شَعْـبُ الجـزائرِ مُـسْـلِـمٌ وَإلىَ الـعُـروبةِ يَـنتَـسِـبْ (الملف 27) [الأرشيف]

ام ناجي

21-12-2010, 11:16 AM

نحن نودع عام" 2010 م" ونستعد لاستقبال عام جديد

2011 م . .
بقيت أيام قلائل ويرحل هذا العام بكل ما حدث فيه من لحظات . .
سعيدة كانت أو حزينة
إلتقينا . . وافترقنا . .
تعاهدنا . . وتواعدنا . .
وسوف تصبح << الذكرى >>
في عقولنا وقلوبنا . . ولن ترحل .

فـ السنين

بالأحباء أثمــن . .

ويكفي أن نحمل معاً

إبتسامة
لنفس << الـذكــرى >>
تنقذنا أحياناً من الوحدة !
لتجمل ملامحنا...

عام بعد عام تمضي بنا الحياة

وعند نهاية كل عام وبداية عام جديد
نودع العام الفائت بحزن
ونستقبل العام الجديد بسعادة وامنيات
كثيييييرة

بعضها يتحقق والبعض الاخر يبقى امنيات

حقيقة...

ومن أعمق نقطة صفاء في روحي... أقول لكم:

شكراً...

على صداقتكم

شكراً...

على ودكم ومحبتكم

شكراً...

على أوقات فرح قضيتها معكم هزمت أحزاني وأنتم لا تدرون

شكراً...

على وجودكم إلى جانبي دوماً...

وأصدق الأمنيات لكم بـ أجمل الأيام...

وبنهاية هذا الشهر...

سوف تنطوي صفحته...

وقبل أن تطوى

أقول لكم.....

إن أغلى هدية قدمتها لي الدنيا هي

معرفتكم ومعرفة قلوبكم الطيبه

فشكراً لكم ولها.....

وعذراً . . .

إن قصرت في حق شخصٍ منكم أو أخطأت...!

عذراً لقلوب أحبتني لا أعلم أهي راضية عني . .

أم ساخطة علي لفعل جهلته أو تقصير تماديت به

وليس لي أي قصد به؟

فها أنا أعيد للقلوب صفاءها...!!

كل عام وانتم بالف خير

http://forum.hawahome.com/nupload/214054_1292919201.jpg

ام ناجي

21-12-2010, 11:23 AM

ام ياسين خلاص راني رجعتلكم و فتحت الملف الجديد
حقة ...صح الكابريس من يطيب يطرى و القاطو ديالو يجي شباب
انا تعملو اختي في دارنا

ام ناجي

21-12-2010, 11:24 AM

يارب نرجعو نتلمو كي لعوايد

ام ناجي

21-12-2010, 11:27 AM

هد المرة راني حابة نحكيو على موضوع جديد
هو الناير و لا كيما يقولو تاني يناير
هي عادة جزائرية نديروها يوم 11 و 12 جانفي
راني حابة كل وحدة تحكيلنا واش تطيب و تاني كيفاش تجوزوه مع اولادكم

ام ناجي

21-12-2010, 11:29 AM

يالله شوية نشاط

ام ناجي

21-12-2010, 01:03 PM

ام ياسين صح عجبك صوتي

حتى انت ماشاء الله ..تعجبني رزانتك...بصح حسيتك ماتحكيش بالدزيرية..وليتي تحكي كي شاوية

ام ناجي

21-12-2010, 06:35 PM

ام ريان جيت جري لما شفتك متصلة
على سلامتك حنونة

أم ريان dz

21-12-2010, 06:35 PM

السلام عليكم و رحمة الله و بركاته
مبروك علينا الملف الجديد و ان شاء الله يكون عام 2011 عام خير و بركه علينا و على كل الأمه الإسلاميه
و بارك الله فيك أم ناجي على الإفتتاحيه الرائعه

أم ريان dz

21-12-2010, 06:37 PM

أهلا أم ناجي توحشتك بزاف وشراكي حنونه هذي غيبه
حتى أنا جيت جري للملف كيشفتك متصله

ام ناجي

21-12-2010, 06:37 PM

الله يبارك فيك حنونة
واش راهم الاولاد
كاش كونجي ..وين راكي معولة تمشي...تزوري هد المرة الاهل في باتنة و لا
لالا

أم ريان dz

21-12-2010, 06:38 PM

و الله هذي فرصه نسأل على كل الأحباب أم ياسين و بنفسجه ومنال و قلب راض ان شاء الله تكونونا كلكم بخير

أم ريان dz

21-12-2010, 06:40 PM

الأولاد بخير الحمد لله يسال عليك الخير و الهنا وشراهم ولادك حتى أنت
و الله كنت معوله نروح لباتنه بصح جات الضروف عكس واش بغيت

أم ريان dz

21-12-2010, 06:42 PM

زوجي راح يجيب الماصو باش يعاود الكوزينه من جديد نبدل كلش ان شاء الله

ام ناجي

21-12-2010, 06:44 PM

انا راني الحمد لله و حتى الاولاد تاني
بصحتك تعاوديها بالصحة و الستر انشاء الله

أم ريان dz

21-12-2010, 06:46 PM

وشراكي أم ناجي سمعت كنت مريضه واسبيطار و الله ماني فاهمه والو
ربي يشفيك و يعافيك وترجعي خير من بكري تتحل مشاكلك كلها و يرجع كل شيء مجرد ذكرى عابره

ام ناجي

21-12-2010, 06:47 PM

لبنات راهم الحمد لله
ام ياسين و منال راهم لاباس عليهم
بنفسجة راهي قريب تزييد
يسرى للاسف ماعنديش خبر عليها و حتى قلب راضي راهي غايبة شوية
راكي عارفة لاكونكسيون في بلادنا
معليش اقعدي في دارك راهو البرد في باتنة

أم ريان dz

21-12-2010, 06:49 PM

انا دخلت اليوم طله برك كاشمه نعرف أخباركم و الحمد لله حليتو ملف جديد و كلش بخير كشما عندك أخبار على بنفسجه؟

ام ناجي

21-12-2010, 06:51 PM

ايه مريت بضروف صعيبة
انا كنت نشرب في دواء لخطرش كان عندي التهاب في الرحم
وما كنتش نعرف بلي عندي حساسية لهاد الدواء
بدا راسي يوجعني و بديت حاشاك نتقيىء و تعبانة و ارجع لوني اصفر
كي مشيت للطبيب قالي ادخلي للسبيطار المهم انا ماحبيتش نقعد فيه
مشيت لعد طبيب زميلي عنده لابوراتوار دارلي كامل التحاليل
لقى بلي الدوا دارلي لانيمي
ودرك راني الحمد لله
باقي شوية اتار بصح راح تزول بالوقت

ام ناجي

21-12-2010, 06:53 PM

راني حكيت مع منال قالتلي بلي باقيلها وحد 20 يوم و تولد

أم ريان dz

21-12-2010, 06:56 PM

الحمد لله كي جات سلامات ربي يحفظك من كل شر و ان شاء الله يرزقك ببنوته زينه كيما تحبي قولي آمين

أم ريان dz

21-12-2010, 06:58 PM

ربي يسلكها على خير ويرزق زوجها رزق طيب و مبارك فيه

أم ريان dz

21-12-2010, 07:00 PM

أم ناجي نبقيك على خير راح اندير لعشاء راهم عقابي قالولي نوضي تطيبي العشاء

أم ريان dz

21-12-2010, 07:04 PM

سبحان الله و الحمد لله و لا حول و لا قوة إلا بالله
اللهم صل و سلم على المصطفى و على آله و صحبه و سلم
سبحانك اللهم و بحمدك أشهد أن لا إله إلا أنت أستغفرك و أتوب إليك

أم ياسين الزهراء

21-12-2010, 07:52 PM

ام ناجي بارك الله فيك على الافتتاحية الممتازة ومبروك الملف الجديد

أم ياسين الزهراء

21-12-2010, 07:54 PM

ربي يسلك بنفسجة على خير

أم ياسين الزهراء

21-12-2010, 07:55 PM

ام ريان الحمد لله اللي راكي بخير هذي غيبة وين راكي غاطسة

أم ياسين الزهراء

21-12-2010, 07:57 PM

ام ناجي نسيتي بلي راني هنا 20 سنة الله يبارك وتحبيني نبقى نهدر كيما زمان بوه علي دايرين بي من كل الجهات هههههههههههههههه

أم ياسين الزهراء

21-12-2010, 07:59 PM

هذا سلام مني لكل البنات قلب راض ام ناجي ام ريان ماريا عروسة جيرانا العزاز ومنال وعفاف والعزيزة الصغيرة بنفسجة ربي يسهللها في الزيادة اللهم امين

أم ياسين الزهراء

21-12-2010, 07:59 PM

حقى ام ناجي راني درت القاطو جا رووووووووووعة

أم ياسين الزهراء

21-12-2010, 08:00 PM

اليوم درت محشي في لبفور اللي سخفت مرحبا بيها هيا نخليكم غدوة ان شاء الله

ام ناجي

22-12-2010, 12:33 PM

حقى ام ناجي راني درت القاطو جا رووووووووووعة
بصحتك يعطيك الصحة ’(’( ما تنسايش افليكسيلي شوية ههههههه

ام ناجي

22-12-2010, 12:34 PM

واش كاااااااااااااش جديد على بنفسجة
ربي يسلكها على خير....

ام ناجي

22-12-2010, 12:35 PM

ام ريان راني غير نستنى فيك توريلنا الفراش اللي خدمتيه
نسيتي وعدك

ام ناجي

22-12-2010, 12:36 PM

منااااااااااااال حنونة..راكي طولتي الغيبة
واقيلا لقيتي كاش شاوي راكي لاهية معاه
هههههههههههههه

ام ناجي

22-12-2010, 12:37 PM

قلب راضي
يا قلب منتدانا
وين راكي حنونة
توحشناك

ام ناجي

22-12-2010, 12:38 PM

يسرى حنونة..وين راكي
واقيلا راكي في باتنا تجوزي في العطلة
طلي علينا برك

ام ناجي

22-12-2010, 12:39 PM

عفاف..يارب تكوني بخير..و تكون الازمة ديالك جازت على خير

أم ياسين الزهراء

22-12-2010, 01:13 PM

احلى صباح لزينة البارح نسيت نسلم عليها ااااااااااااااااااااااااااااااااااااااااااسفة حنونة

أم ياسين الزهراء

22-12-2010, 01:14 PM

ام ناجي مايكون غير على خاطرك

ام ناجي

22-12-2010, 01:18 PM

صباح الخير حنونة
واش راكي
كاش برد عندكم

ام ناجي

22-12-2010, 01:18 PM

راني نستنى باش تجاوبوني على عاداتكم في الناير

ام ناجي

22-12-2010, 01:23 PM

واش بيك ساكتة
واقيلا نسيتي الكوكوطة فوق النار انحرقت
هههههههههههه

ام ناجي

22-12-2010, 05:12 PM

قلب راضي راهي تقولكم بلي توحشتكم كااااامل و توحشت القعدة ديالنا
بصح للاسف عندها مشكل في لاكونكسيون
ما راهيش تقدر تدخل للمنتدى بزاف

أم ياسين الزهراء

22-12-2010, 06:14 PM

حتى انا عندنا مشكل في الكونيكسو وقالوللنا دوق نعدلو الحالة ورانا نستناو

ام ناجي

22-12-2010, 06:17 PM

واش كاش برد عندكم
كاش فاكونس

أم ياسين الزهراء

22-12-2010, 06:17 PM

ام ناجي هنا مالقيتهمش يديرو التراز او يناير كنت في دار بابا نديروه ونخدمو الرشتة بمرقة الجاج والحميصة واوووووووووو بنينة خاصة كينديرها انا هههههههههههههه ونشرو الحلوى مخلطة بالجوز واللوز والكاوكاو وكل الخير وحتى التمر ونديرو فيها سهرية رووووووووووووووووعة اه فكرتينا في ايامات زمان

أم ياسين الزهراء

22-12-2010, 06:18 PM

على سلامتك ام ناجي .....Z.....Z.....Z واش راكي

أم ياسين الزهراء

22-12-2010, 06:20 PM

واش كاش برد عندكم
كاش فاكونس

راح البرد وراح الثلج ربي يجيب الخير غير الجليد

ماكانش فاكونس ولادي عندهم ليكور

أم ياسين الزهراء

22-12-2010, 06:21 PM

واش ريحتي شوي

أم ياسين الزهراء

22-12-2010, 06:22 PM

عفاف..يارب تكوني بخير..و تكون الازمة ديالك جازت على خير

ربي يسهللها الغربة والازمة ربي معاها :rroo::rroo:

أم ياسين الزهراء

22-12-2010, 06:23 PM

ام ناجي وين راكي ـ2ـ2ـ2 راني نهدر مع روحي :80::80::80:

ام ناجي

22-12-2010, 06:23 PM

انا راني الحمد لله.....انا نحب ندير لولادي الناير و حتى زوجي
في الغرب يطيبو الشرشم ..تعرفيه و لا لالا

أم ياسين الزهراء

22-12-2010, 06:25 PM

نعرف الشرشم احنا نديروه كيخرج الصغير سنانو نموت عليه

ام ناجي

22-12-2010, 06:26 PM

لالا حنونة
راني نقرى واش كتبتيلي

تعرفي زوجي اليوم بدا يصوم في شهريين متتاليين
حمقني من عقلي..قتلو لاكسيدو درتها انت و خوك و هو اللي كان يسوق..مشي انت يعني هو اللي قتل
قالي السيارة ديالي لازمني انا نصوم و نصفي رقبتي مع ربي
مالقيتش واش ندير معاه

أم ياسين الزهراء

22-12-2010, 06:26 PM

ام ناجي راح نحوس شوي في المنتدى ونعاود نولي نلقلى واش كتبتي

أم ياسين الزهراء

22-12-2010, 06:28 PM

حنونة دوق نسقسي زوجي هو يعرف الدين مليح ويفتي ونقلك يصوم ولا لالا ربي يسهل

ام ناجي

22-12-2010, 06:29 PM

انا عمري ما طيبتو بصح هد العام راني ناوية نطيبو انشاء الله

أم ياسين الزهراء

22-12-2010, 06:29 PM

الشرشم ساهل وبنين

أم ياسين الزهراء

22-12-2010, 06:31 PM

ام ناجي زوجي قالك مايصومش لانه ماشي هو اللي كان يسوق وحتى ولو السيارة انتاعو ماعندها حتى علاقة اللي ساق هو المسؤول على الحادث وزيد بالزيادة لكان كان في حافلة وصرى الحادث يصوم

ام ناجي

22-12-2010, 06:33 PM

يوم الجمعة راني رايحة لعند عجوزتي ...راني نخمم على البرد
راني حابة ندي غير ولدي الصغير
نقعد غير ليلة و نرجع

أم ياسين الزهراء

22-12-2010, 06:34 PM

وعلاه خوه الكبير مايروحش اديهم واتهلاي فيهم برك مايكون غير الخير

ام ناجي

22-12-2010, 06:36 PM

ام ياسين فهميه مليح
شوفي قوليلو بلي خوه هو اللي كان يسوق عندو بارمي بصح ما يعرفش
كان زوجي يقولو اعفس على امبرياج ...يعفس خوه و زوجي بجنبه يبدل لافيتاس بيدو برك و زيد خوه هو اللي كان شاد الفولون و ليبيدال
قالي كي كنت انا نبدله في ليفيتاس بيدي يعني راني مشاركه في الجريمة

ام ناجي

22-12-2010, 06:38 PM

ماحبيتهش يروح لاخطرش كامل راهم جايين و جاييبين اولادهم و زيد يقعد يلعب في الحوش و يقلقوني

قتلو اقعد عند ماما و هبط معاك البلاي ستايشن العب مع وليد اختي

ام ناجي

22-12-2010, 06:39 PM

4 ( الأعضاء 1 والزوار 3)
مرحبى بزوار

ام ناجي

22-12-2010, 06:42 PM

وين رحتي و خليتيني وحدي

أم ياسين الزهراء

22-12-2010, 06:43 PM

وليدي ياسين نحالى الخيط تاع التريسيتي سكارة في

أم ياسين الزهراء

22-12-2010, 06:45 PM

حنونة قالك مادام عندو بارمي خوه المسؤول اسفة ماقريتش مليح عمبالي ماعندوش بارمي ثم تتبدل الحكاية

ام ناجي

22-12-2010, 06:47 PM

هههههههههههههههههههههههه
ربي يخليهولك

انا تاني وليدي لكبير كان يلعب ماتش في البلايامس بالليل مين كان قريب يكمل و يربح جا خوه الصغير قالو اعطيني نعب ..قالو راني قريب نكمل
غفل خوه و طفالو البلاي
كلش راح...لاخطرش لاكات ميموار كانت معمرة
قالو شوف كل ما نقولك اعطيني نلعب ..تعطيني و لا نطفيهولك
ههههههههههههههه
شونتاج

أم ياسين الزهراء

22-12-2010, 06:48 PM

كيعاد هكى ماتديهمش في زوج الحوش بارد خاصة اللي ماولفش بيه روحي وحدك وازهاي

أم ياسين الزهراء

22-12-2010, 06:50 PM

انا كيجي خوه الكبير يباصينا خلا يتشارج فيلم وكان قريب من النهاية ودوق كلش راح مانعرفش واش راح نقولولو من 1 تاع لعشية وهو يتشارج

ام ناجي

22-12-2010, 06:52 PM

لالا ماهوش قتل عمدي...لاخاطرش الرودة هي اللي انفجرت علاحال حفرة في الطريق
رانا درنا كاااااامل الواجب مع اهل الميت ..عطيناهم الدية و العشا و تسامحنا معاهم و حتى الدولة اعطاتهم حقهم

هكدا قالي زوجي راني مشاركه

المهم ايلا حب يصوم يصوم ..بصح مايقلقنيش على الماكلة ههههههههه

ام ناجي

22-12-2010, 06:54 PM

هااااااااااااااااااااااااااا
باصيتي معاه
ههههههههههههههه
قوليلي انا خاطيني شوف باباك
هههههههههه

أم ياسين الزهراء

22-12-2010, 06:55 PM

راني قتلك نحساب ماعندوش بارمي وزيذ اذا حب يصوم خليه ربي يقبل عليه ويثبتو على الايمان هذي من اخلاق المسلمين وانت واش درت ماكلة ياكل والنهار راهو قصير ثم ثم يفوت ربي يثبتو

أم ياسين الزهراء

22-12-2010, 06:57 PM

وين راكي انا رحت لملف المصريين ولقيت خبر على بيبو راهي حامل ربي يكملها على خير

ام ناجي

22-12-2010, 06:58 PM

صحيتي ام ياسين على النصيحة و ربي يخليلك و ليداتك و زوجك
اتهلاي في روحك
نتلاقاو غدوة ان شاء الله

أم ريان dz

22-12-2010, 11:32 PM

أم ريان dz

22-12-2010, 11:35 PM

تحياتي لكل الاحباب
أم ياسين و أم ناجي وبنفسجه و منال و يسرى و قلب راض
ان شاء الله تكونوا كلكم بصحه و عافيه و الهناء و راحة البال

أم ريان dz

22-12-2010, 11:40 PM

بنفسجه ربي يسلكك على خير و تتهناي و يرزق زوجك
ما هي إلا أيام و كلش يفوت المرض و الألم و ربي هو الرزاق يرزق الطير في جو السماء قادر على أن يبدل حالك من حال إلى حال سبحانه
عليك بالصبر و التوكل على الله و الإستغفار

أم ريان dz

22-12-2010, 11:54 PM

أم ناجي مازلتي فاكره الفراش ههههه عندك ذاكره مليحه
انقولك باللي قريب نكملو راني في المسند بصح خلصلي اللون الاخضر و ما لقيتش كيفو و الأورقونزا وردي عنابه كامله قلبها زوجي و ما لقاهمش
راني طولت ما كملتوش ؟ خاطر ما نخدمش فيه ديما و كي نلقى الميكرو ننساه ههههههه
بصح خرج رووووووووووووعه

ام ناجي

23-12-2010, 11:01 AM

السلام عليكم راني غير وحدي ضرك راهي 9ونص تاع الليل هذا وين قعدت وقريت كلش و عرفت بالأكسيدون ربي يكون مع زوجك وخوه خليه يسأل الشيخ و هو يجاوبو ربي قال( واسألوا أهل الذكر إن كنتم لا تعلمون)

وعليكم السلام و رحمة الله و بركاته
لاكسيدون قديم وقعلهم في مارس 2009
واش راكي حنونة
مزية اللي طليتي علينا

ام ناجي

23-12-2010, 11:02 AM

صباح الخير ام ياسين
واش راكي و اش راه الجو عندكم
اليوم راه الجو مغيم و مشتي و الريح دايرة حالة

ام ناجي

23-12-2010, 11:04 AM

‏أم ياسين الزهراء (http://forum.hawahome.com/u184662.html)+
ام ياسين هدي انت و لا الفانتوم ديالك

ههههههههههههههههههههه

أم ياسين الزهراء

23-12-2010, 12:59 PM

‏أم ياسين الزهراء (http://forum.hawahome.com/u184662.html)+
ام ياسين هدي انت و لا الفانتوم ديالك

ههههههههههههههههههههه

صباح النور

هداك الفنتوم انتاعي دخلت طليت وخرجت رحت نزنق في المنتديات الاخرين هههههههههههههههههههه

أم ياسين الزهراء

23-12-2010, 01:00 PM

على سلامتك ام ريان واش راكي

أم ياسين الزهراء

23-12-2010, 01:00 PM

بنفسجة حنونة واش راكي ربي يسهلك هذو الايامات

أم ياسين الزهراء

23-12-2010, 03:50 PM

واش راكم اليوم الحمد لله راهي الشتاء ربي يطولها علينا

أم ياسين الزهراء

23-12-2010, 03:51 PM

ام ناجي لعقوبة ليك تجيبيلنا طفلة شابة ومسرارة ونخطبها لياسين

أم ياسين الزهراء

23-12-2010, 03:51 PM

واش تغديتي اليوم {"{"{"

أم ياسين الزهراء

23-12-2010, 03:55 PM

‏أم ياسين الزهراء (http://forum.hawahome.com/u184662.html), ‏ام ناجي (http://forum.hawahome.com/u214054.html)+

واش حتى انت ولا عندك فونتوم هههههههههههههههه

أم ياسين الزهراء

23-12-2010, 03:56 PM

راني رايحة نزنق شوي وادا حب ربي نولي

أم ياسين الزهراء

23-12-2010, 04:24 PM

انا كنت ندير اليايورت في الدار ويجيني رووووووعة بصح بكري دوق نسيت المقادير انتاعو اللي تعرف تقلي

ام ناجي

23-12-2010, 04:24 PM

هههههههههههههههه
لالا حنونة

التريسينتي انقطعت و رجعت
هدا وين قدرت ندخل

ام ناجي

23-12-2010, 04:27 PM

رحت لدارنا اتغديت روز بالقرناع و سلاطة

حتى انا كنت نديره مين كنت صغيرة

راني عاقلة وكان يجي شباب...بصح درك لحضة راهي غالية
يضهرلي تشريه واجد احسن

ام ناجي

23-12-2010, 04:44 PM

نعقل كنت نخلط الحليب سخون مع الماء بارد و 01 ياغورت و شوية لافاني ونحط القدر في مكان سخون
ليلا لقيت لاروسات راني نقولك عليها

أم ياسين الزهراء

23-12-2010, 06:27 PM

رحت لدارنا اتغديت روز بالقرناع و سلاطة

حتى انا كنت نديره مين كنت صغيرة

راني عاقلة وكان يجي شباب...بصح درك لحضة راهي غالية
يضهرلي تشريه واجد احسن

واش معناها القرناع

أم ياسين الزهراء

23-12-2010, 06:28 PM

نورمال كلش غالي برك حبيت نغير شوي

ام ناجي

23-12-2010, 06:50 PM

القرناع...03 نقاط فوق القاف

هو L'artichaut

ام ناجي

23-12-2010, 06:51 PM

تبقاي على خير ام ياسين
نتلاقاو يوم الاحد الا حب ربي

♥منار♥

23-12-2010, 07:23 PM

السلام عليكم ,,
كيف الحال بنات الجزائر
جزائر العز والكرمه ,,,
اختكم .....Zمن البيت اليمني ,,وفيه بنوته عسل اسمها ام ناحي ,,ونعتبرها اختنا ,,
فيهنا من اول ادور ,,عليها...

أم ياسين الزهراء

24-12-2010, 07:00 PM

ام ريان كتبتلك رد بصح ماحبش يفوت راح نحاول في الليل الكونيكسو راهي كيما الجو اهنا سم وبرد ـ2ـ2

أم ريان dz

24-12-2010, 07:07 PM

وشراكي أم ياسين وييينك توحشتك بزاف

أم ريان dz

24-12-2010, 07:10 PM

وصلتني رسالتك بارك الله فيك حتى أحنا عندنا البرد بصح ميش كيما تاع باتنه
ضرك كنت نهدر في اسكايب مع دارنا قالولي البرد عندنا يقطع ربي يكون معاكم

أم ريان dz

24-12-2010, 07:12 PM

سلام معطر بالورد و الرياحين لكل الصديقات انتاعنا ام ياسين و أم ناجي و بنفسجه و منال وقلب راض و عفاف و يسرى نتمنى نكون ما نسيتش حتى و حده

أم ريان dz

24-12-2010, 07:15 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏أم ريان dz, ‏أم ياسين الزهراء
وييينك أم ياسين رجعت حكاية الشبح ههههههه

أم ريان dz

24-12-2010, 07:17 PM

السلام عليكم و رحمة الله وبركاته ابقاو على خير ان شاء الله في المره القادمه نتلاقاو
اللهم صل و سلم على محمد و على آله إنك حميد مجيد

زينة الحياة الدنيا

24-12-2010, 09:43 PM

السللااااااااااااااااااااام عليييييييييييييييكم...

وش اخباركم؟؟؟؟؟؟؟؟؟؟ توحشتكمممممممممممممممم...

على بالي راني مقصرة في حقكم بزاف,,,بصح الله غالب,,,

راهي عشرين يوم الكونكسيو ضعيفة خلااااااص...

ان شاء الله كي تتعدل راني ندخل كي بكري,,,

تووووحشتككككككم...

ام ياسيييين راني جيت زرتكم بصح ماطولتش غير يومين,,,المهم شميت الهوااااا..تع باتنة,,,

ان شاء الله كي نرجع المرة الجاية نتلاقاو,,,

سلامي الحار ليكم جميعا

بنفسجة

24-12-2010, 11:35 PM

السلام عليكم و رحمة الله تعالى و بركاته
كيف حالكم أخواتي و الله توحشتكم بزااااااااااااااااف...بصح الله غالب راني مشغولة بالتحضير للزيادة ربي يسلكني على خير و كل مسلمة ياااارب
نشكركم كااامل و ربي يبارك فيكم الكل سألتوا علي ربي يوفقكم و الله فرحت بزاااف كي لقيت كل وحدة تسقسي على هكذا الأخوات و لا ماكانش ربي يبارك فيكم.

بنفسجة

24-12-2010, 11:42 PM

الطبيبة قالتلي عندي الزيادة يوم7أو8يناير أو أواخر ديسمبر و بحسابي أنا حتى يوم12 يناير و الله أعلم ربي يهون علي و على كل مسلمة و يرزق كل محروم.

بنفسجة

24-12-2010, 11:50 PM

راني وجدت الطعام الرقيق للسبوع و الغليظ للأيام الأخرى لأنو حنا لما يجوا يباركوا نحضرولهم الطعام لغليظ و القاطو و هذا يوميا حتى نهار السبوع و لي تجي تبارك تجي من بعد صلاة الظهر حتى للمغرب ...القاطو صنعت المقروط و القريوش و قاطو ارحة و بقالي الكعك و تقنت أو الزرير وجدتها بقالي برك نصنع العسل باش نخلطها و نعسل المقروط و القريوش ...بقالي تخمال الدار البيت لي نقعد فيها التحت خملتها لأن بيتي الفوق و بقاتلي الكوزينة و الصالة تعرفو النساء و هدرتهم غير يلاحظوا و يهدروا ربي يعاوني .

بنفسجة

24-12-2010, 11:53 PM

صحتي راني نحمد ربي غير شوي برك قلبي يخفق بزاااف و يغيب علي التنفس الساج فام شكت في لانمي و أنا عقزت ندير ليزانليز

بنفسجة

24-12-2010, 11:58 PM

صوالح البيبي وجدتهم شوي منا و شوي من هناك و هي سلكت الحمد لله ...بقات بنتي هاذ الأيامات راهي تحبني نوكلها و نلبسها ملابسها و تحب ترقد عندي لأنها ترقد عند أبوها و الله حتى في وجهها أصبح أصفر واش هذا؟ الغيرة من الآن بصح ما زال ما زاد البيبي و كي يزيد واش دير واش يصرا فيها واش يصرا فيا أنا؟؟؟ ..~~~..~~~..~~~ يارب عاوني .

بنفسجة

25-12-2010, 12:01 AM

المهم أخواتي الحمد لله لي راكم لاباس...إذا لقيت الوقت هاذ الأيامات نطل عليكم مرة على مرة ما تنساوش تدعولي ...و لزوجي بالرزق.

أم ياسين الزهراء

25-12-2010, 01:55 PM

الحمد لله الي راكي بخير بنفسجةكنت مقلقة عليك معليش اصبري كل هذا اجر ومغفرة

أم ياسين الزهراء

25-12-2010, 01:56 PM

ربي يسلكك على خير اااااااااااااااااااااااااااااااااااااااااااااااااا اااااااااامين:rroo::rroo::rroo::rroo:

أم ياسين الزهراء

25-12-2010, 01:58 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏أم ريان dz, ‏أم ياسين الزهراء
وييينك أم ياسين رجعت حكاية الشبح ههههههه

والله والله غير خرجت راحت الكونيكسو هدا اكيد شبح تاع النت واوووووووووووووووو انا خوافة بزاف دوق يجيني في الليل :80::80::80::80:

أم ياسين الزهراء

25-12-2010, 01:58 PM

ام ريان الحمد لله اللي راكي بخير

أم ياسين الزهراء

25-12-2010, 01:59 PM

واخيرا ظهرت زينة الحمد لله الكل لاباس ربي يدومها اااااااااااااااااااااااااااااااااااااامين

أم ياسين الزهراء

25-12-2010, 02:00 PM

ام ناجي ان شاء الله تفوتي يوم مليح عند عجوزتك وتولي بخير ااااااااااااااااااااااااااااااااااامين

أم ياسين الزهراء

25-12-2010, 02:00 PM

هيا راح نخليكم على خير العشية راح نروح لتمقاد سلام

أم ياسين الزهراء

25-12-2010, 02:01 PM

ماكاالله تقولوا وين راكي كاين اسمك وانت ساكتة هداك شبح يايايايا

أم ياسين الزهراء

25-12-2010, 02:02 PM

هههههههههههههههههههههههههههههههههههههههههههههههههه ههههههههههههههههههههههههههههه

ههههههههههههههه"R:"R:"R:"R:"R:

ام ناجي

26-12-2010, 03:28 PM

ام ناجي ان شاء الله تفوتي يوم مليح عند عجوزتك وتولي بخير ااااااااااااااااااااااااااااااااااامين
الحمد لله
بصح قتلنا البرد
واش نقولك
ولادي جبتهم مرضى

ام ناجي

26-12-2010, 03:33 PM

ام ناجي

26-12-2010, 03:34 PM

ما تسايش واش وصيتك
حطي حبة الحلوة و لا البيض في سرير البيبي ..و كل صباح قوليلها شوفي البيبي واش جابلك
هكدا تتنحى عليها الغيرة

ام ناجي

26-12-2010, 03:36 PM

يسرى عاى سلامتك حنونة
شفتي انت في باتنة تحوسي و احنا متقلقين عليك..يعطيك الصحة
هههههههه
بصحتك

ام ناجي

26-12-2010, 03:37 PM

ام ريان و ام ياسين..راني نستنى فيكم تطلو هد لعشية..و تاني بلا ما ننسى منوووووووووووووول و قلب راضي و عفاف

ام ناجي

26-12-2010, 03:39 PM

اللهم صل على محمد وعلى آله وصحبه أجمعين

ام ناجي

26-12-2010, 03:40 PM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

زينة الحياة الدنيا

26-12-2010, 03:48 PM

السلام عليكم ورحمة الله,,

بنفسجة ربي يسلكك على خير,,,

ام ياسين ,,يسال عليك الخير والهنا,,

ام ناجي,,والله غالب لوكان الكونكسيون كانت تمشي راني طمنتكم عليا,,بصح ضرك الحمد لله راهي تعدلت شوية,,

رحت وجيت ضربوني بعين,,ماكانش الي يقول الله يبارك,,غير يقولو زينتي كبرتي سمنتي خرجت عليك وهران,,

ماكانش الي يذكر اسم الله,,

حتى اليوم راني في السرير,,درت فو جاست,,نعيط لربي الي خلقني ,,!!!والله زارتني الموت اليوم,,

من الصباح ماتحركتش من السرير,,

لاحول ولا قوة الا بالله

ام ناجي

26-12-2010, 06:13 PM

يسرى ربي يشافيك
واش بيك حنونة
درتي فوجاست ...ما تتقلقيش غير بشوية و ساعفي روحك تريحي
المهم بصحك التحواس..راكي تستاهلي كال خير

زينة الحياة الدنيا

26-12-2010, 08:11 PM

يسرى ربي يشافيك
واش بيك حنونة
درتي فوجاست ...ما تتقلقيش غير بشوية و ساعفي روحك تريحي
المهم بصحك التحواس..راكي تستاهلي كال خير

الله يسلمك يا ام ناجي..
والله من الصباح وانا في السرير ماقدرتش حتى نوقف ..~~~,,
عندي خدمة نقدمها نهار الاحد مانيش عارفة كيفاه ندير....~~~

ام ناجي

27-12-2010, 03:22 PM

السلام عليكم ورحمة الله وبركاته
اللهم صل على محمد وعلى آله وصحبه أجمعين

ام ناجي

27-12-2010, 03:23 PM

يسرى الله يشافيك
مازال الحال على يوم الاحد...ديري الكوراج برك

ام ناجي

27-12-2010, 03:23 PM

وييييييييييييييييييييييين راكم بديتو تتكاسلو

ام ناجي

27-12-2010, 03:24 PM

ام ياسين وين راكي حنونة
وش بيك ما بنتيش

ام ناجي

27-12-2010, 03:26 PM

مناااااااااااااااااااااااااال قااااااااااااالتلكم راني بخير..و توحشتكم بزااااااااااااااف
ماراهيش في دارهم ..راهي ضيفة عند بيت خالتها زاد عندا بيبي..كيما احنا نقولو راهي قايمة بيها
ادعولها ربي يعطيها راجل فحل و شاااااااااااااوي ههههههههههه

عقباااااااااااال لبنفسجة

ام ناجي

27-12-2010, 03:27 PM

قلب راض و ام ريان وين راكم غاطسين
ادخلو خليونا نرجعو كيما يامات زمان

ام ناجي

27-12-2010, 03:28 PM

ما قلتيايش ام ياسين ..لقيتي لاروسات تاع الياغورت

ام ناجي

27-12-2010, 03:28 PM

سلامي للجميع

زينة الحياة الدنيا

27-12-2010, 04:18 PM

لا اله الا انت سبحانك اني كنت من الظالمين...

ادعولي يااخواتي راني محتاجة دعواتكم

أم ياسين الزهراء

28-12-2010, 11:18 AM

راني جيت كينقعد نحكيلكم سلام

ام ناجي

28-12-2010, 12:22 PM

راني جيت كينقعد نحكيلكم سلام
مرحبى بيك
وين كنت يا لالة
هههههههههههههه

ام ناجي

28-12-2010, 12:37 PM

لا اله الا انت سبحانك اني كنت من الظالمين...

ادعولي يااخواتي راني محتاجة دعواتكم
اللهم اشفها شفاء ليس بعده سقما ابدا..اللهم خذ بيدها اللهم احرسها بعينيك التى لا تنام .
و احفظها بعزك الذى لا يُضام .
و ارحمها بقدرتكّ.أنت ثقتها و رجائها يا كاشف الهم . يا مُفرج الكرب يا مُجيب دعوة المُضطرين .اللهم البسها ثوب الصحة والعافية عاجلا غير اجلا ياأرحم الراحمين..
اللهم اشفها اللهم اشفها اللهم اشفها..اللهم امين

أم ريان dz

28-12-2010, 06:58 PM

أم ريان dz

28-12-2010, 07:04 PM

قلب راض و ام ريان وين راكم غاطسين
ادخلو خليونا نرجعو كيما يامات زمان

رانا اهنا ماناش غاطسين بصح كاين ظروف ما تخليناش انكونكتيو ان شاء ياربي نرجعوا كيما زمان*)

أم ريان dz

28-12-2010, 07:09 PM

لا اله الا انت سبحانك اني كنت من الظالمين...

ادعولي يااخواتي راني محتاجة دعواتكم

أسأل الله العظيم رب العرش العظيم أن يشفيك و يعافيك وييسر لك جميع أمورك و يجعل لك من كل هم فرجا و من كل معضلة مخرجا ءامييين يا رب

أم ريان dz

28-12-2010, 07:20 PM

أم ياسين وشراكي كنت قلت لك انجيبلك لا روسات بصح ما قعدتش و هذي ان شاء الله تعجبك
تحضير الياؤورت
المقادير:علبتان ياؤورت فاني ،كأسين سكر،3 لترات حليب
التحضير:خذي لتر حليب و زيديلو الفاني السكر الياؤورت و نخلط الكل جيدا ، ثم انغلي لترين الباقيين من الحليب ونتركه 3 دقائق ليبرد ثم نظيفوه للخليط ثم ثم نضعه في قدر كبيره و نغطيها جيدا حتى لا يسمح للهواء بالدخول ونتركها هكذا ليله كامله ثم يقدم باردا
بالصحه و العافيه

أم ريان dz

28-12-2010, 07:22 PM

سلامي للجميع بدون إستثناء و إلى اللقاء ان شاء الله

زينة الحياة الدنيا

28-12-2010, 07:42 PM

شكرا على دعواتكم ..ربي يتقبلها ان شاء الله

أم ياسين الزهراء

28-12-2010, 09:43 PM

راني مشغولة بزاف اعذروني دخلت نسلم عليكم ونروح سلام

زينة الحياة الدنيا

29-12-2010, 12:07 AM

ربي يكون في عونك

أم ياسين الزهراء

29-12-2010, 02:28 PM

الله يسلمك زينة ويفتحها عليك

أم ياسين الزهراء

29-12-2010, 02:29 PM

ام ريان يعطيك الصحة المشكلة انا كنت نديرها بلحظة راح نجربها بالحليب ونشوف

أم ياسين الزهراء

29-12-2010, 02:29 PM

بنفسجة وين راكي*)*)*)

أم ياسين الزهراء

29-12-2010, 02:30 PM

ام ناجي واش راكي:rroo::rroo::rroo:

أم ياسين الزهراء

29-12-2010, 02:32 PM

انا كنت رحت لتيمقاد ومنبعد جاوني الضياف عليها ماقعدش دوق راني وحدي غير مع ياسين راحوولادي عند عمتهم الدار صامطة وياسين هبلني يحوس على خاوتو

ام ناجي

29-12-2010, 02:52 PM

بصحتك التحويسة في تيمقاد
عقبالي انا كي نجي لباتنة
حقة شفتها يوم امس في التلفاز..كانو يهدرو على الطريق كيفاش صنعوها

ام ناجي

29-12-2010, 02:55 PM

ام ناجي واش راكي:rroo::rroo::rroo:
راني الحمد لله
بصح الاطفال راهم مرضى بالحلاقم...يكونو في الدار سخونين و من بعد يخرجو معايا في البرد
ربي يشافيهم

ام ناجي

29-12-2010, 02:57 PM

ام ريان يعطيك الصحة المشكلة انا كنت نديرها بلحظة راح نجربها بالحليب ونشوف
حتى انا كنت نديره بلحظة بصح مالرانيش عاقلة على المقادير
ديري بحت في قوقل بلاك كاش ما تلقاي

omramy

29-12-2010, 03:00 PM

ممكن ننظم ليكم ؟؟؟؟؟

ام ناجي

29-12-2010, 03:01 PM

ام ياسين شوفي واش لقيللك في قوقل

السلام عليكــم ورحمـة الله وبركاتــة ،،

كلنا نستهلك الزبادي وخاصة في هذا الشهر الكريم واليكي أختي طريقة سهلة وغير مكلفة
كي تقدمي لأسرتك زبادي من صنع يديكي

المقادير

..1لتر من الحليب
.. كأسان صغيران من مسحوق الحليب
..علبة واحدة من الزبادي
..السكر حسب الرغبة

طريقة التحضير

*في إناء يخلط الحليب بمسحوق الحليب ويسخن الكل
*نأخذ منه مقدار كوب لكي نخلط معه الزبادي ثم نخلط الكل ونضيف السكر
*نصب الخليط في كؤوس ونضعها في إناء فيه ماء ساخن ويغطى
نتركه ليلة كاملة وفي الصباح نضعه في الثلاجة ليبرد قبل إسهلاكه

هذه طريقتي الخاصة لصنع الزبادي والنتيجة مضمونة

ام ناجي

29-12-2010, 03:22 PM

ممكن ننظم ليكم ؟؟؟؟؟
ام رامي...مرحبى بيك معانا في بيتك
عرفينا على نفسك
:52::52::52:

hibet-allah

29-12-2010, 04:23 PM

صباح الخير عليكم يا ولاد بلادي واش راكم غاية

ام ناجي

29-12-2010, 05:57 PM

على سلامتك ام ياسين
يالله افتحيلنا ملف جديد

ام ناجي

29-12-2010, 05:58 PM

صباح الخير عليكم يا ولاد بلادي واش راكم غاية
الحمد لله و انت واش راكي
مرحبى بيك معانا
علاساب اللهجة رانب لقيت بنت الغرب

أم ياسين الزهراء

29-12-2010, 06:00 PM

الله يسلمك حنونة واش راكي

أم ياسين الزهراء

29-12-2010, 06:00 PM

ربي يجيب الشفاء لولادك ادهنيلهم رقبتهم بالفيك

أم ياسين الزهراء

29-12-2010, 06:01 PM

صباح الخير عليكم يا ولاد بلادي واش راكم غاية

غاية واه وانت واش احوالك عرفينا عليك:454::454:

أم ياسين الزهراء

29-12-2010, 06:03 PM

يعطيك الصحة على الكيفية ام ناجي

أم ياسين الزهراء

29-12-2010, 06:04 PM

الكونيكسو راهي عيانة راح نخرج سلام حار ليك ام ناجي وربي يفتحها عليك

ام ناجي

29-12-2010, 06:08 PM

الكونيكسو راهي عيانة راح نخرج سلام حار ليك ام ناجي وربي يفتحها عليك
لالا الكونكسيون اليوم راهي هايلة

ام ناجي

29-12-2010, 06:10 PM

ربي يجيب الشفاء لولادك ادهنيلهم رقبتهم بالفيك
ان شاء الله

ام ناجي

29-12-2010, 06:11 PM

راني خارجة نشري تهلاي في روحك
والحمد لله كي راكي بخير
راني نعول عليك افتحيلنا ملف جديد

ام ناجي

29-12-2010, 06:13 PM

2020202020202020202020

ام ناجي

29-12-2010, 06:14 PM

‏ام ناجي (http://forum.hawahome.com/u214054.html), ‏أم ياسين الزهراء (http://forum.hawahome.com/u184662.html)+

هادي انت و لا الشبح ديالك

أم ياسين الزهراء

29-12-2010, 07:01 PM

ام ناجي راني فتحت ملف وماحبيتش نحشمك انت عزيزة بزاف علي

أم ياسين الزهراء

29-12-2010, 07:04 PM

‏ام ناجي (http://forum.hawahome.com/u214054.html), ‏أم ياسين الزهراء (http://forum.hawahome.com/u184662.html)+

هادي انت و لا الشبح ديالك

كنت خرجت اه هذا اكيد شبح غير معاي انا والدليل كنت في منتدى جزائري ياياي اليوم مانرقدش هههههههههههههههه

انا كينخرج من المنتدى مانسجل خروج ربما عليها يبقى اسمي ماتخافوش مانيش شبح على قول ام ريان هي اللي كتشفتني بلي شبح هههههههههههههههههه