خايفة كثير و أبغى رأيكم ؟؟

[MiSs LoGic]

مساء الخير

أنا عندي سؤال مهم جدا بالنسبة لي و الصراحة لمن شفت كيف العضوات هنا ما شاء الله كيف متعاونات فقلت أسألكم

الحكاية هي و ما فيها هو إني حامل بالشهر الثامن و من أول حملي إلى الآن ما تأثرت علاقتي الخاصة مع زوجي يعني ما منعني الحمل منها أبدا

بس آخر مرتين حسيت بألم من تحت و المرة اللي بعدها حسيت بألم قليل في بطني و كمان كان الطفل جالس يتحرك في نفس الوقت اللي كنت فيه مع زوجي

بصراحة أنا خايفة كثير إنه يكون هذا معناه شيء مش كويس

أنا لمن سألت الدكتورة آخر مرة قالت لي عيشي حياتك عادي طالما ما تحسين بشيء بس آخر مرتين غير .. هل في أحد صار معاها نفس الشيء

شوروا علي إيش أعمل ؟؟

[فتاة المراعي]

عادي حبيبي يمكن عشان بطنك كبرت وضاق من تحت بسبب نزول البيبي

انا كمان اذكركنت مثل بس انتوا خلوها على خفيييف وبكل هدوء

ومره مرتين في الاسبوع

ربي يتمم لك على خير

[ام-ليان]

مثل ماقالت فتاة المراعي الله يجزاها خير

[MaRaM N]

عادي ياقلبي
دام مانزل دم بعد الجماع فالموضوع باذن الله طبيعي
لا تنسي ان بطنك بتضغط على المثانه والثقل كبر مو زي الشهر السابع والي قبله
وبالتاسع راح تتالمي اكثر
بس باذن الله مافيه خوف دام مانزل دم معك او مويه

الله يتمم حملك على خير يارب وتجيبي قمر

[الحلم المنتظر]

الله يتمم لك على خير

وان شاء الله ماعليك شر لا اني ولا البيبي

[ندوش النفوش]

الله يهون عليك والبنات ماقصرو
بس انا عندي لك معلومه اكيده ميه ميه وانا مجربتها
انو مني الرجل يسبب طلق للمراه الحامل
علشان كدا في اواخر التاسع بدل الطلق الصناعي نادي زوجك يعطيك طلق

[pepoo]

لا تخافى اختى ما فيها شىء

وكله بس بسبب كبر بطنك

ان شاء الله ما يصير الا الخير

[~fofo~]

اتوقع عادي بس خلاص يكون بوقت العلاقه هدوء بس ارتاحي بعدها ويكون مو دايم بالاسبوع مره او مرتين ادري ماقلت شي جديد بس هذي المعلومه الي عندي وحبيت اطمنك

[وجد يالبى قلبها]

خير ان شاء الله

[clear sky]

اهم شئ لايضغط على بطنك الله يسهل عليكي

[ريح الياسمين]

لا حبيبتي انتبهي دام ان بطنك يألمك اعتقد هاذي انقباضات بس خفيفه
لاتخلي زوجك يقرب منك في الثامن بس لما تدخلي التاسع عااااادي

[فاقده اهلي]

هاذي معلومه اول مره ادري عنها ان المني يسبب طلق الله يجزاك خير ويجزا البنات خير الي علمتوني