المساعد الشخصي الرقمي

مشاهدة النسخة كاملة : يابنات المدينه0ملابس العيد!!


اواهه
20-10-2005, 04:46 PM
بنات المدينه
لو اتكرمتو
فين القا ملابس العيد
الحلوه
ابغا نسائي وبناتي
كل سنه الف في قبا والدولي
بعدين القا الملابس نفسها بكل المحلات
ابغا شي مميز وبسعر معقول
الي عندها فكره ترد عليه وجزاها الله خير
الشهد
21-10-2005, 05:30 AM
انا اعرف انه في المدينة اسواق كثيرة حلوة بس للاسف ماقدر افيدك ابسماء معينة

وان شاء الله الاخوات يفيدوك اكثر
ام رؤى
22-10-2005, 12:47 AM
هلا اختي انا احب سوق الدولي بالرغم من ان اسعاره مبالغ فيها لكن محل اسمه خالد عنده ملابس بنات خطيره بس غاليه 400ريال يعني ماتستحق هذا المبلغ والدخيل كمان حلو للاطفال وممكن تلاقي نسائي
بالنسبه لي ذوقي مره صعب والملابس على قولك اغلبها مكرر(( وحراميه ولكن ايش نسوي))
الغد المشرق
22-10-2005, 07:40 AM
والله تعبت وانا ادور ملابس بنوتات صغار بس مافي شى عليه القيمه اللى تلقى شي حلو ومميز بالله تقلنافين ولها جزيل الشكر
ام رؤى
24-10-2005, 04:39 AM
شوفي انا رحت للدخيل وعندك محل السنافر روعه للبنات الى سن 5سنوات لكن اسعار مرتفعه في محل في الدولي اسمه فرحتنا اشتريت منه لبنتي رؤى فستان من 6قطع مره حلو ب160ريال وكمان ديرسن عنده ملابس بنات روعه
بس يقولون سوق البدر فتح وزحمه مره واشياء حلوه ورخيصه
شوفوا انا مااسوي دعايه بس هذا اللي شفته
الغد المشرق
27-10-2005, 06:41 AM
تدروا ايش حصل معاي يا بنات رحت سوق الدخيل ودخلت محل من المحلات وكان زحمه فانسرقت محفظتي وجوالي الحمد لله على كل حال لكن معقول في ناس كدا مايخافوا من الله حتى في رمضان
اواهه
27-10-2005, 03:36 PM
الف شكر
على مروركم
وردودكم
والله التسوق شغله برمضان
مااحد فاضي للسوق المهم
انا خلال يوم واحد رحت للحكيم
اول ماتطلعين الدرج على يمينك
محل اسمه ندى او المحل الي بجنبه
فيه كتالوجات ازياء ( لها) رهيبه
والاسعار 250 الى280
وكمان فيه طقم تنوره وبلوزه في المحلا ت الي جنبه ب260
رحت الكعكي ولقيت التنوره 120
واشتريت بلوزه تقريبا زي الي في الحكيم بس ب30 ريال
وبكذا وفرت 150 بدل 260
وعلى فكره تقدري تشتري الي ب200 ب150
لا تتسرعي
وخليه يخفض بالسعر ترا فعلا يصيرو مجرمين بالعيد
وابو 100 يصير ب200
والحريم مساكين يدفعو عشان يستحو يتكلمو
ام رؤى
01-11-2005, 05:52 AM
الله يعوضك يااختي الغد المشرق ومع الزحمه والدوشه الوحده ماتتوقع انها راح تنسرق
شوفي رحت سوق البدر ومره حلو واسعاره حلوه وزحمه فضيعه المهم اختك في الله معاها فلوس 1000ريال وخفت عليها ويش سويت دخلت الشنطه تحت العبايه وعبايتي اسلاميه عرفتيها تجي قطعه وحده المهم والحمد لله مطمئنه لنه اسمع عن السرقات هذه واعوذ بالله حتى في رمضان
وبالنسبه لي وصيت اختي تشتري لي وريحت دماغي وتقول اختي سوق المدينه التجاري حلو بس اسعار غاليه
واختي اواهه اتذكر زمان كنت احب اروح الكعكي اغراضه حلوه لكن حسيت انه الملابس مكرره في كل المحلات اللي في نفس الكعكي وصدقيني اشتريت بلاايز والقاها في الشرق الحراميه ومع الزياده هذي الكل مطلع الاسعار كانها ماهي هاينه عليهم
وصدقوني لو تقضي من شعبان يكون افضل واحلى
وهذا كل ماعندي
الغد المشرق
05-11-2005, 03:46 AM
الله يجزاك بالخير اخت ام رؤى وكل عام والجميع بخير