المساعد الشخصي الرقمي

مشاهدة النسخة كاملة : طلب عاجل أفكار للمعازيم


njla10
16-11-2005, 02:33 AM
بسم الله الرحمن الرحيم
السلام عليكم ورحمة الله وبركاته
أرجو مساعدتكم
أختي زواجها الأسبوع القادم يوم الأربعاء الموافق 21/ 10/ 1426هـ أبغى منكم أفكار للترحيب بالمعازيم الله يجزاكم عني كل خير وتقبلو تحياتي أختكم في الله :56:
جوهرة العطاء
16-11-2005, 02:43 AM
هلا اختي حياك الله

ينقل لركن الافكار والتجارب

سوف تجدين طلبك هناك بإذن الله
njla10
16-11-2005, 03:10 AM
شكراً لك اختي الكريمة والله إني أنتظر على أحر من الجمر الله يجزاك بالخير
الشهد
16-11-2005, 10:17 AM
هلا اختي

اللهيتمم لكم السعادة ويجعلها دايمة عليكم

وهذي بعض الافكار وجدتها في بعض المواقع بعدما بحثت لك عنها :)

1/
توزيع بعض الحلويات الشعبيه بحيث يقوم بتوزيعها بنات أعمار 8_9 سنوات عليهم لبس شعبي وبسلال شعبيه

2/ وزعنا على الضيوف سلطة فواكه بس مو في زبادي عاديه




في حبات أناناس مجوفه


3/ وزعنا على الضيوف كرستالات صغيره على شكل بيضه

ممكن نقدم ايس كريم لضيوف حلوه برضو يكون زى الكاتوه

4/ تجيبي 6 بنات اعمارهم مابين 12 الى 15 سنة ويكون لابسين الزي الخليجي الأسود والمطرز بالذهبي والهامات طبعاً والكفوف
2 من البنات يكون يصبون القهوة للمعازيم بالدلال الذهبية وراهم بنتين شايلين صينية الفناجيل وبعدهم بنتين بسلال التمر
وممكن اثناء ذلك تشغليلهم نشيد " صبو القهوة وزيدوها هييل " هذي الفكرة من عندي طبعاً


5/ نوزع قران صغير في كيس ملون معه ورد مجفف
او كيس فيه ورد مجفف وفية دعاء

6/ انااقول مافيه احلى من العود والورد انا سويتها فى زواج اخوى وصراحه طلعت مره كاشخه وتجمل

الطريقه نجيب قماش الا ورقنزا الاحمر او حسب كوشه العروس

ونسويه زى كيس النقود القديم ونحط فيه ورد مجفف وقارورة

دهن العود


7/
فكرت اجيب خيش وتحتة كروشية تلقيها الكروشية في محلات تغليف الهدايا على ما اظن لانوا تونى ما بحثت

المهم وكمان شرايط تكون سخيفة مرة وعلى حسب اللون الى انتى مختارتة لكن حاولي تناسقين لانوا تعرفون الخيش تقريبا في الوان تكون روعه معاه بعدين احضرى علك وحبة من الهيل واعواد قرنفل و بولو

وسكر نبات ادا حبة ونوع حلوى صغيرة بالقهوة او غيرة جيبي الخيش
وفوقة ورق الكروشية مثلا لون تفاحى فاتح وحطي الاشياء ولا تنسين الملبس الصغير لانوا الكبير شكلة يعنى بعدين حاولى تلفينها يعنى
تجمعينها مع بعض وتجمعين شرايط من الوان متناسقة مثلا درجات
الاخضر الفاتح وتربطين الشكل وبعدين تجيبين مثل الكرت الصغير عبارة عن صحيفة ملونى وتكتبين عليها ( اتى فلان طبعا الزوج اسمة مثلا خالد ليقطف زهرة يانعة من وسط بستان فاذا بها مثلا سارة ) والافكار كثيرة ....


فكرة ثانية
الي هي ملاعق البلاستيك 00 تلاقيها فالسووق طبعا ملاعق عاديه بلاستيك
لونها فالاغلب ابيض اذا حصلتي لون ثاني يكون احسن
ونفس الطريقه يوضع في داخلها الي قلتي ليه من الحلويات
وتلف في دانتيل خفيف مررره
وفالاخير تربطي عنق الملعقه بشريطه ملونه نفس لون الدانتيل
راح تتفاجي فشكلها جربيها وتشوفي رووووعه شكلها
انا سويت لونها ابيض و عنابي وذهبي طلع شكلها حلوو مره00
وزي ماقلتي حطيت عليها كرت عشان اكتب عليها 00



الفكره الثالثة
تعرفي سلة القش ؟
ايه جبت وحده كبيررره مره اكبر حجم طبعا هذي الي بيكون فيها الهدايا
وزينتها في ورد مجفف
وجبت من نفس السله بس حجم صغيررر وهي الي عبيتها هدايا وغلفتها بتغليف شفاف وزينتها من نفس الورد المجفف 00



اتمنى انه تعجبك

وربي ييسر لكم ويتمم لكم السعادة

ومبروووووك لاختك
njla10
17-11-2005, 10:02 PM
بسم الله الرحمن الرحيم
رووووووووووووعة جدا شكرا شكرا وجزاك الله خير عني
جوهرة العطاء
18-11-2005, 02:50 AM
شكرا شوشو

بصراحه افكار رووعه

آتمنى تكوني استفدتي