شَعْـبُ الجـزائرِ مُـسْـلِـمٌ وَإلىَ الـعُـروبةِ يَـنتَـسِـبْ (الملف 26)

[ام ناجي]

السلام عليكم ورحمة الله
شَعْـبُ الجـزائرِ مُـسْـلِـمٌ وَإلىَ الـعُـروبةِ يَـنتَـسِـبْ
مَنْ قَــالَ حَـادَ عَنْ أصْلِـهِ أَوْ قَــالَ مَـاتَ فَقَدْ كَـذبْ
أَوْ رَامَ إدمَــاجًــا لَــهُ رَامَ الـمُحَـال من الطَّـلَـبْ
يَانَشءُ أَنْـتَ رَجَــاؤُنَــا وَبِـكَ الصَّبـاحُ قَـدِ اقْـتَربْ
خُـذْ لِلحَـيـاةِ سِلاَحَـهـا وَخُـضِ الخْـطُـوبَ وَلاَ تَهبْ
وَاْرفعْ مَـنـارَ الْـعَـدْلِ وَالإ حْـسـانِ وَاصْـدُمْ مَـن غَصَبْ
وَاقلَعْ جُـذورَ الخَـــائـنينَ فَـمـنْـهُـم كُلُّ الْـعَـطَـبْ
وَأَذِقْ نفُوسَ الظَّــالـمِـينَ سُـمًّـا يُـمْـزَج بالـرَّهَـبْ
وَاهْـزُزْ نـفـوسَ الجَـامِدينَ فَرُبَّـمَـا حَـيّ الْـخَـشَـبْ
مَنْ كَــان يَبْغـي وَدَّنَــا فَعَلَى الْكَــرَامَــةِ وَالـرّحبْ
أوْ كَـــانَ يَبْغـي ذُلَّـنـَا فَلَهُ الـمـَهَـانَـةُ والـحَـرَبْ
هَـذَا نِـظـامُ حَـيَـاتِـنَـا بالـنُّـورِ خُــطَّ وَبِاللَّـهَـبْ
حتَّى يَعودَ لـقَــومــنَـا من مَجِــدِهم مَــا قَدْ ذَهَبْ
هَــذا لكُمْ عَـهْــدِي بِـهِ حَتَّى أوَسَّــدَ في الـتُّـرَبْ
فَــإذَا هَلَكْتُ فَصَيْـحـتـي تَحيـَا الجَـزائـرُ وَ الْـعـرَبْ

[ام ناجي]

وين راكم غاطسين
يالله كل وحدة اليوم تدخل الملف الجديد..تاخد قطعة شوكولا قبل ما تهدر
http://forum.hawahome.com/nupload/214054_1290689841.jpg

[زينة الحياة الدنيا]

اجمل عنوان ..تعيشي يا ام ناجي ياجزائرية حرة.,,

وشكرا على الشوكولا ,,انا راهي لازمتني لانها مضادة للاكتئاب ههههه’’’

[أم ياسين الزهراء]

http://forum.hawahome.com/nupload/214054_1290689841.jpg (http://forum.hawahome.com/nupload/214054_1290689841.jpg)






الحلو دايما يمد غير حلو الله يخليك و يفتحها عليك

[أم ياسين الزهراء]

ام ناجي افتتاحية رووووووووووووووووعة بارك الله فيك

[أم ياسين الزهراء]

قبل مانحكيلكم على العرس ادعولي لياسين بالشفاء مرضلي من العرس دايما عراس الشتاء يجيبو المرض

[أم ياسين الزهراء]

وربي يوفق اولادنا في هذو الايامات تاع الامتحانات

[أم ياسين الزهراء]

واش نقلكم عرس كيما يحب الخاطر ربي يصلح ويزين سعدهم ولعقوبة للمازال 2 شاووووووووووووووووووووو ي لمنال و زينة


جابو الرحابة وخرجو العروسة بالخيل واوووووووووووو روعة و احنا نغنو بالبندير رووووووووووووووعة وخير ربي القاطو دارو الياسمينة والجوزية و البقلاوة تاع الجوز و اللعرايش وبزاف نسيت اسمائهم المهم زهينا وشطحنا ودرنا كلش عندي زمان مازهيتش وغنينا ربي يكملهم على خير ويبعد عليهم العين

حقى تعرفو واش معناه الرحابة

الماكلة جابو طباخ تهنينا من الهول طيب الشربة والكفتة والطعام وطجين حلو

[أم ياسين الزهراء]

دوق لحق المغرب نخليكم على خير

[أم ياسين الزهراء]

حقى عفاف مبروك عليك الاشراف عندي مدة مادخلتش لركن الطبخ

[زينة الحياة الدنيا]

ياااااااااااي ماشاء الله,,وش نحب العرس بالرحابة والخيل ,,

ربي يهنيهم ان شاء الله ويدوم الفرح في بيوتكم ,,,

لعقوبة لعررررررسي ههههههههههه,,,
وتحضروا كاااااااااااامل ام ياسين ام ناجي منال ام ريان قلب راض,,,

ولعقوبة لمنال ان شاء الله ,,,

ربي يشفيلك ياسين,,وقيلة ضربو البرد باينة,,,اعطيه العسل والقارص ,,ماعندو شر ,,,

ربي يدوم الفرح ,,ان شاء الله,,

ام ياسين ترجعي بيديك فارغين من العرس,,,مكانش شوية مقروظ رانا سخفنا عليه ههههه

[أم ريان dz]

السلام عليكم ورحمة الله وبركاته
مبروك علينا الملف الجديد و بارك الله فيك أم ناجي على الإ‘فتتاحيه و ان شاء الله يحفظ بلادنا و يعليها و ينورها و يبارك فيها آميييييييييييييييييييين

[أم ريان dz]

بصحتك العرس أم ياسين راكي سخفتيني بزاف كي قلتي العرس بالخيل و الرحابه وااااااااااااااااو ربي يدوم عليك الأفراح و المسرات و أحنا معاك

[أم ريان dz]

حقى عفاف مبروك عليك الاشراف عندي مدة مادخلتش لركن الطبخ
مبروك عليك الإشراف يا عفاف في ركن الطبخ ربي يوفقك أكثر و أكثر’(’(’(’(

[أم ريان dz]

منال و يسرى ربي يوفقكم و يرزقكم بأزواج صالحيييين و يشفيكم و يعافيكم يارب

[أم ريان dz]

ام ناجي وشراكي واش أخبارك طمنينا عليك ربي يفتحها في و جهك و ينصرك على من ظلمك قولي هذا الدعاء إنه جامع
( اللهم اجعلني أخشاك حتى كأني أراك و اسعدني بتقواك و لا تشقني بمعصيتك و خر لي في قضائك و بارك لي في قدرتك حتى لا أحب تعجيل ما أخرت و لا تأخير ما عجلت واجعل غناي في نفسي و متعني بسمعي و بصري واجعلهما الوارث مني و انصرني على من ظلمني و أرني فيه ثأري و أقرّ بذلك عيني )
مع كثرة الإستغفار وإن شاء الله تفرج

[أم ياسين الزهراء]

صباح النور ام ريان عندي مدة ماتلقيتش بيك واش احوالكم

[أم ياسين الزهراء]

لعقوبة لبناتك حنونة وديريلنا عرس كيما اللي حضرتو اااااااااااااامين

[أم ياسين الزهراء]

زينة ربي يرزقك زوج صالح

[أم ياسين الزهراء]

منال ربي يشفيك ويرزقك زوج صالح

[أم ياسين الزهراء]

بنفسجة راكي قربت ربي يسلكك على خير لكان جيتي قريبة مني نعطيلك حوايج ياسين حتى من البيبرو كلش كاين

[أم ياسين الزهراء]

ام ناجي ربي يستر عليك ويحفظك من العين وينصر وينجيك

[أم ياسين الزهراء]

قلب راض واش راكي ربي يعاونك ويحفظك

[أم ريان dz]

بنفسجه ربي يسر عليك الولاده و يشفيك من كل الأسقام و الأوجاع و هذا الدعاء يذهب عنك السقم و الضر بإذن الله (( توكلت على الحي الذي لا يموت و الحمد لله الذي لم يتخذ ولدا و لم يكن له شريك في الملك و لم يكن له و لي من الذل و كبره تكبيرا))

[أم ياسين الزهراء]

ربي يوفق اولادنا هذي فترة امتحانات ربي يثبتهم اللهم ااااااااااااااااااامين

[أم ياسين الزهراء]

‏أم ياسين الزهراء (http://forum.hawahome.com/u184662.html), ‏أم ريان dz (http://forum.hawahome.com/u306019.html), ‏وردة05 (http://forum.hawahome.com/u367920.html)



هذي وردة ماتكون غير من باتنة صح قولي

[أم ياسين الزهراء]

عفاف درتلك فال نحسابك وليتي مشرفة في ركن الطبخ ان شاء الله حنونة تستاهليها شاطرة وفحلة

[أم ياسين الزهراء]

هيا يوم موفق للجميع من بعد ان شاء الله

[أم ياسين الزهراء]

واش بيكم اليوم وح دة مابانت غير الخير

[زينة الحياة الدنيا]

السلام عليكم

انا قريت نهار كامل ..روحت دايخة ,,

وعندي خدمة بزاف ,,

بصح راني نطل عليكم,,مانقدرش على فراقكم ,,

اموااااااااااااااااه ليكم كامل

[ام ناجي]

السلام عليكم ورحمة الله وبركاته

ام ياسين بصحتك العرس..تستاهلي كل خير..ربي يحفظهم من العين
حقى واش معنتها الرحابة..راني كي الاطرش في الزفة
هههههههههههههههه

واش راه ياسين ارتاح شوية...ربي يشفيه و يشفي مرضى المسلمين

[ام ناجي]

ام ريان واش راكي حنونة
واش راهم لبنات..ربي ينجحهما ..راهم مساكين مع الامتحانات

[ام ناجي]

راني حابة نسقسي عليكم كامل بالوحدة بصح للاسف النت راهو تقيييييييييييييييييييييييييييييييل

المهم
بنفسجة يسرى مناااااااااال عفاف قلب راضي واش راكم كااااااااااامل و ربي يوفقكم ااااااااااااامين

[زينة الحياة الدنيا]

شكرا ام ناجي على السؤال ...

رانا بخير الحمد لله,,,

الرحابة هما فرقة موسيقية يغنوا ويرقصوا بالشاوية ويستعملوا البنادر والبارود..

[أم ياسين الزهراء]

لله يسلمك ام ناجي وكيما قالتلك يسرى الرحابة مجموعة تلبس برانس وتغني وتسوج كيما فرقة ابو زاهر ياخي تعرفيها شحال من مرة وراوها في التليفيزيون ولعقوبة عند ولادك تشوفيهم ناجحين وبديارهم

[أم ياسين الزهراء]

ام ناجي راهي الكينوكسو ثقيلة بزاف ماقدرش نرد عليك غدوة صباح اذا حب ربي

[ام ناجي]

السلام عليكم ورحمة الله وبركاته

وين راكم

ما نحبش كي ندخل لملتقانا نلقاه فارغ

[ام ناجي]

واش راهم اخباركم

ادخلو احكيولنا شوية

راه الملل و الروتين بدا يتسلل لملتقانا

[ام ناجي]

اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[ام ناجي]

http://forum.hawahome.com/nupload/214054_1291207370.jpg

[بنفسجة]

السلام عليكم و رحمة الله تعالى و بركاته
واش راكم البنات؟ :rroo:

[زينة الحياة الدنيا]

السلام عليكم,,

وش راكي ام ناجي ؟؟...

انا ندخل غير العشية كي نروح من الجامعة نضرب طلة ,,ومانلقاكمش,,

وكي يوكون المورال في الزيرو ماعندي مانحكي,,

[زينة الحياة الدنيا]

السلام عليكم و رحمة الله تعالى و بركاته
واش راكم البنات؟ :rroo:

وعليكم السلام,,,نحمدو ربي,,وانتي وش راكي؟

[بنفسجة]

بنفسجة راكي قربت ربي يسلكك على خير لكان جيتي قريبة مني نعطيلك حوايج ياسين حتى من البيبرو كلش كاين
إن شاء الله راهو دخل ديسمبر و هو نفس الشهر لي تولدت فيه أنا و الطبيبة قالتلي تزيدي في نهايته أو بداية جانفي .
أم ياسين حبيبتي و الله بكيتيني ..~~~ أنا حتى سلفاتي زوجات إخوان زوجي رغم أنهم عاملات و لاباس عليهم ما مدولي والو من حوايج أولادهم بصح ما عليش ربي يرزق زوجي و يجيب لي و للبيبي..~~~ .. ربي يعطيك الصحة و يشهد على محبتك في قلبي كيما أختي :68:.

[بنفسجة]

قبل مانحكيلكم على العرس ادعولي لياسين بالشفاء مرضلي من العرس دايما عراس الشتاء يجيبو المرض
ربي يشفيه و يعافيه و إذا كان مرض من البرد ديريلو القرنفل و الفيكس في رجليه..و عطيه الليمون و الكمون و العسل .و إذا كان يكح دهنيله صدره بزيت الزيتون و ديري الكمون فوقه و لميله صدره بالجريدة طبعا هذا في الليل.و ربي يخليه لك و يشفيه و يعافيه.

[بنفسجة]

وعليكم السلام,,,نحمدو ربي,,وانتي وش راكي؟
الحمد لله واش الأخبار حنونة؟ ربي يوفقك ما راكيش تقري اليوم؟

[بنفسجة]

بنفسجه ربي يسر عليك الولاده و يشفيك من كل الأسقام و الأوجاع و هذا الدعاء يذهب عنك السقم و الضر بإذن الله (( توكلت على الحي الذي لا يموت و الحمد لله الذي لم يتخذ ولدا و لم يكن له شريك في الملك و لم يكن له و لي من الذل و كبره تكبيرا))
آآآآآآآآآآىىمين يا رب العالمين و بارك الله فيك على الدعاء.:rroo:

[بنفسجة]

كيفاش راه الجو في وهران؟

[بنفسجة]

أم ناجي راهي متصلة بصح تكون راقدة ....
حقى ما قلتيليش على الوصفة نتاع السمنة -الكرموس و الحلبة - قلتي عليها ليسرى...كيفاش نعملها نسيت.

[زينة الحياة الدنيا]

الحمد لله بنفسجة رانا بخير,,,

قريت اليوم ورجعت ع ال2,,,

النو راهي تصب والبررررد

[بنفسجة]

يسرى واش بيك راني نهدر غير وحدي؟

[بنفسجة]

هنا سقطت أمطار قليلة الليلة الماضية.

[زينة الحياة الدنيا]

الانترنيت تقييييييلة ...!!

[زينة الحياة الدنيا]

والجو كئيببببب ووووع ,,,

بنفسجة خاصتني صينية قهوة وحكاايات,,,

لو كان راكي قريبة نجي عندك هههه

[بنفسجة]

والجو كئيببببب ووووع ,,,

بنفسجة خاصتني صينية قهوة وحكاايات,,,

لو كان راكي قريبة نجي عندك هههه
يسرى الحمد لله على كل حال حبيبتي كل شيء من عند ربي زين ...
و الله مليون مرحبا بيك بصح رانا بعاد على بعضنا واش الحل؟؟؟ هههههه.

[ام ناجي]

على سلامتكم
الانترنت راهي تقيلة

[بنفسجة]

هذا وقت العصر نروح يسرى و نخليك على خير:rroo:...سبحانك اللهم و بحمدك أشهد أن لا إله إلا أنت أستغفرك و أتوب إليك.

[ام ناجي]

مين جيت انا هربتو
ههههههههههههه
بنفسجة
ماشي مشكل من بعد راني نبعتلك الوصفة

[بنفسجة]

ربي يسلمك أم ناجي واش الأحوال؟؟؟

[بنفسجة]

واش أخبار الخدمة و الأولاد؟؟؟

[بنفسجة]

مين جيت انا هربتو
ههههههههههههه
بنفسجة
ماشي مشكل من بعد راني نبعتلك الوصفة
بارك الله فيك ...بصح قوليلي الوصفة هاذي مجربة و لا غير سمعتي بيها؟ خاصني وصفة مجربة و نتايجها مضمونة.

[زينة الحياة الدنيا]

انا نخليكم عندي بحوث ياربي نبدا فيها,,,

تعيشي بنفسجة ان شاء الله نشربو القهوة عندك وفي فرح اولادك ان شاء الله,,

ام ناجي راني متوحشتك ,,^^

اتهلاو في رواحكم,,

تحياتي للجميع

[بنفسجة]

بالسلامة يسرى و ربي يبارك فيك و يوفقك...و أنت أم ناجي اسمحيلي نروح .

[أم ياسين الزهراء]

على سلامتكم واش راكم كامل احنا البارح الريح قلب الدنيا ورغم انه منهي نسبو الريح بصح انا مانحبش الريح نخافو بزاف:80::80::80:

[أم ياسين الزهراء]

بنفسجة حنونة ربي يرزقك من حيث لاتحتسبي وماديريش في بالك الصغير اللي يجي يجيب معاه رزقو واحنا في عائلتنا اللي تكمل من تربية صغير تعطي للاخرى وهكى ربي يهدينا

[أم ياسين الزهراء]

ام ناجي اختي في الله احلى هدية لي هي معرفتي بيك حنونة وربي يفتحها عليك

[أم ياسين الزهراء]

ام ريان وين راكيماتبانيش بزاف غير الخير

[أم ياسين الزهراء]

منال ربي يعاونك ويرجعك لينا القعدة بلا بيك شوي ناقصة هيا ربي يشفيك بلخف حنونة

[أم ياسين الزهراء]

بنفسجة اتهلاي في روحك وماتنسايش كثري من الحليب راهو مليح بزاف ليك وربي يسهلك على خير

[أم ياسين الزهراء]

زينة ربي يعاونك حتى انا وليدي بدا يكره من القراية قال بزاف وانا راني غير نصبر فيه ربي يعاونكم

[أم ياسين الزهراء]

غدوة اخر يوم في الامتحانات والسبت يبداو تاع الابتدائي ربي ينجح كامل اولادنا

[أم ياسين الزهراء]

هيا كثرت الهدرة وكانت في خاطر اختي الصغيرة ام ناجي نخليكم وصل وقت المغرب وندعيلكم ربي يفتحها عليكم اجمعين اللهم اميييييييييييييييييين

[أم ياسين الزهراء]

صباح النور على الجميع

[أم ياسين الزهراء]

هيا الفنيانات شوي قفازة ـ2ـ2ـ2

[بنفسجة]

السلام عليكم و رحمة الله تعالى و بركاته

[بنفسجة]

واش أخباركم؟ إن شاء الله تمااااااااااام

[بنفسجة]

أم ياسين بارك الله فيك راني نشرب في الحليب شفتي كيفاش نسمع الكلام هههه.

[بنفسجة]

أدعولي ربي يهون علي و ييسر ولادتي.

[بنفسجة]

ربما راني غير وحدي.....ما عليش كل وحدة معذورة .

[بنفسجة]

أخواتي ادعولي ربي يرزق زوجي الرزق الحلال و الله ما قدرتش نتحمل الكلام الجارح.

[بنفسجة]

كل من هب و دب صار يرميلي الكلام وعلاش شافوني ساكتة وما نردش على روحي تماداو بصح ما نقول غير: حسبي الله و نعم الوكيل .

[بنفسجة]

اللهم ياسامع الصوت و يا سابق الفوت و يا كاسي العظام لحما بعد الموت أسألك بأحب أسمائك إليك أن تفرج همي و تحفظ حملي و ترد كيك المكيدين في نحورهم .

[بنفسجة]

اللهم يا رب من أرادني و حملي بسوء فرد كيده في نحره و اته من حيث لا يعلم .

[بنفسجة]

حسبي الله و نعم الوكيل...

[بنفسجة]

آآآآآآآآخ يا حباباتي مرات نحس بأني أنا في حد ذاتي سبب تعاستي و بكائي و شقائي.

[بنفسجة]

كيفاش لا و أنا دايما صامتة نسمع الكلام و ما نردش على روحي ...

[بنفسجة]

ربي يهون علينا جميعا...

[بنفسجة]

لا إله إلا الله محمد رسول الله.

[بنفسجة]

حسبي الله و نعم الوكيل يا رب وكلتك على كل من ظلمني يا رب يا رب يا رب...

[أم ياسين الزهراء]

بنفسجة نصيحة من مجربة ماترديش خلي ربي يتولاهم انت اصبري برك وربي يفتحها عليك حنونة

[أم ياسين الزهراء]

غدوة عندي ضياف ربي يسهلي ويجي كلش بنين راح ندير شربة فريك وكفتة بالزيتون وجاج محمر وطجين حلو راح ندير معاه السفرجل ادا قدرت راح نصور كلش ان شاء الله يكون كلش مليح

[بنفسجة]

السلام عليكم و رحمة الله
بارك الله فيك أم ياسين و ما تنسايش تدعيلي اليوم الجمعة كاين ساعة لا ترد فيها الدعوة...
و ربي يعاونك على الضياف و بربي كل شيء يكون بنين و زين {" .

[بشرة خير]

مافيش حد هنا كمان
امرى الى الله

[زينة الحياة الدنيا]

بنفسجة...خليها على ربي..وماتقلقيش روحك,,

ماشي مليح ليك الزعاف..

اتهلاي في روحك وفي البيبي,,,عندك اولادك وزوجك هما الكنز تاعك في هاد الدنيا,,

الباقي كامل مايزيدوا ماينقصوا فيك,,ماتعطيهمش اهمية,,,

[أم ياسين الزهراء]

السلام عليكم ورحمة الله وبركاته


واش راكم وحدة مابانت فيكم غير الخير

[أم ياسين الزهراء]

اللهم صل على محمد وعلى آله وصحبه أجمعين

اللهم صل على محمد وعلى آله وصحبه أجمعين

[أم ياسين الزهراء]

يوم موفق للجميع:rroo::rroo::rroo::rroo::rroo:

[أم ياسين الزهراء]

صحى غداكم وربي يسمعني اخبار الخير عليكم

[أم ياسين الزهراء]

ام ناجي واش راكي حنونة خير برك مابنتيش

[أم ياسين الزهراء]

انتم كيما احنا عندكم مشكل في الكونيكسو راهي دارت في حالى

[manel-nina]

السلا عليكم حبيباتي, تواحشتكم بزااااااااااااااف وراني نحس الكل حزين وراهو يمر بفترات صعبة في حياتو والمشكلة كي جات جات على ضربة والتجمع راهو حزين جاني البكا كي شفت الصفحات التاع االجزء هذا, المهم نحب نذكركم هذا كلو قضاء الله وقدره وما لنا من مهرب ولا مخرج سواه فوكلوا أموركم إلى الله واستودعوه أنفسكم واهليكم فهو اللذي لا تضيع ودائعه سبحانه أكثروا من الدعاء والإستغفار ولندع لبعضنا بظهر الغيب فربما تكون احدانا سببا في فك هم وكرب أختها. أحبـــــــــــــــــكن في الله
منــــــــــــــــــــــــــــــــــــــال

[manel-nina]

منال ربي يعاونك ويرجعك لينا القعدة بلا بيك شوي ناقصة هيا ربي يشفيك بلخف حنونة

هههههههههههه ناقصة شوي برك "R:"R: يعطيك الصحة حبيبتي ويخليك:68::68: وبصحتك العرس سخفتيني عندي بزاف ماهبطتش للعراس ديالنا الله الله الزرنة والرحابة والمالوف الزين, كرهت العراس التاع الدزاير يبهدلو, اشرب قهوتك واهرب, ماكان حتى بنة *)*) , بصح وخدتينا ماشي كون ديتينا يسرى ولا انا لوليد سلفتك كون البنات التاع التجمع كامل حضرو "R:"R: بصح انت حبيتي تحضري وحدك ""/ـ2

[manel-nina]

كل من هب و دب صار يرميلي الكلام وعلاش شافوني ساكتة وما نردش على روحي تماداو بصح ما نقول غير: حسبي الله و نعم الوكيل .

:68::68::68::68::68::68::68::68::68::68:
:rroo::rroo::rroo::rroo:

هذو هوما الناس يا بنفسجة وهذو هوما ديار العائلات, كل واحد كيفاش تربى والتربية تختلف من بيت لبيت, وبما أنك قررتي تتزوجي في دار العايلة ماعليك إلا الصبر وتحمل نتائج قرارك حبيبتي, وإن شاء الله فيه خير وصبرك هذا وكي ماراكيش تديري لزوجك المشاكل مع أهلو راح تدي عليها اجر كبير. فزيدي اصبري حبيبتي عسى ربي يفرجها عليك مع قدوم المولود الجديد. آآآآآآآآآمييييييييييين

[ام*عبدالله2006]

صباح الخير عليكم
واش راكم حبيباتي ان شاء الله بخير
واش أخبار ام ناجي ليا فترة ماشفتها
يارب تكون بخير

[أم ياسين الزهراء]

صباح النور ربي يفتحها عليكم ويسهل كل اموركم

[أم ياسين الزهراء]

على سلامتك منال لعقوبة ليك حنونة

[أم ياسين الزهراء]

صباح الخير عليكم
واش راكم حبيباتي ان شاء الله بخير
واش أخبار ام ناجي ليا فترة ماشفتها
يارب تكون بخير



وصباحك اسعد حنونة ام ناجي ادعيلها ربي يفتحها عليها وتمر ازمتها على خير

[قلب راض]

السّلام عليكم ورحمة الله وبركاته


أسعد الله صباحكن جميعا
كيف الأحوال؟
اشتقت لكل المجموعة
إن شاء الله تكونو الكل بخير
لمست في أعلى الصفحة ملمس الحزن
أسأل الله أن يبعد عنكن كل مكروه ويفرج لكن كل الهموم

[ملكةبيتها]

السلام عليكم و رحمة الله و بركاته
كيفكم خواتي ؟
بنات حبيت اسالكم عن ام ناجي
ايش اخبارها ؟ ان شاء الله تكون بخير
و الله قلقت عليها لها فتره ما بانت
يااااااا رب تكون انحلت مشكلها ربنا يفرج همها و يزيل كربها ياااااااا رب
سلمو عليها كثييييييييييييير

[بنفسجة]

السلام عليكم و رحمة الله تعالى و بركاته
واش الأحوال أخواتي ربي يهون على كل وحدة و يحقق أمانينا كلنا...
منولة على سلامتك أختي ياترى وصلتك الرسالة و لا لا؟ راني بعثتلك برقم هاتفي بصح رقم هاتفك ما لقيتهش في الرسالة ما ظهرش و أنت كتبتيلي: هذا رقمي؟؟؟ كيفاش؟؟؟ على كل راني نستنى تهدري معايا :10:.

[بنفسجة]

أخواتي غدا إن شاء الله عندي كونترول مع الطبيبة ربي يجيب الخير ...ادعولي.
ليكوغرافي تاع الشهر التاسع مازال ما درته الأسبوع الجاي إن شاء الله...
اسم البيبي مازال ما قررتش واش نسمي ،)،و موعد الولادة قرب بزااااااااااف :80:.

[بنفسجة]

ربي يسهل على كل واحدة فينا.
نحبكم في الله.
و ما تنساوش تدعولي ربي يهون علي و يرزق زوجي.

[زينة الحياة الدنيا]

ربي يعطيك على قد قلبك يابنفسجة,,وشكرا على الرسائل والله ديما تتفكريني وتفرحيني,,

تقومي بالسلامة ان شاء الله

[زينة الحياة الدنيا]

الحمد لله على سلامتك يامنال,,,طمنينا عليك ساعة على ساعة ماتغيبيش هكداااا,,

[زينة الحياة الدنيا]

ام ريان وام ناجي وش اخباركم؟؟..

ام ياسين وش راكي,,قالولي البرد دار حالة في باتنة,,

حتى البرد تع باتنة راني متوحشتو,,توحشت النو كي تصب ونقعد نتفرج فيها من البلكون,,توحشت الريحح تاعها كي نكون نمشي وقريب يطيرني هههه,,,

والله توحشتها بزاااااااااف,,,

[afafzo]

السلام عليكم ورهمة الله

كفاش حالكم يا بنات و واش هذا راني غير نشوف غير الحزن واش صار
توكلو على ربي و الله ما راح تشوفو غير الخير و ما راح يحلهالكم غير بالتوكل و حسن الظن بالله
و الله كنت نمر بأوقات صعبه نجلس وحدي و نبكي و نتمني غير الموت و نتهنى بالصح سبحان الله و كأن يجي واحد و يقولي أدعي الله هو اللي راح يفتحها عليك و الله ثم و الله ندعي ربي في تلك اللحضة باش ربي يكون هو الرفيق و الحبيب ليا و يكون في عوني سبحان الله و الحمد لله رب العالمين في تلك اللحظة تجف عيوني و ما تنزل حتى دمعة من بعد و تجيني حاجة تشغلني على واش كنت و ننسا واش كنت نمر عليه يا سبحان الله

أخواتي نوصييكم و نفسي بتقوة الله ثم تقوي الله ، ثم تقوي الله و ما راح تشوفو غير واش يصركم و يفرحكم و حتى تجيكم الف مشكل و مشكل راح يجوز و كلي ما صار والووووو

يا بنات كاين أدعيه لتفريج الهم و إزاله الكربات وين راكم منها

بنفسجة ربي يسهلهالك و يعطيك وقفة ساهله و كلي كل يوم التمر خصوصا في الأيام الأخيره راح تسهلك الزياده و وليدك راح يجيك حنييييييييييييييييييييييين حنييييييييييييييين و يجيك بار بيك عن تجربه جربيها و شوفي و ادعيلنا إن شاء الله دعوتك راهي مستجابه ما تنسايش إذا قدرتي تقومي الليل ربي راح يفرجها عليك جربي و شوفي و ما تنسايش خلي القرآن طول النهار في غرفتك ليك و اللبيبي راه يسمع و يحس و مليح القرآن في غرفتك

أم ناجي هذي غيبه ويييييين راكي طمنينا عليك حيرتينا و الكل راه يسأل عنك إن شاء الله تكون أزمه وعدت بربي راني ندعيلك باش ربي يفرجها عليك

أم ياسين واش حوالك و كيفاش راهم ناس باتنه راكي تقولي الريح قوي دايما هكذا الريح تحسيه راح يطير الشجر تالمو قاوي
و باقي البنات سلامي ليكم الكل و إن شاء الله راح نطل عليكم من وقت للآخر
ربي يطمنا على بعض طول الوقت يا رب

أختكم في الله عفاف

[om ahmed2010]

ازيكوا يا قمرات والله ليكوا وحشه
ام ناجي يا عسل
الشيكولاته خلصت ولا سايبه حته لاختك بسبوسه

[زينة الحياة الدنيا]

جمعة مباركة على الجميع

[ام ناجي]

السلام عليكم ورحمة الله وبركاته
واش راكم كااااااااااااااامل
راني قريت كاااااااامل الردود دياااااااااالكم حسيت بحزن كبير
سبحان الله و لا حول ولا قوة الا بالله
تعجبت كل وحدة مرة بضروف صعبة

[ام ناجي]

اليوم السبت ماشي من عوايدي ندخل المنتدى
بصح راني متوحشتكم بزاف
انا كنت في المستشفى ..مريت بضروف صعبة
ودرك الحمد لله راني لاباس
لازمني نريح شوية

[ام ناجي]

الزمو الاستغفار
استغفرو كتيراااااااااااااااااااااااااا
تنحل كربكم بادنه تعالى
انا الحمد لله كان عندي مشكل كبير
بفضل دعواتكم و بفضل الاستغفار انحلت المشكلة
الحمد لله كتيرااااااااااااااااا

[ام ناجي]

ام ياسين توحشتك بزاف..واش راكي انت و الاولاد
بصح راني زعفانة منك ???????????????
ام ريان..واش هد الغيبة...طولناه احنا الاتنين
بنفسجة....رابي يفتحها عليك..الزمي الاستغفار...وصبري وصبري وصبري
يسرى...حتى انا توحشتك..ربي يعاونك و يسهل امورك
مناااااااااااااااااال...الله يفتحها في وجهك..مشكوووووووووووورة بزاف على المكالمة
عفاف...واش بيك حنونة..الزمي الاستغفار...ربي يفتحها عليك و يصبرك على الغربة
قلب راضي..ماتنسينا من دعواتك لاخواتك في الله
ملكة ..ربي يخليك..و يرزقك الولد الصالح
ام احمد...بارك الله فيك
ام عبد الله..الله لا يحرمني منك
اشكر الكل الكل الكل ...و كل اللي سقسى عليا

[ام ناجي]

غادي نغيب عليكم مدة طويييييييلة
ماتتقلقوش عليا
ربي يفتحها عليكم كاااااامل ويفرج همومكم و كربكم
الزمو الاستغفااااااااااااااار

[ام ناجي]

{لا الَه إلا َّ الله العَظيم الَحليم، لا اله إلا َّالله ربّ ِ العَرْشِ العظِيم، لا اله إلاَّ الله ربِّ السَّماوات وربِّ الأَرض ِ ربِّ العَرشِ الكَريم}.
{يا حيّ يا قيّوم، ربِّ العرشِ العظيم}.
{اللّهم آتنا في الدُّنيا حسَنة, وفي الآَخرة حسنة ، وقنا عذاب النّار}.
{لا اله إلاَّ الله الكريم، سبحانه، تبارَك الله ربِّ العرش العظيم، الحمدُ لله ربِّ العالمين}.
{اللَّهم رحمتك أرجو فلا تكِلني إليَّ طرْفة عين، واصلِح لي شأني كلّه، لا اله إلاَّ أنت}.
{لا اله إلا َّأنت سبحانك انِّي كنت من الظالمين}.
{أعوذ بكلمات الله التَّامة من غضبه وشرَّ عباده، ومن همزات الشياطين، وانَّ يحضرون}.
{اللهم أنا عبدك ، ابن عبدك ، ابن أمّتك، في قبضتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سمّيت به نفسك، أو أنزَلته في كتابك، أو علّمته أحداً من خلقك، أو استأثرت به في علم الغيب عندك ان تجعل القُرآنَ نور صدري، وربيعَ قلبي، وجلاء َحزني، وذهابَ همي}.
{بسم الله الرَّحمن الرَّحيم، ولا حول ولا قوة إلا بالله العلي العظيم}.
{بسم الله على نفسي ومالي وديني، اللَّهم رِضني بقضائك، وبارك لِي فيما قدَّر لي حتى لا أحب تعجيل ما أخّرت ولا تأخير ما عجّلت}.
قال تعالى:{وبشّر الصّابرين* الّذين إذا أصابتهم قالوا انا لله و انا إليه راجعون* أولئك عليهم صلوات من رّبهم ورحمة وأولئك هم المهتدون*}.
قال تعالى:{الله لا اله إلاَّ هو الحي القيّوم, لا تأخذه سنة ولا نوم, له ما في السّموات وما في الأرض،من ذا الذي يشفع عنده إلا بإذنه، يعلم ما بين أيديهم وما خلفهم، ولا يحيطون بشيء من علمه إلا َّبما شاء، وسِعَ كرسيَّه السّموات والأرض، ولا يؤُوُده حفظهما، وهو العلي العظيم}.
قال تعالى:{لله ما في السماوات وما في الأرض، وان تُبدوا ما في أنفسكم أو تُخفوه يحاسبكم به الله، فيغفر لمن يشاء ويعذّب من يشاء، والله على كل شيء قدير*آمَنَ الرَّسول بما انزل إليه من ربه والمؤمنون، كلٌّ آمن بالله وملائكته وكتبه ورسله لا نفرّق بين أحدٍ من رسله، وقالوا سمعنا واطعنا، غفرانك ربّنا واليك المصير* لا يكلّف الله نفساً الاَّ وُسعها، لها ما كسبت وعليها ما اكتسبت، ربّنا لا تؤاخذنا اِن نسينا أو أخطأنا، ربّنا ولا تحمل علينا اِصراً كما حمَلْتَهُ على الّذين من قبلنا، ربنا ولا تُحمِّلنا مالا طاقةَ لنا به، واعفُ عنّا واغفِر لنا وارحمنا، أنت مولانا فانصرنا على القوم الكافرين*}البقرة286.
آيات ست تدفع الهم والغم والخوف من الأعداء- ان شاء الله -:
1) قال تعالى:{الّذين إذا أصابتهم مصيبة قالوا انّا لله وانّا إليه لراجعون* أولئك عليهم صلوات من رّبهم ورحمة، وأولئك هم المهتدون}البقرة157
2) قال تعالى: {الذين قال لهم الناس ان الناس قد جمعوا لكم فاخشوهم فزادهم أيمانا وقالوا حسبنا الله ونعم الوكيل* فانقلبوا بنعمة من الله وفضل لم يمسسهم سوء واتّبعوا رضوان الله، والله ذو فضل عظيم} آل عمران174
3) قال تعالى: {وذا النّون اذ ذهب مغاضبا فظن انْ لَّنْ نقدِر عليه فنادى في الظّلمات انَّ لا اله إلاَّ أنت سبحانك انِّي كنتُ من الظَّالمين*فاستجبنا له ونَّجيناه من الغمّ، وكذلك ننجي المؤمنين}الانبياء88.
4) قال تعالى: {وأيُّوب اذ نادى ربّه أني مسّني الضُّرُّ وأنت ارحم الراحمين*فاستجبنا له فكشفنا ما به من ضّر، وأتيناه أهله ومثلهم معهم رحمة من عندنا وذكرى للعابدين*}الانبياء84.
5) فال تعالى: {أفوّض أمري إلى الله، إن الله بصير بالعباد*فوقاه الله سيئات وما مكروا*}غافر45
6) قال تعالى: {والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يضروا على ما فعلوا وهم يعلمون*أولئك جزاؤهم مغفرة من رّبهم وجنّات تجري من تحتها الأنهار خالدين فيها، ونعم أجر العاملين*}آل عمران136.

قال تعالى:{آلم*ذلك الكتبُ لا ريب فيه، هدى للمتَّقين*الذين يؤمنون بالغيب ويقيمون الصلاة وما رزقناهم يُنفقون* والّذين يُؤمنون بما أنزل إليك وما أنزل من قبلك وبالآخرة هم يوقنون* أولئك على الهدى من رّبهم ، وأولئك هم المفلحون*}

دعاء من خاف قوما أو عدو:
{اللَّهم انَّا نجعلك في نُحورهم، ونعوذ بك من شُرورهم}.
{لا اله إلاَّ الله الحليم الكريم، سبحان الله رب السَّماوات السَّبع وربَّ العرش العظيم، لا اله إلاَّ أنت، عز َّجارك، وجلَّ ثناؤك}.
{يا مالك يوم الدِّين، إيَّاك اعبد و إَّياك استعين}.

[زينة الحياة الدنيا]

ام نااااااااااااجي,,,,

الحمد لله على سلامتك وماعندك شر,,,

التجمع بلا بيك سامط,,,انتي الي تزهينا,,,

سلامتككككك,,وربي يشفيك...

بصح علاه رايحة تغيبي علينا,,,طلي علينا غير مرة في الاسبوع بزاف وطمنينا عليك,,,

ربي يكون معاك ان شاء الله ويحفظك ويخليك لاولادك,,,

[أم ريان dz]

السلام عليكم جميعا توحشتكم زاف ان شاء الله تكونوا بصحه جيده و عافيه كانت عندي ضروف بسببها لم أتصل بكم و لكم مني هية الشوق إليكم

http://lescreasdekathy.l.e.pic.centerblog.net/qwbfi5ky.gif

[أم ريان dz]

اللهم لك الحمد حمدا كثيرا مباركا فيه على سلامة أختنا في الله أم ناجي نسأل الله لكي الصحه و العافيه و السلامه من كل داء و فرج الله همومك و كروبك
http://35.img.v4.skyrock.net/35a/alresalh/pics/1589750824_small.jpg

[أم ريان dz]

عزيزتي بنفسجه ربي يسهلك الولاده و يرزق زوجك من حيث لا يحتسب و فرج الله همومك كلها و أبدلك بها أفراح و مسرات عليك بالأستغفار

[أم ريان dz]

سلامي الحار مع أشواقي الفياظه لكل صديقاتي في المنتدى أم ياسين و أم ناجي و بنفسجه و منال و يسرى و عفاف حفظكن الله و رعاكن

http://www.aa33m.com/up//uploads/images/aa3m85a0fc4be3.jpg

[أم ريان dz]

أمنياتي لكن جميعا بالسلامه و العافيه و ان شاء الله نلتقي قريبا معا و ندردش كي زمان
السلام عليكم و رحمة الله و بركاته
سبحانك اللهم و بحمدك أشهد أن لا إله إلا أنت أستغفرك و أتوب إليك

[قلب راض]

السّلام عليكم ورحمة الله وبركاته

وين المجموعة؟
إن شاء الله تكونوا بخير ويكون المانع خير
يوم كامل ما لقيت ولا وحدة متصلة

[أم ريان dz]

السلام عليكم و رحمة الله و بركاته وين الجماعه إن شاء الله المانع خير يارب تفرج كرب كل مهموم و تبدله حزنه مسرات بإذنك إنك على كل شيء قدير و بالإجابة جدير

[قلب راض]

ما هذا السبات؟
إن شاء الله تكونو بخير

[ام ناجي]

السلام عليكم ورحمة الله وبركاته
ام ريان مشكوووووووورة على الدعوة
توحشتكم كااامل
منال.بنفسجة..يسرى..قلب رضي ..و ام ياسين
المنتدى بلا بيكم راهو ساااااامط
اليوم دخلت باش نسلم عليكم و نقرى اخباركم

[ملكةبيتها]

السلام عليكم و رحمة الله و بركاته

اعذروني على التطفل بس فرحت لما شفت اسم ام ناجي و حبيبت ادخل اسلم عليها
ام ناجي الحمد لله على سلامتك حبيبتي كيفك و كيف صحتك الان ؟
ان شاء الله تكوني بخير
طمنينا عنك

[أم ياسين الزهراء]

على سلامتكم كان عندنا مشكل في الانترنات من المركز عليها مابنتش ام ناجي ربي يجيبلك الشفاء كينقعد راح نحكيلكم واش صرالي بلا بيكم

[أم ريان dz]

وشراكي منال ارتحتي شوي و اش اخبارك

[قلب راض]

السلام عليكم و رحمة الله و بركاته

اعذروني على التطفل بس فرحت لما شفت اسم ام ناجي و حبيبت ادخل اسلم عليها
ام ناجي الحمد لله على سلامتك حبيبتي كيفك و كيف صحتك الان ؟
ان شاء الله تكوني بخير
طمنينا عنك



أهلا بك وبالترحاب القوي يا ملكة بيتها
ولا تقولي تطفل هذه ما نقبلها
الباب مفتوح وأنت صاحبة البيت
وأنا دخلت أسأل عن أم ناجي
كيف حالها إن شاء الله أحسن

[زهرة ايار]

واش رايكم في الحياة في كندا
شكون فيكم عنها تجربة و لا معلومة
و الحجاب كيفاش ثماك
و الجامعة كيفاش السيستام

[ملكةبيتها]

أهلا بك وبالترحاب القوي يا ملكة بيتها
ولا تقولي تطفل هذه ما نقبلها
الباب مفتوح وأنت صاحبة البيت
وأنا دخلت أسأل عن أم ناجي
كيف حالها إن شاء الله أحسن



هلا بك حبيبتي
كلك ذووووووق
و الله و انا كمان قلقانه على ام ناجي
يا رب تكون بخير و عافيه :68:

[ملكةبيتها]

واش رايكم في الحياة في كندا
شكون فيكم عنها تجربة و لا معلومة
و الحجاب كيفاش ثماك
و الجامعة كيفاش السيستام

اهلين حبيبتي
معليش دخلت ارد على قلب راض و شفت سؤالك عن كندا
انا عايشه في كندا بالنسبه للحجاب عادي جدددددددا ما في اي عنصريه من ناحية الحجاب و في كثير محجبات هنا
انا اخرج بالعبايه و الحجاب و احيانا بالجلباب و الوضع عادي لان كثيييير مسلمين في كندا
انا عايشه في ولاية اونتاريو مدينة تورونتو
بالنسبه للجامعه ما عندي فكره لاني ما ادرس بالجامعه هنا في كندا
بس اللي اعرفه انها غاااااااااااليه لو على حسابك الخاص بس لو هي بعثه دراسيه طبعا غير
لو تحتاجي اي معلومات او مساعده اساليني و اعتبريني اخت لك هنا في كندا
بالتوفيق حبيبتي :68:

[أم ياسين الزهراء]

اللهم صل على محمد وعلى آله وصحبه أجمعين

اللهم صل على محمد وعلى آله وصحبه أجمعين

[أم ياسين الزهراء]

على حساب الشوفة وحدة ماتوحشتني خسارة كنتو في قلبي

[أم ياسين الزهراء]

ام ناجي ربي يجيبلك الشفاء حنونة كثري من الماء تاع البيتراف راهو مليح بزاف

[زهرة ايار]

اهلين حبيبتي
معليش دخلت ارد على قلب راض و شفت سؤالك عن كندا
انا عايشه في كندا بالنسبه للحجاب عادي جدددددددا ما في اي عنصريه من ناحية الحجاب و في كثير محجبات هنا
انا اخرج بالعبايه و الحجاب و احيانا بالجلباب و الوضع عادي لان كثيييير مسلمين في كندا
انا عايشه في ولاية اونتاريو مدينة تورونتو
بالنسبه للجامعه ما عندي فكره لاني ما ادرس بالجامعه هنا في كندا
بس اللي اعرفه انها غاااااااااااليه لو على حسابك الخاص بس لو هي بعثه دراسيه طبعا غير
لو تحتاجي اي معلومات او مساعده اساليني و اعتبريني اخت لك هنا في كندا
بالتوفيق حبيبتي :68:

شكرا ليكي حبيبتي
الله يحفظك و يخليكي
و بالنسبة لكيبيك ايش رايك كيف الحياة فيها
طيب المعيشة غالية
ممكن الوحدة تشتغل دكتوره بالعباية

[زينة الحياة الدنيا]

السلام عليكم ...

وش اخباركم كامل,,,,

توحشتكم

[أم ياسين الزهراء]

واش راكم عيتو تقفلو هذا الملف هيا شوي قفازة

[أم ياسين الزهراء]

زينة واش راكي راه وحد البرد مايعلم بيه غير ربي طاح الثلج ومنبعدها جا الجليد زراكي عارفة كيفاش يولي الحال

[أم ياسين الزهراء]

البنات راني هدرت مع ام ناجي الحمد لله ريحت شوي وحتى مشكلتها تحلت ربي يحل كل مشاكل المؤمنين اااااااااااااااااامين

[أم ياسين الزهراء]

بنفسجة واش راكي حنونة واش قربت ربي يسهلك و يسلكك على خير

[أم ياسين الزهراء]

ربي يفتحها عليكم وصحى فطوركم سلام

[أم ياسين الزهراء]

بنات روحو صوتو للعزيزة قلب راض هيا

http://forum.hawahome.com/t336573.html

[ام ناجي]

السلام عليكم ورحمة الله وبركاته
واش راكم كاااااااامل توحشتكم بزاف
توحشتكم كااامل

[ام ناجي]

ام ياسين مشكورة على المكالمة ...شحال فرحت بيك..ربي يهنيك و يحفظلك و ليداتك
شحال توحشت القعدة معاك و الحكايات معاك

[ام ناجي]

قلب راضي واش راكي حنونة
خلاص راني صوت عليك
راني قريب نرجع للمنتدى بكل قواي..حتى تملو من حكاياتي
ههههههههههه

[ام ناجي]

ام ريان..ربي يخليك..و مشكووووووورة بزاف
ربي يخليكم كاااامل ليا
خلاص بدا النشاط يرجع للمواضيع ديالنا
انتظريني

[ام ناجي]

منااااااااال
الله يحفظك و يرزق بزوج صالح و بمنصب عالي
يااااااارب

[ام ناجي]

بنفسجة واش اخبارك و اخبار البيبي
الله يسلكك على خير
وربي يرزق الرزق الحلال

[ام ناجي]

يسرى واش اخبارك
ربي يفتحها عليك ..حتى انت توحشت القعدة معااك

[ام ناجي]

السلام عليكم و رحمة الله و بركاته

اعذروني على التطفل بس فرحت لما شفت اسم ام ناجي و حبيبت ادخل اسلم عليها
ام ناجي الحمد لله على سلامتك حبيبتي كيفك و كيف صحتك الان ؟
ان شاء الله تكوني بخير
طمنينا عنك
لا حبيبتي..البيت بيتك و احنا اخوانك
بالعكس انا فرحت كتير لانك سئلتي عليا
الله لا يحرمني منكم

[ام ناجي]

احبكم في الله

[ام ناجي]

المهم
الحمد لله كيراكم كامل بخير
راني رايحة نشوف العشاء الا طاب
راني دايرة بزلوف في الفور

[أم ياسين الزهراء]

ام ناجي يتوحشك الخير وربي يهنيك ويفتحها عليك

[أم ياسين الزهراء]

شهيتيني وغدوة ادا حب ربي نقول للشاف يجيبلي بزلوف ونديرو في الفور هههههههههههههه باين نقل بزاف انا في العيد مرضت وماكليت والو لازم نخلف كلش هههههههههههههه

[أم ياسين الزهراء]

ام ريان راح تجي لباتنة في العطلة

[أم ياسين الزهراء]

انا وليدي يقرى في العطلة ربي ينجحو بالك نبدا عطلتي السمانة الجاية

[أم ياسين الزهراء]

حقى ام ناجي عجبك صوتي انت الله يبارك صوتك رووووووووووووووعة

[أم ياسين الزهراء]

يارب ياكريم يامجيب للدعاء نتلمو كيما رانا ونتلقاو في الحرم الشريف يارب يارب يارب قولوا اااااااااااااااااااااامين

[أم ياسين الزهراء]

راني حابة نوصلكم للصفحة 20 قتلك التفنين لازم دايما انا كيالعادة ماعليش المهم نوصلو هههههههههههههههههههه

[أم ياسين الزهراء]

قولولي عندكم مشكل في الكونيكسيو كيما احنا جاوبوني ربي يعيشكم اتهلاو

[أم ياسين الزهراء]

بنفسجة لازم كيتسلك على خير تخبرينا اتهلاي حنونة هكى نلاتاحو من التخمام وماتنسايش كثري من المشي هذو الايمات وكولي مليح باش ماتفشليش كثري من البركوكس

[أم ياسين الزهراء]

منال وين غبتي ولا زعفتي علي كيمارانيش ندعيلك بالشااااااااااااااااااااااااااااااوووووووووووووووو وووووووووي

[أم ياسين الزهراء]

وصلت 20 واوووووووووووووووووووووووو شحال قافزة

2020202020202020

[أم ياسين الزهراء]

اللي تحل الملف تتفكرني بالخير طبعا ههههههههههههههههه نتمسخر غير برك نخرجو على الروتين باش مانصماطوش

[أم ياسين الزهراء]

البنات لقيت في منتدى تاع الجزائر وحد لغوسات بالكابريس اللي جربتها تخبني تبان مليحة بصح خفت اذا تجي الكابريس يابية مولاتها قالت تطرى شوي انا اذا جربتها نقللكم

[أم ياسين الزهراء]

ام ناجي نسيت نقلك اعصري القارص على البزبلوف يجي روووووووووووووووووعة ويولي خفيف

[أم ياسين الزهراء]

هيا نخليكم ونروح نصلي ونعشي اولادي



احلام سعيدة

[أم ياسين الزهراء]

اللهم صل على محمد وعلى آله وصحبه أجمعين

[أم ياسين الزهراء]

مانتساوش الحمد لله الحمد لله الحمد لله على كل حال

[أم ياسين الزهراء]

الحمد لله