اثار حب الشباب

[الناعمه]

بسم الله الرحمن الرحيم اريد حل فعال لاثار حب الشباب ومن تجد العلاج المناسب تنقذني فيه الله يجزاها عني الف خير وينولها اللى في بالها:o

[ام سلطان]

اختي الناعمه انا بدورلج على طرق للتخلص من حب الشباب و برجع لج

[الناعمه]

مشكورة ام سلطان وجزاك الله الف خير

[ام سلطان]

ممكن اطرح عليج بعض الاسئله







اختي اريد اعرف هل الحبوب اللي تطلع في وجهك او وجه من يريد الوصفه كثيره لدرجه انها تنفر الواحد ؟

ما الاوقات اللي تطلع هالحبوب يعني هل تطلع قبل الدوره الشهريه بوقت ؟


او بسبب تقلبات الجو؟

يعني ما اسباب هذه الحبوب؟


ممكن توضحينلي اكثر وان شاء الله اقدر اساعدج؟

[الناعمه]

اختي ام سلطان صراحه ماادري
لاكن بسئلها واردلك

[الناعمه]

اختي ام سلطان
طلعت الحبوب من وقت البلوغ لحد وصل عمرها 17 سنه بعدين اختفت
وباقي الاثار
وبشرتها دهنيه

[ام سلطان]

اختي انصحا بعمل تقشير لبشرتها


اولا شي علب يبيعونها في الجمعيات ( السوبر ماركت) تكون خاصه لتقشير البشره وهي عباره عن كريم فيه حبيبات تساعد على التقشير . وهالعمليه اتسويها مره او مرتي اسبوعيا .
و بعد التقشير تغسل ويها و تسويلها قناع من علبه صغيره روب
او اتسوي اي قناع للوجه خاص بالبشره الدهنيه او خاص بجميع انواع البشره

ولا تنسا ان لازم كل يوم تفرك ويها باليمون و زيت الزيتون لا الليمون يساعد على تفتيح البشره و تقدر تستعمل الليمون وزيت الزيتون بفرط جسمها كامل مره في الاسبوع على الاقل و هاي الخلطه بعد اتساعد على تنعيم الجسم


وعشان تتفادي الحبوب حتى لو طلعت تطلع قليله وليس بكثره خليها تستعمل غسول الوجه اليومي صباحا واذا كانت من اللي يشتغلون تغسل ويها مره الصبح اول ما تقوم و مره بعد الشغل


وانصحا بعمل تنظيف بشره كل 6 اشهر
انا طولت المده لان كثر تعرض البشره للبخار اللي يحطونه للويه يوسع المسامات
جي ليش قلت كل 6 شهور


اقول اختي فيه خلاطات اقنعه وايد حلوه و مفيده في منتدانا كاتبيها اخواتنا ليش ما تعطينها و صفة هالخلطات عشان تستفيد وتكون عندها اكثر من خلطه للقناع عشان تستعمله وبشرتها تستفيد;)


هذا اللي عندي اقوله
و السموحه


ملاحظه: النصيحه اللي عطيتج اياها هي اذا كانت الحبوب اللي في ويها مسويه اثر واذا كانت من الحبوب البسيطه بس اذا كانت من الحبوب الكبيره واللي تشوه منظر الواحد اتمنى انها تستشير الطبيب (ارجو انج فهمتي قصدي)

[ام سلطان]

اختي الناعمه قعدت الدورلج عن مواضيع اتخص موضوعنا و ما شاء الله الخوات كاتبين وايد وصفات الله يجزيهم كل خير

شوفي انا بقلج العناوين واسم الاخوات اللي كتبو الوصفات وانتي ما عليج الا ادخلين العنوان في صندوق البحث اللي بكون في الصفحه الرئيسه لمنتدى التجمل والزينه و بتحصلين الصندوق في اخر الصفحه مكتوب عليه (لبحث في هذا القسم)
وان شاء الله تستفيدين و تفيدين غيرج

بشره صافيه في اسبوعين
للاخت نسايم ليل


مجربه 100في 100
للاخت صمت السراب


للبشره الدهنيه
للاخت عذبة الروح


سبع طرق تعيد جمالك اليك
للاخت سمر شامل


لازالة الزون السوداء من الانف
للاخت سمر شامل


خلطة بالنيدو والعسل للوجه
للاخت امل عمري


قناع تبيض البشره
للاخت سمر شامل


البقع و الرؤوس السوداء ؟؟؟؟
للاخت الخزامى


منظفات للبشره
للاخت سمر شامل


اقنعه رائعه للبشره ....لا تفوتكم
للاخت سمر شامل


و السموحه

[الناعمه]

..............مشكــــــــــــــــــــــورة .......................
ما قصرتي حبيبتي .........الله يخليلك سلطان ويصلحه لك

[ام سلطان]

تسلمين يالناعمه والله يعطيج العافيه وينولج مرادج

[سراب]

اختي الناعمه انا اختي اصابها مرض العنقز وطلع في وجهها حبوب فستخدمت كري رتن اي وصفة الطبيب بس كان جدااا رائع ورجع وجهها مثل اول واي استفسار انا حاضره

[الناعمه]

تسلمي حبيبتي سراب الله لايحرمنا منك
سراب هل يناسب اثار حب الشباب
وهل له اثار جانبيه لان بشرتها حساسه جداً

[ليدي الامورة]

ان شاء الله الاخوات يقدرون يساعدونك

[بسمات المدينة]

بورك فيك