طلب وظيفه بشهاده ثانويه

[انتعاش النسيم]

بسم الله الرحمن الرحيم
المكتوب باين من عنوانه حبايبي انا عندي شهاده ثانويه وعندي خبره بالحاسب بس للاسف ماعندي شهاده تثبت ذالك ودي اذا عندكم خلفيه عن وظائف تقبل الموهل هذا وتكون بالرياض ياليت ماتبخلون على اختكم في الله ولكم مني كل الشكر والتقدير :rroo:

[أحساس مجروح22]

الله يعين ماعندي فكره

[dareen sh]

الله يوفقك يارب

[بنت الشهري111]

سلام حبيبتي
والله انا وياك بالهواء سوا
عندي ثانوية وعندي خبرة بالحاسب الالي بس ماعندي شهادة
بس فية وحدة من صديقاتي تقول روحي خذي لك دورة حاسب حتى لو شهر واحد
وبعدين تروحين تسجلين كاتبة بمدرسة وظيفة حلوة وزينة
وراتبها اتوقع 1500
هاذا الي عندي من معلومات
واتمنى اني افدتك
:bye:
سلام

[قصيمية33]

مررراحب


والله ياختي مابي احطمك بس وظاايف حنا يالجامعيات مالقينا ... وبالنسبه للي يقولون خذي شهادة حااسب وتتوظفين كاتبة .. لا ياختي هذا الكلام مو صحيح اذا جاء وقت الصدق قاالو مانبي الي معهم ثنووي لان كل صديقاتي معهم حاااسب وجامعه وشهادات تطوووير الذااات والله عاطللات .. بس ووحده توظفت بمدرسه اهليه راتبها الف وميتين ؟؟؟ تخيلي مدرسه وراتبها الف وميييتن كل يوم خمس حصص توقف على رجلينه وبالاخير هالراتب ..يعني شووفي حنا يالجامعيات ماوصلنا الف وخمس بيوظفوونك عشششان معك حاااسب ووثنووي ... انا معك ان الحاااسب مهم هالووقت لكن به شهادات لازم تكوون مع الحااسب مثل الجاامعه وغيره وغيره ..


هالحين فيه تتسجيل بالجاامعه مووازي << يعني مسااائي بس مايدفعون لك مكافئه ليش ماتدخلينه احسن لك ... ترا باقي كم يوم ويقفل التسجيييل ..


واي سؤاال انا حااظره .. وبالتوفيق ...

[قلب راض]

الموضوع قديم
وقوانين المنتدى تمنع رفع المواضيع القديمة
يغلق