احـلام الطفوله ........

[جـريحة المشاعر]

احـلام الطفوله



حب جارف جرح نازف
واندفاعات مهبوله
لخبطه وكتلة مشاعر ساكنه بيني وبيني


من عرفته جيت كلي بقلب مايحكم ميوله
كنه الواحه وانا بعد الضما قريت عيني


ايه عطشانه حنان ونظرة العين الخجوله
حركت فيني مشاعر ساكنه طول السنيني


صرت انا مثل المطر لامن تزايد في هطوله
اندفاعات ومشاعر وسط صدري تحتويني


لكن إحساسي فقدته آه بس منهو يطوله
شخص مثله كان بارع نظرته تخلف حنيني


للأسف ابدع بدوره في متاهات البطوله
وصرت بعده كا السجين الي تبلته السنيني


ساكنه بيني وبيني واحلم احلام الطفوله
آه ياقلب المعنى منهو الي يحس فيني !