالله ماشفته ابد من اللي صارلي نسيت الدنيا بس هو لا

وكنت فرحانه بالجوال والعب على البنات اخوفهم بعدين اقولهم انا روان

بس اخت عبدالله مافكرت اني اعطيها رقمي

مرت الأيام وبالصيفيه اللي بين ثاني وثالث ثانوي

اخت عبدالله من حالها اخذت رقمي من اختي

دقت سلمت علي وخزنت رقمها عندي



ومن ساعتها


تخيلوا



الأرقام الغريبه بدت تدق


اول مره


رديت
الووو ...ماحد يرد علي


بس سمع صوتي وقفل




قلـــــــــــــــــــــبي خفق بقووووووووووووووووة

وانفاسي... مافي انفاس.. ابي هواء ياناس كأن الأكسجين اختفى من غرفتي


واكلم نفسي :....والله هذا عبدالله... والله انه هو


مانساني معقوله؟؟؟؟؟



وانا كنت اقول واسمع من امي بالذات انه بيتزوج امل بنت عمه المغرورة واهله بخطبونها له




ومن ساعتها وهو يدق واغلب الأوقات اطنش ماارد عليه لأنه من يسمع صوتي يقفل كأنه بس يبي يسمع صوتي


بجــــــــــد بخييييل من يوم كنا صغار بخييييل بالكلام.....هههههههه(شكيت انه ابكم هههههه)

كل مره يدق من رقم جديد انا من اعرف انه هو ماارد عليه مره ثانيه يروح يغيرة ويرجع يدق



صرت اعرف ان أي رقم غريب انه هو

فصرت ماارد على الأرقام الغريبه



فصار يرسل قصايد يوميا الساعه 2 بالليل



ورجع حبه ينبني بقلبي من جديد








يتبع,,,,

[*نوسة*]

حلوة ياريت تكمليها

[salawy]

وقت طلبتك.....Z.....Z.....Z
تكملييييييييييييييييييييييييييييييييييييييهااااااا ااااااااااااااااااااااااـ2ـ2ـ2

[أم أسد]

قصه رااااااااااااااااااااااااائعه تحزن تكفييييييييييييين كملي كملي

[مسلمة احمد ربي]

بليييييييييييز واصلي بليييييييييييييييييييز بلييييييييييييييييييييييز:80::80::80::80::80:

حرام عليكي ..~~~..~~~..~~~ واصلي باقرب وقت انا في انتظار الباقي بلييييييز الله يحفظك:80::80:

[جنان الحياه]

مش الله ياقلبي الله يسعدك نيااااااااااااال قلبك الى يحب قلبه الله يخلييييييييييييييييييييييك تكملي


لاوم تكوني مخرجه افلام يا رومنسيه احببتك بالله تحياتي لك انتظرررررررررررررررالمرزيد اختك جنووووووو

[ام جنو 2009]

كملي كملي كملي بليييييييييييييييييييييييييييييييييييييييييييييييز

[عطرالوـورد]

حياااكم الله اخواتي

من عيوني راح اكمل لكم

الله يجزاكم خير

[عطرالوـورد]

السلام عليكم

مرت الصيفيه كلها

ماصار فيها شي يذكر


الا اللهم مره..... سمعت امي تنادينا طلعنا انا وخواتي لها
لقيناها عند الباب الخارجي

تقول مسجد الحارة(اللي بصير بينا وبين بيتهم) لقو عنده افعى كبيرة

ومالقو احد يذبحها


ووقفنا وكنا مسكرات الباب شوي وناظر للمسجد

واشوف شاب طويل ومملوح معاه حديده كبيرة

طلع من بيتهم


قالت امي هذا عبدالله


انا تفاجأت فيه صاير رجال ماشاء الله عليه



وقعد لحاله يدور الأفعى حول المسجد وذبحها

زاد اعجابي فيه







وصرت بثالث ثانوي وجاء الجد


ولازم اجيب نسبه







شديت حيلي


وهو ماارد عليه ولاعلمت احد انه يرسلي
لأني بصراحة احبه





تذكرون ذيك الحرمه اللي بالأستراحة عايشه خارج السعوديه



جت لبيتنا



تخطبني لأخوها


انا هنا


قلت





ياليييييييييييييييييييييل ماطولك



ههههههههه


شلون برفضه هذا بعد.. يصير من قرايبنا وابوه عم ابوي






بس خطبته لي فتحت عيوني على شي


عبدالله اللي يرسلي كل ليله ليش مايخطبني


وولعب بعقلي الشيطان انه انسان يتسلى ومايبيني ويلعب علي



رفضت الولد اللي خطبني بحجه اني مابي اعيش برا السعوديه



وعبدالله قلت لي صرفه معاه



جبت نسبه عاليه


الحمدلله


وعبدلله دق مره ورديت وهاوشته علشان مايدق بدون لااوضح له اني اعرفه


وتركني


وانا ذيك الفترة كرهت الديرة بكبرها


عبدالله ماراح يتزوجني وقاعد يلعب علي

والعايله تكرهني لأني رفضت ولد عمي وتسببت بمشكله كبيرة



قدمت على جامعة بمنطقه ثانيه

وقبلوني

ومرت الصيفيه ولادق علي ولاارسل ابد

وخبر قبولي ماعلمنا فيه احد


وفي بدايه السنه الجديده

مثل الحلم انتقلت وعشت بسكن الجامعة


تركت الديرة باللي فيها





وتخيلو اول ماانتقلت
تقريبا بأول 3ليالي دق رقم غريب مارديت
دق مره ثانيه ثالثه وارد عليه


كأني حاسه انه هو


قلت الووو: وانا كنت ضامنه انه ماراح يتكلم كالعاده

قال الووووو

روان




انا قمت ارجف
سمعت صوته
ونطق اسمي
جمدت شوي
وهو الو الوووو

واقفل الخط بوجهه


ياربي ليش كذا يصير معي


ليش انا ماكرهته للحين



ويرسل يبيني ارد عليه



مدري شسوي


واكتب برساله قصيده غناها خالد عبدالرحمن



ناس تدس الهم بين الحنايا....وناس ماتدري وربي وش صاير
واحد حظه مثل بيض الثنايا....وواحد حظه مثل سود الظفاير


وارسلها له



ورجع يدق ويدق ويدق

وانا اقفل جوالي



وصار من فتره لفتره يحاول ومرت سنه كامله


بأخر هالسنه

كنت بفترة امتحانات


دق ودق ودق

ويرسل
قال انا على هالحال من كم سنه ردي بتكلم معك



مارديت



ويرسل قال
انتي ماتبيني بس انا ابيك
وراح اتركك خلاص
تظنين انك بتنسيني كذا

بس ماكون عبدالله اذا نسيتي


وهذي اخر مره ارسلي فيها



انا قعدت ابكي من هالرساله

كان ودي يعرف اني احبه واموت فيه



بس ماتجرأت اني ارد او ارسله





السلام عليكم

[مسلمة احمد ربي]

وش بعد ...واصلي هل انتهت القصة ام شنو""/""/ ......بلييييييييييييييييز واصلي واصلي انا انتظرها باحر من الجمر لييييييييز:80::80::80::80:

[ام جنو 2009]

انتهت القصه والا بعد؟؟؟؟؟؟؟؟؟؟؟؟؟؟؟؟؟

[عطرالوـورد]

لا توها ماخلصت باااقي اجزاء

[جنان الحياه]

يااااااااااااااااويلك من الله يا وووووووووقت والله شوقتنا خلاص ارسلي القصة كلها على الخاص هههههههههههههههههههههههههههههههههههههه

حبيبتي الله يسلبمك كملي يالله عاددددددددددددددددددددددددددددددددددددددد

[مسلمة احمد ربي]

ياااااا الغالية وقت ابوس راسك انا انتظر بلييييييز كملي القصة وريحي قلوبنا بليييييز:80::80::80::80:

[salawy]

،)،،)،،)،طلبتك يا وقت،)،،)،،)،
""/""/""/ كمليييييييييييييييييهااااااااااااااااااااا""/""/""/
:80::80:بسررررررررررررررررررعه:80::80:

[عطرالوـورد]

والله انكم غاالين على قلبي

بس النت خرب

وزاد عليه الامطااار الي جت بريااض

والا والله انكم على بااالي


بنزله بعد الشوي

[أم نجم 2008]

رووووعة القصة بس الله يسعدك كمليها

[عطرالوـورد]

السلام عليكم ورحمه الله وبركاته

اسعد الله اوقاااتكم


لاتزعلووووون علي لاني تاااااخرت عليكم




جت نهايه السنه لميت اغراضي وسافرت عند اهلي كالعادة اقضي اجازة الصيف عندهم



آآآآآآآآآه يالألم والحسرة اللي احسها كل اجازة وانا جايه لبيت اهلي واشوف
بيتهم واشوف سيارته واقفه



مر شهر كامل من الأجازة

وجاء الشهر اللي بعده
وبيوم من ايامه
بوقت العصر جاء اخوي الصغير يقول:ان بيت جيرانا عندهم سيارات كثيره


جت وقت صلاة العصر

راح ابوي للمسجد شوي ورجع

مدري شفيه


قال ابو فلان اللي هو ابو عبدالله تــــــــوفى
وصلوا عليه اليوم



والسيارات اللي عندهم هذولا ناس تعزي


انا قعدت ابكي


ابكي علشان ابوه اللي توفى كان انسان طيب

وزاد حزني ودموعي حال عبدالله اللي مايسر

هو كان قريب من ابوه مثلي بالظبط

قعدت ابكي ومسكت الجوال ابي ادق عليه ابي اواسيه

بس مااعرف رقمه هو كانت ارقامه كثيرة وانا ماحفظتهن ابد
وبعدين من بعد الصدمة استوعبت قلت زين اللي مادقيت عليه


جاء من اليوم الثاني وسمعت صوت اذان الظهر
واطلع ركض للباب الخارجي بدون لايحسون اهلي ابي اشوفه وهو رايح للمسجد

وشفته وليتني ماشفته

كان يمشي كأنه طير مكسور الجناح
وقعدت دموعي تنزل من غير شعور لما شفت حاله
تمنيت اجيه وامسك ايده واواسيه


بعيده عنه وروحي عنده وقفت بحسرتي ورا باب بيتنا لحد مادخل المسجد




مرت الصيفيه كلها
ورجعت للجامعة

ومرت 3 سنوات


واهلي انتقلو من بيتهم لبيت جديد


واجيهم من اجازة لأجازة








مرت ال3سنوات لاحس ولاخبر لايدق ولايرسل


وصار كلن يمدح فيه من بعد وفاة ابوه اللي يرحمه
ترك الطفاقة والتفحيط وصاير رجال محترم وقد المسؤليه


وولله العظيم كل مايجيبون طاريه
اني اسرح لبعيييييييييييييييييييييد


وافكر


انا بقلبه للحين؟؟؟؟


او كان ذاك الوقت يلعب والحين هو عقل ولايفكر فيني


وخلاص قلت
اكيد هو بيكون من نصيب امل بنت عمه....






وكل مااتخيله مع امل


احس سكاكين تنغرس بقلبي


ويضيق صدري والعبرة احسها تغص بحلقي




جلست اكرر دعاء لربي كنت اقول فيه

يارب اذا كان عبدالله زوج صالح وانسان فيه خير لي يارب انك ترزقني فيه عاجلا غير اجل



وكنت اردد هالدعاء كل مايطري على بالي عبدالله






وصرت بأخر سنه بالجامعة

وبأجازة نص السنه

وانا عند اهلي

اعطتني اختي جواله

وجلست اتفرج عليه

دخلت على الرسايل

والاقي رساله من اخت عبدالله اللي كبر اختي
مدري وش كاتبه فيها نسيت بس اللي فاجأني

الرقم كان مخزن بأسم: نونو ج عبدالله




على طول من دون وعي اخذت الرقم وخزنته بجوالي مدري وش فيني تصرفت من دون تفكير


جت اختي اخذت جوالها
وسألتها عن الرساله

قالت هذي فلانه جيراننا اول

دايم داجه وتدق وترسل من جوال اخوها عبدالله



سكتت ورحت لغرفتي



قفلت الباب

من دون وعي

مشتااااقه له بس ابي اسمع صوته وقلت اكييييييييييييييييد ناسيني وناسي رقمي


بس يبدق واسمع صوته واقفل


دقيييييييييييييييييييييييييت


لحد ماانقطع مارد علي وكانت الساعة تقريبا12 بالليل



جلست على سريري



قعدت اكلم نفسي


انا وش سويت



صدق اني مجنونه


حطيت الجوال عند راسي ونمت






الساعة تقريبا 3 بالليل




دق جوالي

الا هذا رقم عبدالله

فزيت من سريري جلست وماسكه الجوال لحد ماقفل



نزلت الجوال


وارسل رساله


لو سمحت انت داق علي ...مين؟؟


مدري شسوي


كتبتله

اسف غلطان



ويرسل رساله


لا انت مين مو على كيفك تدق وتقول غلطان


انا هنا حقدت عليه ههههههههههههههههه


ارسلت له غلطان واسف مره ثانيه

ارسل يرد علي:

روان انا عارف انها انتي...



حطيت ايدي على فمي وقعدت ابكيييييي
غرقت عيوني من الدموع

ابكي على السنين اللي عايشينها بعيد عن بعض
وابكي بسبب الحرمان اللي انا فيه
وابكي على حسرتي
وابكي على الحيرة اللي انا فيها لمتى هذا حالي

لاني اللي كارهته ولاني اللي قادرة اعيش من دونه










يتبـــع,,,

[أم نجم 2008]

ننتظر الباقي لا تطولي يا عسل

[مسلمة احمد ربي]

بلييز لا تطولي تراكي طولتي وايد علينا ............ في انتظار الباقي من القصة ولا اقول ارسليها على الخاص بليييييييييييييييز كلما اقرأها احس اني انا صاحبة القصة بلييز في اقرب وقت

[روائع الفجر]

ياللـــــــــــــــــــــــــــه قصة تحمممممممممممس


تكفين لا تطولين

[sweet*_*]

هههههههههه كملي ابغى اشوف نهاية لقصة

[ريماس من الماس]

وينك لهلآ شوقتينا وتركتينا ورحتي بالله عليكي كمليها بسرعه

[جنان الحياه]

اااااااااااااااااااااااااااااااااااااااااه


لازم اعمل ارسلك هجره لجزر القمر انتي وزوجك واطفالك


كملي القصه بسرعه



ابعتلي رقمك اتفاهم معك خخخخخخخخخخخخخخخخخخخخخخخخخخ(امزح)

يالله وقوته مشان الله

[وردة سلام]

شوقتيني لنهايه القصه بالله عليكي كمليها اكيد نهايتها راح تكون قصه مسلسل صح

[أم أسد]

وييييييييييييييينك شوقتينا للباقي

[@رموز الغلا@]

يلاااااااااااااااااااااا يا وقت

والله بصراحة مشتااااااااااااااااااااااق للباقي

تحياتي

[عطرالوـورد]

السلام عليكم

كيفكم

معليش تاخرت عليكم


بس مشغووووله بالاختباااارت

بكملها الاربعاء

واسفه على التاخير

[أم نجم 2008]

الله يوفقك في الأختبار يارب

[الجو2009ليا]

كيف تقولي عليك أمتحان وأنتي تقولي لك اربع سنه في الجامعه شوفي يأختي أذاكانت القصه تحمل هدف في الحياه يرضي الله قولي القصه أما أذا كان فيها نوع من الانحراف كلمني وأرسلي هذا مايصلح أنتي تكتبي القصه في منتدى له قيمه بعدين يمكن تقرأ رسالتك بنت مراهقه وتتأثر بهاذي القصه شوفي يأختي وقت أخذري السيئات الجاريه القصه لها أسبوعين أنهي قصتك بحيث تكون عظه وعبره ماهي شي ثاني أرجوامنك تقبلي كلامي بسعه صدر

[المعهد العلمى]

صراحة القصة حلوة بس اتمنى تكون فيها عظة وعبرة للبنات صراحة عن نفسى حبى لزوجى كان بعد الخطوبة وبعد الزواج زاد ربى يرحمه ويجمعنى به واولادى فى علييين

[عطرالوـورد]

اهلين كيفكم

ابغى الرد على جوليا

انا بااي سن ماالك شغل وليش الي 4 سنه ميختبروون حمد الله وشكر

والقصه لها اسبوعين لها سنتين بتقرين اقري مو عااجبك لاتدخلين

مو انتي الي تعلمين قيمه المنتدى


واخواات البافياات اسمحولي كتبت هذا الكلام بصفحتي

بس غلطت ولازم اوقفها عند حدها

واليكم باااقي القصه

[عطرالوـورد]

الساعة تقريبا 3 بالليل




دق جوالي

الا هذا رقم عبدالله

فزيت من سريري جلست وماسكه الجوال لحد ماقفل



نزلت الجوال


وارسل رساله


لو سمحت انت داق علي ...مين؟؟


مدري شسوي


كتبتله

اسف غلطان



ويرسل رساله


لا انت مين مو على كيفك تدق وتقول غلطان


انا هنا حقدت عليه ههههههههههههههههه


ارسلت له غلطان واسف مره ثانيه

ارسل يرد علي:

روان انا عارف انها انتي...



حطيت ايدي على فمي وقعدت ابكيييييي
غرقت عيوني من الدموع

ابكي على السنين اللي عايشينها بعيد عن بعض
وابكي بسبب الحرمان اللي انا فيه
وابكي على حسرتي
وابكي على الحيرة اللي انا فيها لمتى هذا حالي

لاني اللي كارهته ولاني اللي قادرة اعيش من دونه
جلست ابكي

وقلت لازم اعرف هو يحبني ولا لا


اب ارتاح

بس مو الحين.... طنشته(عادي مثل ماطنشته اول هههههه)
ذيك الليله ماخلاني انام من رسايله


صحيت ثاني يوم وفيني نشاط مو طبيعي
رحت مع اهلي لزواج
وكنت قافله جوالي ومخليته بالبيت
فتحته ولقيت فيه رسايل ومكالمات منه
بس متغير اسلوبه صاير قاسي شوي


كتبت رساله وارسلتها له
بعض الجروح ان جت من اغراب عادي
الجرح موت الجرح لاجا من احباب

ورد علي
مليت ادورلك عذر ياودادي
مثل الضرير اللي ورا النور طلاب


ساعتها تأكدت انه يحبني

استمرينا بقيه الأجازة مع بعض رسايل بس ماكلمته ابد بس رسايل وهو ماطلب مني اكلمه كان مقدر ومراعي مشاعري


وجت ساعة الرحيل خلصت الأجازة ولميت شنطتي وعلمته اني بسافر

ودعت اهلي ورحت مع السواق للمطار
وكان الطريق طويل شوي رجعت راسي على ورى وغمضت عيوني كنت احس بضيقة لأني بكون بعيده اكثر عنه
رجعت فتحت عيوني وناظرت قدام كنا واقفين عند اشارة والوقت المغرب وكان فيه حادث عند الأشارة جلست اناظر للحادث واقول ياالله رحمتك

وجوالي بيدي وجاني مسج على غفله
وبنفس الوقت الأشارة صارت خضراء والسيارات صارت تمشي
الا هذا عبدالله يقول تشوفين الحادث


انا انهبلت انجنيت وقعدت اتلفت يمين ويسار
ابي اشوفه وينه


وارسله بسرعه: انت وينك قال انا قدامكم بوصلك للمطار

وتخيلو كان طول الطريق وهو معانا يمشي قدامنا وانا اشوفه
لحد ماوصلني للمطار وودعني برساله مادخل معنا خاف السواق يشوفه


ورجع



وانا سافرت



وكملت دراستي وخلصت وانا وياه على رسايل لمده 6 شهور
قال خلاص انا بتزوجك
قلت له كيف واحنا مو من نفس القبيله
قال والله لو وش مايصير انا مااخذ غيرك
وتعاهدنا مانخون الأمانه
اذا ماتزوجنا مااتزوج غيره وهو بعد ماياخذ وحده غيري


المهم رجعت عند اهلي


وصار يطري المكالمات وانه نفسه يسمع صوتي

انا ماكنت ابي وبنفس الوقت ابي اكلمه

ابي اذني تنطرب بسماع صوته


بس خايفه والله ومستحيه من نفسي ومن اهلي

انا مأنبني ضميري لأني اراسله شلون لو اكلمه


صار كل شوي يكررها ابي اسمع صوتك ابس اسمعه
وانا بعد ابي اسمع صوته
بس كنت ارفض

بمرة من المرات قال خلاص مو ضروري تردين افتحي الخط بسمعك اغنيه
قلت اوكي
صرت افتح الخط ويسمعني اغاني
وعلى هالحال لمده طويله وانا بعد ادق واسمعه اغاني واحيانا قصايد

وقال مره في قصيده بسمعها لك ان شاء الله تعجبك قلت اوكي
فتحت الخط وحطيت الجوال على اذني
مااسمع صوت
الا اسمعه بدا يلقي القصيده لي بصوته مو مقطع من عنده


آآآآآآآآآآآآآآآآآآآآآآه ارتسمت ابتسامه على شفايفي حسيت بفرحة وصارت دموعي تنزل لما سمعت صوته




خلص القصيده وقفل
ماانتظر رد مني

ونمت وانا احلم فيه




رجع بعد فترة يطري لي المكالمات
قلت مكالمة وحده بس ومو بالليل بالنهار

قال طيب

دق علي ببريك الصلاة خلال وقت دوامه وانا كنت انتظره
دق اول مره عجزت افتح الخط
دق المره اللي بعدها
فتحت الخط
انا ساكته وهو ساكت
واسمع صوت السيارة هواء عنده اثاريه طالع من الدوام ويفر بالسيارة برا
ومشغل شريط لمحمد عبده بالسيارة
قال:الو
انا:.... ساكته ...ابي اتكلم عجزت شفايفي والله كانت ترجف...عجزت اتكلم...
الووو روان
لما قال اسمي ارتحت مدري كيف وتطمنت له ورديت عليه
قلت هلاااا
وبدى يسلم واخبارك شافني ماسولفت كثير... وسكرنا الخط
واروح للسجل
والله كانت المكالمه دقيقتين وكم ثانيه
حسبتها نص ساعه او اكثر
كانت اطول مكالمه مرت علي...


وهو نفس الشعور قالها لي برساله بعد ماقفلنا

وقالي انا مرتاحلك بشكل عجيب ... وانا بعد كنت نفس الكلام اقوله بصدري



مر على المكالمه كم اسبوع
ورجع طلب يكلمني

وافقت من غير تردد


وصرنا نكلم بعض كل ليله
انا كلامي كان قليل
هو اللي كان يسولف
ووالله كنت انام على صوته ويطيح الجوال من يدي وانا نايمه.. مايقفل الا لما يتأكد اني نمت

مر على مكالماتنا 6 شهور اضافيه بس كان فيه شي غريب يخرب احيانا على مكالمتنا ويسرح مني وهو ينهي المكالمة ماكنت ادري ايش كان هالشي


صارت فيها اشياء كثيره
بس ولامره ارسلت له صورة لي



مره من المرات اختي شكت فيني

لأنها شافت رساله منه بجوالي وانا ماخزنت رقمه وهي عرفت الرقم


قلت لها يشبهله واخذت الجوال بسرعه


ولما صار اخر الليل وانا ماره من عندها سألتني روان لاتكونين .....وماكملت سكتت

انا سكت وقلت وش قصدك
قالت عارفه وش قصدي



انا حسيت نار تحرق بجوفي


صارحته بالموضوع لمتى ومتى تجي تخطب


قال بصراحة انا خايف

اخاف ابوك يرفضني
وظروفي متسمح الحين

قلت ايش هي ظروفك

وضعك المادي؟؟؟عادي
قال لا وضعي المادي وشويه مشاكل لازم الاقي لها حل ماراح تعيشين عندي الا وانا لاقي لها حل ماابي شي يكدر حياتنا




وقال ان شاء الله بس امهليني وقت لحد ماتجيني الشجاعة وتنحل مشاكلي واتقدم واخطبك


انا كنت صبورة وطويله بال معاه....



وقلت خلاص براحتك


المهم هو دايم كان يقولي انا احس اني مسجون ونفسي احد يطلق سراحي كنت اقوله وش فيك يقولي رااح اعلمك لحد مااحل هالمشكله انا طيحت نفسي فيها وانا اطلع نفسي منها




جت مره وقالي ابي استشيرك بمشكله لصديقي قلت وش هالمشكله

قال فيه بنت ناشبتله على الجوال مايدري شلون يفتك منها له هالحين سنتين على هالحال هي تعرف كل شي عنه حتى اهله ومكان شغله
تقوله لو تغير رقمك راح افضحك وادق على مكان شغلك واقول اانا فلانه اخت عبدالله واكلم زملائك بالدوام واغازلهم
وهو خايف منها لاتسبب له فضيحه وترسل له صور مو بزينه لها تبي تغريه
وهو ماله ذنب هو مايعرف عنها أي شي وهي تعرف كل شي ماتبيه يتركها تبي منه بس هالمكالمات مجنونه فيه



انا سكت وبلعت غصتي زي الجمرة لأني عرفت ان صديقه هذا... هو نفسه عبدالله


وهذي هي المشكله اللي طايح فيها


صرت اقوله يدق على الهيئه
وخل صديقك يعطيهم رقمها قال تطلع غيرة وهذي وحده ماتخاف من ربها

قلت خل صديقك يغير رقمه قال تجيبه


سكتت
مدري شقوله


لو تحسون بالقهر اللي كنت احسه لما كان يكلمني وفجأه احس ان جته مكالمة وعنده انتظار يشرد مني ويتغير مزاجه فجأه ويضيق خاطره بقووووه
كنت اموت من القهر لما احس انها قعدت تدق

انا زيه كنت خايفه على سمعة خواته
انها ممكن تنفذ تهديدها


كل هالقهر اللي عشته لما تدق عليه
وانا مابغيت اقوله اني عارفه انه هو اللي طايح بالمشكله
كنت ابي اشوف شكثر يحبني
وابي اشوف هل راح يحل المشكله ولا لا


بس بجـــد كنت امووووت الف موووووته لما احس انها تكلمه


وتشاركني فيه
والله اني عشت احساس املتزوجه اللي زوجها تزوجت عليها وجابلها ضره وتشاركها فيه

بس كنت واثقه انه كان يصرفها لأنه تدق عليه وهو يكلمني
يقول روان شوي بس وارجع ادق عليك

يجلس ربع ساعه ويرجع يكلمني ويكون متنكد شوي واخفف عليه













انتظروني في نهاية قصة روان وعبدالله او بداية قصتهم....علشان تعرفون ارتقبوني ,,,,

[أم أسد]

يووووووه الله يهديك متى تكفين لاتطولين

[لوجن2009]

بصرااااااااااااحه أنا مع الاخت جوليا القصه ممله كلها خارجه عن القيم ماتحمل أي معنى هاذي وجهه نظري وكل واحده لها رأي تقوله أعجبها وألامااعجبها أنتي مومجبوره تردي على كل واحده ما اعجبها الموضوع تقولي لها مو عاجبك لا تدخلي عيب عليك هلكلام تقوليه كل بنت لها حريه الراي

[عطرالوـورد]

لوجن يووووه تعبتي وانتي تكتبين

مو عااجبك لاتدخلين

سوال ليش تدخلوووون

ردك مو مهم

وسخيف


ومتااكده انتي وجوليا تقرون القصه
رجاء اذا مو عااجبك لاتدخلين

[@رموز الغلا@]

يلاااااااااااااااااااااااااااااااااااااااااااااااا ا

قصص أفلام يا سلاااااااااااام


بس منتظرين الباقي لا تطولين وقت

تحياتي

[عطرالوـورد]

مرت الأيام وهم هالبنت اللي تدق عليه منكد علي


كان دايم يقولي انا فيه شي اذا صار بذبح خروف لوجه الله بس ارتاح ويصير


كنت اقول معاه ان شاء الله يصير يارب



كنت بيوم جالسه عند التلفزيون قبل صلاة العشاء بشوي
الاقيه قعد يدق علي

وهذا مو من عادته يدق هالحزة

مارديت
قلت انا جالسه بين اهلي

ارسل رساله
انا طاير من الفرحه طاااااااير


قلت دوم ان شاء الله وش سر هالسعاده


قال فرحان وابي اسمع صوتك قلت مااقدر وش فيه
قال مافيه شي بس ادور بالشوارع ومستانس ليش حرام


ضحكت عليه وارسلت له مو حرام

اكلمك الليله


كللمته ماقالي شي

قال بكرا بسوي عشاء ولازم تحضرينه مع اهلك انتي بالذات قلت ان شاءالله


راحت امي وابوي من بكرى وانا مارحت

لاني مثل ماقلت لكم مو اجتماعيه



الساعة 12 دق قال ليش ماجيتي قلت وش دراك قال دريت

قلت والله استحيت

قال انا ابيك انتي بالذات تحضرين العشاء ليش ماجيتي

صرفت الموضوع وقلت طيب وش مناسبه العشاء

قال نذر كنت ناذره اذا تحقق شي في بالي لااذبح خروف لوجه الله


قلت وش الشي قال مشكله ماكت لاقي لها حل وانحلت


سكت شوي


قلت انت اللي البنت تدق عليه صــــــح؟؟؟
مو صديقك

هو سكـــــــــــــــت

بعدين قال

قـــــــــــــال وش دراك؟؟؟


قلت حاسه فيك
ودريت انه انت




سكتنـــــــــــــتا كلنا



كم دقيقه


وبعدين

تنهد



وقال ايه ياروان انـــــــــــــا


ماكنت ابي اعلمك اخاف تشكين فيني وتتركيني



قعدت ابكي بحرقه


وهو ساكت ويسمع صوتي وانا اصيح جلست اتكلم بصوت متقطع

انا احبك

وكل هالفتره ساكته لأني احبك




ليتك تحس باللي حسيت فيه علشان تشوف وش كثر حبك بقلبي

لما تدق عليك وتتركني بسبتها


هو وقفني اسكتي تكفين لاتبكين
الحمدلله انا الحين افتكيت منها



لما هديت شوي سألته

وشلون افتكيت منها


قال فجأة
لما كنت نايم الظهر دقت
رديت وكانت تبكي ياروان بشكل فظيييع


تقول سامحني واحلني على اللي سويته فيك
كانت تبكي من قلب
وتقول ا نا انخطبت وبتتزوج وخايفة من عقاب ربها عاللي سوته فيني


قلت لها خلاص خلاص الله يسامحك انا مسامحك وبحل
بس فكيني من شرك ولاترجعين تدقين علي

وتركتني

وهذا اليوم الثاني مادقت علي فيه




قلت الحمدلله

وماسألته عن أي شي ثاني
غير سؤال واحد
ايش كانت طبيعة مكالماتكم
حلف ويقول والله انها كانت طول الوقت هواش
وكانت تنرفزني طول الوقت تدق نتهاوش وكانت هي اللي تدق صرف المكالمات كان عليها ماعمري حتى دقيت عليها



قلت الحمدلله على كل حال وسكتنا عن الموضوع ولااطريناه مره ثانيه





مرت الأيام وانا ساكته مدري متى بيتحرك ويجي يخطبني


ماكانت بيننا زيارات لاهو يجي بيتنا ولاانا اجي بيتهم



طبعا انا نسيت اخبركم عن ولد عمي جاني خبر زواجه وجتهم بنت وسماها روان ..الله يوفقه
مدري صدفه او علشاني سماها روان؟؟؟...




وانا جاني واحد يخطبني هو متزوج ابوي رفضه على طول

دق علي عبدالله سألني قال اللي جاء ابوك من كم يوم وش عنده

قلت ماسرع الخبر ماينتشر


قال وانتي ليش ماتعلميني


قلت مايستاهل

قال الا يستاهل

وتزاعلنا

بس رجعنا لبعض


بعد هالسالفه

قالي انا بنشغل لمده يومين قلت وش عندك
قال كل خير


ومع السلامة


اختفى لمده يومين

واليوم الثالث

جو رجال عند ابوي

طلع هو وخواله يخطبون


انا هربت لغرفتي خااايفه












المهم انا خفت من راي ابوي
واهلي كلهم
وعمامي وش بيقولون رفضت ولد عمها واخذت الغريب؟؟؟


ابوي جلس شوي لحاله بعد ماراحو الرجال....يفكـــــــــــررر

شوي وجاء اخوي قال يمه ابوي يبغاك



وانا بغرفتي التوتر ذابحني




طبعا هم جو العصر يخطبون

وصار الليل ماحد قالي شي


عبدالله ماني قادرة ادق عليه وهو بعد ماوده يكلمني خايف من رد اهلي لايصدمه


جتني اختي المتزوجه

قالت جيرانكم اول جاء ولدهم عبدالله وخواله يخطبونك
ماسألتني عن رايي
قالت ابوي يقول لو اهله يبونها جو عمامه معاه مو خواله
وامي تقول نفس الكلام


انا هنا خفت بقوه

سألتها قلت يعني ابوي ردهم


قالت لا


ابوي قال انا اعز ابوك الله يرحمه وابي اشاور البنت


انا هنا قلت طيب ليش ماجا يسألني عن رايي

قالت مادري
بعدين سألتني ليش انتي تبيه

قلت وش فيها هم ناس كويسين وعائله محترمة وانا احب خواته(وبقلبي اقول احب عبدالله ههههه) وارتاح لأمه


جتني امي تكلمني بالموضوع
قالت هو انسان طيب ماينرد بس اهله مايبونك
انا سكتت


صار من ثاني يوم واسمع صوت رجال وشكله معصب صحيت من نومي مفجوعه
طلع واحد من عمامي بمجلس الرجال زعلان
ويحذر ابوي يقول لاتوافق عليه وانا ابيها لولدي(ولده اللي اصغر مني بكم سنه)


يالله ماسرع الخبر ماينتشر!!!!



ابوي قال انا ادري انكم طمعانين براتبها وتبيها لولدك العاطل تصرف عليه


انا ماراح ازوجها ولدك وبنتي ازوجها مين ماابي الا ولدك



مر اليوم كله وابوي له يومين ماكلمني بالموضوع

كلمني عبدالله
قلتله عن اللي صار كله

من ثاني يوم الضحى دقت امه على امي


تسألها


وتحاول تقنعها

امي سألتها وش معنى بنتي؟؟


ليش ماخطبتوله وحده من بنات عمه


قالت هو مايبيهن ويبيله وحده متعلمه وبمواصفات بنتك


قالت امي وهو وش عرفه في مواصفات بنتي


قالت سأل خواته وذكروها له وقال ابي اخطبها


قالت وعمامه ليش ماجو معه قالت والله مااخبي عليك هم زعلانين عليه علشان كذا مشوا خواله معاه



انا كلمت اختي الكبيره
قلت لها انا مرتاحه له بس خايفه من رفض ابوي


قالت لا اتوقع ابوي بيوافق لأنه بالوقت الحالي زعلان من عمامي


وصدق لما صار المغرب ناداني ابوي بمجلسه وقالي عنه ومدحه لي

وقال فكري وردي الخبر لأمك


رحت لأمي وقلت لها موافقه من غير ماافكر

خفت الموضوع يكبر اكثر وتجي ناس وتعارض اكثر من قبل


جاء الصبح وقالت لأبوي

دق عليهم ابوي وقال تعالو وجيبو الشيخ معكم انا اعطيتكم بنتي



والله الأحداث تمر الحين قدام عيني زي الشريط مثل الحلم


جو بيوم خميس وعقدو القران



كلمني عبدالله وهو فرحان وانا بعد




ودقت امه تبارك لنا


طبعا مافيه احد بارك لنا من جماعتنا ابد




بالطقااااااااااااااااااااااااااااااااااااااااااق









وحددنا موعد الزواج بالصيف






وجاء الصيف




ومر الشهر الأول بسرعة من زحمة التجهيز


وجاء الشهر اللي بعده

وجاء موعد زواجي حجز لنا بفندق فخم شقتين وحده لنا ووحده علشان اتزين فيها


مابغيت اتشرع بالقصر ماابي أي احد يشوفني وزياده على كذا هم مايحبوني




رحت قبله للفندق مع امي واختي جلست بالشقه جوني بنات من المشغل اللي للشعر واللي مكياج حوووسه
والشرعة شوي وجابها اخوي لي مع المسكه اللي حاطين فيها ورد جوي ريحته ترد الروح

طلعت ماشاء الله اهبل

صارت الساعة 9 وانا خلصت


رن الجرس والا هذا ابوي

جاء بياخذني من الشقه للشقه الثانيه


باسني وقام يبكي وانا ابكي بعد
سكتتنا امي تقول البنت لايخرب مكياجها

مسكني من يدي وصلني للشقه اللي بيجيني فيها عبدالله
استنيته

9,30 وهذا الجرس يدق جاء عبدالله وامه وصلهم اخوه عندالباب


امي قالت العريس جاء

انا قمت ارجف والأنفاس بدت تزيد
وجاني نفس الأحساس اللي كنت احسه لما اسمع بأسمه وانا صغيره


يااااه


غطو وجهي بالشرعه

شوي ويدخل مع امه سلم على ابوي وامي

ابوي قاله هذي امانه عندك طلعت من ذمتي لذمتك حافظ عليها

وهو يقول ابشر ياعمي احطها بعيوني


وبديت اشوف طرف ثوبه اقبل علي


انا جالسه على كنبه
جاء وجلس جنبي



عجزت اتحرك جمدت


الناس اللي حولي يباركون ويدعون مدري وش يقولون


انا كان كل همي من اللي جالس بجنبي حلم الطفوله عبدالله الغالي

ابوي طلع

واختي وامي وامه


بقينا انا وهو قامت الفلبينيه تصورنا

رفع الطرحة عن وجهي وانا مارفعت عيوني عن الأرض


اشوف يديه بس


مسكني من ايدي

وقطعنا التورته


وقومني وصورنا كم صوره


وانا لسه ماشفته



راحت الفلبينيه



جلس بجنبي



ابي اشوفه هو شافني وانا لسه ماشفته



مرت اول ليله كان يسولف علي وانا ساكته نام وانا سهرانه

غمض عيونه
اخيرا شفته

قعدت اتأمله وهو نايم

بس من يصحى مااناظر فيه والله 3ايام ماحطيت عيني بعينه

بس كنت ارد عليه بس مااكثر كلام


بالليله الثالثه قعد يتكلم معي على شوي شوي رفعت راسي


وحطيــــــــت عيني بعينه



يااااه من زمان نفسي اتأمل بعيونه



وتذكرت اغنيه كنت دايم ارددها له بالجوال



عيونك اخر امالي
وليلي اطول من اليم

لعبادي الجوهر


والحمدلله قولو ماشاء الله


مـــــــاشاء الله


الحين متزوجين بس مارزقنا الله بالذريه للحين

ادعو ان الله يرزقني



هذي نهايه القصه ادعو ان الله يرزقها بالذريه

شكرا لمتاابعتكم القصه

[عرش الجمال]

قصة رووووووووووووعة والله العظيم عشة الدوووووووووووووووور

[أم أسد]

قصه رااااااااااااااااااائعه الله يرزقها بالذريه الصالحه

[خياااااله]

والله العظييييم قصه روووووووووووووووووووووعه...
مشكوره اختي ع القصه..
الله يرزقهم الذريه الصالحه ياااااااارب ويفرحون في عياالهم...
تقبلي مروووري

[عطرالوـورد]

عرش الجمال

ام اسد

خياااله

مشكورااات على متااابعه القصه

متاابعتكم الاروع

[عيناء*]

تصدقي يا وقت وعضوات المنتدى الباقين
انا استغربت ان منتدى مثل بيت حواء
ينزل مثل هذا النوع من القصص وتكون واقعيه؟؟
وياما قرأنا قصص هذي الفئه من الناس تشيب الرأس
لكن هذي لا...نفرض لو طاحت القصه في يد مراهقة طايشه
او وحده تمشي في هذا الطريق..بتقول أكيد نهايتي مثل
نهاية وقت تكون نهايه سعيدة مع ان بعضها تكون مأساويه......
انا ما اقصدك يا وقت..ادري بتردين علي مثل اللي قبلي
اتمنى محد يزعل مني .. لكن كل انسان مبدأئه وقناعاته...
وما بني على باطل فهو باطل...
واتمنى الاداره حذف القصة لانها فعلاً لا تليق بمنتدى محافظ مثله
وتقبلوا مروري وودي لكم,,,,,,

[العسوولة]

القصة بدايتها حلوة وهذا حال البنات الله يهديهم لكن نهايتها حزينة لأنها راح تجر الفتيات الي في هذا الطريقللسعي لنفس هذي النهاية وهذا الشي ناااااااادر وحتى العيشة قد تكون الحياة بينهم متوترة وقلقة وقد ينزع كل واحد منهما الثقة في الآخر وايضا تجرئ البنات لسلوك هذا الطريق والوالدان اعرف بالاصلح لبنتهم وفي القصة من تزيين الباطل لمرتكبة والتحفيز له

[امنية الحياة]

كملى كملى كملى مية مرة القصة حلوة وانا اندمجت فيها كثييير

[العسوولة]

الله المستعان ايش تكمل
القصة انتهت

[*نوسة*]

شكرا ياوقت الغالية على تكملة القصة
ويلا ياعسل ننتظر القصص القادمة باذن الله

[عطرالوـورد]

امنيه الحياه عسوله ونوسه

مشكورااات على المتاابعه

[المعهد العلمى]

هى القصة حلوة بس المشكلة فى البنات اللىيقرؤؤنها دلوقتى اى بنت تحب ابن الجيران ولا ابن عمها وتحبه ووتوقع نفس النهايه دى يالله ربى يرزقهم الذريه الصالحة

[عطرالوـورد]

المعهد العلمي الله يجزاك خير

[عيناء*]

القصة ليه ما انحذفت
هذي تعتبر مجاهره بالمعصيه
احذفووووووووووها

[عطرالوـورد]

الي يطلبوون بالحذف

ياليت ميدخلووون بالموضوع

وش قاال قاال مجهره بالمعصيه

[مملوحه*×*]

مشكوووووور والله يعطيك الف عافيه
مرررره جنان
الله يرزقهم الذرية الصالحه

[عطرالوـورد]

مملوحه يعطيك العاافيه

[هاجر مرح]

حراااااااااااام , كملي القصة عن جد مشوقة و ادا ما كملت راح ازعل عليك

[هاجر مرح]

بستناك بفارغ الصبر ..... ما طولين علينا حبيبتي

[هاجر مرح]

الف الف ميرووووك و الله قصة روعة في حياتي ما قرأت اجمل منها لانه كل القصص الى اقراهم تكون النهاية حزينة و انشاء الله تكون رسالتي وصلتك .... و عقبال للدرية الصالحة ان شاء الله ... و شيء مهم لا تنساي تدعينا بان يرزقنا الله واحد مثل عبد الله ............ مشكوووووووووووورة حبيبتي

[عطرالوـورد]

هاجر مرح

الله يرزقك بواحد احسن من عبدالله

ايوه وصلت الرسااله مشكووره

[قمر مهبله بشر]

حبيبتي والله اني عشت الدووور
الله يرزقكم الذريه الصالحه يارب

[عطرالوـورد]

قمر مهبله بشر

مشكوره على المتابعه

[قدوتي الصحابيات]

الله يهديك يا أختي وقت .. وتذكري حديث الرسول صلى الله عليه وسلم في معناه (من سن سنه حسنه فله أجرها وأجر من عمل بها , ومن سن سنه سيئة فله وزرها و وزر من عمل بها)
اتمنى تنتبهين لكل أقوالك فأنت محاسبة عليها فلديك رقيب يسجل كل صغيرة وكبيرة ..
أنا لا أريد بكلامي لك إلا كل خير .. وجزى الله أخواتي الناصحات كل خير .. والله يهدي الجميع ..

[جنان الحياه]

اااااااااااااااااااااااااااااااااااااااااااااااااا ااااااااااااااااه


على الحب










وجمال الحب




وحلوة الحب



مافي عبدالله ثاني هههههههههههههههههههههههههههههههههههههههههه


لا عندي حبيبي الله يسلمه لي ويخليلي اياه الله يرزقها بالذريه الصالحه

[ثلجةفوشيه]

يسلموخيتو