بنات الرياض ابي فزعتكم

[بنت سوار]

السلام عليكم ورحمة الله وبركاتة
مساء الخير للجميع
بنات الرياض الله يسعدكم ابي مساعدتكم زواج اخوي قريب وبالرياض وانا ماني من اهل الرياض ولا اعرف عاداتهم ابيكم تقولون وش تسوون بالزواجات والجديد عندكم وش افضل محل حلويات او اي معلومات اخري تفيدني الله يوفقكم ويسعدكم

[همس2005]

والله يا قلبي انا ماني من الرياض ما اعرف بس حبيت اساعدك دورت بالنت حصلت الكلام من واحدة للاخري مختلف

وحصلت هذي كاتبه

انا من اهل الريااض

المهر عندنا مايقل عن 60 الف ريال
الملكه والزواج على الزوجه وهي مو مجبوره تبي تسوي عائلي او زوااج كبير براحتها والزوج مجرد يرسل الذباائح لزواج الرجال ذباائح تمشي مو مطبوخه خخخخخخخخ
الشبكه غالبا طقم صغير او ساعه فخمه مع دبله وكله الماس
والصباحه هي الطقم الكبير الماس
المهر العروس ماتشتري فيه الا ملابسها واغراضها الخاصه ماتشتري ذهب مثلا او شي للزوج
وكان قديما يعطي الزوج ام زوجته هديه الصباح او فلوس بس الحين الغالب قطعوها
واهل الزوج يحطون للعروس من بكره تحوال غالبا بس الحين تقريباا صار نادر ممكن يحطون لها عزيمه اذا رجعت من السفر

[بنت سوار]

مشكورة اخت همس والله يعطيك العافية
انا اقصد حفل الزواج وش يسوون فيه اعطوني افكار حتى لو ماكنتم من الرياض

[المتفائلة بقوة]

هلا اختي بقولك عدة تقاليد لزواجات أهل الرياض وأنا قد حضرت عدة زواجات منها زواج اخوي وابناء عمتي وغيرهم......المهم عادة يبدا حفل الزواج اذا كان بقاعة كبيرة من العاشرة تقريبا الى الساعة الثالثة فجرا اهل العروسة يتواجدون من بعد صلاة العشاء لاستقبال الضيوف ويمسكون المباخر في المدخل الى انى ياتي اهل العريس وبعدها يطلبون من الفرقة اغنية ترحيبية لهم ........وبعدها ينتشرون للسلام وبعدها يقومون بالضيافة وتقديم العصائر والحلويات والفطائر ....وبعدها يقومون بالرقص الى ان تبدأ زفة العروس(على حسب ممكن تنزف العروس او لا) وبعده يقدمون العشاء ويكون غالبا بعد الساعة الثانية عشر .....
واهل العريس عادة بالنسبة لنا لا يأتون بشي كل الضيافة لأهل العروووووووووووووووس وعادة تلبس العروووس شبكتها في زواجها وطقم الصباحية في اليوم الثاني يقدمه الزوج لها..
ومن اشهر محلات الحلويات في الرياض سعد الدين والقباني
اتمنى تستفيدين من اللي كتبته
واي اسئلة أنا حاضرررررررررة

[بنت سوار]

مشكورة وجزاك الله كل خير اختي المتفائلة بس سؤال لو سمحتي عن طاولة الاستقبال وش تحطون عليها وتسوون زفات للقهوة والعصير والالا

[المتفائلة بقوة]

هلا ومرحبا بالنسبة لزفات القهوة والشاي أول مرة اسمع فيها:27: عطيني فكرة عنها
أما بالنسبة لطاولات الاستقبال يكون فيها نافورة الشكلاة مع ملحقاتها ........وتوزيعات للمعازيم .......وشكلاتات وكل مرة يوجد فيها ابداعات..
بالاضااااااااافة دفتر اللي يكتبون فيه تهاني للعروسيييييييييين

[بنت سوار]

هلا وغلا اخت المتفائلة زفة القهوة مجموعة يلبسون لبس تراثي ويمسكون دلال القهوة مع التمر ويحطون اغنية صبو القهوة او اي شئ عن القهوة ويصبونها للضيوف بعضهم يطلعون للمنصة ويرقصون وبعدين يرجعون ويصبون القهوة للضيوف وبعضهم لا كل ناس وطريقتهم

[بنت سوار]

ابي افكار جديدة الي عندة لايبخل علي