المساعد الشخصي الرقمي

مشاهدة النسخة كاملة : تعلمي بطريقة الترفيه



ساره 19
23-02-2012, 04:50 PM
السلام عليكم ورحمة الله وبركاته
شفت الموضوع حلو حبيت انقله لكم مع بعض التعديلات البسيطه كل مااتمناه منك الدعاء عندي اختبارات الاسبوع الجاي
بسم الله نبدا
افرض واحد ضربك على راسك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا


هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات =cat =قط >>>
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول
بس لاتقولون شاهي


وانتي واقفه تطالعين المرايه ,,,, فار مر ,,, تحت رجلك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,,; farmer <<<< مزارع



من مايعرف الرئيس الامريكي ( بوش ) بوش -بوش = push = يدفع _يعني = يدف = وتلاحضونها على الأبواب


يعني تقدار تقول= ادفع الباب او دف الباب = push the door = بوش ذا دور



كلمه ثانيه:واحد يقولك: كيل تفاح _ كيل برتقال _كيل موز



لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him

بس لا احد يصدق ويقتلني ههههههههههه

كلمه ثانيه:

واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:


وعلى فكره كلمة = com الي تشفونها في الرابط = تعني = شركه = وهي اختصار كلمة = company


تسمعون الطفل يقول لمامته: ماما يالله قوه البيت = قوه قوه =
المهم واضح معنها لكم :
go = كوه = قو
يالله نروح= let us go = ليتس قوه


كف = فيه احد ما جاه كف على وجه ؟ انا بصراحه تصفقت لين دخت


كف= معنها = كحه . كف = cough تقدار تقول= i have cough = اي هاف كف = انا عندي كحه او سعال



مذر كير = من مافيه من البنات مايعرف مذر كير = = هذي ماركه تهتم بملابس الأطفال او اسم


محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم


مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين



مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر



كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو



انا اهتم = i care = اي كير


باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان



هورس = حصان = horse باوار= قوه =power



ركزوا معي في تركيب الجمله = انا عندي حصان = i have horse =



لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره



الرئيس الأمريكي السابق ( بيل كلينتون )



بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك



بلوتوث = واواواواو
bluetooth = معروفه مايبي لها طقة عصاة , بس الي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس



هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي



سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك



سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر



فار = مخلوق نذل يصعب مسكه الى اذا جبت له قطو لأن القطو رجال ومايخاف

فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم



ني = الحم ني او الدجاج مو مستوي ني
ني= knee = معنها = ركبه



بس ماعليكم من حرف الكاف في بداية الكلمه ماينطق =k nee = تنطق = ني



كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم



كان = CAN = يستطيع او يقدر = انا استطيع = I CAN



ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه


موضوع اعجبني ونقلته لكم ولاتنسوني من دعائكم

تقوى الهجر1
02-03-2012, 05:38 AM
طريقه سيئه للتعلم بس شكرا ع الجهد

ساره 19
02-03-2012, 02:30 PM
جزاك الله خير ياتقوى الهجر على ردك بس انا اراها طريقه جيده
لحفظ اكبر قدر من الكلمات حيث ريطها بكلمه عربيه يسهل حفظها وعدم نسيانها
فلا اجد مبرر لتكون سيئها كما تقولين وجزاك الله خير مره اخر

حياتي لله
06-04-2012, 02:21 PM
طريقه حلوه وسهله جزاك الله خير0

Miss.Reem
06-04-2012, 03:21 PM
طريقة حلوة للمبتدئين فى التعلم عشان يحفظة مجموعة مفردات
تساعدهم فى المحادثة
مشكورة يالغلا

كاتمة احزاني
28-05-2012, 01:22 AM
طريقه سهله حبيبتي شكرا

miss roses
04-09-2012, 11:23 PM
حلوة طريقة تعليمك
تصلحين تصيرين معلمة

فتاة الاحساس
01-02-2013, 11:08 PM
مشگـــورهطريقة حلوه
لان الحين الناس ماتفهم إلا بالامثال

عطر الشرق
20-12-2015, 01:28 PM
تسلمي
فكرة روووووووعة
http://forum.hawahome.com/clientscript/ckeplugins/picwah/images/extra28.gif