رقم سر دورة حافز امسح وش اسوي

[سواسي الجميله]

السلام عليكم خواتي ارجوكن بعد الله رقم سري دورة حافز امسح من جوالي


تكفن وش اسوي الله يوفق من ترد علي وييسر لها كل عسر

[قلب الفرح]

وعليكم السلام ورحمة الله وبركاته

اختي بنفس موقع حافز تلاقي خيار اعلى الصفحه على اليسار موجود اسئله متكرره لما بتدخلي بتلاقي كل الاسئله اللي بتخص حافز

وانا نسخت لك السؤال اللي بيساعدك باذن الله

سؤال:

كيف يمكنني الحصول على رقم سري جديد في حال فقدان الرقم السري الحالي؟

جواب:

للحصول على رقم سري جديد عليك إرسال رسالة نصية قصيرة الى الرقم الموحد (500200) للمشغلين الثلاثة الاتصالات، موبايلي، وزين متبعاً الصيغة التالية (مبتدئا برقم 3 من اليسار إلى اليمين):
تاريخ الميلاد الهجري*رقم الهوية الوطنية*3


يجب أن تتبع صيغة تاريخ الميلاد الهجري الترتيب التالي من اليسار إلى اليمين مبتدئا بالسنة الهجرية:
اليوم (مكون من رقمين)/الشهر (مكون من رقمين)/ السنة الهجرية (مكونة من أربع أرقام)
مثال:
رقم الهوية الوطنية: 1047846314
تاريخ الميلاد: 07/04/1402هــ
الصيغة المطلوبة سوف تصبح على الشكل التالي:
14020407*1047846314 *3

بعد ذلك سوف يرسل إليك رسالة نصية فحواها كالتالي:
المتقدم برقم الهوية المنتهية ب6314 الرقم السري الجديد هو (******)





اتمنى اني افدتك دعواتك لي

[سواسي الجميله]

الله يجزاك خير يابعد عمري ماقصرتي عسى عمرك طويل

بس انا اقصد رقم سري الدوره الاكترونيه نفس الطريقه اللي قلتي او يختلف

الله يوفقك ياقلبي

[شموخ الروح]

والله ياقلبي مااعرف غير هالطريقه اللي ذكرتها قلب الفرح الله يسعدها

ووش الدوره اللي تقوليها...

[سواسي الجميله]

اقصد دورة حافز الاكترونيه لها رقم سري علشان ادخل الدوره بس امسح من جوالي

وش اسوي

[قلب الفرح]

وياااك يالغلا

بالنسبه للدوره الالكتروني رحت ودورت لك بالاسئله ومالقيت الا هالشي ممكن يفييدك

سؤال:
ما هو رمز الدخول وكلمة السر التي يجب أن استخدمها للوصول إلى التدريب الالكتروني؟

جواب:
رمز الدخول عبارة عن رقم مؤلف من 10 خانات يبدأ برقم "8" أُرسل لك عن طريق رسالة نصية قصيرة إلى رقم جوالك المسجل في البرنامج عندما حصلت على دعوة لحضور تدريباً إلكترونياً، وكلمة السر عبارة عن اليوم والشهر اللذين ولدت فيهما حسب التقويم الهجري بتسلسل اليوم ثم الشهر بداية من اليسار إلى اليمين ( مثال: تاريخ ميلادك هو 06/ربيع الأول، سوف يكون رقمك السري هو 0603)

اتمنى تجربيه وينفع معاااك

والدوره الالكترونيه اللي جاتك هي تبع موقع لقاءات والا نفس موقع حافز؟؟
لان فيه دورات تجيك ويقولولك روحي لموقع لقاءات ومدري ايش وايش خخخ

جربي هالطريقه ويااااارب تنفع معاك

ولو مانفعت شوفي بالخانات لما تسجلي الرقم السري فيه خانه مكتوب فيها نسيت الرقم السري؟؟؟ اذا فيه اضغطي عليها وعبي اللي مطلووب منك وبيرسلوها لك باذن الله


انتي كمان رمز الدخول راح منك والا بس كلمة السر ؟


جربي وطمنييييييني واي سؤال انا حاضره يالغلا

[سواسي الجميله]

يابعد عمري ياقلب الفرح والله تعبتك معي ياغلاي

ياحياتي الدوره بالموقع نفسه ,, واللي امسح الرقم اللي بدايته 8

ارسلت لرقم 500200 التاريخ والشهر بطريقه هذي 07010 طبعا هذا ماهو عمري الحقيقي انا مكبره بالكرت,,,

وردو قالوا الصيغه خاطئه

ماادري وشلون طريقة كتابته

[قلب الفرح]

عادي ياعسوله تعبك راحه افا عليك اهم شي بنجيب الرقم بنجيبه ههههههههه

شوفي من خلال كتابتك لهالرقم 07010 يعني ميلادك كان يوم 7 شهر 10 صح؟

طريقة كتابتك له خاطئه هو ينكت كذا 0710

ابفهمك السبب عشان تنبهي تغلطي مره ثانيه

هم قالو حطو صفرين عشان خانة احاد وعشرات ماتجي خانة احاد لوحدها فلمايكون رقمك مكون من احاد فقط فتضطري تكتبي الصفر مثل ماكتبناه بتاريخ يوم 07

ولما يكون رقمك اصلا مكون من احاد وعشرات يعني رقمين فمايحتتاج تكتبي الصفر زي شهر 10 كتبناه بدون صفر لانه اصلا خانتين

وعشان افهمك اكثر لو كان يوم ميلادك مثلا 12 من شهر 11 يكتب 1211 بدوون اصفار لانه من خانتين اصلا

ولو كان مثلا يوم ميلادك 12 من شهر 5 يكتب 1205 حطينا صفر للشهر لانه مكون من خانه واحده

اتمنى فهمتي علي يالغلاا ويلاااا بسرعه جربي الرقم وبشرييييييييني اذا رسولك رمز الدخول حقك

الله يوفقك يااارب واي سؤال من عيوووني اسئلي

[سواسي الجميله]

يابعد قلبي يافروحتي لاخلا ولا عدم الطيب طيب ودايم راعي فزعات الله يخليكي لي يارب

شوفي ياعزوتي كتبتلك غلط انا ميلادي بالكرت يوم واحد شهر سبعه 1|7 انا سويت اللي قلتي كذا 01070

ردولي الصيغه غلط وجربت حذفت الصفر اللي بجنب السبعه اللي على اليمين ولافاد

ماادري وش قصتهم مافرحوا على الله لقوا احد يضيع رقمه ,,, على العموم يانور عيني اذا زانت الامور ابشرك

فديتك اول مره احس احد مهتم فيني الله يوفقك ياجدي

[شموخ الروح]

ان شاء الله تلاقيه ياقلبي..

بشرينا اذا لقيتيه

[سواسي الجميله]

تسلمين حياتي على اهتمامك

ان شاء الله ابشركن

[همس2005]

ماشاء الله والله ما قصرت الأخت

[سواسي الجميله]

اي والله الله يبيض وجهه وياكن

[قلب الفرح]

صباح الخير ياعسل

انا امس بحثت لك عن هالشي وقرئت كثييير مثلك واختلفت الاجابات

وناس كثير جربو طريقتك بارسال تاريخ الميلاد للرقم اللي قلتي عليه واغلبهم قالو ماجاهم شي !!!

ووحده تقول اتصلت عليهم وقالو مافيه اي طريقه لاسترجاعه وفيه خصم 200 ريال عن كل دوره وهي كلها 4 دورات

ووحده قالت اتصلت وقالو لها نشوف وضعك باقي ما عملنا شي لاسترجاعها ويممممممكن يكون فيه حسم عليك

وموظف بحافز قال اتصلو على الارقام وان شاء الله يعطوكم حل مناسب وان شاء الله مع الايام ينزلو طريقه لاسترجاعه استغربت منهم مع ان الدوره مدتها اسبووع من وقت ارسال الرساله لك

انتي اتصلي على رقمهم ولو ماتعرفيه قوليلي وباجيبه لك اتصلي وشوفي ايش بيقولو بس لاتصدقيهم انهم بيحسمو ومدري ايش مااتوقع يعملوها لان اكيد باي وقت راح تتتتمسح الرساله بالغلط والناس بيحتاجوو فاكيد فيه طرييييقه

اي وكمان عندي اقتراااااح اكتشفته من خلال قرائتي خخخخ

هو الرقم مكون من 10 خانات اوكي وقالو بدايته للكل هي 800 واخر 4 ارقام منه هي اخر 4 ارقام من سجلك المدني يعني باقي 3 ارقام مجهوله خخخخ
قرئت من كلامهم يقولو الرقم يحتوي على 800 وقالو يمكن 3 ارقام من بداية رقم الحساب و4 من سجلك المدني

انا اقولك اسئلي اي وحده تعرفيها ومعاها الرقم حقها خليها تقارن بينهم وبين سجلها المدني والثلاث الارقام خليها تشوف هل هي بداية رقم حسابها او بداية رقم الايبان حقها ولو طلع صحيح انتي ضبطي رقمك وجربيه وياااااارب يفتح معاااك

ايش رايك فيني ذكيه صح هههههههههههه

الله يوفقك يارب وان شاء الله تلاقيه باقرب فرصه

بس اهم شي لا تنسي تبشرينا ياعسل

الله يحفظك

[سواسي الجميله]

هلا بفروحتي يسعدلي مساك

ياقلبي تسلمين على تعبك الله يجعله في ميزان حسناتك ويوفقك يارب

انا دقيت عليهم وقالولي مافيه طريقه لاسترجاعه بس ماني مصدقه ,,, انا اتذكر بدايته 8000 صح علي اولا,,

وابي اسوي اللي قلتي ,,, بس ابي منك خدمه بسيطه واسفه اني كلفت عليك وهي ابي تسالين متى تبدا

الدوره الرابعه لاني ناسيه ,,, والله يافروحتي مافي احد اثق فيه من اللي حولي وقفتك معي ماالقى الزمن هذا

من ياقفه واثق فيه الله يوفقك وصراحه شرف لي اني اكون صديقه لكي والله يديم الصداقه ,,, ابي اشوف الوضع وارد لك ,, ياقلبي

[قلب الفرح]

تسلمي يالغاليه وانا كمان اتشررف بصداقتك اكيد

وماعليك احنا اخوات وطلباتك اوامر يالغلا


انا بحثت لك بالموضوع ولقيت تقريبا ان كل شخص لشخص تختلف مواعيد الدورات او بمعنى اصح كل دفعه ودفعه

لان التدريب بحافز على دفعات ويختاروهم بشكل عشوائي انا مثلا باقي ماجاتني اي رسالة تدريب ولا صحباتي كمان

انتي هل انهيتي الدورة الاولى والثانيه والثالثه وماباقي لك الا الرابعه ؟؟ والا مادخلتي ولا دوره اصلا ؟؟

للاسف موعد الدورات مو زي بعض لو فيييه احد تعرفيه جاته الرساله بنننفس موعدك فهو اكيد بنفس دفعتك اسئليها عن موعد الدوره لانه مايوووضح الا لما تسجلي دخووول للتدريب الالكتروني ومثل ماقلت لك من دفعه لدفعه يختلف


لقيت شرح مفصل بالصووور لجميع الدورااات وشفت من ضمنها تاريخ الدورات بس هم اللي شاريحين هم الدفعه الاولى وكان نهاية دورتهم الرابعه هو 22/5 يعني خلصو فانتي مدري من اي دفعه ومدري متى جاتك رسالة حافز للدوره ؟؟؟؟

اتمنى فهمتي علي واي سؤاال او اي خدمه امري وابشري من عيووني

الله يوفقك ياعسل

اي صحيح بالنسبه للعقوبات قرئت ان اللي يتدربو الان هو مجرد تدريب تجريبي يعن يمافيه عقوبات وخصم فالله اعلم تعرفي كل شوي يطلعو كلام بس مو لازم نصدقه كله خخخ

الله يسهلك يارب ويوفقك

[سواسي الجميله]

ياقلبي تسلمين ويعطيك الف عافيه ,,, وبالنسبه انا خلصت ثلاث دورات وبقى وحده والمصيبه مافي احد اعرفه

جته رسالة التدريب والله ضاقت بي الارض دعواتك ياقلبي

[قلب الفرح]

لا لا افا علييك لييه تضييق بك الدنيا قولي الحمد لله انتي ضاع رقمك بعد ماخلصتي ثلاث دورات قرئت عن بنات ضاع قبل تدخل اي دوووره يعني راحت عليها الاربعه يعني حالك انتي افضل

والحمد لله على كل حال اكيد بيجيبو اي طريقه لاسترجاع الرقم او عادي لو راحت عليك دوره وحده ولا انه تروح عليك كلهااا

اكيد بادعيلك يالغلا بس بالله لا تضايقي نفسك ماتدري وين الخير فيييييه

الله يسهلك ياارب ويوفقك دنيا واخرررررره ويبعد عنك الضييق

[سواسي الجميله]

تسلمين حياتي ,,, تصدقين يافروحتي عين اصابتني

لان كل احد يسالني عن الدورات وش صار عليك وانا اعلم اني بقالي دوره واخلص سبحان الله

بعده امسح من جوالي صدق رسول الله اللهم صلي عليه وقضوا حوائجكم بكتمان

فروحتي استانست يوم لقيتك تطلبين صداقتي فرحت وعلى طول وافقت :31: ,, ابشري راح اكون لك اعز صديقه اللي تشاركك كل شي تبينه واااي راح ابشر زوجي :10: فديتك :68: