لرز ....... آآآآآه من الرز

[آمال وبس]

السلام عليكم ورحمة الله وبركاته
خواتي ارجوكم ..... ارجوكم ساعدوني والله اني تعبت من الرز فانا لا استطيع ان اجعله طويل الحبه مع اني استعمل اجود الانواع وما اسمع عن رز طويل الحبه الا وركضت وشريته لكن ما كو فايده فلرز دايما يطلع قصير وغير مشهي والله صار معاي احباط وكرهت الطبخ جد والله كرهته فارجوكم ساعدوني ............وابي اصير طماعه شوي واسال عن طول الحبه اللي عند المطاعم وخصوصا المطاعم اللي يطبخون القوزي فشكل الرز عجيب وطول الحبه اعجب فشلون يطبخونه؟؟؟؟؟؟؟؟؟؟ ومااظن انهم يهتمون بالطبخ مثل مااحنا نهتم........فشنو السر؟؟؟؟ لا تقولون نقعيه او غسليه فانا جربت كل شي. ولكم مني الدعوات الصادقه بالتوفيق والاجر العظيم من الله سبحانه وتعالى

[جوهرة العطاء]

هلا اختي

شوفي يمكن نفس نوع الرز او انك تحطين مويه كثير عليه

انا استخدم ارز شعلان وبصراحه ما انقعه اغسله غسول فقط

وبعدين اضعه بقدر الضغط وما اكثر مويه احط مويه بس يغطي الرز

يعني الي يغطي الرز بشوي ..

واعلي النار على القدر لما يبدأ يغلي ((صوت الصافره))

اوطيه لاخر شئ وابدأ احسب له 7 دقائق او 6 دقائق

وشوفي كيف الرز مفلل وارز يجيك طوويل

آتمنى اكون افدتك يا اختي

[آمال وبس]

السلام عليكم ورحمة الله وبركاته
مشكوره اختي على الرد.. بس اختي لا زم يكون عندي قدر ضغط علشان يضبط معي الرز؟؟؟؟ لاني اخاف منه ولااحب استعمله..بس شنو اللي يخلي الحبه طويله؟؟ هل كثره النقع لان قالولي ان الايرانيين ينقعون الرز من الليل وتطلع معهم الحبه طويله واستعملت هالطريقه وماكو فايده وبعضهم قالولي زيدي الزيت شويه وماكوا فايده وقالولي لما يبدأ الرز يغلي قصري عليه النار وخليه يطبخ على راحته وسويتها وماكوافايده يعني يطلع الرز مستوي زين يعني موناقصه ماي اوزايد عليه بس ان تكون الحبه قصيره وهنيي المشكله

[جوهرة العطاء]

اجل نوعيه الرز حبيبتي

واهم شئ لاتكثرين مويه إذا بقدر ضغط

إذا ماكان ضغط انقعي الرز عشر دقائق ربع ساعه كذا

ولما تطبخيه حطي مويه بس مو مرة تخلين الرز يضيع بالقدر

ولا يكون مغطيه اكيد فهمتي ايش قصدي

وعلي النار ولما يغلي وطيه للأخير وخليه لما ينشف

والله ياقلبي هذه طريقتي سواء بطريقة الضغط او غيره

إذا ما نفع معك ..يمكن نوعيه الرزو الي تستخدميها ما تجيك حبتة طويله

[SweetOne]

بصراحة أنا أعاني من نفس المشكلة الرز ما يضبط عندي ..~~~ ولكن بجرب هذه الطريقة وعسى خير

[أم الغلا]

حبيبتي بعد غسل الرز انقعيه واضيفي له قليل من الملح

جربي هذي الطريقه

[على الموضه]

انقعي الرز فتره طويله وكل شويه تغيرين المممماي وبعدين تصفينه وتحطين لكل ثلاث كاسة رز بيالة شاهي زيت
ويحمر الرز في الزيت لانه بعد كذه ماراح يلزق معك ابدا ولا تنكسر الحبه وتحركي حتتى تتكدي ان كل حبة رز اخذت كفايته تصبي الماء المغلي والقرفه والهيل والقرنفل ولصولجان والشيبه شويه بس وتملحين تحركينه حركه بسيطه وتسكرين القدر
تجبين فينص كاسه مويه تغلي تحطيفيها زعفران وماي ورد وتخلينها ااذاقرب يستوي الرز تحطينه على الاطراف
وبس وهذا رز اهل اليمن مادري تعرفونه اللي يجي مع المندي اتمنى اكون افتدك بشي

وعاى فكره الرز اللي يستخدم في المطاعم رز ابو كاس الي حبته طويله ونحيفه

[الدولية]

السلام عليكم ورحمة الله وبركاته حبيبتي امال أنا كنت أعاني نفس االمعاناة لدرجة اني كرهت شي اسمه مطبخ لكن قالت لي وحده اذا حطتي المويه على الرز وبد ا يغلي سكري عنه 10 دق بعدين رجعيه وقصري عليه عاد انا سويت نفس الحركة لكن مو 10 أقل عشان فرني كهرب