أريد طريقة بسبوسة بدون قشطة

[em ali]

بنات الله يخليكم مين عندها طريقة للبسبوسة بس بدون قشطة ساعدو اختكم الله يخليكم:94:

[جوهرة العطاء]

لا يا اختي

البيت بيتك.. لا تخجلي

بس اخوتي الي اعرفه ان البسبوسه لازم معها قشطه

اعذرييييني يا قلبي ..

آتمنى البنات يساعدوووووووووووووك

http://www.hawahome.com/vb/showthread.php?t=23844&highlight=%C7%E1%C8%D3%C8%E6%D3%E5

شوفي الرابط

[لمسة فن]

تفضلي يا غالية :)


هذي بسبوسة توفي دون قشطة

المقادير\
( كاس سميد0كاس جوز الهند 0كاس خبز مطحون0ملعقة بكنج بودر)
في كاس الخلاط (3بيضات-كاس سكر-نص كاس زيت-شوي فانيليا)
تخلط سوىبعدين تدخل الفرن اذا استوت يوضع عليها التوفي

[لمسة فن]

وهذي البسبوسة اليماني لحبيبتنا ام نونا


البسبوسه اليماني

1/2 كاس ماء + 1/2 كاس سكر + 1/2 كاس زيت + 1 ملعقه كبيره بيكنج باودر + 1/4 ملعقه وسط بيكربونات الصوديوم (ماادري هي كذا اسمها ولا لا )وتخلطيهم بالخلاط مزبووووووووووووط ثم تضيفي عليهم كاس ونص سميد وتخلطي وتصبينها بالصينيه
انتبهي لايرتفع الخليط عن 1 سم
اول ماتخلص صبي الشيره فوقها كلها وغطيها بصحن

[دمـــوع الرسايل]

يسلمووووووووووو يا لمووووسه يجزاكِ كل خير

[ام نونـا]

وهذي بسبوسه مع انه البنات ماقصرووو الله يعطيهم العافيه


المقادير : 2علبه زبادي الحجم الصغير
كاس ونص سكر
2كاس سميد
ملعقه صغيره بكينغ بودر وقليل جدا من الكربونات
بس هذي المقادير شفتو انها سهله مرررره
الطريقه:اول شي تذوبين السكر تماااام في الزبادي عااادي با لملعقه مش بالخلاط
بعدين تضيفين السميد المخلوط مع البكينغ بودر والكربونات
وتخلطينهم تمااام بالملعقه وتخلينهم شوي قبل ما تدخلينها الفرن عشان تتمتزج المواد يعني حوالي الربع ساعه وشي مهم الصينيه ما تدهنينه لا زيت زلا زبده ولا شي شفتو اشلون ما تكلف شي
تدخلينها الفرن عادي تحمرينها من تحت وفوق
وشي مهم ثاني الشيره تكون ع النار اثناء الخلط وبعدين مجرد ما تستوي البسبوسه شربيها الشيره حار في حار تراها تشرب شيره كثيير

وهذي بسبوسه هنوووووده
المقادير:-

2كأس جوز هند + ملعقه بكنج بودر + كأس زبادي + نصف كأس زيت + كأس سكر + نصف كأس طحين + نصف كأس حليب بودره + 3بيضات + 3ملاعق مهلبية كاسترد + نصف كأس ماء + فانيليا


الطريقة :-
تخلط جميع المقادير مع بعض وتدخل الفرن على نار معتدله وعند النضج تترك لتبرد ثم تقطع
لذيذة جدا جدا جدا جدا

وعليكم بالعافية

وهذي كمان

المقادير :

2 قلاص سميد خشن
1 قلاص جوز الهند
1 قلاص حليب بودر
1 قلاص ماء
ثلاث ارباع قلاص زيت
1 قلاص سكر
2 بيض
ملعقه متوسطه باكنج بودر
ملعقه صغيره فانيلا للبيض
شيره بالهيل والزعفران
للتزيين: ممكن وضع صنوبر عليها ... او اللوز المبشور

الطريقه :

اخلطي البيض مع الفانيلا بالشوكه بدون الخلاط
ثم اضيفي عليها المكونات السائله
ثم المكونات الجافه
واخلطيهم جيدا بالملعقه
.... ادهني صينية الفرن بالزيت
وصبي الخليط فيه
وضعي عليها الصنوبر ... او اللوز المبشور
ثم ادخليها الفرن حتى تحمر من الاسفل ثم اشعلي الفرن من الاعلى حتى تاخذ اللون الذهبي
طلعيها واسقيها بالشيره البارده وهي ساخنه

وهذي

المقادير والطريقه :-

1- نضع في خلاط العصير (( 3 بيض + 1 كوب زبادي + 1 كوب زيت + 1م ص فانيليا
+ 2 م ك ماء زهر ))
ويخلط جيدا
2- نخلط في وعاء ثاني بالملعقه (( 1 كوب سميد خشن + 1 ونص كوب جوز هند + 1 م ك بيكنج بودر )) ثم نصب فوقه الخلطه السابقه ونخلطها بالملعقه
3- يدهن القالب ويرش شويه طحين ثم نضع الخلطه وتترك لترتاح 5 دقايق ثم نضع الفستق المطحون او اللوز الشرايح ...
تدخل الفرن المسخن مسبقا وتترك حتى تتحمر الجوانب ونشعل الشوايه ليحمر الوجه ( تقريبا ثلث ساعه )
تقطع وتسقى بالشيره الخفيفه :
2 كوب سكر +1 ونص كوب ماء يوضع على النار حتى يسخن ويضاف الهيل والزعفران ويترك حتى يغلي ثم يضاف عصير نص ليمونه ويترك يغلى 5 دقائق فقط ..

منقوووووووووووووووووله كلها :30:

[العاتي]

بسم الله

ما شاء الله الاخوات ما قصرو ...وفي بعد بسبوسه لمنال العالم معتمدة على الزبادي فقط .اعتذر اختى ما تحضرني الان ولكن لي عودة ثانيه للموضوع واكتبلك طريقتها .انا مجربتها واعتبرها الافضل بطرق البسبوسه

[هنـــد]

ننتظرج أختي العاتي :)

[em ali]

الف الف شكر يالغاليات عالوصفات ان شاء الله اجربهم :30: وفي انتظارك اختي العاتي :55: