يابنات الجزائر فينكم يلا نريد نشاطكم"الجزء التاني"

[ام ناجي]

السلام عليكم ورحمة الله وبركاتة


صباح الخير ... صباح الورد


اليوم حبيت افتح الموضوع ديالنا من جديد و اهنيكم على 20 صفحة....ماشاء الله عليكم ..نشاط و حيوية ...



"أللهم أنت أعطيتني خير أصحاب في الدنيا دون أن أسألك فلا تحرمني من صحبتهم في الجنه وأنا أسألك أللهم أسعدهم وفرج همهم وحقق لهم مايتمنوا وأجعل الجنه مقرا لهم أللهم لاترد دعواتي لهم فأني فيك أحبهم"


يالله عليكم يا بنات الجزائر...

[ام ناجي]

راكم كامل معروضيين على احلى قعدة و احلى فنجان قهوة
http://forum.hawahome.com/nupload/214054_1272790022.jpg

[أم ياسين الزهراء]

يعطيك الصحة على القهوة هذا مانحب في حياتي

و مبروك علينا اللمة الجديدة يجعلها ربي في الفايدة

[أم ياسين الزهراء]

دوق راح نكمل الغداء قريب يلحقو الاولاد و منبعد ان شاء الله

اليوم درت السردين و القليان هذاك مايحب الاولاد بصحتهم

[han@]

السلام عليكم ورحمة الله وبركاته مبروك اللمة الجديدة يا البنات ديما ان شاء الله لمة الجزائريين مجموعة وربي مايفرقهم
اختي فاطمة الزهراء الف صحة على قلوبكم حنونة

[حورية الجزائر]

السلام عليكم ورحمة الله وبركاته
معليش نعرض روحي معاكم

[ام ناجي]

السلام عليكم ورحمة الله وبركاته
معليش نعرض روحي معاكم
مرحبا بيك معانا...:52:

[ام ناجي]

دوق راح نكمل الغداء قريب يلحقو الاولاد و منبعد ان شاء الله

اليوم درت السردين و القليان هذاك مايحب الاولاد بصحتهم
تفطرو بصحة و الهناء ...بصحتكم..اممممم شهيتينا
للاسف راني دايرا رجيم كيما قلتلك...نحفت 04 كيلو..،)،

[أم ياسين الزهراء]

انا دائما اقول فليسقط الرجيم

[أم ياسين الزهراء]

السلام عليكم ورحمة الله وبركاته
معليش نعرض روحي معاكم


مرحبا بيك معنا عرفينا عليك .....Z.....Z.....Z.....Z

[ام ناجي]

انا دائما اقول فليسقط الرجيم
:43::43:

[han@]

مرحبا بنات انا كلما نجي مانلقاش ولا وحدة

[han@]

بنات ربي يحفظكم انا عندي استفسار عجيب حاسة بيه وهو وعلاش المرأة الجزائرية تحب فقط مواقع عربية غير الجزائرية وعلاش مانتعاونوش ونوقفه منتدى جزائري ونخلوه متله متل مواقع عربية تانية ناجحة وعلاش عندنا حب الجزائر في دمنا لازم كل شي نتاع الجزائر نوقفوه على رجليه
منتدى سيدات الجزائر رائع ولكن للاسف الجزائريات مايشاركوش فيه وعلاش الله اعلم يلا اخواتي نوقفه مواقع جزائرية ونطوروها وتبقى متل مواقع حوا ومواقع تابعة لبلدان تانية ناجحة
اسفة على كلامي ولكن والله من غيرتي على حاجات بلادي ا
المنتدى بتوقيعي

[رونقي]

هدا كلنا ملاحظينو مكاش تجمع للجزائريين عامة سواء نساء ولا رجال عكس اخوانا المصريين ولبنانيي وغيرهم مشاركاتهم كبيرة وينصحو بعضاهم وحتى العرب ليشاركو معاهم يعاونوهم
خاصة الي راهم بالغربة ان وزوجي حبينا نتصلو بكم عائلة في كندا راكي عارفة الخوف من المجهول حبينا نسالوهم على الحياة فيي كندا عموما راكي عارفة واش كان ردوا السب والشتم ""/في بالك علاه هدي عقليتنا نفكروا غير في رواحنا ونحبوش الخير ـ2 واش فيها لوكان سمعني وحكالي شحال راني رايحة ندي من وقتو و واش فيها لوكان هدر مع ولاد بلادو
كنت دايرة في بالي لوكان نروح لكندا هدي نحوس على الجزائريين ونسكن حداهم لكن الان ركبولي الشك باه منحسش بالغربة درت هداك الحساب بصح الغربة حسيت بيها قبل مانوصل من ولاد بلادي..~~~

[han@]

اختي رونقي والله ماعرفتش علاه دايرين هاكدة مانيش حابة نوضح باش الناس مايشمتوش فينا لي يدخلوا يقراو لكن حنونة ربي يخفف عليك غربتك ان شاء الله وتلقاي ناس اله يبارك عليه يعني هداك الي هدرتو معاه يمتل روحو وعقليته المريضة ان شاء الله تلقاي دزيرين ناس ملاح وتكونو متل العائلة في غربتكم يارب
انا المنتدى الي حكيتلكم عليه والله كان اسمه ورود الهناء ومن يوم واش صار بين مصر والجزائر وشفت الجزائريات في منتدى فتاكات المصري يتهانو ويطردو فيهم وهوما باقيين تماك مافهمتش وعلاش
عليها المنتدى تغير وصار منتدى سيدات الجزائر
http://www.hananour.com/vb
ولكن نتمنى من الجزائريات يتجمعو فيه لانه بالفعل منتدى جزائري مية بالمية

[نغمة شامية]

سلام من القلب لكل اهل الجزائر الغالية ..
اختي ام ياسين ماعدنا شفناك بمنتدى بنات سوريا نحن نحب الجمعة العربيةوشلتنا موبس سورية شلتنا عربية%
سلام اختي ام ناجي مبروك تجمعكم الجديد بس

للاسف راني دايرا رجيم كيما قلتلك...نحفت 04 كيلو..،)،

قوليلي كيف نقصت من وزنك كل هذا ارجوا الاجابة
تسلموا عزيزاتي .. حبيتكم من قلبي

[أم ياسين الزهراء]

مرحبا بنات و الله اختي رونقي اصبت بالاحباط لما قريت واش كتبتي و كيما قالت الاخت هذاك يمثل روحو و هو اكيد معقد ماديريش عليه و في كل الجنسيات كاين مثلو و ربي يدير اللي فيه الخير ليك و لغيرك

[أم ياسين الزهراء]

[QUOTE=نغمة شامية;4080642]سلام من القلب لكل اهل الجزائر الغالية ..
اختي ام ياسين ماعدنا شفناك بمنتدى بنات سوريا نحن نحب الجمعة العربيةوشلتنا موبس سورية شلتنا عربية


سلام اختي شامية و الله كثرت الاشغال هي اللي خلاتني مانشاركش معاكم ندخل برك في لمتنا لكن لي عودة باذن الله
و على العموم مادمت انا ام بشير راح اعملكم الذ خبز و نجيبهولكم على اللمة العربية و الحمد لله اننا عرب :rroo::rroo::rroo:

[أم ياسين الزهراء]

ام ناجي وين رحتي زعفتي علي كيمنحابش الرجيم:80::80::80: يالله على خاطرك راح نبدا رجيم بصح كيما قاتلك نغمة شامية واش درتي{"{"

[رونقي]

والله يا اخوات ما علاباليش علاه احنا عندنا هدي العقدة حوست على لمة لولاد بلادي ما لقيتش يصح الواحد ما يقطعش لياس و يحوس على الي فيه الخير من اي جنسية كانت وما يخليش روحو في قوقعة
وانا ما كنتش نستنى يدير فيا الخير انا كنت نحوس على معلومات وكنت جاهزة باش نبنو صداقة ولما لا بصح الي ما يديرش الخير في روحو ما يديروش في الناس

[رونقي]

سلام من القلب لكل اهل الجزائر الغالية ..
اختي ام ياسين ماعدنا شفناك بمنتدى بنات سوريا نحن نحب الجمعة العربيةوشلتنا موبس سورية شلتنا عربية%
سلام اختي ام ناجي مبروك تجمعكم الجديد بس


قوليلي كيف نقصت من وزنك كل هذا ارجوا الاجابة
تسلموا عزيزاتي .. حبيتكم من قلبي
اهلا نغمة شامية سلام على كل من يحب الجزائر واهل الجزائر:rroo: مرحبا بيكي في بيتك وبين اخواتك:rroo:

[han@]

والله يا اخوات ما علاباليش علاه احنا عندنا هدي العقدة حوست على لمة لولاد بلادي ما لقيتش يصح الواحد ما يقطعش لياس و يحوس على الي فيه الخير من اي جنسية كانت وما يخليش روحو في قوقعة
وانا ما كنتش نستنى يدير فيا الخير انا كنت نحوس على معلومات وكنت جاهزة باش نبنو صداقة ولما لا بصح الي ما يديرش الخير في روحو ما يديروش في الناس
ربي كاين حنونة وان شاء الله يكون معاك وين تروحي تلقاي لمة خير يارب ويكونو صحبة صالحة ان شاء الله

[han@]

رونقي وام ياسين الزهراء شكرا لانضمامكم لمنتدى سيدات الجزائر ان شاء الله بيكم تبقى لمة الجزائريات ديما عامرة فيه ويكون من اكبر المواقع

[ام ناجي]

هدا كلنا ملاحظينو مكاش تجمع للجزائريين عامة سواء نساء ولا رجال عكس اخوانا المصريين ولبنانيي وغيرهم مشاركاتهم كبيرة وينصحو بعضاهم وحتى العرب ليشاركو معاهم يعاونوهم
خاصة الي راهم بالغربة ان وزوجي حبينا نتصلو بكم عائلة في كندا راكي عارفة الخوف من المجهول حبينا نسالوهم على الحياة فيي كندا عموما راكي عارفة واش كان ردوا السب والشتم ""/في بالك علاه هدي عقليتنا نفكروا غير في رواحنا ونحبوش الخير ـ2 واش فيها لوكان سمعني وحكالي شحال راني رايحة ندي من وقتو و واش فيها لوكان هدر مع ولاد بلادو
كنت دايرة في بالي لوكان نروح لكندا هدي نحوس على الجزائريين ونسكن حداهم لكن الان ركبولي الشك باه منحسش بالغربة درت هداك الحساب بصح الغربة حسيت بيها قبل مانوصل من ولاد بلادي..~~~
رونقي...يااختي..استخيري الله...ما تسقسي حتى واحد...يمكن يغلطوكم
ديري في حسابك بلي الغربة واعرة و صعيبة...كوني قوية...عندهم مناخ قاسي نوعا ما..بصح ..خمي مليح...على زوجك و اولاد و على مستقبلهم...وحددي هدفك...لو هدا السفر و الغربة من اجل مصلحة و مستقبل الاولاد فكل شيء يهون..ربي يسهل عليك المصاعب..روحي ..توكلي على ربي

[ام ناجي]

مرحبا بنات انا كلما نجي مانلقاش ولا وحدة
راني غير هنا

[ام ناجي]

ام ناجي وين رحتي زعفتي علي كيمنحابش الرجيم:80::80::80: يالله على خاطرك راح نبدا رجيم بصح كيما قاتلك نغمة شامية واش درتي{"{"
عمري ولا نزعف من خواتاتي...بصح اليوم راني حزينا بزاف...تشفاي على ابنت خال زوجي الي حكيتلك عليها...توفات اليوم و هي في عمر الزهور
للاسف اليوم كنت في TIPAZA فلم اقدر الدهاب الى تلمسان و راني تعبانا كتير

[ام ناجي]

سلام من القلب لكل اهل الجزائر الغالية ..
اختي ام ياسين ماعدنا شفناك بمنتدى بنات سوريا نحن نحب الجمعة العربيةوشلتنا موبس سورية شلتنا عربية%
سلام اختي ام ناجي مبروك تجمعكم الجديد بس


قوليلي كيف نقصت من وزنك كل هذا ارجوا الاجابة
تسلموا عزيزاتي .. حبيتكم من قلبي
الله يسلمك و مرحبا بيك معانا
فيما يخص الرجيم راح نبعتو ليك على الخاص
ولما يسمحلي الوقت راح نحكيلكم عليه في تجمعنا الغالي

[أم ريان dz]

أم ناجي هذا خبر يحزّن ومانقدروا نقولوا غير إنّا لله و إنّا إليه راجعون ربي يصّبر أماليها ويرزقها الجنه آميين

[ام ناجي]

تصبحون على خير

[امال1]

السلام عليكم يا بنات أنا راني مليحة لكن مؤخرا كنت مشغولة فقط وأيضا انا عندي منتدى جزائري كنت قبل قلتلكم راني مشرفة عامة فيه لكن الان تخليت عن الاشراف بسبب ضيق الوقت ماقدرتش نوفق بين البيت والمنتدى زيد راني في عطلة مالخدمة كرهت حبيت نروبوزي شوية .
المنتدى اسمو منتدى النهار الجديد تابع لجريدة النهار الجديد وفيه أعضاء وعضوات رائعين .

http://www.forum.ennaharonline.com/forum.php


أم ناجي يعطيك الصحة كملتي جزء2 للموضوع و على التليتلي جبتيها قدقد وأم ياسين سألت في الجزء الاول والجواب نعم أنا متزوجة نعم وعندي طفل وطفلة .
سلام

[أم ياسين الزهراء]

ام ناجي هذا الخبر جد محزن الله يرحمها و يوسع عليها و يغفرلها و يصبر اهلها و الحمد لله على قضاء الله

[أم ياسين الزهراء]

ام ناجي ماتنساينيش في الرجيم

[أم ياسين الزهراء]

امال على سلامتك وربي يسهلك في امرك و يحفظلك اولادك

[رونقي]

ان لله وان ايه راجعون

[بنفسجة]

السلام عليكم أخواتي مبرووووووووووووووووك علينا اللمة الجديدة ...:rroo:

[بنفسجة]

يا الغالية أم ناجي عظم الله أجركم في بنت خالة زوجك الله يصبر أهلها...إنا لله و إنا إليه راجعون.
سقسيتيني من وين أنا؟ من ولاية النعااااااامة:rroo: بعيدة شوية على غيليزان.

[ام ناجي]

رحم الله موتا المسلمين وغفر الله لنا ولكم ولجميع المسلمين
شكرا لكم اخواتي

[ام ناجي]

يا الغالية أم ناجي عظم الله أجركم في بنت خالة زوجك الله يصبر أهلها...إنا لله و إنا إليه راجعون.
سقسيتيني من وين أنا؟ من ولاية النعااااااامة:rroo: بعيدة شوية على غيليزان.

خيار الناس...للاسف ما شفتش النعامة...بصح زرت المنطقة تاعكم..مشيت لمنطقة مشرية..ياخي تابعة ليكم..عندكم البرد بزاف...ماشاء الله على ناسكم ...دخلوها علينا غير مشوي و الترفاس ..واش نقولك يشهي

[ام ناجي]

السلام عليكم يا بنات أنا راني مليحة لكن مؤخرا كنت مشغولة فقط وأيضا انا عندي منتدى جزائري كنت قبل قلتلكم راني مشرفة عامة فيه لكن الان تخليت عن الاشراف بسبب ضيق الوقت ماقدرتش نوفق بين البيت والمنتدى زيد راني في عطلة مالخدمة كرهت حبيت نروبوزي شوية .
المنتدى اسمو منتدى النهار الجديد تابع لجريدة النهار الجديد وفيه أعضاء وعضوات رائعين .

http://www.forum.ennaharonline.com/forum.php


أم ناجي يعطيك الصحة كملتي جزء2 للموضوع و على التليتلي جبتيها قدقد وأم ياسين سألت في الجزء الاول والجواب نعم أنا متزوجة نعم وعندي طفل وطفلة .
سلام

طلي علينا برك...حبيت ندخل المنتدى تاع النهار بصح لكونكسيون راهي تقيلا

[ام منير 2008]

السلام عليكن ورحمة الله وبركاته
كيفكم اخواتي
شكرا اختي ام ياسين للتوضيح بالنسبة لللهجات مع اني كنت فاكرة انو لهجة تونس والجزائر والمغرب نفس الشيئ آسفة ولو سمحتوا ساوولنا دورة عشان نتعلم اللهجة الجزائرية لأني احبها بزاف بزاف ( صح الكلام؟؟؟؟)

[أم ياسين الزهراء]

ماتتاسفيش حنونة تقريبا نهدرو كيفكيف و راح انا و البنات نعلموك لهجتنا و تولي تهدري خير منا

[أم ياسين الزهراء]

على سلامتك بنفسجة واش بريتي و بنتك واش راهي

[رونقي]

صباح الورود يا الغزالات كيفاش راكم انشاء الله بخير :rroo:

[ام ناجي]

le régime 4kg en 4 jours ou régime réaction chimique،)،،)،

1er jour
MATIN : 1/2 pamplemousse (http://www.aufeminin.com/w/recettes-cuisine-ingredient-12%201/pamplemousse.html) - 1 café sans sucre (http://sante-az.aufeminin.com/w/sante/s103/nutrition/glucide.html)
MIDI : Steak (http://www.aufeminin.com/w/recettes-cuisine-ingredient-38%20/steak.html) grillé - Salade (http://www.aufeminin.com/idees-recette-cuisine-salade.h%20tml) verte tomates (http://www.aufeminin.com/m/cuisine/recette-cuisine-tomates.html) - 1 pomme (http://www.aufeminin.com/cuisine-equilibree/pommes-som304.html) crue
SOIR : 2 oeufs durs - Haricots (http://www.aufeminin.com/w/recettes-cuisine-ingredient-71%20/haricot.html) verts - 1/2 pamplemousse

2ème jour
MATIN : 1/2 pamplemousse - 1 café sans sucre
MIDI : Steak grillé - Salade verte - 1 grand verre de jus (http://www.aufeminin.com/w/recettes-cuisine-ingredient-28%206/jus.html) de tomate (http://www.aufeminin.com/idees-recette-cuisine-tomate.h%20tml)
SOIR : Courgettes (http://www.aufeminin.com/w/recettes-cuisine-ingredient-62%20/courgette.html) - Choux fleurs (http://www.aufeminin.com/w/recettes-cuisine-ingredient-57%20/chou-fleur.html) - Haricots verts - Compote (http://www.aufeminin.com/w/recettes-cuisine-ingredient-31%209/compote.html) de pomme non sucrée

3ème jour
MATIN : 1/2 pamplemousse - 1 café sans sucre
MIDI : Steak grillé - Salade verte céleri (http://www.aufeminin.com/fiche/cuisine/f7479-apprivoisez-le-celeri.ht%20ml) - 1 pomme crue
SOIR : Poulet (http://www.aufeminin.com/fiche/cuisine/f27235-poulet.html) grillé - Tomates à l'étuvée - 1 grand verre de jus de pruneaux (http://www.aufeminin.com/w/recettes-cuisine-ingredient-12%206/pruneau.html)

4ème jour
MATIN : 1/2 pamplemousse - 1 café sans sucre
MIDI : 2 oeufs durs - Haricots verts - 1 grand verre de jus de tomate
SOIR : Steak grillé - Salade verte - 1 grand verre de jus d'ananas (http://www.aufeminin.com/w/recettes-cuisine-ingredient-94%20/ananas.html)

Interdit :
Beurre et margarine
Tous les produits laitiers...

Ce régime provoque une réaction chimique.

Il est donc important de NE RIEN ENLEVER ou RAJOUTER.

Les quantités ne sont pas limitées, mais soyez raisonnables.

Pesez-vous chaque matin avant le petit déjeuner.

Prévu pour 4 jours, à déconseiller absolument sur une longue période

[أم ياسين الزهراء]

ربي يسهلي وندير القلب و نكمل فيه يعطيك الصحة

[رونقي]

راني حابة نسمن اعطوني ريجيم باش نسمن:80:

[أم ريان dz]

وشراكم يا خواتاتي لا باس واش أ خباركم ان شاء الله غير الخير وين ندخل ما نلقاكمش *) ؟؟

[رونقي]

رانا هنا مرحبا بيك وكيفاش راكي:rroo:

[نغمة شامية]

شكر كبير لكل البنات اللي رحبوا بي زاف
والله نحن نحب كل العرب
ام ياسين الزهراء .. كيف حالك انشاء الله بخير.. وشكرا على مرورك على قهوتنا.. وخبزاتك طيبات

رونقي .. تسلمي غاليتي .. الله يسر لك الخير بغربتك

أم ناجي يسلم الدين والايمان .. واللهم يأجركم في المصيبة ويعوض اهلها كل خير
بانتظار ريجيمك على الخاص و
تسلموا جميعا حبيباتي

لاتنسوا ذكر الله
لا اله الا الله

[ام ناجي]

راني حابة نسمن اعطوني ريجيم باش نسمن:80:
منك صح...ايلا حابة تسمني نعطيك وحد العفسة رائعة
جاوبيني برك...ايلا صح

[ام ناجي]

شكر كبير لكل البنات اللي رحبوا بي زاف
والله نحن نحب كل العرب
ام ياسين الزهراء .. كيف حالك انشاء الله بخير.. وشكرا على مرورك على قهوتنا.. وخبزاتك طيبات

رونقي .. تسلمي غاليتي .. الله يسر لك الخير بغربتك

أم ناجي يسلم الدين والايمان .. واللهم يأجركم في المصيبة ويعوض اهلها كل خير
بانتظار ريجيمك على الخاص و
تسلموا جميعا حبيباتي

لاتنسوا ذكر الله
لا اله الا الله
محمد رسول الله
الحمد لله على نعمة الاسلام...الله يجمع العرب
واش راه الجو عندكم ...اليوم الجو عندنا بارد كتير...بعد ما صيفنا و لبسنا لباس الصيف...رجع البرد من جديد

[رونقي]

منك صح...ايلا حابة تسمني نعطيك وحد العفسة رائعة
جاوبيني برك...ايلا صح

صح والله من نيتي راني دايرة كالقطة راني حابة نسمن لا كاين عفسة الحقيني بيها مشكورة ياالغزالة:10:

[رونقي]

راني زعفانة من الادارة غلقت موضوعي جزائريات ما علاباليش علاش""/""/""/""/""/""/

[ام منير 2008]

السلام عليكم
توحشتكم بزاف بزاف وحابة نسألكم ( الدرس الاول في اللهجة الجزائرية )
وش معنى (راني )و ( راكي) اللي بتقولوها شو بتقصدو فيها؟
ومنمنى نشوفكم دايما معانا احنا اخوات عربيات والجنسيات مجرد كلمات وضعها الاستعمار

[أم ياسين الزهراء]

صباح النور بنات الحمد لله رانا كامل بخير

[أم ياسين الزهراء]

رونقي تاخذي راي ابقاي كيما راكي تعيي تندمي عليها انا كنت حطى و بعد 35 سنة بديت نسمان و عيت نولي كيما كنت غير عيشي حياتك عادي المهم تكوني بصحة

[رونقي]

السلام عليكم
توحشتكم بزاف بزاف وحابة نسألكم ( الدرس الاول في اللهجة الجزائرية )
وش معنى (راني )و ( راكي) اللي بتقولوها شو بتقصدو فيها؟
ومنمنى نشوفكم دايما معانا احنا اخوات عربيات والجنسيات مجرد كلمات وضعها الاستعمار

صباخ الخير ام منير
راني وراكي
مثلا تقولي (راني )مليحة انا مليحة
(راكي) هي انتي مليحة

ويوجد كذلك راهي ومعنتها هي مليحة
ويوجد (راه )ونستعملها للذكور ومعنتها هو
ويوجد( راهم )وتدل على الجماعة انهم
وهذه الكلمات تدل على الحالة العامة للشخص

ولو في توضيخ اخر يمكن للاخوات يشاركو فيه

تحياتي ومرحبا بكي واي حاجة انا في الخدمة

[رونقي]

صباح الخير ام ياسين
شكرا على النصيحة بصح انا حابة نسمن غير شوية باش حوايجي ايجو عليا وباش نعمر عين راجلي،)، راكي عارفة واش راه صاري برا""/

[أم ياسين الزهراء]

ام منير و الله علابالنا بلي الاستعمار و اليهود هم اللي دارو الحدود بصح الحمد لله بدينا نفيقو

الدرس الاول

معنى راني هي راني مليحة نقصد بيها انا مليحة اي تعوض انا

راكي اي انت

عند الحق بنات

و علابالك ام منير حنا كل منطقة تهدر خلاف كيما الشرق انتاعنا ما يهدرش كيما الغرب

[رونقي]

سبحان الله نفس الشرح لدرتولها يا ام ساسين تحسبي كنتي معايا"R:

[أم ياسين الزهراء]

شكر كبير لكل البنات اللي رحبوا بي زاف
والله نحن نحب كل العرب
ام ياسين الزهراء .. كيف حالك انشاء الله بخير.. وشكرا على مرورك على قهوتنا.. وخبزاتك طيبات

رونقي .. تسلمي غاليتي .. الله يسر لك الخير بغربتك

أم ناجي يسلم الدين والايمان .. واللهم يأجركم في المصيبة ويعوض اهلها كل خير
بانتظار ريجيمك على الخاص و
تسلموا جميعا حبيباتي

لاتنسوا ذكر الله
لا اله الا الله
الحمد لله و شكرا على تواجد معنا

المرة الماجية نديرلك كسرة انتاعنا اي خبز نعجنوه في البيت و نطيبوه على الطاجين و هو معمول من الطين و لحد الان الجزائرية اللي ماتعرفش تعجن ماتسماش امراة شفتي حنا شحال متمسكين بالتقاليد

ونزيد نعاود نرحب بيك اهلا اهلا .....Z.....Z.....Z

قوليلي راكي تفهمي علي ان تعمدت نهدرلك بلهجتنا :10::10:

[أم ياسين الزهراء]

نسيتي بلي حنا واحد

حنونة باش تعمري عين راجلك قومي بيه و طيبولي ماكلة بنينة و خافي ربي فيه و افرحي بمواليه و ماتنسايش طاعته و حبيه لله و السمانة عهرها ماكانت متعة بل هم و نكد و تجيب غير المرض :80::80::80::80:

[رونقي]

يا ام ياسين ماراني صاية واش انطيب كرهت الطيابـ2 كاش حاجة جيدة قولوهالنا

[رونقي]

انا راني نوزن54 كيلو وطولي1.72 انا قلت نوصل 60 كيلو بزاف:10:

[ام ناجي]

صح والله من نيتي راني دايرة كالقطة راني حابة نسمن لا كاين عفسة الحقيني بيها مشكورة ياالغزالة:10:
بسم الله
250 غرام حلبة حب ماشي مطحونة
500 غرام تين مجفف )الحرة..الحبالي( كل واحد و كيما يحب يقوله
تاخدي قدرة و كسكاس
حطي الحلبة مع شوية ماء في القدرة و حطي الحبالي في الكسكاس و ديريهم فوق النار
مين تشوفي بلي طابو ارحيهم في الميكسور كامل (يعني الحلبة و التين و الماء الي بقى)
تكلي منهم 03 مرات في اليوم نص ساعة قبل القهوة تاع الصباح و قبل الغداء و قبل العشاء
و بصحة و الهناء
هدي الوصفة جربتها زميلتي في الشغل متزوجة و ناقصة بزاف..قالتلي حسيت روحي تقلت شوية و بياضت من وجها ..يعني ماتسمنيش بزاف بصح كيما نقولو تتعمري و قالتلي بلي بيجاماتي راهم يجوني ضييقين
جربيها اختي و دعيلي

[ام ناجي]

ربي يسهلي وندير القلب و نكمل فيه يعطيك الصحة
يادرى بديتي الرجيم ولا مازال
قوليلي ياخي ماراكيش ترضعي ياسين ...يشرب البيبرون..لاخطرش ماشي مليح الديري رجيم كي تكوني ترضعي

[رونقي]

شكراااااااااااااااااا امممممممممممم ناجيييييييييييييييييييييييي ،)، ساجربهاااااااااااااااااااااااااا،)،

[أم ياسين الزهراء]

ام ناجي ياسين كبر نحيتلو الرضاعة في عمره عام و دوق قفل 20 شهر بصح مشكلتي حبوب الحمل انتاعي تزيد في الوزن و طيح الشعر و راني حاصلة كيفاه اندير ربي يسلكها على خير

[أم ياسين الزهراء]

يا ام ياسين ماراني صاية واش انطيب كرهت الطيابـ2 كاش حاجة جيدة قولوهالنا


مافهمتش حنونة تقصدي صايمة اذا هذا هو المقصود ربي يقبل عليك انا كينصوم ما تعمرليش عيني غير شوربة فريك و طجين حلو بشباح الصفرة مممممممممممممممممممممممممم{"{"{"{"{"و كيما يقولو هنا جاري فريك و صح فطورك و اذا عندك اي سؤال على كشي طبق راني هنا

[ام منير 2008]

كبفكم خواتي بدي اتشكر ام ياسين ورونقي بزاف بزاف على التوضيح وراني بديت افهم عليكم شوية الحين -
لو سمحتوا عندي سؤال - كيف تعملون القهوة الفرنسية عندي شوية ومانعرفو نسووها ممكن التوضيح ؟
وبتشكركم مرة ثانية بزاف بزاف يا حناين

[أم ريان dz]

السلام عليكم يا لحباب واش راكم بخير ان شاء الله:68: وين ندخل النات ما نلقى حتى وحده واش هذا الزهر:80: أم ياسين و أم ناجي و رونقي و حنان عرفتوني ولاّ لا ؟

[أم ريان dz]

وشراك ياأم منير أهل بيك معانا

[بشرة خير]

اخواتى الجزائريات كيف حالكم يا رب تكونو بالف خيرتقبلوا مرورى معكم ولكم منى خالص التحية وسلامى لكم

[رونقي]

اهلا بيكي في بيتك وتشرفنا بمرورك’(

[أم ريان dz]

القهوه نعملوها في الجزائر بالبراس cafetiere وهي تتكون من جزئين الأسفل نضع فيه الماء عليهامصفاة نضع فيه البن و عندما يغلي الماء تخرج القهوة في الجزء الأفقي

[أم ريان dz]

اخواتى الجزائريات كيف حالكم يا رب تكونو بالف خيرتقبلوا مرورى معكم ولكم منى خالص التحية وسلامى لكم

و الله أسعدنا مرورك واحنا رانا بألف خير و لكي منا تحيه معطره بالود و الحب :30:

[أم ريان dz]

أهلا رونقي راكي هنا وشراكي راكي ديري في الر جيم

[رونقي]

اهلا بيكي اختي راني نحوس على ريجيم باش نسمن:10:

[أم ياسين الزهراء]

انا عرفتك سوسو بدلتي اسمك على سلامتك

[أم ياسين الزهراء]

ام منير حبيت نزيدلك معلومة احنا نحمص حبات القهوة قبل ما نطحنوها اي تحطي القهوة في مقلاة و تحمصيها مليح مع التحريك حتى يصبح لونها غامق و لاضافة نكهة خاصة رشيها بماء الورد اثناء التحميص و بعدها نطحن القهوة و اعملي كيما قالتك الاخت ارجو ان تكون هذا واش تحبي

[أم ياسين الزهراء]

اخواتى الجزائريات كيف حالكم يا رب تكونو بالف خيرتقبلوا مرورى معكم ولكم منى خالص التحية وسلامى لكم


مرحبا بيك معانا و ربي يجمعنا للخير.....Z.....Z.....Z.....Z

[أم ياسين الزهراء]

رونقي و علاه قفلولك الملف

[أم ريان dz]

أهلا بيك أم ياسين راكي هنا

[ام ناجي]

ام ناجي ياسين كبر نحيتلو الرضاعة في عمره عام و دوق قفل 20 شهر بصح مشكلتي حبوب الحمل انتاعي تزيد في الوزن و طيح الشعر و راني حاصلة كيفاه اندير ربي يسلكها على خير
ايه عندك الصح حبوب منع الحمل هي الي راهي عاملة حالة...انا كنت نورمال وزني كان بين 58 و 62 كنت نشرب ميكرو جينو 30 من بعد رحت عند وحت الطبيب قالي اشربي ميليان مين شربتها وجعني راسي قلت معليش و بديت نسمن حتى و صلت 76 حبستها و رجعت للاولى و ليوم مع شوية رجيم راني 71 ...الى الامام حتى نوصل لوزني الاول انشاء الله

[ام ناجي]

السلام عليكم يا لحباب واش راكم بخير ان شاء الله:68: وين ندخل النات ما نلقى حتى وحده واش هذا الزهر:80: أم ياسين و أم ناجي و رونقي و حنان عرفتوني ولاّ لا ؟
مبروك عليك الاسم الجديد و ربي يخليلك ريان

[أم ياسين الزهراء]

ام ناجي وليدك الله يبارك كبر تاخذي راي زيدي عليه مادمت صغيرة صدقيني اذا فتي 35 سنة راح تتعذبي بزاف في الحمل

[أم ياسين الزهراء]

انا جربت كل الاعمار في الحمل ماكانش كيما العشرينات الصحة و الصغر و الاولاد يكبرو معاك انا دوق ولادي يبانو خاوتي الله يبارك فيهم

[أم ياسين الزهراء]

أهلا بيك أم ياسين راكي هنا



على سلامتك واش راك كشيي سخانة احنا هنا السخانة في النهار و الليل شوي برد

حقى ولادك وين واصلين في القراية

[ام ناجي]

اهلا بيكي اختي راني نحوس على ريجيم باش نسمن:10:
صباح الخير
واش درتي لاروسات الي عطيتهالك باش تسمني ولا مازال

[ام ناجي]

ام ناجي وليدك الله يبارك كبر تاخذي راي زيدي عليه مادمت صغيرة صدقيني اذا فتي 35 سنة راح تتعذبي بزاف في الحمل
ايه صح وليدي عندو 04 سنوات و شهريين راني نخمم باش نحمل بصح بعد رمضان انشاء الله ..راكي عارفة الوحم شحال يضر في رمضان..الناس كامل راهم يسقسو عليا..
نقولك الصح انا في ولدي الصغير شفت الموت...بصح ماشي في الزيادة...ولد في لاكلينيك قامو بيا كيما يلزم الحال...ولدي زاد 03 اسابيع قبل الوقت...كان فيا بوصفير عادي تاع الحوامل بصح كي درت التحليل غلطو فيه قالولي راكي قراف (03 نقاط فوق القاف) 20 يوم بعد الولادة و انا نجري مارقدت ماكليت كي الناس قعدت غير نبكي و نخمم عليهم... و من بعد عاودت كامل التحاليل و مشيت لعد اختصاصية ...قطعت كامل الدوسي و التحاليل ..قالتلي نقولك حاجت انت ماعندك والو ..هدا عادي ..قلتلي عيشوك في كوشمار.. و الان الحمد لله ماعندي والو..بصح قعدت كومبليكسي من الحمل

[ام ناجي]

انا جربت كل الاعمار في الحمل ماكانش كيما العشرينات الصحة و الصغر و الاولاد يكبرو معاك انا دوق ولادي يبانو خاوتي الله يبارك فيهم
ماشاء الله ربي يخليهملك و يخليك ليهم
اااااامين يارب العالمين

[أم ياسين الزهراء]

بارك الله فيك على الدعوة الجميلة و ربي يرزقك الذرية الصالحة مادريش في بالك كل كرش كيفاه و هذا كل اجر و ثواب عند ربي انا في ياسين شفت الموت و ماكتبهالسش ربي درت قيصري و قريب مت من لانستيزي نساو الاكسجين ما حلوش القرعة ههههههههههههههه هم يضحك و يبكي :80::80::80:و الحمد لله دعيت ربي يعيشني لولادي ماعندهم غير انا و باباهم اكي علابالك الغربة و ماكاله نحكيلك

[أم ياسين الزهراء]

صحى فطوركم بنات انا راح نحط الغداء درت اليوم مكرونة بالجاج

[أم ريان dz]

مبروك عليك الاسم الجديد و ربي يخليلك ريان

يبارك فيك أختي أم ناجي و ريان راهي تسال عليك :30:

[ام ناجي]

صحى فطوركم بنات انا راح نحط الغداء درت اليوم مكرونة بالجاج
:91:
بصحتكم:91:

[ام ناجي]

يبارك فيك أختي أم ناجي و ريان راهي تسال عليك :30:
انا تاني راني نسلم عليها و قوليلها راني جاية نخطب.ا كيما تحبي ...طويل القد ...ولا الروخو

[أم ريان dz]

على سلامتك واش راك كشيي سخانة احنا هنا السخانة في النهار و الليل شوي برد

حقى ولادك وين واصلين في القراية

يسلمك حنونتي عندنا في عنابه الايام اللي فاتوا ربيع بصح اليوم راهي السخانه ..~~~انقولك الحق أنا ما نحبهاش
الكبيرة ماداتش الباك راهي تقرا في السونتر و 2 في المتوسط و الصغيره في الإبتدائي و انت ولادك وين
واصلين في القرايه ؟

[أم ريان dz]

انا تاني راني نسلم عليها و قوليلها راني جاية نخطب.ا كيما تحبي ...طويل القد ...ولا الروخو


يا الحنونه بنتي ريان راهي آيه في الجمال و زيد صغيرة و متحجبه دراتو في السنه الثانيه إبتدائي نخليها هي اللي تخير

[أم ريان dz]

صحى فطوركم بنات انا راح نحط الغداء درت اليوم مكرونة بالجاج

صح غداكم {"{"{"

[نغمة شامية]

راني جاية نسلم عليكم
وحشتوني بزاف
تذكرتوني انا جارتكم نغووووووووووووووووووووووم
وحشتيني ام ياسين الزهراء .. اش اخبارك عساك بخير

ام ناجي كيف حالك .. وين الرجيم .. باش السمن زايد واحنا منستى رسالتك ع الخاص

كل بانت الجزائر غاليات ونحبهم من القلب
اليوم صويحباتي غايبات قلت نحوس على اصدقاءنا من الجزائر نمسي عليهم

سبحان الله وبحمده .. سبحان الله العظيم

يالله اتفضلوا ردوا لنا زيارة ياغاليات

وعازمتكم على عشوة هاد الرابط
http://forum.hawahome.com/t294444.html
وبعدين لا تنسوا الحلو كمان هاد الرابط
http://forum.hawahome.com/t294286.html

[ام ناجي]

راني جاية نسلم عليكم
وحشتوني بزاف
تذكرتوني انا جارتكم نغووووووووووووووووووووووم
وحشتيني ام ياسين الزهراء .. اش اخبارك عساك بخير

ام ناجي كيف حالك .. وين الرجيم .. باش السمن زايد واحنا منستى رسالتك ع الخاص

كل بانت الجزائر غاليات ونحبهم من القلب
اليوم صويحباتي غايبات قلت نحوس على اصدقاءنا من الجزائر نمسي عليهم

سبحان الله وبحمده .. سبحان الله العظيم

يالله اتفضلوا ردوا لنا زيارة ياغاليات

وعازمتكم على عشوة هاد الرابط
http://forum.hawahome.com/t294444.html
وبعدين لا تنسوا الحلو كمان هاد الرابط
http://forum.hawahome.com/t294286.html
كيفك يا نغووومة
والله مانسيتك
الرجيم عندي باللغة الفرنسية ..راح اترجمو للعربية و بعدين ابعته ليك
يعطيك الصحة ..ماشاء الله عليك و على حلوياتكم و اكلكم
صحيح سوريا بعيدة بس تقريبا كل شي بيوصلنا من عندكم خاصة اللباس..يعني عندنا تجار مختصيين في الاستراد من سورية يعني محلاتنا مليئة باللباس السوري (بيجامات- عبايات- شراشف- كل كل شيء)
اما فيما يخص الحلويات في مطاعم مختصة بالاكل السوري ... و احيانا بيجو السوريين في التظاهرات و المناسبات وبيبيعو حلويات سورية.. و في كمان مخابز سورية... بقالنا بتيجو انتو عندنا وو نصبح بلاد جزائرية سورية هههههههههههه"R:"R:

[رونقي]

صباح الخير
واش درتي لاروسات الي عطيتهالك باش تسمني ولا مازال
مازال يا الحبيبة هاذو ليام من الدار مارانيش نخرج""/

[rayen]

جزائر يا مطلع المعجزات **** و يا حجة الله في الكائنات
و يابسمة الرب في أرضه**** و يا وجهه الضاحك القسمات
و يا لوحة في سجل الخلو د **** تموج بها الصور الحالمات
و يا قصة بث فيها الوجود **** معاني السمة بروع الحياة
و يا صفحة خط فيها البقآ **** بنار و نور جهاد الأباة
و يا للبطولات تغزو الدنا **** و تلهمها القيم الخالدات
و أسطورة رددتها القرون **** فهاجت بأعماقنا الذكريات
و يا تربة تاه فيها الجلال **** فتاهت بها القمم الشامخات
و ألقى التهاية فيها الجمال **** فهمنا بأسرارها الفاتنات
و أهوى على قدميها الزمان **** فأهوى على قدميها الطغاة


شغلنا الورَى ، و ملأنا الدنا
بشعر نرتله كالصٌلاة
تسَابيحه من حَنايَا الجزائر

[ام ناجي]

ما في أروع من الشعر الوطني الجزائري
شكرااااا

[ام ناجي]

السلام عليكم ورحمة الله وبركاته
وين راكم اليوم..واقيلا مارقدتوش بكري ..اصبحتو راقدين
اليوم راهي السخانة شوية .....ههههههههههههه قلعت
الناس بدات العوم في لابلاج تاع مستغانم...وليدي الصغير قعد غير يبكي من شافهم...قالي انا تاني نعوم

[رونقي]

السلام عليكم ورحمة الله وبركاته
وين راكم اليوم..واقيلا مارقدتوش بكري ..اصبحتو راقدين
اليوم راهي السخانة شوية .....ههههههههههههه قلعت
الناس بدات العوم في لابلاج تاع مستغانم...وليدي الصغير قعد غير يبكي من شافهم...قالي انا تاني نعوم

انتي من مستغانيم انا كنت دايما نجوز الصيف في صابلات عند الامراء،)،

[ام ناجي]

انتي من مستغانيم انا كنت دايما نجوز الصيف في صابلات عند الامراء،)،
لا لا يا حبيبتي انا من غليزان ...رحنا برك تعشينا فيها
انا ما نحبش نصيف فيها...نقولك الصح ... سورتو صابلات
نروحو دائما نصيفو في رشقون بمدينة بني صاف

[ام ناجي]

راكم كامل معروضيين على فنجان اتاي
http://forum.hawahome.com/nupload/214054_1273503039.jpg

[أم ريان dz]

راكم كامل معروضيين على فنجان اتاي
http://forum.hawahome.com/nupload/214054_1273503039.jpg

العرضه انتاعك مقبوله يا لحبيبه:30::30::30::30:
رانا جاييـــــــــــــــــــــــــن

[أم ريان dz]

راني جاية نسلم عليكم
وحشتوني بزاف
تذكرتوني انا جارتكم نغووووووووووووووووووووووم
وحشتيني ام ياسين الزهراء .. اش اخبارك عساك بخير

ام ناجي كيف حالك .. وين الرجيم .. باش السمن زايد واحنا منستى رسالتك ع الخاص

كل بانت الجزائر غاليات ونحبهم من القلب
اليوم صويحباتي غايبات قلت نحوس على اصدقاءنا من الجزائر نمسي عليهم

سبحان الله وبحمده .. سبحان الله العظيم

يالله اتفضلوا ردوا لنا زيارة ياغاليات

وعازمتكم على عشوة هاد الرابط
http://forum.hawahome.com/t294444.html
وبعدين لا تنسوا الحلو كمان هاد الرابط
http://forum.hawahome.com/t294286.html

يسال عليك الخير و الهناء حتى احنا نحبوكم بزاف بزاف:68::68: أنا زرتك البارح واتعشيت عندك يعطيك الصحه على العرضه{"{"{"

[أم ريان dz]

أهلا بيك ريان معانا

[Saida.tem]

al salamo alaykom ana saida orido an andama ilaykom fahal takbaloni

[رونقي]

al salamo alaykom ana saida orido an andama ilaykom fahal takbaloni
طبعا وبكل سرورو وما تنسبش cv اتاعك:10::rroo:

[رونقي]

لا لا يا حبيبتي انا من غليزان ...رحنا برك تعشينا فيها
انا ما نحبش نصيف فيها...نقولك الصح ... سورتو صابلات
نروحو دائما نصيفو في رشقون بمدينة بني صاف

احنا تاني ما راناش انروحو بدلنا بصح الامراء فور بزاف وتاني كالم هذا الي عجبني فيه
:rroo:

[بشرة خير]

ازيكو يا حلوين لما لقيت ملفنا ما فيهوش حد قلت اجى اشرب حاجة سقعة عندكو بس الاول اخباركو ايه والجو عندكو عامل ايه ربنا يلطفها علينا شوية الحر فظيع وسلامى للجميع ويا ريت تشرفونا فى الملف المصرى هتنورونا والله

[بنفسجة]

ازيكو يا حلوين لما لقيت ملفنا ما فيهوش حد قلت اجى اشرب حاجة سقعة عندكو بس الاول اخباركو ايه والجو عندكو عامل ايه ربنا يلطفها علينا شوية الحر فظيع وسلامى للجميع ويا ريت تشرفونا فى الملف المصرى هتنورونا والله

مرحبااااا بك معنا يا الغالية و الله يبشرك بكل حلو يا بشرة خيرمرحبا بك مع أخواتك واش تحبي تشربي؟ قهوة؟تاي بالنعناع؟عصير؟ماااااااء حلو و بااارد من باطن الأرض....:rroo: الله ينور دربك و يوفقك لما فيه الخير و الصلاح لك في الدنيا و الآخرة...الجو عندنا ما زال بارد نلبس غليظ و نتغطى لما ننام الحمد لله على كل حال...

[أم ياسين الزهراء]

اهلابنات واش راكم البارح ماقدرتش نكتب كنت مشغولة درت الميناج بصح دخلت قريت الحمد لله كامل راكم بخير احنا اليوم ثانيك السخانة زادت علينا ماشي وقتها

[أم ياسين الزهراء]

ام ريان على سلامتك ربي يوفق ولادك انا وليدي الكبير في الباك و ناصر 2 ثانوي و البنات 2متوسط و 2ابتدائي ربي ينجحهم ويوفقهم حقى نسيت ياسين اولى سنة قباحة ههههههههههههههههه

[أم ياسين الزهراء]

بنفسجة وين راكي مابنتيش انتم عندكم البرد احنا رانا مصيفين

[أم ياسين الزهراء]

ام ناجي و رونقي بعدى بديتو تهدرو على البحر بوه عليكم مازال الحال فكرتوني انا كنت صغيرة نروحو بوسماعيل و سيدي فرج و دوق نروحو لسكيكدة ماعندي حاجة في البحر لكان لقيت نروح للغابة خير بصح علابالكم ماكالاه نهدرو

[أم ياسين الزهراء]

نغمة شامية على سلامتك قوليلنا راكي تفهمي علينا و وجدي روحك راح نديرولك امتحان في لهجتنا و نشوفو الدروس نفعوك و نشفوك تلميذة شاطرة و لا........ههههههههههههههههههههه

[أم ياسين الزهراء]

بشرة خير اسمك هايل ربي يجعلك بشرة خير علينا و مرحبا بيك معانا

[ام ناجي]

السلام عليكم ورحمة الله وبركاته
عندي سؤال
واش هي الي خير ..المراة العاملة و لا القاعدة في البيت

[رونقي]

المرة الي قاعدة في البيت:80:

[ام ناجي]

المرة الي قاعدة في البيت:80:
5 على 10... نصف جواب
البرهان ناقص...وعلاه لازم تشرحي

[أم ياسين الزهراء]

طبعا المراة اللي قاعدة في البيت و السبب هو اولادها يترباو مليح و هي تحافظ على صحتها و تقوم بدارها و تبقى عزيزة هو اللي يصرف عليها واش رايك انت

[رونقي]

شوفي يا لا لا المرة الي قاعدة في الدار دايرة بالها على ولادها وعلى راجلها وعلى روحها كثر من الي تخدم مسكينة ظل تجري وراء الوقت متوحسةدارها ولادها متوحشة حتى الرقاد
واش نزيدك

[ام ناجي]

انا ماطبت ما نحرقت
قعدت في الدار دايقت و توحشت الخدمة
خدمت مليت و عييت و توحشت الدار
قولولي واش ندير

[رونقي]

قعدي في الدار واخدمي ماشي شغل الدار لا لا كاش حرفة تونسك كيما راهي دايرة ام ياسين

[أم ياسين الزهراء]

هذاك هواذا زوجك كافيكم احكمي الدار و التاي بولادك وزوجك و ديري حاجة تلتيك انا نخدم الكروشي نتبع في المنتدايات الحاجة الشابة نديرها و في الشتاء نقري ولادي ماشاء الله عليهم فور و نشهيهم الحاجة اللي في بالهم انديرها هاك ما يحتاجو حتى واحد

[أم ياسين الزهراء]

اما اذا كنت تعاوني فيه هذك حاجة ثانية ربي يعاونك بصح صدقيني الكل يقولو الربا في الربا دراهم المراة

[ام ناجي]

هذاك هواذا زوجك كافيكم احكمي الدار و التاي بولادك وزوجك و ديري حاجة تلتيك انا نخدم الكروشي نتبع في المنتدايات الحاجة الشابة نديرها و في الشتاء نقري ولادي ماشاء الله عليهم فور و نشهيهم الحاجة اللي في بالهم انديرها هاك ما يحتاجو حتى واحد
راني نخمم واش ندير لاخطرش عييت بزاف

[ام ناجي]

احلى فنجان قهوة لاحلى تجمع جزائري
http://forum.hawahome.com/nupload/214054_1273587641.jpg

[أم ريان dz]

احلى فنجان قهوة لاحلى تجمع جزائري
http://forum.hawahome.com/nupload/214054_1273587641.jpg

وهذا ألذ قاطو بالشكولا لأحلى تجمع في المنتدى

http://www.monsterup.com/upload/1225731890.jpg

[أم ريان dz]

وشراكم يا لحراير لا باس راني نشوف باللي الموضوع السخون نتاع اليوم هي الخدمه*)
انقولكم رايي أنا بكري كنت نحب نخدم بصح كي جاوني لولاد نحيت الفكره من راسي خاطر لولاد يحبو عنايه خاصه وكبيره بيهم واللي تخدم ماتقدرش تعتني بولادها مليح وهوما يتبهدلو و خاصة كي ما تلقاش اللي يحكمهملها و ربي يوفق كل وحده لما فيه خير لولادها

[أم ريان dz]

راني نخمم واش ندير لاخطرش عييت بزاف

انقولك يا أم ناجي واش ديري صلي ركعتين صلاة إستخاره واطلبي ربي يهديك للصح و الخير لداركك وولادك وان شاء الله ربي ما يخيبكش

[أم ريان dz]

ام ريان على سلامتك ربي يوفق ولادك انا وليدي الكبير في الباك و ناصر 2 ثانوي و البنات 2متوسط و 2ابتدائي ربي ينجحهم ويوفقهم حقى نسيت ياسين اولى سنة قباحة ههههههههههههههههه

يسلمك يا اختي لعزيزه ربي يحفظ لك ولادك و ينجحهم أجمعين و يصبحو عندهم قيموه في الجتمع آميييين


http://kinderwebgames.com/ben_sam.jpg

[بنفسجة]

http://www.monsterup.com/upload/1225731890.jpg
واو هبلي ........................
صحيتي.

[أم ياسين الزهراء]

http://www.monsterup.com/upload/1225731890.jpg (http://www.monsterup.com/upload/1225731890.jpg)


وووووووووووووووووووووووووشهيتيني مممممممممممممممممممممممممممممممممممم

[بنفسجة]

ياأختي أم ناجي، يقول الله عز وجل: "فَقُلْنَا يَا آدَمُ إِنَّ هَذَا عَدُوٌّ لَكَ وَلِزَوْجِكَ فَلا يُخْرِجَنَّكُمَا مِنْ الْجَنَّةِ فَتَشْقَى" سورة طه آية117
إن الشقاء هو من نصيب الرجل وحده، أما المرأة تبقى في بيتها لمهامها .

[رونقي]

بسم الله الرحمن الرحيم
السلام عليكم ورحمة الله وبركاته
كيفاش راكم يا الغزالات ان شاء الله بخير:rroo:

[أم ياسين الزهراء]

وعليكم السلام ورحمة الله وبركاته

الحمد لله على فضل الله و على نعمته :rroo::rroo::rroo::rroo::rroo:

[ام ناجي]

شكراااا على النصائح ..ربي ما يحرمني منكم و من قهدتكم الشابة و المفيدة

[ام يوسف 74]

صباح الفل والنور والسرور علي احلي بنات
بنات الجزائر الطيبيبن
كيفكم حبيباتي ان شاء الله دايما متجمعين علي خير يارب
ودايما علي محبه وطاعه في الله
يعطيكم العافيه يارب

[ام ناجي]

صباح الفل والنور والسرور علي احلي بنات
بنات الجزائر الطيبيبن
كيفكم حبيباتي ان شاء الله دايما متجمعين علي خير يارب
ودايما علي محبه وطاعه في الله
يعطيكم العافيه يارب
الله لا يحرمنا منك ومن طلتك الغالية و العزيزة علينا

[أم ياسين الزهراء]

ام يوسف يعطيك الصحة على الاطباق

[أم ياسين الزهراء]

ام ناجي واش ولادك بداو في تشجيع المتخب انتاعنا انا ولادي راح يهبلو قالو طولو علينا ماحبش جوان يلحق شفتي السنة راح يصرى فينا العجب مع الماتش ربي يوفقهم

[أم ياسين الزهراء]

ام ريان وقتاش تجي لموالك انا نروح في اوت اذا كتبلي ربي

[أم ياسين الزهراء]

ياه على رمضان تاع دارنا و الله غير راني ساخفى عليه خاصة كينكونو نوجدو في الفطور هذيك الحطى و هذيك اللمة و بعد الفطور هذيك حطى خلاف و قعدة هايلة ربي يسهلنا

[أم ياسين الزهراء]

دوق لبنات راح يلحق الظهر نروح نصلي و نرقد ياسين و نتكى شوي عيت وقيلة بديت نكبر هههههههههههههههههههه ربي يكبرني في طاعته امين

[أم ياسين الزهراء]

اه عندي سؤال كل واحدة تجاوبني بصراحة علاه احنا النساء مانحبوش نقولو عمرنا انا شخصيا ماعندي حاجة اللي يسقسيني نقلو عادي و انتن واش ردت الفعل عندكن

[بنفسجة]

صباح الفل والنور والسرور علي احلي بنات
بنات الجزائر الطيبيبن
كيفكم حبيباتي ان شاء الله دايما متجمعين علي خير يارب
ودايما علي محبه وطاعه في الله
يعطيكم العافيه يارب
مرحبا مرحبا بالغالية أم يوسف يا هلا و غلا و مليوووووووووووون مرحبا نورتينا يا مشرفتنا العزيزة :rroo::68::rroo::68::rroo::68::rroo::68::rroo::68: :rroo::68::rroo::68::rroo:
نحن الحمد لله أنت كيف حالك إن شاء الله تمام؟

[رونقي]

[QUOTE=ام يوسف 74;4110311]صباح الفل والنور والسرور علي احلي بنات
بنات الجزائر الطيبيبن
كيفكم حبيباتي ان شاء الله دايما متجمعين علي خير يارب
ودايما علي محبه وطاعه في الله
يعطيكم العافيه يارب[/QUOTE



اهلا ومرحبا ام يوسف.....Z لما شفتك من جدة افتركت جدة ومكة والمدينة احلى ايام عمري على الاطلاق راحة بال وعبادة وسكينة :rroo::rroo:

[أم ريان dz]

صباح الفل والنور والسرور علي احلي بنات
بنات الجزائر الطيبيبن
كيفكم حبيباتي ان شاء الله دايما متجمعين علي خير يارب
ودايما علي محبه وطاعه في الله
يعطيكم العافيه يارب

يسعد صباحك يا لحبيبه و يهنيك و يفرحك ان شاء الله

رانا بخير و الحمد لله على نعمه الضاهره و الباطنه و نسأل الله العظيم رب العرش العظيم أن يصلحلك اولادك وينجحهم في دينهم و دنياهم آميييين
و شكرا على الزياره الغاليه و هذه الوردة لك

http://img506.imageshack.us/img506/7139/red4za.jpg

[بنفسجة]

اه عندي سؤال كل واحدة تجاوبني بصراحة علاه احنا النساء مانحبوش نقولو عمرنا انا شخصيا ماعندي حاجة اللي يسقسيني نقلو عادي و انتن واش ردت الفعل عندكن
بصراحة يا ام ياسين عليا أنا ما نحشمش نقول عمري لأني صغيرة خخخخخخ:454: و كيما قلتي الله يكبرنا على طاعته لكن أعتقد بأن النساء يحشموا يقولوا عمارهم لأنهم يحبوا الصغر:81: و ما يحبوش الكبر و التجاعيد :87:و كل وحدة حتى لو كانت صغيرة تلعبها صغيرة أكثر و أكثر"R:.
و يقولوا المرأة غير تتزوج و تولد تظهر كبيرة :40::55: لكن بالحركة و الرياضة:9::20: و الأكل الصحي :91:و النوم الجيد:98:نظهروا صغارات.

[أم ريان dz]

ام ريان وقتاش تجي لموالك انا نروح في اوت اذا كتبلي ربي

أنا نروح في جويليه بإذن الله نقعد شهر في دارنا لخاطر زوجي في رمضان يحب أنا اللي نطيبلو آكي تعرفي في رمضان تكثر الشروط و الشهيه انتاع الرجال تقوى{"ـ2ـ2

[أم ريان dz]

ياام ياسين كيما قلتي ربي يكبرنا في طاعته و يثبتنا على الطاعه إلى آخر لحظهو نلقاو الله على حسن الخاتمه قولوا آميييييييييييييين

[بنفسجة]

ياام ياسين كيما قلتي ربي يكبرنا في طاعته و يثبتنا على الطاعه إلى آخر لحظهو نلقاو الله على حسن الخاتمه قولوا آميييييييييييييين
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آمييييييييييييييييييييييييييييييييييييييين:rroo:

[بشرة خير]

مساء الورد والفل والياسمين على عيون الحلوين ازيكو جميعا وسلامى للحلوة بنفسجة اللى ربنا يجعلها دايما بنفسجة وحمرة وبيضة وكل الالوان الحلوة ومنساش ام ناجى الامورة واقولها احلى عشا مصرى لعيونها يلا احنا مستنين نتلم كلنا سوا على ترابيزة واحدة

[ام ناجي]

ام ناجي واش ولادك بداو في تشجيع المتخب انتاعنا انا ولادي راح يهبلو قالو طولو علينا ماحبش جوان يلحق شفتي السنة راح يصرى فينا العجب مع الماتش ربي يوفقهم
صباح الخير ام ياسين
تعرفي وا ش دارلي و ليدي الكبير عندو 07 سنوات ..قالي غير تشريلي لبسة جديدة تا ع لكيب... قلتلو معليش... شريتلهم ...عندهم تاع العام الماضي و بغاو وحدوخرين
المشكل ما بقاش هنا..خلاني من رحت لسوبر مارشي في البليدة باش نشري المصروف تاع الشهر ..قالي ماما ويلا تحبيني اشريلي بالون ..قلتلو عندكم بزاف في الدار ...راح وو جاب واحد ..قلت معليش من جيت في لاكاس..قالي البالون يدير 1.350.00 دينار :80: واش ندير خلصتها و سكت...
وليضحكني..مين خرجنا..قالو باباه وعلاش ماشريتش لخوك الصغير ...ليق كيما تفكر في روحك تفكر في خوك...قلتلو امشي و اسكت ويلاا حبيت تشري لولدك الصغير روح خلص 1350
ههههههههههههه ماعليه غير سكت

[ام ناجي]

ياه على رمضان تاع دارنا و الله غير راني ساخفى عليه خاصة كينكونو نوجدو في الفطور هذيك الحطى و هذيك اللمة و بعد الفطور هذيك حطى خلاف و قعدة هايلة ربي يسهلنا
بصحتك
و ابو ياسين شكون يقوم بيه في رمضان ..و لا يمشي معاك

[ام ناجي]

مساء الورد والفل والياسمين على عيون الحلوين ازيكو جميعا وسلامى للحلوة بنفسجة اللى ربنا يجعلها دايما بنفسجة وحمرة وبيضة وكل الالوان الحلوة ومنساش ام ناجى الامورة واقولها احلى عشا مصرى لعيونها يلا احنا مستنين نتلم كلنا سوا على ترابيزة واحدة

مشكورة حبيبتي
الله يخليك و يعزك و ينور دربك
وا نشاء الله يوفق كل العرب و نتلم على احلى قعدة
نورنا وجودك معانا

[ام ناجي]

المهم نتمنى تكونو دائما بخير و على خير...انشاء الله
راني غادي نغيب عليكم ..شوية برك...اتهلاو ايلا غلقو الموضوع ديالنا تفتحو واحد جديد بنفس الاسم و يكون "الجزء التالت"
و هكدا جزء بعد جزء حتى نلحقو للمئة ..انشاء الله و ربي يطول في عمرنا كامل
تهالاو في رواحتيكم ..غادي نتوحشكم

[أم ياسين الزهراء]

ام ناجي تروحي و تولي على خير امين

[أم ياسين الزهراء]

بوه عليكم عمبالكم نخلي داري و ابو ياسين في رمضان "R:"R:جامي انا زيدت زوج مرات في رمضان و ماقبلتش نخليه وحدو هو ما يحبش يروح حتى عند واحد في رمضان كيما كامل الرجال الجزائرين و انا وليت نقعد غير 10 ايام في دارنا يحصل في روحو كينخليه و هكا يغيضني نولي:80::80::80: بصح ولادي هما اللي يربحو فيها يقعدو ثم حتلى يملو..~~~..~~~

[أم ريان dz]

المهم نتمنى تكونو دائما بخير و على خير...انشاء الله
راني غادي نغيب عليكم ..شوية برك...اتهلاو ايلا غلقو الموضوع ديالنا تفتحو واحد جديد بنفس الاسم و يكون "الجزء التالت"
و هكدا جزء بعد جزء حتى نلحقو للمئة ..انشاء الله و ربي يطول في عمرنا كامل
تهالاو في رواحتيكم ..غادي نتوحشكم

تروحي و ترجعي بالسلامه يا أم ناجي وانتهلاو في رواحكم :30:

[أم ياسين الزهراء]

بنفسجة زعمى كيتكبري تقولي عمرك و لا............ههههههههههههههههه

[أم ياسين الزهراء]

ام ناجي احمد ربي كيجاتك في البالو انا ولادي راهم مقلبين الدنيا على جال الكارت تاع الجزيرة و علابالك شحال راهي ادير

[بشرة خير]

مساء الورد والفل والياسمين على حبايبنا الحلوين الغايبين والحاضرين وسلامى ليكو ولام ناجى اللى غايبة عننا من كام يوم يا رب خير

[أم ياسين الزهراء]

بشرة خير مساء الانوار و يجعلك ربي بشرة خير علينا

[أم ياسين الزهراء]

واشي هذا حتى وحدة مابانت اليوم و لا البرد خلاكم متخبين هيا طلو علينا :80::80::80::80:

[أم ياسين الزهراء]

بنات نغمة شامية راهي تسلم عليكم كامل كيما راكم

[أم ياسين الزهراء]

منعرف شكون الفحلة اللي راح تحل ملف جديد

[أم ريان dz]

وشراكم يا لبنات اليوم الظاهر ما كاينة حتى وحده فيكم اليوم

[أم ريان dz]

شفتو كيفاه اتبدل الجو البارح و اليوم راهو ارجع الشتا اتغطينا البارح بالزْوَر والبسنا اليوم الخشين أنا انحب هذا الجو الربيعي و ما نحبش السخانه

[أم ياسين الزهراء]

بالنسبة لي الحمد لله اليوم باتنة باردة تبدل علينا الحال ربي يستر ما يمرضوش الاولاد

[أم ياسين الزهراء]

و انتم ثم واش الحال

[أم ريان dz]

و انتوما واش رايكم في بلاتيني كي قال ضرك نعمل الجنسيه الجزائريه
خاطر عجبوه الجزائريين؟

[أم ياسين الزهراء]

مليح البرد بصح حتى السخانة فيها الحطى و الخرجة

[أم ياسين الزهراء]

انا نقلو حشاك لازم عليك تكون جزائري ابا عن جد و تكون في فميلتك شهيد ولا مجاهد هذه شروط الجنسية عندنا

[أم ريان dz]

الحمد لله كي جيتي كنت نحسب راني وحدي
الجو ديالنا برد حتى احنا قالولي اخواتاتي في التليفون باللي راهم شعلوا الفورنوات

[أم ياسين الزهراء]

مبروك الملف الجديد و ربي يجمعنا للخير و نتعاونو و نعطو لبعضانا العفايس .....Z.....Z.....Z

[أم ياسين الزهراء]

هذي اول مرة تكون صفحة 21 ما فقوش بينا

[أم ريان dz]

عندك الحق يا ختي بصح الجزائريين يحبو الضياف و يرحبو بيهم
هيا نروحوا للجزء الثالث

[أم ياسين الزهراء]

دوق نخليك غدوة امتحانات لازم نطفي الميكرو سينو تولي فوضى في الدار يالله ليلة سعيدة

[أم ريان dz]

هذي اول مرة تكون صفحة 21 ما فقوش بينا


احنا الجزائريين فــــــــــــــــــــــور ههههههههههه"R:"R:"R:

[أم ريان dz]

هيا ابقاي على خير و ربي يوفق ولادك في الإمتحانات وجميع ولاد المسلمين آآآآآميييييييييييييييييييين