المساعد الشخصي الرقمي

مشاهدة النسخة كاملة : حزيه عمتي نووووووره ,,,,


مرهفه الإحساس
01-04-2011, 04:55 PM
في ليل زاعل القمره وعيا لايجيه النور...
جلست انا واخواني ومعنا عمتي نوره...
وقالت عمتي ودي احزيكم عن المأسور...
حزيه صاغها وقتا شقاه معانق اعصوره...
وكيف ان حالته شانت بعد مابين المستور...
بعد مافارق انسانه سقت حبه اجذوره...
تحبه كانت وكانت تشيد من غلاه اقصور...
وتقول انا بعد فرقا حبيبي صرت معذوره...
نسيت اسمي مع نفسي نسيت ان السنين شهور...
نسيت ان العمر يمشي بعد ماوقف احضوره...
ورحنا بعد هالقصة ونرجي هالمنام يزور...
محاجرنا عسى يقبل علينا بكره بنوره...
غفى الاول غفى الثاني عفينا كلنا بالدور...
وانا غافي مثل غيري حلمت بحلم ياجوره...
حلمت اني انا امشي على رمضه وبين اقبور...
وسط قرية بهامسجد بجنبه بيوت مهجوره...
لقيت بأول القرية شجر فوقه بيوت وطيور...
وبير عافهاماها تحت الاشجار محفوره...
وبيت طايح جداره وكنه من زمن مهجور...
على بابه لقيت اسمي ورسمت عين منحوره..
واناامشي جذب شوفي عجوز دمعها منثور...
تحت في الشجرتمشي نساها الفرح واسطوره...
احس انها امل منسي احس انها اراضي بور...
ملامحها تقول انها بدنيا الهم مأسوره...
ملامحها تعبر لي توصف لي بكل شعور...
مجرد نظرتي فيها اشوف اليأس وحظوره...
وشايب منكسر ماخذ من الدنيا جروح وجور ...
اشوفه يرسم بهمه على الجدران له صوره...
ويكتب تحته جمله بداها بحسرة المقهور...
وقال بآخر الجمله ياليت الروح مقبوره...
وقفى تارك قربه ولوح به ثلات اسطور...
تعبر عن اسئ ايامه وتشكي همه وجوره...
وطاحت منه قلاده لقيت بوسطها محفور...
رموز تقول ذا الشايب قليل الفرحه تزوره...
وفجأه قمت من نومي فجيع من فجع مذعور...
اثاري حلمي المحزن حزيــــة عمتي نـــــــوره..¿¿!!



وتقبلو خالص ودي واحترامي ,,,.....Z
الصحه تاج
02-04-2011, 12:37 AM
جميله جدن واعجبتني اكثر من رائعه يسلموووووووووووووووووووو يالغلا
مرهفه الإحساس
03-04-2011, 10:19 AM
الصحه الله يسلمك غلاتي نورتي صفحتي بمروووورك الف شكر
ولك خالص حبي واحترامي ,,,,
مرهفـــ الاحساس ـــه
Emy style
03-04-2011, 05:35 PM
يعطيك العافيه
مرهفه الإحساس
04-04-2011, 01:27 PM
ايمي واياك يالغلا نورتي صفحتي بمرورك
الف شكر يالغلا ,,,,,
ولك خالص حبي واحترامي ,,,
نظرتي شموخ
05-04-2011, 02:06 PM
يعطيك الف عافيه
مرهفه الإحساس
07-04-2011, 11:34 PM
نظرتي واياك يالغلا والف والف الف شكر على المرور
نورتي صفحتي بتواجدك فيها ,,,
ولك خالص احترامي ,,,,