المساعد الشخصي الرقمي

مشاهدة النسخة كاملة : تفضلي يا خانم على الصبحية الشامية



الواثقة بالله2
08-12-2011, 07:23 AM
بسم الله الرحمن الرحيم
كيفكم يا بنات اشتقتلكم كتير واشتقنت لجمعاتنا الحلوة وهلاء باذن الله راح نجتمع من جديد
بتجمعنا بصبحيتنا ولي بدو منجتمع مسوية يعني المسا ههههه
بس المهم نجتمع وهلاء انا عملت القهوة وجبتلكم حلو خفيف تشكلو اسي وكل وحدة بتفوت الصبح تجبلنا معها شي يفتح النفس حلو ورد وهي وزوقها
يالله تفضلو القهوة سخنة هلاء لبين ما تشرفو بتقلب بوظ
http://t1.gstatic.com/images?q=tbn:ANd9GcRIW0RASwZ2rtubJ7xuxe4AjzU5282Rk dIv96Kk6v_-oGk2iDkX



http://t3.gstatic.com/images?q=tbn:ANd9GcQimRLVAWKe1r_z29FebJK58vzOnTFmz _EFdaGQ5h3urLsutNB4Kg

وهي الحلو
http://t0.gstatic.com/images?q=tbn:ANd9GcQr5DSfeBSBDHW1C2P4KhwrUUEpxxeg-75TC3PkVFIwV8-2sIWWyQ

ام منير 2008
08-12-2011, 09:48 AM
ياصباح الورد والفل والياسمين
الله يسعد صباحك يا قمر والحمدلله اللي اجتمعنا من جديد
صباحكم معطر بذكر الله واللصلاة عالنبي

صباح الورد والياسمسن الشامي

هلا بالغالية
كيفك الله يعطيكي العافية
والله ياقلبي على هالجو البارد سقعت القهوة وصارت ايس كوفي
بس ولايهمك من حرارة المحبة رجعت غلت ههههههههه

ام منير 2008
08-12-2011, 09:54 AM
http://www.ct-7ob.com/vb/imgcache/92516.png



http://www.balhakm.net/file/file/gbfdcd444.jpg

ام منير 2008
08-12-2011, 10:02 AM
وهي الحلو


http://www7.0zz0.com/2010/12/16/09/237578529.jpg

انسكابة أمل
08-12-2011, 10:50 AM
السلام عليكم ورحمة الله وبركاته

مبارك رجعتكم لبعض الواثقة

أسأل الله ان تكون فاتحة خييير عليكم وأن يفرج عنكم يارب

عاشقة (s)
08-12-2011, 12:08 PM
السلام عليكم

شكرا حبيبتي واثقة

الله يجزيكي الخير

كيفك ام منير

شو أخبارك

ام منير 2008
08-12-2011, 12:34 PM
اهلين عشوقة كيفك ياقمر
شو اخبارك وكيف الاولاد؟؟؟؟؟؟؟؟
كيف البرد عندكم

ام منير 2008
08-12-2011, 12:43 PM
السلام عليكم ورحمة الله وبركاته

مبارك رجعتكم لبعض الواثقة

أسأل الله ان تكون فاتحة خييير عليكم وأن يفرج عنكم يارب

شكرا لمرورك غاليتي
وشكرا للدعاء الجميل
واسال الله تعالى ان يفرجها على كل المكروبين

http://www.arabseyes.com/vb/uploaded/36207_1179154361.gif

سوريا حرة أبية
08-12-2011, 12:49 PM
صباااااح الخيرااات
والله كتيرررر فرحت لان الملف انفتح
الله يعطيكن العافية يارب والله يديم هالجمعة الحلوة
كيفكن وان شاء الله تكونووو كلكم بالف خيرر والله اشتقتلكم كتيرررر
وهي حلواان فتح الملف ما في شي من واجبكن اتفضلووو


http://up.9ll9.com/out.php/i5367_12821alsh3er.jpg

قلب راض
08-12-2011, 12:50 PM
وما المرء الا باخوانه*** كما تقبض الكف بالمعصم
ولاخير في الكف مقطوعة ***ولاخير في الساعد الجزم



++++++++++++++


الود يبقى وحب الله يجمعنا

على الاخاء وطيب القول قد عبقا



والقلب يخفق إن هبت نسائمكم

فصادق الود يجلو الهم والأرقا



والله يجزي أضعافا مضاعفة
لمن لصاحبه مستبقا ...


+++++++++++++


مبارك عليكن الملف الجديد


جعله الله جامعا للقلوب

ام منير 2008
08-12-2011, 12:51 PM
اهلين بالغالية
شرفتي ونورتي وتسلم ايديكي عالبيتي فور اللي بيشهي
شكرا يا قمر

سوريا حرة أبية
08-12-2011, 12:53 PM
هلا فيكي حبيبتي ام منيررر
والله النور نورك حبيبتي
وما في شي من واجبكن اتفضلووو اهلا وسهلا

ام منير 2008
08-12-2011, 12:57 PM
وما المرء الا باخوانه*** كما تقبض الكف بالمعصم


ولاخير في الكف مقطوعة ***ولاخير في الساعد الجزم




++++++++++++++




الود يبقى وحب الله يجمعنا



على الاخاء وطيب القول قد عبقا





والقلب يخفق إن هبت نسائمكم


فصادق الود يجلو الهم والأرقا




والله يجزي أضعافا مضاعفة


لمن لصاحبه مستبقا ...



+++++++++++++




مبارك عليكن الملف الجديد




جعله الله جامعا للقلوب




شكرا لمرورك الكريم اختي الكريمة
وشكرا للعطر الذي تركتيه في ملفنا
ملفنا بستان زادت زهراته وردة عطرة مثلك
ابعد الله عنا الشرور والاشواك
جزاكي الله خيرا على مرورك ودعائك
نسأل الله العظيم ان يجمعنا على طاعته ومحبته

http://www.arabseyes.com/vb/uploaded/36207_1179155431.gif

سوريا حرة أبية
08-12-2011, 01:08 PM
اهلا وسهلا فيكي قلب راض تورتي الصبحية
ياهلا

الواثقة بالله2
08-12-2011, 03:54 PM
لك ياعيني شو هل لمة الحلوة الله لا يحرمنا ياها كيفكم

الواثقة بالله2
08-12-2011, 03:56 PM
عاشقة كيفك شو اخبارك وينك من زمان ما سمعنا اخبارك

ام منير 2008
08-12-2011, 03:56 PM
اهلين بالقمر
شو هالصدفة الحلوة ههههههه
اجينا سوا
القلوب عند بعضها

ام منير 2008
08-12-2011, 03:57 PM
في زوار معنا بالصفحة
اهلا وسهلا بكل مين اجا لعنا من الحبايب

الواثقة بالله2
08-12-2011, 03:59 PM
سوريا حرة ابية طمنينا عنك اشتقنا لهل طلة الحلوة

الواثقة بالله2
08-12-2011, 04:01 PM
الفجر الواعد نورتي يا عسل
وشكرا كتير لشعورك

الواثقة بالله2
08-12-2011, 04:04 PM
قلب راض شكرا لمرورك يا غالية ربي يسعدك
وشكر لكلامك الحلو لا تحرمينا طلاتك الغالية

الواثقة بالله2
08-12-2011, 04:04 PM
‏الواثقة بالله2 (http://forum.hawahome.com/u338559.html), ‏ام منير 2008 (http://forum.hawahome.com/u301318.html)+

الواثقة بالله2
08-12-2011, 04:05 PM
يا هلا ام منير كيفك وشلون البرد عندك والله انا عم شوب واشعل المكيف

ام منير 2008
08-12-2011, 04:16 PM
والله عندي برد كتير
لابسة شتوي وشاعلة الدفاية
ههههههههه
حووووووووح عالبرد
ابعتلك شوي
خخخخخخخخخخخخ

ام منير 2008
08-12-2011, 04:18 PM
ماشالله كتروا الزوار صار عنا 2

ام منير 2008
08-12-2011, 04:20 PM
شلون بنتك بالروضة؟
اخواتها ماعم يخربشولها على كتبها؟؟؟؟؟؟

الواثقة بالله2
08-12-2011, 06:21 PM
اي بعتيلي شوية برد والله اشتقتله

الواثقة بالله2
08-12-2011, 06:24 PM
الحمد لله كتير مبسوطة بهل روضة الله وفقنا فيها
هداك اليوم كان عندها تقييم بالحروف والقران وطلعت ممتازة الحمد لله
اما انو عم يخربشولا على الكتب حرام لا بس قولي عم يشقوهم يشقفوهم معقولة لانهم ما بيرضو باقل من هيك

عاشقة (s)
09-12-2011, 02:42 AM
مسا الخير

كيفكن ياصبايا

اهلاوسهلا خواتي قلب راض والفجر الواعد

جزاكم الله عنا خير الجزاء

ومية السلامة بالزوار الطيبين

الواثقة والله دخلاتي عالنت كتير قلانة

من هالاولاد ومشاغل الدنيا

وعنا البردات غيييييييير شكل

والله على قولة السوريين مكرتعين من البرد

بس انا بحبه وبتحمله وما بلبس شتووي بالهين

ام منير شو اخبارك واخبار بقية الصبايا

مابعرف ليش مابقى عبقدر ادخل هونيك عبينرفض لقبي وكلمة السر عندي بعد ما تغير اللوك

سلميلي عليهن كلن

ام عامر1
09-12-2011, 07:52 AM
صباح الخير ياحلوين

http://www10.0zz0.com/2011/12/09/04/558843106.jpg


http://www10.0zz0.com/2011/12/09/04/505572599.jpg


http://www10.0zz0.com/2011/12/09/05/577420924.jpg


انا جبت معي زلابية انا كتير بحبا
تفضلو ان شاءالله بتكونو بتحبوا
ماطيبة غير في الصبح وعلى غفلة
مممممممممممم

الواثقة بالله2
09-12-2011, 01:16 PM
http://img195.imageshack.us/img195/3620/1348711400x300.gif
الدعاء اعذب نهر جرى ماؤه بين المتحابين في الله ولانكم احبتي اهديكم من عذوبته

اللهم الف بين قلوبنا واصلح ذات بيننا واهدنا سبل السلام ونجنا من الظلمات الى النور

وجنبنا الفواحش وبارك لنا في اسماعنا وابصارنا وقلوبنا وازواجنا وذرياتنا وتب علينا

إنك انت التواب الرحيم اسال الله ان نكون من الفائزين المقبولين

ام عامر1
09-12-2011, 02:48 PM
بسم الله الرحمن الرحيم
السلام عليكم ورحمة الله وبركاته
http://i2.tagstat.com/image06/1/c318/00h-0530sco.jpg

على المحبة نلتفي
وعلى صفحات ملفنا السوري
نزف حروفنا وندعو لأحبتنا
من صميم فؤادنا
بالخير والسلام....

الواثقة بالله2
09-12-2011, 04:26 PM
والله يا ام عامر شهيتيني على الزلابية واذا بتذكري انتي اول وحدة دوقتيني ياها

عاشقة (s)
10-12-2011, 01:24 AM
مسا الخير

شفتكن ام منير وام عامر

الله يطعمكن تطلعوا وما تكتبوا شي

ام عامر1
10-12-2011, 01:47 AM
اهلا اخت عاشقة منورة تفضلي اشربي معي كاسة شاي
http://www6.0zz0.com/2011/12/09/22/718629876.jpg

عاشقة (s)
10-12-2011, 01:49 AM
يسلم هالديات يارب

من يد مانعدمها

من وين انتي من سوريا

ووين عايشة

اذا مافيها سئلة طبعا

ام عامر1
10-12-2011, 02:29 AM
الله يسلمك يارب معلش سامحيني طولت عليكي
كنت عبطبخ رز بحليب (تفضلي)
ياستي انا من حلب الشهباء الأبية ...
وحاليا عايشة بالسعودية -بجدة
وانتي ...

الواثقة بالله2
10-12-2011, 02:58 AM
كيفكم شو وينكم اليوم يا سلام راح علي الشاي
اهلا ام عامر ماوصلني شي هههههههههههه

ام منير شو وينك سجلناكي غياب

سوريا حرة أبية
10-12-2011, 04:29 AM
صباح الخيررر عالصبايا الحلوااات
اهلا عاشقة حبيبتي كيفك والله اشتقنالك
والله معك حق العمر بيخلص والشغل ما بيخلص الله يكووون بالعوون يارب
الواثقة بالله كيفك ياقمر والله انا اشتقتلكم كتيررر الله يسلمك يارب
هلا ام عاامر بقى انتي من عناا من حلب يهلا فيكي خيتووو
هههههههههههههههههههههههه
هلا ام منيررر كيفك ياقمر له له سجلناكي غياااب
ههههههههههههههههههه
بدنا بكرة تجيبي معك غدااا وتجي شو رايكم صبايا موافقين على العقوبة لام منير
ههههههههههههههههههههههه
بدي اعمل عليكي شرطية حبيبتي ههههههههههههههههه

ام عامر1
10-12-2011, 04:44 AM
اهلين سوريا حرة ابية
انتي عرفت من خلال ردك انو انتي من حلب
مين كمان من حلب ؟؟
ياسلام هلق على حلب وليالي حلب
والله مشتهية انزلي كم يوم على هالبردات
ههههههههه
مع انو مابحب البرد ابداً بس مدري ليش عبحنلو هالايام !!

سوريا حرة أبية
10-12-2011, 04:54 AM
هلا فيكي حبيبتي والله ما بعرف اذا في حداا
غيرناا من حلب بس اهل زوج ام منيرر من حلب
واكيد مافي احلى من حلب وسهرااات حلب
تعي والله عنا بردااات غير شكل هههههههههههههههه
اليوم وامبارحة ماشاء الله مطر ما وقف الله يبعت الخيرر يارب

ام عامر1
10-12-2011, 04:58 AM
اي والله الله يبعت الخير يارب
ان شاء الله مشتهية انزل بس عندي مدارس للاولاد ...
كلو بيرجع للقسمة والنصيب اذا الي قسمة الله بيسرلي النزلة ..

عاشقة (s)
10-12-2011, 07:11 AM
صباح الخير على احلى صحبة

اختي ام عامر تشرفت فيكي وبكل حلبية مصاحبتها

عادي مسامحة بشرط

دوقينا الرز بحليب الي وللبنات

أنا أصلي من خان شيخون وعشت حياتي كلها بأدلب وضواحيها

وعايشة حاليا بالامارات

ياهلا فيكي سوريا حرة

شو أخبارك تشتقلك العافية يارب

وأنا اشتقتلكم كمان

بس شو منعمل والله ماعبصرلي افتح النت الا قليل

بس قلوبنا متواصلة بأذن الله

بالدعاء لبعض في ظهر الغيب

ام عامر1
10-12-2011, 07:48 AM
لك مية السلامة بدون ما تطلبي ادوقك رز بحليب كنت رح أقلكن تفضلو لانو ما بيتاكل الا بارد
وهلق ما صار شي مية اهلا وسهلا فيكي وبباقي الاخوات وتفضلو الرز بحليب


http://www10.0zz0.com/2011/12/10/04/374207634.jpg

الواثقة بالله2
10-12-2011, 08:12 AM
لك يا هلا بعشوقة والله كيف ولادك ان شاء الله بخير
سوريا حرة ابية لك يا هلا وانا جوزي حلبي تقريبا انا نسخة طبق الاصل من ام منير في كتير شغلات بتجمعنا

ام عامر يا سلام والله منظرهم بشهي ومن عندي بضمن ان الطعم بشهي اكتر يسلمو ايديكي

الواثقة بالله2
10-12-2011, 08:23 AM
امتزجت بروحي كامتزاج المسك بالعنبر
وصهرت فيك كماء الذهب مع المرمر
وبت تائهة هائمة حائرة كلما بعدت أكثر
ياشام
قد تغير وجهك وساده حزن و قهر وكدر
... يا شام
دمعتك أوقدت الفؤاد وحزنك القلب كسر
يا شام
قد اودعتك الإله وهو أجل من الأحزان وأكبر
بقلم
ريما السمانمشاهدة المزيد
https://fbcdn-sphotos-a.akamaihd.net/hphotos-ak-ash4/s320x320/386515_290275411014250_150387828336343_795168_2160 5207_n.jpg (https://www.facebook.com/photo.php?fbid=290275411014250&set=a.150395248335601.29954.150387828336343&type=1&ref=nf)

ام عامر1
10-12-2011, 08:26 AM
لك اهلا وسهلا والله الواثقة
صباح الخير شلونك وينك
قومي تاعي ...

ام منير 2008
10-12-2011, 11:23 AM
صباح الورد ياحلوات
كتير اشتقتلكم
مبارح خفت تحطوني غياب دخلت بالليل وكتبت بس ما طلعت مدري ليش
شو سوريا حرة ابية بدك تعملي عليي شرطي وتحطي عقوبات؟؟؟؟؟؟؟؟؟؟؟؟؟؟
شو عليه يوم لك ويوم عليك
ام عامر يسلموا عالرز بحليب شي بيشهي يعطيكي الف عافية
عاشقة شو اخبارك؟ وام عمرو؟؟؟

مبارح نزلت لعند اهلي ورح زور عندهم كم يوم
لالالالالالالالالالالالالالالالالا

مبارح بالليل كنت معزومة على عرس واشتهيتكم معي
وبعد مارجعت دخلت لسلم عليكم بس علق النت
يمكن مشان هيك ماطلعت المشاركة

ام منير 2008
10-12-2011, 11:25 AM
شو ياحلوات شوي تانية رح تقلبوه ملف حلبي خخخخخخخخخخخخخخخخخخخخخخخخخ
هلاء منحاكيكم شامي انا وام عمرو هاااااااااااا
واذا بدكم تحكو بالحلبي مو مشكلة صرنا شطورين وصرنا نفهم عليكم
ههههههههههههههههههههههههههههههههههه

ام عامر1
10-12-2011, 11:29 AM
اهلين ام منير منورة بهالطلة والله
وياستي بشو بتريدي (بنحكي الغزالة بتغزل على عود)
هههههههه

سوريا حرة أبية
10-12-2011, 05:23 PM
مسا الخيرر ياحلوات
هلا ام عبد الله كيفك ياقمر وتشتقلك العافية يارب
ياسلاام يام عامر على هالرز بحليب اللي بيجنن ما شاء الله عليكي
ومتل ما قلتي شو مابدكن يانا نحكي منحكي مسبعين الكاارات
هههههههههههههههههه
هلا ام عمر كيفك حبيبتي وشو اخبار الولاد ان شاء الله تكونو بخير
والله اتشرفت فيكي وبزوجك بقى بتشبهيها لام منيررر
كتيرر منيح هههههههههههههههههه
ام منير طبعا حبيبتي رح اعمل عليكي عقووبات كماان بس خلص بما انك
قلتي سبب غيابك خلص رح نسامحك هالمرة
هههههههههههههههههههههه
اتهني حبيبتي الله يهنيكي يارب

ام منير 2008
10-12-2011, 10:36 PM
مساكم ورد وياسمين
شو اخباركم؟

بدي لحق اكتب شوي قبل مايرجع يعلق
ههههههههههههههههه
طمنوني عنكم شو اخباركم؟
ام عامر عرفينا عن حالك اكتر؟؟
واذا سمحتي كمان عرفينا عالزلابية ماهي؟؟؟؟
لانو كل بلد بتختلف الزلابية عندهم

ام منير 2008
10-12-2011, 10:37 PM
شكرا سوريا حرة انك سامحتيني
هههههههههههههههه
الله يسامحك ويسامحنا بالدنيا وبالاخرة

عاشقة (s)
11-12-2011, 06:59 AM
صباح الخير لاحلى لمة

الهي يسلم دياتك يا ام عامر

شكله بيشهي

مأكول الهنا ان شاء الله

ياجماعة على ذكر الأكل

حبابين دلوني عطريقة تنحف بشكل سليم

والله رايحة جن

انا عالرضاعة بصح يعني بسمن يعني بمتن

وماعبعرف كيف وقف

طايرة طيران في صعود مستمر

بقى اللي مجربة طريقة ونافعة معها تدلني عليها

الله يجزيكم الخير مسبقا

ام عامر1
11-12-2011, 07:15 AM
صباح الخير ...

http://www14.0zz0.com/2011/12/11/04/804835701.jpg
وينكن لسا مالحقنا نمل من بعض ههههههههه
ياستي ياام منير المنورة على طول ان شاء الله
انا عندي اربع اولاد وعايشة بجدة صرلي حوالي 10 سنين
وبالاجازة بنزل لحلب وبرجع على فتوح المدارس طبعا
وبحب الصراحة كتير (وهية سبب وجع راسي بالحياة العملية)
وبكره الكذب والمراوغة وبحب الناس كتير وخصوصي اذا كانو من جوا حلوين
وبالنسبة للزلابية هي نوع من انواع الحلويات البسيطة الثمن
اللي بعرفو عنها انها من عجين اولا واخرا (بس طريقة العجين ما عندي فكرة عنو)
برقو العجين بشكل رقيق وبخلو الاطراف سميكة شوي وبيقلوا بالزيت
وبعدا بحطو بقلب العجين سكر ناعم وقرفة مطحونة وبلفوا على شكل صندويشة
واحياناً بيدهنو بقلبها قشطة واحيانا بيدهنو القشطة مع فستق حلبي مبشور
وبلفوا على شكل الصنويشة وبيرجعو برشو على وجهها سكر وقرفة ناعمة وفستق حلبي مبشور
بس طعمها كتير طيب ياريت اعرف اعملا صح هي بسيطة بس انا (كسلانة بهيك نشاطات )
وهلق التحقت الاخت عاشقة صباح الخير عالعشوقة ...
خبروني انتو عن حالكن انا جديدة بيناتكن وما بعرف عنكن شي غير اللي قريتو من خلال الملف ....

عاشقة (s)
11-12-2011, 07:23 AM
يسعد صباحك ام عامر

مية السلامة فيكي شرفتينا

ويمكن الزلابيا اللي عبتحكي عنها نحنا منسميها سيالة

عجينتها بتشبه عجينة القطايف مو هيك؟

عاشقة (s)
11-12-2011, 07:29 AM
شو بتحبي تعرفي ام عامر

انا عايشة بالامارت بعد ماتزوجت مباشرة وعندي اربع ولاد

مها وهبة وعبدالله وعبد الرحمن

9 سنين و7 سنين و4 سنين و9 شهور

عندي هبة معاقة اعاقة شبه كاملة

وهالفترة بجوز نعملها عملية فتحة بالمعدة

ادعولها بالخير والله محتارة وخايفة

وشو كمان

ام عامر1
11-12-2011, 07:30 AM
صباح الخير ...
http://www14.0zz0.com/2011/12/11/04/239086442.jpg
شفتك عاشقة وياويلك تطلعي بدون ما تعرفيني على حالك اكتر...
والله ياعشوقة آسفة مو هية السيالة
السيالة بتشتريا جاهزة وبتعمليا بالبيت
وتحطي سمنة عليها وهية عالنار وبعدا بترشي
عليها السكر والقرفة (واذا حدا بضيف قشطة او فستق على حسب )
بس الزلابية غير عجينتها رقيقة كتير ومن كتر مالا رقيقة بتحسيا شفافة الا شوي والاطار تبع العجينة سميك شوي بحيث لما بيقلوا ماينحرق اطرافه ياريت فيني اشوف عالنت شي يخليكن تتعرفو عليها اكتر ...

عاشقة (s)
11-12-2011, 07:38 AM
ماعرفتها والله

حرقصتيني عليها

عبدور بالنت عبلاقي الزلابيا متل المشبك عنا تقريبا مومتله تمام

يالله

الله يرد الامن لبلادنا ونروح ونتعرف عليها شخصي

ام عامر1
11-12-2011, 07:39 AM
بصراحة الي الشرف اتعرف عليكي وعلى باقي الاخوات
بس صدمتيني ...
الله يخليلك اولادك ويحفظلك ياهن يارب
ويشفيلك هبة يارب دعوة غريب لغريب ويسخرلك الاطباء الشاطرين
لحل مشاكلها يارب العالمين
والله حزنتيني عليها واكيد حزنت عليكي معها بس الله ما عندو الا كل خير
مابعرف يمكن مالازم اخليكي تشعري بالحزن آسفة كتير
عنجد ما عاد عرفت اش بدي اكتب ...

عاشقة (s)
11-12-2011, 07:45 AM
لا يغالية عادي بالعكس

شكرا كتير على ردة فعلك وعلى طيبة قلبك

الله يستجيب دعائك ولايضرلك غالي

انا الحمد لله نوعا ما تأقلمت عليها

بلاقي صعوبات معها اوقات وخصوصي هالفترة

باعتبار حالتها عبتسوء

وهي عبتكبر

وانا من عند اللي ولدت جوزي الله يحفظه

ما عبيحيجني المسها الحمد لله كتير بيساعدني فيها بالشغلات اللي بيقدر عليها

والا بشكل عام الحمد لله على كل حال

قدرانة اتأقلم معها

ادعيلها كل ما تذكرتيها

ام عامر1
11-12-2011, 07:48 AM
بصراحة لما تذكرتا وحبيت اجيب عنا صور واعزمكن عليها ما طلعت غير صورة اللي انا حطيتها
وكمان دورت كتير ودخت لوقت لا قيتا
بتعرفي حلب منيح مشهورة كتير بالجديدة وبالسليمانية وكمان بالجميلية (محل المشبك واللقم )عالزاوية
شو رأيك عبعملو دعاية للمحل بالجميلية هههههههههه اسمو القصاص اذا بتعرفي (مالو بشارع اسكنرون)هاد غير هداك المحل
وهلق صار يبيعوا بالخالديةعنا بحلب (صارت العالم تتحلى فيا ارخص من الحلويات المشكلة هههههههه)
انشالله بتنزلي بخير وسلامة وبتحليني انتي على شفاء بنتك يارب
ما شاء الله بكون عبكتب الرد لسا بتلحقيني
برد جديد طولي بالك ما عبلحقلك بسم الله وما شاء الله ولا قوة الا بالله (من عيني هههههههه)

ام عامر1
11-12-2011, 07:53 AM
انشاء الله تكرم عيونك رح ادعيلا وادعيلك معها باللي الله بيسرلي ياه يعني باللي بيجي على بالي
بصراحة هلق ما عبيطلع معي غير الله يشفيا يارب ويحمل معك
طمنيني عنها كل ما سمحتلك الفرصة
وانشاء الله يخليلك اولادك ويحفظلك ياهن من كل سوء يارب
ويخليك جوزك ويحفظلك ياهن يارب

عاشقة (s)
11-12-2011, 07:57 AM
هههههههههههههه

شايفة كرارة (ماعرفت كيف اكتبها ههههه )نمرة أولى

ماصدقت تصادفت بحدا

يالله سباق مين بكتب اكبر عدد من الردود

الله يسمع منك

ويشفيها ويحن عليها

بس بتعرفي لو اني محلك مابرضى بالزلابيا بس تحلاية

هههههههه

يالله اطلبي وتمني

عاشقة (s)
11-12-2011, 08:02 AM
الله يحفظك يارب ويسلمك من كل شر انتي وكل اللي بتحبيهن

عنها اول بأول

يالله بدي استأذن منك ام عامر

منتلاقى المسا بأذن الله

دعواتك

ام عامر1
11-12-2011, 08:04 AM
لك تسلمي يارب والله قدها وقدود على راسي والله
ياستي ما بدنا نكلفك بس
بتعرفي لانو مالك عيشة معناتا كتير بحلب حتى ما بتعرفيا (للزلابية)
لانو كتير هالاكلة بخص هالفترة انشهرت عنا بحلب شقد صرلك مارحتي على حلب
وبالنسبة للكر اكتر مني كرارة مارح تلاقي ههههههه

ام عامر1
11-12-2011, 08:07 AM
اذا الله راد بنلتقى المسا ...
بحفظ الله ورعايته وبوسيلي الاولاد امانة
مع السلامة ...

عاشقة (s)
11-12-2011, 08:13 AM
لا والله من زمان انا بالامارات

من شي 10 سنين

بنزل كل سنة

بس بشهر مابلحق على شي

يالله

سلاااااام

ام عامر1
11-12-2011, 08:15 AM
هالمرة لما بتنزلي حطيا ببالك
واول ما بتنزلي اسالي عنا هههههههه
سلام ...

ام عامر1
11-12-2011, 08:26 AM
عاشقة رحتي ولا لسا
لا قيتلك يوتيوب تبع الزلابية
وهية اللي عبقصدا ابعتلك ياه عالخاص ولا احطو هون
لانو اليوتيوب فيو موسيقى؟؟؟

الواثقة بالله2
11-12-2011, 02:52 PM
لك كيفكم ياسلام عاشقة وام عامر اخدين راحتكم ام عامر شو رايك ان حسيت المحل تبع الزلابيا اجا عل موضوع من طريقة شرحك لمكانه هههههه
اي حاج تحكو فيها شهيتونة

عشوقة ربي يقويكي بحسنة هل طفلة ويشفيلك ياها يارب وييسر عمليتها ويسخرلها احسن دكاترة واكيد كلشي باجره والله ما بيضيعلك تعب

ام مني وينك حبيبتي انتي عم تتفتليي بدبي وانا محبوسة بالبيت مو حرام
بسم الله ماشاء الله بالله ما صيبك شي عين ههههههههههه

ام عامر1
11-12-2011, 03:04 PM
واثقة انتي بتعرفي شقد بحب اشرح القصص كاملة من الالف للياء هههههههه
بعتلك افيديو الك ولام منير مشان تشوفيا
بعرف انو بتعرفيا بس مشان تشتهي اكتر لانو لما حطيتا انا ماكنت مشتهية عليها كتير بس قد ما حكيتلن عليها ولما شفت الفيديو فطست بعيد الشر عن قلبي هههههههه

ام منير 2008
11-12-2011, 03:40 PM
ماشالله عليكم عاشقة وام عامر
شط ريقي على قد ما حكيتو عليها
حرام عليكم
ههههههههههههههههههههه

يسلمو ياقلبي على الفيديو بس بتعرفي ماني ايكلتها ولا مرة
مع انو جوزي حلبي بس ولامرة دوقوني ياها بيت حمايي
هههههههههههههههههههه
واللي عند الزاوية تبع المشبك واللقم بعرفو طبعا لازم كلما نزلت على حلب نجيب من عندو
ممممممممممممممممممممم
شهيتوني انزل على حلب

ام منير 2008
11-12-2011, 03:47 PM
عاشقة حبيبتي انشالله ربنا بيطمنك على بنتك قادر ياكريم
ويتمم شفاها ويسخرلها امهر الاطباء
ويقويكي انتي وزوجك بحسنتها ويختارلكم الخير يارب

ولا تقنطوا من رحمة الله


ام عمرو كيفك شايفة عم يعملوا صبحية من ورانا
بعدين مو صياعة زيادة بس النت هون جنني من الصبح دخلت
وكتبت مشاركات بس كلما كبست اضف الرد السريع يفصل النت

عاشقة (s)
11-12-2011, 05:01 PM
مسا الخير ياحلوات

الله يسلمكم جميع يارب

والله فرحتوني بدعواتكم

الله يفرح قلوبكم باللي بتتمنوه

يسلم ايديكي ام عامر على الفيديو

ياخيتو غير شكل

لك تسلملي حلب واهل حلب واكلات حلب وشوارع حلب قرنة قرنة

وكل شي بحلب

ام منير 2008
11-12-2011, 05:29 PM
حبيبتي ام عامر
اذا بدك تعرفي عني اكتر خدي السيفي تبع ام عمرو ونسخيها عليي
هههههههههههههههههههههههههههههههه

انا من الشام الفيحاء وجوزي من حلب الشهباء
صارلي 12 سنة متزوجة وبيتي بحلب
متغربة مع اهلي بالامارات من 29 سنة الحمدلله والله يآمننا بأوطاننا
عندي ولد واحد منير عمرو 3 سنين والله يبعتلي غيرو يارب
بحب الطبخ والاكل وبحب الاشغال اليدوية والكروشيه
على خلاف مستمر مع الريجيم يا بغلبه يا بيغلبني
ههههههههههههههه
وعالاغلب هو عم يغلبني ههههههههه
معي دبلوم معالجة فيزيائية وليسانس شريعة ( دراسات عربية واسلامية ) مع اني كنت ماحب الدراسة كتير بس مدري شلون كنت ادرس وانجح وجيب علامات
خخخخخخخخخخخخخ
اشتغلت معلمة اطفال بس تركت بعد 9 سنين لانو يمكن كان طلعلي قرون من تحت راسهم
ههههههههههههههههه
شو بدك تعرفي كمان
اجتماعية ماشالله حولي وبحب اتعرف عالحلوات والطيوبات وبس ههههههههههه

شو بتحبي تعرفي اكتر

ام منير 2008
11-12-2011, 05:32 PM
اي والله يا عاشقة تسلملي حلب واهلها وحاراتها شقفة شقفة وعوجة عوجة

ام منير 2008
11-12-2011, 06:46 PM
على قد ماحكيتو عالزلابية الحلبية
دورت ومحصت وفتشت وتعبت من الروحة والجية
لقيت موقع وفيه الزلابية
هي هية الطريقة

مقادير الوصفة


2 كوب طحين 3/4 كاسة ماء رشة ملح نصف ملعقة صغيرة خميرة

طريقة التحضير

نضع الطحين في وعاء ونضيف له الملح والخميرةبحيث لا يختلط الملح بالخميرة كل منهم بزاوية من الوعاء ثم نضيف الماء بالتدريج حتى تصبح لدينا عجينة. نغطي الوعاء بالنايلون و نضع العجينة في الثلاجة مدة ساعة. نخرج العجينة من الثلاجة ونقطعها على شكل كرات صغيرة. نضع زيت القلي على سطح أملس ثم نبدأ برق قطع العجينة فوقه. في هذا الأثناء نضع الزيت في وعاء عميق على النار حتى يسخن جيداً. ثم نبدأ بوضع قطعة العجينة المرقوقة فوق الزيت على النار بحيث تكون النار هادئة. عندما يصبح لون العجينة ذهبي نقوم بقلبه حتى يحمر الوجه الآخر. نرفعها عن النار ونضعها فوق محارم المطبخ ونغطيها وهكذا نكرر العملية

ام منير 2008
11-12-2011, 06:49 PM
وهي لعيونكم ياحلوات
تكرموا هي كل الاكلات الحلبية
اش رايكم فيني هههههههههه
بعجبكم مو؟؟؟؟؟؟؟؟؟؟؟؟؟؟

http://www.aleppofood.com/index.html

سوريا حرة أبية
11-12-2011, 09:31 PM
مسا الخير
ماشاء الله عليكم شو تاركين العالم وراكضين على حلب
اجيت عالسيرة على قد ما مدحتوو حلب جيت انا الوحيدة اللي عايشة بحلب
هههههههههههههههههههههههه
شو اخباركم ياحلى صبايا والله هالزلابية بعد ما قريت كل هالحكي الحلوو عنها
زوجي وهو رايح عالشغل بيقلي شو بدك قلتله جبلي زلابية
ههههههههههههههههههههههههههههه
الله عليكم والله بتشهوو اللي ما بدوو يشتهي ام عامر هاد المحل اللي عمتقولي عليه مشهور
بس اذا بدم زلابية عن حق وحقيق وشي فاخر عالاخر
من عند حلويات دياب اللي بالسليمانية هاد ملك الزلابية جربي وادعيلي
والله ما بيخصني بشي ولا عمبعمل دعاية ابدا
هههههههههههههههههههههههههههههه
حبيبت قلبي عاشقة الله يشفي بنتك يارب والله يلبسك العافية انتي وابوها
بحستنها يارب واذا هالعملية خير بحقها الله يقدمها يارب واذا شر الله يبعدها
ام منير الله يسلم هالايدين يارب وهي هي بذاتها الزلابية
والملف ما شاء الله عليكي شي بيشهي يسلموو ياقمر
الواثقة كيفك حبيبتي وكيف الاولاد ان شاء الله تكونو بالف خيررر يارب

سوريا حرة أبية
11-12-2011, 09:38 PM
وانا رح اعرفك على حالي ام عامر
انا من حلب وعايشة بحلب والحمدالله
متزوجة من 7 سنواات وعندي ولدين عبد الرزاق وحمزة
واعمارهن 5 سنوات و3 سنوات
عمري 24 سنة متخرجة من الجامعة اختصاص فلسفة علم نفس
اختصاص تربية طفل
وشو كماان بدك وبحب الطبخ كتيررر وبحب اعمل حلويات كتيرررر
بس ما بحب الجلي ابداا
هههههههههههههههههههههههههههههههههههه
وهي كلشي يمكن واي شي بدك تعرفيه ياقمر انا جاهزة
واتشرفنا فيكي حبيبتي

ام منير 2008
11-12-2011, 11:40 PM
اهلين سوريا كيفك ياقمر
عطينا اسم اصغر شوي نناديلك فيه
شو رايك سوسو
الفيديو اللي بعتتلي ياه ام عامر هو من حلويات دياب بالسليمانية
رح سجل الاسم عندي مشان اول ما انزل على حلب جيب منها
هههههههههههه
بعدين ياقلبي وانا كمان بحب الطبخ والحلو وما بحب اجلي
هههههههههههه
مشان هيك بتشجع بشغل الحلو والاختراعات عند اهلي لانو في شغالة
هههههههههههههه
ولما بنزل على سوريا بيطلبو مني بنات اخواتي اعمللهم حلويات
بقوم انا بشترط عليهم يجلو وينضفوا المطبخ هنن
ههههههههههههه

الواثقة بالله2
11-12-2011, 11:40 PM
اشتهيت ارجع عرفكم عن حالي هههههههههههه

ام منير 2008
11-12-2011, 11:41 PM
اهلين ام عمرو والزائر اللي معها
هههههههههههه
مسام ورد وصباحكم زلابية من عند ام عامر
ههههههههههههه

الواثقة بالله2
11-12-2011, 11:42 PM
لا انا بحب الجلي بس ما بطيق طوي التياب

ام منير 2008
11-12-2011, 11:42 PM
اهلين ام عمرو
عرفينا عن حالك؟

الواثقة بالله2
11-12-2011, 11:43 PM
يسعدلي مساكي ام منير شو وينها هنودي ليش ما م نشوفها

ام منير 2008
11-12-2011, 11:44 PM
ههههههههههههه عجبتني طوي التياب
ذكرتيني بالكوي
ييييييييييييييييييييي شو بكرهو
مشان هيك مابكوي الا ليصير عندي تلال كوي
بحطهم حطة وحدة وبخلص

ام منير 2008
11-12-2011, 11:45 PM
والله مابعرف مع انو عزمتها
يا حلوة حذفي توقيعك مشان يفتح اسرع

الواثقة بالله2
11-12-2011, 11:45 PM
انا من الشام عمري 16 سنة وماعندي ولاد بيشيبو لي عمرو ما شاب حلوة ونعومة وشطورة كتير

يالله لي عندها خطابين تبعتلي هههههههههههههههه

الواثقة بالله2
11-12-2011, 11:46 PM
حاضر ابلتي

ام منير 2008
11-12-2011, 11:46 PM
شو يا قطة نمتي

ام منير 2008
11-12-2011, 11:48 PM
الله يرضى عليكي يا نجيبة
ههههههههههههه

ام منير 2008
11-12-2011, 11:51 PM
شو اليوم مافي حدا سهران

الواثقة بالله2
11-12-2011, 11:51 PM
شكرا ابليتي شو عم تعملي شو طبختو اليوم

الواثقة بالله2
11-12-2011, 11:53 PM
لا حبيبتي عم يسهرو بعد الساعة3 هههههه

ام منير 2008
11-12-2011, 11:53 PM
شو يا حلوة عم تكتبيلنا السيرة الذاتية تبعك؟

ام منير 2008
11-12-2011, 11:55 PM
اليوم ماما عملت دجاج تكا وخبز بوري
وسلقنا لسانات بس مالحقنا نعملهم
بكررا رح نعملهم سلطة

الواثقة بالله2
11-12-2011, 11:55 PM
لا حبيبتي كتبتها صارت بالصفحة 10 ما شفتيها

الواثقة بالله2
11-12-2011, 11:57 PM
هاتي لشوف شلون بيصير هادا تكا وبوري بحب الاكلا الغريبة والله يخليلك الماما

ام منير 2008
11-12-2011, 11:57 PM
اهلييييييييييييييييييييييييييييييييييييييييييييييي ن ام عامر
طباختنا الحلبية
هههههههههههه
شفتي طريقتها للزلابية؟
غلت الدودة فينيي قمت حطيت دابي من داب طريقتها

ام منير 2008
11-12-2011, 11:59 PM
لاء ماشفتها
بعدين مو قلتلك احذفي التوقيع؟

الواثقة بالله2
12-12-2011, 12:01 AM
اهلين ام عامر

ام منير قولتك مين هل زائر المتطفل ولي رااح طق على ما اعرف

ام منير 2008
12-12-2011, 12:02 AM
شو ايمتى صار عمرك 16
مبارح كنتي 10
خخخخخخخخخخخخخخ

الواثقة بالله2
12-12-2011, 12:03 AM
ههههههههههههه قدرت قادر

ام منير 2008
12-12-2011, 12:04 AM
ام عامر وينك؟
استرجي تطلعي بدون ما تكتبي
والله يا ام عمرو مدري مين هالزائر
الظاهر انو شي شوكة لانو بس الوردات اللي بيظهروا ومتل ما بتعرفي انو الشوك هو اللي بيتخبا
وملفنا وردات معطرة ومافي محل للاشواك فيه

ام منير 2008
12-12-2011, 12:06 AM
ياستي هالزائر دبق

الواثقة بالله2
12-12-2011, 12:06 AM
والله فروحة عينها حمرة متل الدم واليوم مبلشة عينها التانية
دقتلي ابلتها قالتلي ان هادا رمد وخايف تعدي الاطفال قلتلها خالص بكرى ما ببعتها حدا بيعرف علاج سريع انا عم حطلها معقم قطرة

ام عامر1
12-12-2011, 12:06 AM
لك يامية اهلا وسهلا بام منير والواثقة والله يا حيالله
اي والله هالرقبة سدادةهههههههههههه تذكرت النمس
لما بيحكي هالجمل بباب الحارة

ام منير 2008
12-12-2011, 12:08 AM
ياقلبي عليها سلامة عيونها انشالله
ابصر عينها محمرة من مين
خخخخخخخخخخخخخخخخخخخخخخخخخخ
حطيلها مطهر تبع العيون وفي بالصيدلية مرهم ظريف كمان
ولاتخليها تنشف وجهها بالبشكير تبعكم
خصصيلها واحد لحالها
او عطيها محارم تنشف فيهم مشان ما تنقل العدوى لكم

الواثقة بالله2
12-12-2011, 12:08 AM
ام عامر لا تكتبي كل لي بقلبك بمشاركة وحدة

ام منير 2008
12-12-2011, 12:09 AM
واخيرا ظهرت ام عامر وطار الزائر
هههههههههههههه
شو كنتي عم تقري عليه
او شاف حالو شوكة قام هرب؟؟؟؟؟؟؟؟؟ظ

ام عامر1
12-12-2011, 12:11 AM
ام منير كيفك عبتحكي معي انا اغير التوقيع ما انتبهت انو الي ولا لاء
واذا كان الي الحكي ليش لامسح التوقيع شوفيو كمان مافيو لا .....ولا ....

الواثقة بالله2
12-12-2011, 12:11 AM
والله اليوم عم فيقها على الروضة ارتعبت
قلت بسم الله بنت مين هي من وين اجت يا حرام كتير حمر يمكن ولاد الروضة عم يخافو لهيك الابله قالتلي لا تبعتها ههههههه

الواثقة بالله2
12-12-2011, 12:13 AM
ام عامر لا عم تقلي شيلي التوقيع وقت بتضيفي مشاركة لان النت عندها بطيئ محل ما بتكتبي شيلي الصح من كلمة عرض توقيعك في المشاركة

ام منير 2008
12-12-2011, 12:14 AM
لاء يا ام عامر مافيو شي توقيعك
بس مشان نفتح الصفحة اسرع
هههههههههههه
بس هون احذفيه يعني مؤقت يا قمر
بعدين كنت عم احكي مع ام عمرو
بس الحكي الك ياجارة اسمعي ياكنة
ههههههههههههههههههههههههههه

ام منير 2008
12-12-2011, 12:15 AM
لك يسلملي الطالبة النجيبة
هههههههههههههههههههههه

ام منير 2008
12-12-2011, 12:16 AM
شفتي ام عمرو طار الزائر

الواثقة بالله2
12-12-2011, 12:18 AM
اي منيح طار

ام منير 2008
12-12-2011, 12:19 AM
وينكم تركتوني لحالي
هلأ بخاف
يا ماما اصفر لوني
لاتطفوا الكهربا

الواثقة بالله2
12-12-2011, 12:20 AM
لك هون لا تخافي بس ولادي دلئو دوا الفيفادول وتسبحو فيه رحت اسبح معهم

الواثقة بالله2
12-12-2011, 12:26 AM
رولا م عندك شي خبر عن طبوش هلاء نزت لتحت شفت تجمعنا القديم يالله تفتحت جروحي

فــيــافــي
12-12-2011, 01:07 AM
موفقه اختي

انا ابي كل وحده تهدلي شي من الحللوان الللي معكم......داخللله على جووووووووووووووووووووع

ام عامر1
12-12-2011, 01:24 AM
اهلين فيكي اخت فيافي ويا اهلا وسهلا شرفتي

http://www14.0zz0.com/2011/12/11/22/191689132.jpg
ومن وين الاخت اذا مافي احراج عرفينا على حالك

ام عامر1
12-12-2011, 07:03 AM
اهلين نون شلونك(كيفك) ما بدك ترمي السلام علينا ولا بس من بعيد لبعيد...

ام منير 2008
12-12-2011, 09:44 AM
صباح الخيرات والليرات
كيفكم ماقدرت كمل معكم مبارح ماعاد كتب مشاركات !!!!!!!!!
قال مابيصير اكثر من 20 مشاركة بالساعة
ههههههههههههه

شو اخبارك ام عمرو سبحتي منيح؟؟؟
صارت ريحتكم ع فريز خخخخخخخخخخخخخخخ

ام عامر1
12-12-2011, 09:54 AM
اهلين ام منير شلونك اش اخبارك
انا فيتحة من الصبح وما حدا اجا معي تفضلي عبشرب قهوة تفضلي
http://www10.0zz0.com/2011/12/12/06/675359476.jpg
صبيتلك واحد جديد ها يلا هلق بتبرد

ام منير 2008
12-12-2011, 10:21 AM
اهلين فيافي نورتي معنا
كان بودي اعزمك مبارح بس مو مشكلة
هلأ بجبلك احلى حلوان

اول شي قهوة الصبح مشان نصحصح


http://up.bentvip.com/up/20100628120648.jpg

وهي البسكوت مع القهوة



×××××××××××××××××××××××××××××××××××



وهي الكيك


http://up.mrame.net/uploads/thumbs/mrame-4499cc3f49.jpg

ام منير 2008
12-12-2011, 10:24 AM
‏ام منير 2008 (http://forum.hawahome.com/u301318.html), ‏ام عامر1 (http://forum.hawahome.com/u340211.html), ‏نجمة خراسان (http://forum.hawahome.com/u100978.html), ‏قلب راض (http://forum.hawahome.com/u178333.html)


اهلين ام عامر كيفك
اهلين نجمة خراسان وقلب راض
تفضلوا معنا عالقهوة

ام منير 2008
12-12-2011, 10:25 AM
كيفك ام عامر؟ شو اخبارك وكيف الصغار الله يحميهم
شفتي طريقة الزلابية اللي حطيتها؟؟

ام منير 2008
12-12-2011, 10:29 AM
والله يا ام عمرو طبوش من زمان مابعرف شي عنها
انقطعت اخبارها تقريبا من بعد ما ولدت ابنها الثاني
وتقريبا من وقتها ماعاد دخلت كتييييييييير

ام عامر1
12-12-2011, 11:12 AM
والله تسلم ايدك ياام منير بس اعذريني عالتاخير بالرد
وانا مالي كتير بال للمعجنات ...
انا صعي بفتح النت الله وكيلك بس اقعد افتح النت وبفتح معو المسنجر
وبتبلش بقا المحادثات وانا من نوع اللي بفتح صفحات كتيرة بالمنتدى وما بطلع منن
واللي بِعدي عالصفحة بحسب انو بقرأ فيا ولا بكتب والواقع بكون فيتحة محادثة مسن
وكانو لاحظت انتي كمان بتضلي بالصفحة وبتروحي بتقضي شغلة تانية هههههههههه

ام منير 2008
12-12-2011, 01:47 PM
ههههههههههههههه
يعني الحال من بعضو
وانا كمان بفتح وبعمل تحديث كل شوي
بقوم بقضي كم غرض وبرجع بشوف
واكيد مارح يكون الك مراق بالمعجنات لانو ماشالله حلب ام المحاشي والكبب
مابيعبي راسهم هيك اكل
ههههههههههههههه

عاشقة (s)
12-12-2011, 03:17 PM
السلام عليكم ورحمة الله وبركاته

شو بنات راح تسكروا الملف ماشاء الله

طيب استنوني حرام عليكم

شو أخباركم اليوم

شو طبختو شو عملتو وين رحتو

ام عمر شو سمعت انه اخدتي حبة سحرية رجعت مدري كم سنة لورا

دليني عليها حبابة

مو الي ترى

لناس مابتعرفيهن ههههههه

فيافي اهلا وسهلا فيكي بيننا شرفتي

بس اعذريني من الحلوان وان شاء الله البنات مابقصروا

لان عندي مشكلة بنقل الصور وماعبعرف اخلص منها

ام عامر1
12-12-2011, 03:24 PM
اهلين عشوقة
بالنسبة الي لارحت ولاجيت بس شربت قهوة وقلتلا لام منير تتفضل تشربا معي
وهلق الاولاد اجو من المدرسة (من ساعتين )وتغدو ونامو
وحضرتي قيعدة عبستنا جوزي ليجي احطلو الغدا وبعا اناملي شوي
قبل ما حدا يسالني عالغدا رح اقلكن انو اجاني امبارحة شخص من حلب وجايب معو
شوية مشويات حلبية تفضلو

الواثقة بالله2
12-12-2011, 07:55 PM
اهلين عشوقة لعيونك حبيبتي هههههههههههههههههه اول كم سنة بتحبي تنزلي لان في عدة انواع وكل حبة بتنزل شي سنتين شي 3 سنسين ولقد ما بدك

انا قاعدة بالبيت لا روحة ولا جية
هل مرة بدنا نعمل على سوريا حرة ابية العقاب

ام عامر1
12-12-2011, 08:21 PM
شفتك واثقة اش اخبارك
راسي عبيوجعني اليوم الله يعطيني خير وجع هالراس

الواثقة بالله2
12-12-2011, 09:39 PM
اهلين ام عامر سلامتك

اي والله لازمها حل

ام منير 2008
13-12-2011, 12:44 AM
كيفكم صبايا حلوات

لالالالالالالالالالالالا
انا رحت وجيت ولفيت ههههههه
بما اني بدبي عند اهلي زايرة
معناها في صياعة كل يوم
رحت اليوم عالقرية العالمية
اشتهيتكم معي
وبالنسبة للطبخ عملنا اليوم لزانيا يمممممممممممممممممم
وتعشينا كنتاكي
وبس
هههههههههه

ام منير 2008
13-12-2011, 12:45 AM
سلامة راسك ام عامر
لايكون في حدا من قرايبينك عم يسببلك وجع راس
( حماية؟ - بنت احما سلفة مثلا مثلا )
دوري عالحل
هههههههههههههههههههههه

ام عامر1
13-12-2011, 02:11 AM
اهلين ام منير
ابسط ياعم دبي وما دبي (بسم الله ما شاء الله لاقوة الابالله)
وبعدين وجع راسي بعرف سسبو هو قلة النوم
طول الليل عالنت وبعدا بمشي اولادي عالمدرسة وبقول اذا نمت هلق
مارح اقدر الحق اعمل الغدا وهيك ليصير بعد العصر لاحسن انام ومابفيق
لبعد المغرب احيانا واحيانا لل9-10 حسب وبرجع بالليل بسهر وعلى هاد ومتلو

الواثقة بالله2
13-12-2011, 02:29 AM
ههههههههههههههههههههههههههههه
ام منير شو بلشتي ترمي فتيشات

وياعمي القرية العالمية احكيلي بالله حلوة

وصحة وهنا على الازانيا والله بدي اعملها

ام عامر1
13-12-2011, 08:25 AM
صباح الخير وينكن اليوم...

ام منير 2008
13-12-2011, 10:01 AM
صباح النور ليكنا هون ام عامر
لازم تريحي حالك ياقمر مابيصير تبقي سهرانة طول الليل
سهري نصو ونامي نصو
هههههههههههههه
او مشان الغدا مادامك سهرانة حضري اللي بتقدري تحضريه
مشان تنامي الصبح بعدمايمشوا الولاد الله يسهللهم
وبعدين بيبقى بس تطبيق الطبخة
حرام هيك بتتعبي جسمك عالفاضي
والله هالنت صاير ادمان عليه
هههههههههههههه

ام منير 2008
13-12-2011, 10:03 AM
تكرمي ام عمرو بس لظبط الصور رح نزللكم ياهم
حصري وخص نص الكم هههههههههههه
كل سنة بتكون القرية حلوة بس السنة مافيها شي زيادة مميز متل السنوات الماضية
بتعرفي من زمان كانت لما تفتح تلاقي بضاعة بتجنن والاسعار كتير حلوة ورخيصة
بس هلأ مافي شي مميز زيادة والاسعار مرتفعة
حتى انهم ما بيتفاصلوا
هههههههههههه
بس ظريفة تغييير شكل

ام عامر1
13-12-2011, 10:10 AM
اهلين ام منير كيفك شو اخبارك(ليكني عبحكي شامي )

ام عامر1
13-12-2011, 10:15 AM
عن اذنك رايحة اعمل صبحية ادعيلي تظبط

ام منير 2008
13-12-2011, 10:30 AM
اهلين ام عامر
يسلملي الشامي
مع انو جبت القهوة

http://www2.0zz0.com/2010/09/23/14/651685144.jpg


بس يلا مو مشكلة روحي على صبحيتك
موفقة

ام عامر1
13-12-2011, 10:38 AM
ما ظبطت ام منير الصبحية ..~~~
يلا شو بدي اعمل خيرا بغيرا
اي ام منير بنشرب قهوة ليش ما نشرب قهوة اصلا هية الصبحية
لح اغير شكل واشرب قهوة هههههههههه

ام منير 2008
13-12-2011, 10:47 AM
ميت السلامة اهلا وسهلا بام عامر
ليش وين رحتي تعمليها لصبحيتك؟؟؟

ام منير 2008
13-12-2011, 10:49 AM
جربتي طريقة الزلابية اللي حطيتها؟
كيفو راسك اليوم؟

ام منير 2008
13-12-2011, 11:06 AM
ههههههههههه
شو ام عامر؟؟؟؟؟؟؟؟؟؟
شكلك متل العادة فتحتي ونسيتي
يلا مو مشكلة المهم شربنا القهوة سوا

ام عامر1
13-12-2011, 11:31 AM
والله يا ام منير النت كتير بطيء انقهرت منو كتير ساعة لتفتح الصفحة
مع انو كنت جايبة بيتي فور مع القهوة
وبردت القهوة وماطلعت الصورة من كتر مالو بطيء
وراسي الحمدلله احسن وبالنسبة للزلابية
ما بحب اساوي لانو بس ساويت مرة بدي اعلق علقة غيرشكل...
والصبحية كنت رايحة اعملها عند بنت عمي مقيمة هون بجدة وصرلي من العيد الصغير
ما شفتا هي هية القصة من طقطق لسلام عليكم هههههههه

ام منير 2008
13-12-2011, 02:06 PM
هههههههههههه
بسيطة ام عامر خيرها بغيرها
فكرت الصبحية هون هههههههههه
وبالنسبة للنت حتى انا مدري شبو اليوم
ساعة لتفتح الصفحة
وبعد ما اكتب الرد ساعة ليطلع ههههههههه اذا مابيكون انحذف من البطء
تقولي زلحفة
خخخخخخخخخخخخخخخخ

عاشقة (s)
13-12-2011, 03:52 PM
مسا الخير ياصبايا

كيفكن اليوم ماتقولولي متل كل يوم

لأن روحي طاقة من الروتين

طلعت المدرسة الها فوائد ما ادركناها الا مؤخرا

بعد ماعطلت بنتي واجا البرد مع العطلة ماعدنا تحركنا

انتو شو مشاريعكن لهالعطلة

الواثقة بالله2
13-12-2011, 04:26 PM
يسعدلي صباحكم ومسائكم

اهلين عشوقة ليش انتو بلشت العطلة عندكم
نحنا لسع ما بلشت

ام عامر1
13-12-2011, 08:00 PM
مسالخير شلونكن ياحلوات بالحلبي ههههههه
شو اخباركن بالشامي ؟
كيف احوالكم بغير لغة عربي مثلا ههههههههه


http://www13.0zz0.com/2011/12/13/16/179339024.jpg

ام عامر1
13-12-2011, 08:09 PM
يلا القهوة جاهزة وما رح اشربا وحدي عبستنا نشربا سوا
http://www13.0zz0.com/2011/12/13/17/952985202.jpghttp://www13.0zz0.com/2011/12/13/17/287118606.jpg

سوريا حرة أبية
13-12-2011, 11:53 PM
مسا الخير ياصبايا خلص ام منير نا دولي سوسو
اسهل والله ما شاء الله عليكم شو كم صفحة كاتبين براافوو والله
نشيطين ما شاء الله اتهني حبيبتي ام منير الله يهنيكي يارب
ام عامر والله دمك متل العسل انا جيت اشرب قهوة معك بس اكيد صارت بوظة قهوة
ههههههههههههههههههههه
عاشقة كيف حبيبتي والله صاير تقلانة علينا ما عمتطلي كتيرر
الوائقة كيفك وكيف االولاد ان شاء الله تكونو بالف خيررر
بدكن تعملوو علي عقوبة ههههههههههههههه
انا جاهزة لاي شي بدكن ياه لعيونكم

ام منير 2008
13-12-2011, 11:58 PM
اهلين بالحلوات
شووووووووووووووووووو سوسو وينك؟ عمبيروح عليكي حكي كتير
يلا عالسريع تعي
ام عامر يسلمو ايديكي عالقهوة ريحتها مممممممممممممممممم
اهلين عاشقة شفتك هون
كيفك؟

عاشقة (s)
13-12-2011, 11:59 PM
مسا الخير

سوسو بس بدي أعرف مين التقلانة فينا

أنا موجودة هون تقريبا بشكل يومي

بس هداك المنتدى صفحته بطيئة عندي

فبتكاسل افتحه

ام عمر نحنا بدأت عطلة الصغار من الرابع وتحت

اما الكبار لسا هاي اخر اسبوع الهن

عقبالكن بس من دون ملل

ام عامر يسلم هالأيدين عالقهوة ولو اني وصلت متأخرة

بس بدي الفنجان الموف

كتير صايرة عبحب هاللون

أم منير وين غاطة ؟

ام منير 2008
14-12-2011, 12:00 AM
شو عاشقة؟ عم تكتبي ولا عم تقري
ام عمرو وينك؟
يابنات وحدة تجرب الزلابية وتخبرنا
انا ماخرج هلأ
بدي ارجع على بيتي اول مشان آخد راحتي بالتخبيص هههههههههه
عند اهلي ما بسترجي خبص
هههههههههه بيفضحوني

عاشقة (s)
14-12-2011, 12:02 AM
أهلين فيكي أم منير

بنت حلال

والله الحمد لله أنا بألف خير ونعمة من الله

شو أخبارك انتي

ام منير 2008
14-12-2011, 12:04 AM
هههههههههههه
اهلين عاشقة
انا عم غط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الظاهر ماعم تقري منيح
هههههههههههههههه
كل يوم بجي الصبح والمسا
شو؟ الحكي الك ياجارة اسمعي ياكنة
خخخخخخخخخخخخ

ام منير 2008
14-12-2011, 12:05 AM
الحمدلله
شلون البرد عندكم؟
بدبي حلو الجو
مبارح رحت عالقرية العالمية
صحي البنات هونيك عم يسألوا عنك
وهونيك في ضغط كتير عالمنتدى مشان هيك بتطول الصفحة لتفتح

ام منير 2008
14-12-2011, 12:20 AM
يلا تصبحوا على خير
بشوفكم بكراااااااااااااااااااااا

عاشقة (s)
14-12-2011, 12:21 AM
هو لان متعودين عليكي تطلي صبح ومسا

فاستغربت خلصنا صفحة وما فيها ولا مشاركة الك هههههههه

والله البرد عنا شي بيجمد

ومع ذلك ماعبقدر اتنازل وشغل الدفاية

الله يهنيكي

سلميلي عليهن وبحاول مر هونيك وسلم عليهن

عاشقة (s)
14-12-2011, 12:23 AM
وانتي من اهله

نلتقي غدا

تذكرت برنامج من زماااااااان كان يطلع عالقناة السورية الساعة 12 ونص

اسمه غدا نلتقي

كنا وقت اللي نشوفه نحنا وصغار تعد جريمة

لان كان يطلع متأخر

ام عامر1
14-12-2011, 12:51 AM
اهلين ام منير شلونك انا استنيت كم عالقهوة
وماشفت حدا قمت رحت شربتا عند الواثقة
لالالالالالالا
بس قبل القهوة كان في اكلات طيبة كمان لالالالا
اهلين اوتار الدجى تفضلي سهري عنا واهلين بالزائر وياريت يعرفنا عن حالو مشان نرحب فيه ترحيب بيستاهل عيونو ...

ام عامر1
14-12-2011, 12:55 AM
شلونك سوسو اش اخبارك طلاتك قليلة كأنو مو
شلونك عاشقة كمان اش اخبارك طمنيني عنك
سوسو عاشقة راحت عليكن القهوة تبعت المسا لحقو القهوة تبع الصبح طيب ...

الواثقة بالله2
14-12-2011, 02:30 AM
لك يا هلا بسوسو خانم لا تحرمينا هل طلة الحلوة

عشوقتي ليش ما بدك تتنازلي وتشغلي الدفاية

شو ام منير بدك نحنا نجرب اول منشان ما تضررري هههههههه

طيب اذا قدرت بعملها بكرى

عاشقة (s)
14-12-2011, 02:28 PM
يسعد أوقاتكن يا بنات

ام عامر شلون راحت عليي القهوة

ما جيت وحجزت الفنجان الموف

والله يا ام عمر

مابدي شغل الدفاية يباسة راس بعيد عنك

بحب البرد

وبضل اتحمله لأمرض

بقى شو رأيك بهيك مخ

ام عامر1
14-12-2011, 03:51 PM
اللّهمّ احرسنا بعينك التي لا تنام واكنفنا بركنك الذي لا يرام
وارحمنا بقدرتك علينا ولا تهلكنا وأنت رجاؤنا
وأن ترحم شهدائنا وتشفي مرضانا وتحمي بلدنا وقائدنا

ام عامر1
14-12-2011, 03:56 PM
كيفكن وين ما عبتبينو
اهلين عشوقة كيفك لاتواخذيني نسيت انك حجزتي فنجان الموف
وجيتي معي يلا واحد صفر عليّ ههههههههه