استفسار تركيا [الأرشيف] - منتديات بيت حواء

فراولة1408

29-12-2011, 06:52 PM

مساء الخير حبيباتي
انا وزوجي حجزنا على تركيا يوم 20 يناير والجو عندهم شتاء وثلوج بس مارح ناخذ ولدي اللي حابه اسال عنه كيف الملابس هناك موقصدي الججاب انا رح اتحجب بس كيف ادفي نفسي بلبس يتناسب مع العبايه لان ماودي افسخ العباية بس ماني عارفة كيف حيكون اللبس من تحتها هل يكفي اني البس بلايز ثقيله والا لازم جاكيت حق البرد
اتمنى اي وحده جربت السفر في الشتاء تقوللي اش سوت

زحل99

30-12-2011, 06:22 AM

هلا بيك فراولة يارب تروحي وتردي بالسلامة
والله حبيبتي انا رحت تركيا بس وقت ما كان الجو معتدل يعني كنا بنلبس ملابس خفيفة
بس لاتشيلي هم البسي اذا مارح تشيلي عبايتك البسي بلايز خيفة بس تكون صوف
وخذي معاك كمان جاكيتات تلبسيها في الفندق او فوق العبايه اذا جلستو في اي مكان
بس تبغي نصيحتي والله لو تنتظرون حتى شهر 4 او 5 بالافرنجي يكون وقت ذوبان التلوج
لكن وقت التلج ماراح تستمتعي كثير وماراح تشوفي مناظر حلوه حتكون التلوج مغطياها
بس اذا عزمتي انصحك انك تروحي مدينة ريفيه اسمها سبانجا مره حلوه
وعندك مدينة بودروم رووووووعه جبال وبحر والي تبغيه كمان
واذا حابه افيدك كمان انا حاضره
انا كمان من مكة ولاتنسيني من دعواتك