لاحلى ام ناجي ربي يسلكك على خير تجمع الجزائريات

[أم ياسين الزهراء]

بسم الله الرحمن الرحيم

اللهم صل على محمد وعلى آله وصحبه أجمعين


هذا الملف لاحلى ام ناجي ربي يسلكها على خير وتزيد وتجيب بيبي احلى من القمر

[أم ياسين الزهراء]

اللي تدخل تخلي دعوة خير للحنونة انتاعنا ام ناجي

وكيما يقولو هنا في باتنة ربي يسلك وحلك

كل وحدة تقول بلهجتها

[Saida.tem]

الله يفتحها عليك أم يس
يعطيك الصحهما خليتيناش نتبحروا لا دار لا دوار هههههههه

[Saida.tem]

حنا نقولوا
أم ناجي ربي يخلص راسك

[زينة الحياة الدنيا]

يعطيك الصحة ام يس على الملف الجديد

حنا تاني نقوولوا ربي يسلك وحلك

ربي يسلكها ان شاء الله وتقوم بالسلامة يارب

[زينة الحياة الدنيا]

سعيدة الف مبروك زواج سلفك ربي يكملهم ويهنيهم

انا من رائي البسي قفطان

خاصة تع القطيفة راهم à la mode

وكي تحبي تبدلي بحاجة خفيفة كاين الساريان تع سوريا ..يجي مطروز بالعدس ,,وتاني راهم بالقطيفة يهبلواا,,

كي عاد بارد الحال برك ,,ماشي تع قنادر تع الصيف :)

ربي يسهلك حبيبتي واي سؤال راني هنااا اسالي وخاطيك

[أم ياسين الزهراء]

حتى انا مع راي زينة

[أم ريان dz]

السلام عليكم ورحمة الله و بر كاته
بارك الله فيك أم ياسين على الملف الجديد باسم أم ناجي ربي يسلك وحلها على خير و تفرحا عن قريب و يقر عينها بأبنائها

[أم ريان dz]

أم ياسين و سعيده و أم ناجي و يسرى و هبه و نسمه ربي يعافيكم و يعافي أاهلكم من الأمراض اللي كثرت في الشتا
و يعطيكم ما تتمناو و يحفظ بلادنا العزيزه من ل شر و من المتآمرين الخائنين و االصليبيين الكفار

[Saida.tem]

لبنات غدوه نخرج كونجي

[أم ياسين الزهراء]

عطلة سعيدة ياسعيدة راح تشبعي من بنتك ربي يخليهالك

[أم ياسين الزهراء]

ام ريان ربي يعيشك حنونة

اللهم امين يارب العالمين

[أم ياسين الزهراء]

صباح النور

راهو برد كبير عندنا

[زينة الحياة الدنيا]

صباح الخير عليكم جميعا

[زينة الحياة الدنيا]

صباح النور

راهو برد كبير عندنا

لو كان غير يصب الثلج درك ويهنينا مايقعدش لمبعد ويجيني في عرسي *)

[نسمة الجزائر]

سلاااااااام عليكم صحيتي ام يس على هذا التجمع وأم ناجي نقولك ربي يسلكك على خير ان شالله ويفرحك باللي يبغيه قلبك حنونة ومتنسايش تدعيلي هههه راني طلابة فالدعوات ولبنات الكل لكم وحشة كبيرة ربي يحقق لكل وحدة فينا واش تتمنى بوسة ليكم وحدة وحدة

[أم ياسين الزهراء]

صباح النوووووووووووووووووووووور

نسمة حنونة رانا ندعيولك من كل قلبنا وربي يعمر حجرك بالذرية الصالحة يارب

[أم ياسين الزهراء]

زينة والله غير ضحكتيني راني نتخل عرسك والثلج للركبة واووووووووووووووووو حطى وزيدي ديري ليسكي ههههههههههههههههههههههههه

[زينة الحياة الدنيا]

علاه عليك يا أم يس هههههه

مانظنش يقعد لهاداك الوقت ,,يكون الربيع بدا
اصلا قالوا فيفري هادا يصب

ان شاء الله

[زينة الحياة الدنيا]

http://www.dzmusique.com/music/abdelhakim-bouaziz/khmouss-alik-8217

[زينة الحياة الدنيا]

اللهم صل على محمد وعلى آله وصحبه أجمعين

[أم ياسين الزهراء]

واوووووووووووووو حطى بدا الثلج يصب لكان غير يفرش الليلة حطىىىىىىىىىىىىىىىىىىىىىىىى

[ام ناجي]

ام يس يعطيك الصحه على الملف و بي يخليك لوليداتك

ونشكركم كاااااااااااااااامل على الدعوات الطيبه...ربي يخلينا لبعضنا البعض

[ام ناجي]

انا راني مشغوله مع ام زوجي راهي عندي من يوم الاحد راهي غير تتفشش هههههههه....و راني نكونكتي غير بالموبيل في الليل و زيد ما يفتحليش المنتديات اللي بالعربيه...

[ام ناجي]

ام يس ..ام ريان..يسرى..نسمه ..هبه ...سعيده راني ان شاء الله ما ننساكم بالدعاء ان شاء الله..ربي يسلكني على خير

[ام ناجي]

يسرى الاغنيه تهبل...بالطبع و الشان..احنا في الغرب ما نديروهمش كاااااامل...تسمعي غير و هادي من عند..و هككا و خلي..و تبريحه ههههههههههههه تقلشي راهم مدابزين ههههههههههههه

[ام ناجي]

صحه مولودكم

اللهم صل على محمد وعلى آله وصحبه أجمعين

انا درت الرقاق بالمرقه..المعروف في الشرق بالتريد .....و المسمن ( بصح sur commande هههههههه) ماشي انا درتهم...و الدراري شرينالهم الشمع ..و انتوما واش درتو

و انتوما واش درتو

[ام ناجي]

ام يس ابعتيلنا شويه تلج..

نروح نطيب القهوة درك تجي عجوزتي كانت برى تشري

[زينة الحياة الدنيا]

صحه مولودكم

اللهم صل على محمد وعلى آله وصحبه أجمعين

انا درت الرقاق بالمرقه..المعروف في الشرق بالتريد .....و المسمن ( بصح sur commande هههههههه) ماشي انا درتهم...و الدراري شرينالهم الشمع ..و انتوما واش درتو

و انتوما واش درتو

حنا درنا شخشوخة الظفر بالمرقة حمرا واللحم

وشعلنا الشموع وشوية صواريخ ..بصح مالعبتش هاد العام *)

اللهم صل وسلم بارك على سينا محمد

[زينة الحياة الدنيا]

ام يس ابعتيلنا شويه تلج..

نروح نطيب القهوة درك تجي عجوزتي كانت برى تشري

انا كي شفتك دخلتي فرحت قلت جيتي تخبرينا بلي ولدتي !!!!

مالا عجوزتك جات باه تقومك كي تولدي ..ماتروحيش عند اميمتك ؟؟؟؟..خير :)

خليها هي تشدلك الدراري والدار وولدها ههههه

[hibet-allah]

السلام عليكم ورحمة الله وبركاته

[زينة الحياة الدنيا]

ضحكتيني يا ام ناجي على التبريحة وهادي من عند وهادي من عند هههههه

انا هادي راهي مؤثرة فيا ...كي نسمعها يجيوني دارنا مابين عينيا ونتخيلهم يودعوا فيا وانا نبكي ..~~~

زيد راح حاكمني الاكتئاب ماقبل الزواج

راهي الدمعة على الشفر

وليت حساسة فوق الحق ..ومن اقل حاجة نبدا نبكي ..

..~~~

[زينة الحياة الدنيا]

وعليكم السلام ورحمة الله وبركاته

وش اخبارك هبة ؟؟؟ كاش تلج ؟؟؟

[سامرون]

السلام عليكم ورحمة الله وبركاته:30:

دخلت عندكم ياحلوات ادور( ابحث )على ام ناجي .:10:..وادعيلها الله يقومها بالسلامه ويسهللها ..

ان شاء الله كلكم بخير ونعمه.......اجواءكم برد صح؟؟؟؟؟؟؟؟؟؟..........الله يقويكم ....

ام ناجي ...اشتقناااالك ..ايش اخبارك يالعسووووله *):68::68:

اللهم صل على محمد وعلى آله وصحبه أجمعين

[أم ياسين الزهراء]

على سلامتكم بنات الحمد لله اللي راكو لاباس وربي يسلكك على خير ام ناجي

لكان تعرفو تموت بالضحك علي البارح درت المحاجب ايه المحاجب ولادي قالولي خلينا من الشخاشخ واللحم عينا راهو الثلج والبرد ماتسلكها غير المحاجب هههههههههههههههه شفتو خرجات فوووووووووووووووووووور

[أم ياسين الزهراء]

زينة راح نسمع الغنية ونشوف يانجيك يا نزغرتلك ههههههههههههههههههه

[أم ريان dz]

السلام عليكم و رحمة الله و بركاته
على سلامتكم وشراكم لاباس صحّ مولودكم بالهنا و الصحه شفت اخباركم و فرحت كي لقيت أم ناي ربي يسلكها على خير و عافيه

[أم ريان dz]

ننسمه و هبه و يسرى و أم ياسين و أم ناجي و سعيده ربي يحفظكم و يعينكم و يحقق لكم آمالكم
يسرى اتشجعي صح الفراق صعب على الأهل و لكن هذه هي سنة الحياة ربي يصلحلك و يعطيك ذريه صالحه
وربي يرزق نسمه حت هي بالأولاد و هبه ربي يرزقها بولد لحلال و مونيا ربي يكمللها حملها و يعينها عليه
سعيده بصحتك الكونجي أم ياسين أولادك كيما ولدي أنا درتلهم المحجوبه سمانه اللي فاتت وعياتني بزاف

[نسمة الجزائر]

سلام عليكم وجمعة مباركةعلينا وعليكم مشكورة ام ريان وأم يس على دعواتكم ليا ربي يسمع منكم ان شالله ونتمنى كل وحدة فينا ربي يحقق لها واش تتمنى قولوا امين

[زينة الحياة الدنيا]

سلام عليكم وجمعة مباركةعلينا وعليكم مشكورة ام ريان وأم يس على دعواتكم ليا ربي يسمع منكم ان شالله ونتمنى كل وحدة فينا ربي يحقق لها واش تتمنى قولوا امين

صباح الخير عليكم

نسمة وش اخبارك ؟؟؟؟

حبيت نسقسيك انتي كي اتزوجتي وش ديتي معاك في جهازك بحكم انك رحتي للغربة ؟؟

مالا مادرتيش الفراش والماعن ....والشكيل تاعنا ههههه

[زينة الحياة الدنيا]

السلام عليكم ورحمة الله وبركاته

[زينة الحياة الدنيا]

ام يس كاينة منها التلج في باتنة؟؟؟؟؟؟؟؟؟؟؟؟؟؟؟؟

[ام ناجي]

المحتوى المخفي لايقتبس

هههههههه املا هاد العام كبرتي هههههههه

عجوزتي ترفدني هههههه تعرفي ما تجيبش حتى كاس ماء باش تشرب روحها ...ما تنوضش حتى العشره تاع الصباح تتقهوى و تقعد تتفرج ...تتغدا و تصلي الظهر و تقيل حتى للربعه..تنوض تشرب القهوة و تقعد تتفرج و تتعشى و ترقد..هدا واش تدير ههههههههههه...و زيد صغيره و بصحتها ماهيش عجوز

[ام ناجي]

نالمحتوى المخفي لايقتبس

بصحتكم المحجوبه ..و صحيتي حبيبتي على الدعوه الجميله...ربي يخليك

[ام ناجي]

المحتوى المخفي لايقتبس

ربي يخليك سامرون...راني بخير ..و على خير...ربي يخليك

[ام ناجي]

على سلامتكم بنات الحمد لله اللي راكو لاباس وربي يسلكك على خير ام ناجي

لكان تعرفو تموت بالضحك علي البارح درت المحاجب ايه المحاجب ولادي قالولي خلينا من الشخاشخ واللحم عينا راهو الثلج والبرد ماتسلكها غير المحاجب هههههههههههههههه شفتو خرجات فوووووووووووووووووووور

امين يا رب...مشكوره

المهم تديري حاجه تقليديه...هداك هو الصح

[ام ناجي]

سلام للكل..ام ريان ..ام يس..زينه..هبه..سعيده ..نسمه...

ربي يجمعنا في الجنه

[نسمة الجزائر]

سلام عليكم كامل نتمنى تكونوا بخير زينة انا ديت غير les souvetments وبيجامات وراكي عارفة الحوايج لخرين بصح كيف ماقلتي ريحت دارنا من القش والصوالح الكبار نتمنالك ربي يهنيك ان شالله مع راجلك وكل وحدة فينا كامل ربي يحققلها واش تتمنى ويخليلنا اللي نبغوهم ان شالله

[أم ياسين الزهراء]

صباح النووووووووووووووووووووووور

[زينة الحياة الدنيا]

السلام عليكم ورحمة الله وبركاته

[زينة الحياة الدنيا]

هههههههه املا هاد العام كبرتي هههههههه

عجوزتي ترفدني هههههه تعرفي ما تجيبش حتى كاس ماء باش تشرب روحها ...ما تنوضش حتى العشره تاع الصباح تتقهوى و تقعد تتفرج ...تتغدا و تصلي الظهر و تقيل حتى للربعه..تنوض تشرب القهوة و تقعد تتفرج و تتعشى و ترقد..هدا واش تدير ههههههههههه...و زيد صغيره و بصحتها ماهيش عجوز

هههههههه

ايه لقات على من تتقلش ..علاش ماتتقللش؟؟ :10:
درك انتي الي محتاجة الي يقومك ,,خليها دير شوي سبور مليح ليها :10:

معلش اسييدي تدي غير دعوة الخير من عندها ماعندك مارح ديري ,,لو كان جات يماك راكي ماتخليهاش تتعب ,,وعليه حتى العجوزة نديرولها هكا وخلاص,,

[زينة الحياة الدنيا]

سلام عليكم كامل نتمنى تكونوا بخير زينة انا ديت غير les souvetments وبيجامات وراكي عارفة الحوايج لخرين بصح كيف ماقلتي ريحت دارنا من القش والصوالح الكبار نتمنالك ربي يهنيك ان شالله مع راجلك وكل وحدة فينا كامل ربي يحققلها واش تتمنى ويخليلنا اللي نبغوهم ان شالله


أميـــــــــــــــــــــــــــــــن يارب العالمين ,,:)

ان شاء الله ربي يرزقك بالذريية الصالحة ,,

[زينة الحياة الدنيا]

بصحتكم المحجوبة ام يس

انا راني ناوية هاد السمانة ندير شوي نختبر روحي ونشوف كيفاش محجوبتي
خصوصا بعد ما راجلي قالي نحبها

ربي يعيييييييييييييييين

[زينة الحياة الدنيا]

اليوم الشميسة كانت تهبل ,,,:) التلج يصب غير في الشرق ههههه

[زينة الحياة الدنيا]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[أم ياسين الزهراء]

ام ناجي فكرتيني بعجوزتي ههههههههههههههههه ربي يسلكك على خير حنونة

[أم ياسين الزهراء]

احلام سعيدة

[زينة الحياة الدنيا]

صباح الخير عليكم كامل

[زينة الحياة الدنيا]

محتاجة دعوة بتفريج هم ,,ادعيولي

[أم ياسين الزهراء]

زينة ربي يفرج عليك يارب قولوا امين

[ام ناجي]

يسرى ربي يفرج همك و يبعد عنك الغم يارب

يسرى ماشي غير لعجوز اللي احنا نقولو عليها هكدا انا عندي 10 سنين زواج في حياتي ما شفتها دارت حاجه..ماشي غير اليوم و زيد بصحتها ...يقولك في الحركه بركه...انا الوالده ديالي تدير كلش من تجفاف حشاكم لغسيل معان للطياب للقضان برى الدااااااار...دايما لابسه الطابليه .....و عجوزتي غير تعطي في الاوامر ..هدا واش تدير ههههههههههه

[ام ناجي]

سعيده راهي نساتنا مع اماني..و انشغلت مع الدار

ام يس احنا ما شفنا لا تلج لا غيرو..غير الريح هههههههههههه

ام ريان واش احوالك

هبه واش بيك غايبه

نسمه واش احوالك

[نسمة الجزائر]

سلام عليكم كامل انا بالنسبة لا جديد كالعادة زينة ربي يفرجها عليك ان شالله ويفرجها علي انا الهم اللي انا فيه مايعلم فيه غير الله سبحانه وزيد المشكلة اللي عندي صعيبة بزاف مايقدر عليها غير ربي عزوجل يعني تخيلي تكون عندك مشكلة وكاين حلها بصح الحل مانفعش معاك مالا انا هكا راني نقارع في الله سبحانه انو يحلها من عندو على خاطر عجزت عن حلها على ديك متنسوش ادعولي باش ربي يسهلي ويحل المشكلة اللي عندي ويرزقني الذرية الصالحة ان شالله

[أم ياسين الزهراء]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[أم ياسين الزهراء]

نسمة حنونتي عليك بالصبر والدعاء وديري في بالك رحمة ربي كبيرة واللي مكتوبلك تديه تديه اصبري برك

[أم ياسين الزهراء]

نسمة اذا مافيهش تطفل ولا احراج رحتي للطبيبة وعرفتي اسبب

[أم ياسين الزهراء]

ام ناجي هذي هي عجوزتي شاف وتكسال وتحب غير اللي يخدمها بصح ربي كبير ماما مسكينة عمرها كامل وهي تخدم في القريب والبعيد واحنا نسكنو في بلاصة فيها صبيطار كبير كانت ابوني فيه لازم كل يوم تروح تزور مريضة وتديلها الكسرة وجيب قشها تغسلو ومرة جابتنا مريضة محروقة عيدت معانا العيد الكبير على خاطر بعيدة على اهلها والحمد للله ومسكينة كيمرضت شبعت بكي على خاطر ماتقدرش تتحرك بزاف وعجوزتي كيتمرض تموت بالفرحة باش نخدموها ههههههههههههه شفتي بصح ربي كبير:10::10:

[أم ياسين الزهراء]

سعيدة وين تبحرتي

وهبى غاب حسك

وام ريان وين رحتي

وموني ربي يسمعنا عليك كل خير

سلامي للكل وربي يفتحها علينا

[أم ياسين الزهراء]

دوقى وقت الراحة انتاعي راح نرقد اميرة وقبالى للفراش واي من الفراش عيتتتتتتتتتتتتتتتتتتتتتتتتتتت

[نسمة الجزائر]

سلام ام يس حنونتي بصراحة مازال مارحت للطبيبة عاد بلاك السمانة الجاية ان شالله نروح ندير الفحوصات بصح كاين شي حوايج في الفحص تخوف سمعت نسا يهدرو عليها على ديك راني متخوفة نديرهم على خاطر انا خوافة بزاف بزاف ادعيلي برك:10:

[أم ياسين الزهراء]

صباح الانوار عليكم

نسمة حنونتي علاش تخافي توكلي على ربي وروحي بلاك حاجة ساهلة وربي كريم رحيم

[زينة الحياة الدنيا]

السلام عليكم ورحمة الله وبركاته

[زينة الحياة الدنيا]

سلام عليكم كامل انا بالنسبة لا جديد كالعادة زينة ربي يفرجها عليك ان شالله ويفرجها علي انا الهم اللي انا فيه مايعلم فيه غير الله سبحانه وزيد المشكلة اللي عندي صعيبة بزاف مايقدر عليها غير ربي عزوجل يعني تخيلي تكون عندك مشكلة وكاين حلها بصح الحل مانفعش معاك مالا انا هكا راني نقارع في الله سبحانه انو يحلها من عندو على خاطر عجزت عن حلها على ديك متنسوش ادعولي باش ربي يسهلي ويحل المشكلة اللي عندي ويرزقني الذرية الصالحة ان شالله



رحمة الله واسعة يانسمة

قوي ايماتك بالله وماتنسيش بلي من اسباب استجابة الدعاء هي الدعاء مع التيقن من الاجابة
ادعي وانتي متاكدة وواثقة بلي ربي راح يستجيب ليك
أحسني الظن بالله,,وراهو كاين واحد الفيديو تع عمرو خالد يحكي عن حسن الظن بالله حوسي عليه في اليوتوب وانا اذا لقيتو راني نعطيهولك
والله لي تسمعو تقولي يعطيك الصحة وتفيق مع روحهااااا

تفاءلي يا أختي وخذي ايضا بالاسباب ..ماتبقايش مكتوفة الايدي وتحب الحالة تتبدل ..مستحيل
ديري الي عليك وانتي متوكلة على الله ,,,وربي مش رح يخيبك أبداااااااا

[زينة الحياة الدنيا]

ام ناجي الله يكون في عونك ,,لو جيت في بلاصتك نزيد نتمارض انا تاني ونقولو نروح عند ماما هههههه
وخليلها الدار واسعة وعريضة هههه

انا الحمد لله مارانيش رايحة نسكن معاها ,,,ماتشوفني مانشوفها ..هكا هي في حالها وانا في حالي
انا منرفزة بزاف وعصبية ,,والله قادرة من اقل شئ تكبر بيناتنا

مالا في وجه راجلي نربح معاها غير القدر والملاحة ,,,وصحة صحة من بعيد ,,:10:

[زينة الحياة الدنيا]

♥اللهــــــم لكــ فــــى هــــــذه الساعه
♥ عبـــــاد ينتظـــرون " أمنك " فـأمنهـــــم
♥ عبــاد ينتظـــــرون "عفوك" فاعفــــو عنهـــم
♥ عبـــــاد ينتظـــرون " رحمتك " فـارحمهـــــم
♥ عبــــاد ينتظــــرون " فرجـك " ففـــــرج همـهــم
♥ عبـــدا ينتظــــــرون " رضـــاك " فـــارضى عنهــــم
اللهـــــم انى اســــالك فى هذه الساعه ان تحقق امنيتى و امنيه كل من قال " اميــــن "

[زينة الحياة الدنيا]

اللهم صل على محمد وعلى آله وصحبه أجمعين

[زينة الحياة الدنيا]

la grippppppppppppppppe
ay aya ayayayay !!!!

[أم ياسين الزهراء]

جمعة مباركة على الجميع

[نسمة الجزائر]

سلام عليكم كاملين نتمنى تكونوا بصحة وعافية نسلم على كل وحدة فيكم نحبكم بزااااااااااااف وربي يحقق لينا كامل اللي نتمناو ويخليلنا اللي نبغوهم رب لاتذرني فردا وانت خير الوارثين اللهم صل وبارك على سيدنا محمد وعلى اله وصحبه الأخيار وسلم استغفر الله الذي لا اله الا هو الحي القيوم وأتوب اليه

[أم ياسين الزهراء]

اللهم امين ربي يرزقك بالدرية الصالحة قادر ياكريم

[أم ريان dz]

السلام عليكم و رحمة الله و بركاته
واش راكم لاباس كل وحده باسمها أم ياسين واش حوالكم مع البرد و قيل عندكم الثلج بصحتكم
أم ناجي ربي يسلكك على خير و تفرحينا و نفرحوا معاك
نسمه ربي يفرج عليك و يرزقك بالذريه الصالحه عاجلا غير آجل وان شاء الله تحل مشاكلك كلها أشكي و بثي همك لله بركعتين في جوف الليل مع اليقين ربي يفرج ...أمين و يسرى نقصي شوي من القلقه على خاطر تأثر على ابن آدم و تسبب في مشاكل في المعده و القولون ربي يحفظك ان شاء الله و هونيها تهون ان شاء الله
مونيا ربي يحفطلك حملك و يشفي قريبتك هبه المستقبل أمامك ربي يحققلك كل ما تتمني سعيده ما زلتي ما رجعتيش للخدمه رانا توحشناك واش راهي أماني
كل اذكرتهم و اللي ما ذكرتهمش راهم في القلب و كونوا على يقين باللي راني ندعيلكم في صلاة الليل ربي يتقبل ان شاء الله

[أم ريان dz]

راهي عجوزتي كانت عندي باتت 3 أيام و اليوم راحت عند بنتها درت عشاء البارج محجوبه بصح مت بالعيا بسلامتكم عظامي كامل يسترو و اليوم في الغدا درت طاجين معدنوس بالدجاج مفتت و لوبيا البيضا شوي برك و الفرماج و الزيتون و العطام المشرشمين جا بنين يم يم

[ام ناجي]

مساء الخير عليكم كامل...الحمد لله كيراكم بخير

راهو البرد و الشتا دايريين حاله...

المهم مازلت ما ولدت..راني نستنى في رحمت ربي...خلاص بديت نتقلق ربي يعطينا الصبر و العقل

سلامي للكل كل وحد بأسمها

[أم ياسين الزهراء]

اسفة اذن المغرب لي عودة سلامي

[أم ياسين الزهراء]

صليت وربي يقبل علي وعليكم

ام ناجي ربي يسلكك على خير اجر ومغفرة عند ربي هكى تصراني انا كينقرب للولادة نتقللق بزاف واللي يزيد علي الكل يستنى في

[أم ياسين الزهراء]

ام ريان بصحتكم المحاجب انا اليوم درت البراج لوليدي في الجزاير وغدوة راح نديرو المحاجب ربي يستر راح نموت بالعي بصح كل يهون مسكين حبيت نسخفو

قوليلي على الماكلى اللي درتيها تعرفيني نموووووووووووووووووت على الشهيوات

[أم ياسين الزهراء]

قالو بلي الثلج راح يطيح عندنا دبرناها هكى يحلاو المحاجب وراني زعمى هددت ولادي قلتلهم راح نديرهم لخوكم انتم ديرلكم لوبيا بالمرقاز قالولي دوق نشوفو شكون يغلب وعلى بالي راح يغلبوني ياااااااااااااااااااااااااااااااااا

[أم ياسين الزهراء]

زينة ام ريان صدقت ماتتقلقي ماوالو اللي كاتبة تلحق

سعيدة اشفاي عليها زليتينا

موني سمعينا اخبارك وربي يشفي مريضتكم

نسمة واش راكي حنونتي

هبى وين رحتي

سلام

[أم ياسين الزهراء]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[ام ناجي]

اممممممممم البرد مليح غير في الماكله...انا قبل امس درت لولادي كوكا باخي تعرفوها بالعجينه المورقه و عمرتها باللحم المرحي و الطماطم و الفرماج...زوجي كي شافني نطيب فيها قالي انا ما ناكلش ... طيبتلو عشاه وحدو وكي شاف اولادي ياكلو طاح معاهم ههههههههههههههههههههه

و بقاتلي من العجينه الصباح درتلهم بيها الكرواسان و نوع تاني يجي كيما المتلت عمرتو بالمعجون...عشر دقايق القهوه سخونه كانت واجده جاو يهبلو

[ام ناجي]

مرات المورال يكون طالع نعجبو في المطبخ و مرات تقولي ما نقلي حبه بيض ههههههههههه

[ام ناجي]

اسفه زوجي راهويدقدق في الباب نرجع من بعد

[زينة الحياة الدنيا]

اممممممممم البرد مليح غير في الماكله...انا قبل امس درت لولادي كوكا باخي تعرفوها بالعجينه المورقه و عمرتها باللحم المرحي و الطماطم و الفرماج...زوجي كي شافني نطيب فيها قالي انا ما ناكلش ... طيبتلو عشاه وحدو وكي شاف اولادي ياكلو طاح معاهم ههههههههههههههههههههه

و بقاتلي من العجينه الصباح درتلهم بيها الكرواسان و نوع تاني يجي كيما المتلت عمرتو بالمعجون...عشر دقايق القهوه سخونه كانت واجده جاو يهبلو

جابك ربي لياااااااا

قوليلي العجينة المورقة تخدميها وحدك ولا تشريها ؟؟؟

انا شريتها خطرة واجدة وجربت بيها البوراك بصح كي قليتو شربتلي الزيت كامل ماعاودتش شريتها

وراني حابة نتعلم نخدمها وحدي ..اذا عندك طريقة شابة وشاهلة قوليهالي الله يسلكك على خير :10:

[زينة الحياة الدنيا]

وام يس نطلب منها تعطينا الطريقة تع محجوبتها :)

زوجي يحب الاكلات التقليدية ,,من درك راهو يسخف ..وانا نقولو هيه ان شاء الله ههههه

[زينة الحياة الدنيا]

اللهم صل على محمد وعلى آله وصحبه أجمعين

[أم ريان dz]

السلام عليكم واشراكم يا حراير دزاير ان شاء الله ديما فووووووور
أم ياسين تقدي على الطاجين تاع البارح شوفي إذا عندك جلبانه أو لوبيا و لا حمص المهم وحده من هاذو
انصبي صوص البصل و الثوم و الزبده و الفواحات المشكله مع طرف دجاج أو لحم قلي مليح و زيدي عليهم الجلبانه و خليها طيب
قطعي البطاطا مكعبات واقليها و خليها بجيه كي تنضج المرق لازم يكون خاثر زيدي عليه البطاطا و من بعد طفي عليه حضري 4 عضمات مع شوي شابلير و فرماج مع 3 عضمات مشرشمين و مقطعين براح و زيتون و خلطيهم ثم أطيفيهم للمرق
ملاحظه فتتي الدجاج و زيديه للخليط ومن بعد حضري بلا ادهنيه بالزبده و صبي فيه الخليط و رشي عليه فرماج رابي و حطيه في الفور
و شهيه طيبه

[أم ياسين الزهراء]

امممممممممممم سخفتيني ام ريان الله يعطيك الصحة

[أم ياسين الزهراء]

زينة المحاجب ساهلين روحي لمنتدى الجلفة تلقاي بزاف وصفات وراهم الكل ناجحين اما العجينة المورقة عمري ماشريتها ولا خدمتها بصح راهم كاين طرق داروهم البنات وناجحين تاخدي راي تبعي المنتدى الجلفة راهو وصفاتهم ناجحين وزيد تاع بلادنا وكاشي نهار نوريلك طريقتي في المحاجب وزيد توليرنا ام ريان طريقتها هههههههههههههه حصلتك معاي هههههههههههههه ام ريان دبري راسك زينة مسؤولة منا لازم تحمرلنا وجخنا مع زوجها

[أم ياسين الزهراء]

ام ناجي بصحتكم الكوكا انا مانحبهاش موالفة نديرلهم ليشوصون بصح كينوض نلقى روحي مطبقة ههههههههههههههه وكيما قلتي مرات حبة بيض تفشلني ومراتتتتتتتتتتتتتتتتتت مانحبسش

[أم ياسين الزهراء]

اللهم صل على محمد وعلى آله وصحبه أجمعين

[أم ياسين الزهراء]

وليت باش نخبركم موني فقدت الجنين انتاعها وراهي في حالى نفسية صعيبة كنت نشوف في المدونة انتاعها ندعولها ربي يفرج عليها ويشفي بنت عمها يارب

[أم ياسين الزهراء]

اسفة على هذا الخبر

[زينة الحياة الدنيا]

لا حول ولا قوة الا بالله

قدر الله وماشاء فعل

الحمد لله على سلامتها هي والجنين يتخلف بربي ان شاء الله

[أم ريان dz]

وليت باش نخبركم موني فقدت الجنين انتاعها وراهي في حالى نفسية صعيبة كنت نشوف في المدونة انتاعها ندعولها ربي يفرج عليها ويشفي بنت عمها يارب


لا حول و لا قوة إلا بالله هذا خبر محزن و لكن لا يسعنا إلا أن نقول صبّرك الله و عوضك بأحسن منه صحه و جعله الله لك ذخرا في الجنه و عليك بقول اللهم أجرني في مصيبتي واخلف لي خير منها
ربي يفرج عليك مصابك و شفى إبنة عمك إنه و لي ذلك و القادر عليه

[أم ريان dz]

زينة المحاجب ساهلين روحي لمنتدى الجلفة تلقاي بزاف وصفات وراهم الكل ناجحين اما العجينة المورقة عمري ماشريتها ولا خدمتها بصح راهم كاين طرق داروهم البنات وناجحين تاخدي راي تبعي المنتدى الجلفة راهو وصفاتهم ناجحين وزيد تاع بلادنا وكاشي نهار نوريلك طريقتي في المحاجب وزيد توليرنا ام ريان طريقتها هههههههههههههه حصلتك معاي هههههههههههههه ام ريان دبري راسك زينة مسؤولة منا لازم تحمرلنا وجخنا مع زوجها



غالي و طلب رخيص كنت البارح راح نحط الطريقه بصح نوضني ولدي كان واقف عند راسي كي البوليسي هههههههههههه واش دارت فينا الانترنيت
المهم جيبي سميد و زيديلو الماء و الملح نفس الطريقه اللي درتها تاعىالشخشوخه (المركبات ) كاينه في المنتدى تعجيها مليح وانت تبلي حتى تصبح طريه بزاف و تتطوّط أعملي كرات صغيره و خليها ترتاح باش كي تحليها تمشيلك و ما تتقطعش طيبي الورقه الأولى و حطيها بجيه وحلي وحده أخرى لازم تكون شفافه و من بعد حطي الورقه الأولى لي طابت على الورقه لي حليتيها و ديري عليها لا صوص و طبقي وطبقيها و طبقي عليها الورقه الاخرى و حطيها طيب
لاصوص قصي البصل يكون بزاف و الطماطم تاع الكعب حتى هي لازم تكون كميه كافيه مثلا كيلو مع الثوم و الفواحات +الرند + طرف صغير تاع الشحمه ..هي اللي تعطيها البنه + طماطم المركز تاع الباطات و بغيتي زيدي عليهم الدبشه
و بالصحه و الهنا
ملاحظه ديري المره الاولى كميه صغيره تاع العجين باش تتعلمي و ما تتعبيش مره و زوج حتى تتعلمي ان شاء الله

[أم ريان dz]

آه يسرى نسيت نقولك حطي قدامك غرفيه زيت تغطسي فيها الكرات باش يمشيولك مليح مع الرش بالزيت كل مره

[أم ريان dz]

اممممممممم البرد مليح غير في الماكله...انا قبل امس درت لولادي كوكا باخي تعرفوها بالعجينه المورقه و عمرتها باللحم المرحي و الطماطم و الفرماج...زوجي كي شافني نطيب فيها قالي انا ما ناكلش ... طيبتلو عشاه وحدو وكي شاف اولادي ياكلو طاح معاهم ههههههههههههههههههههه

و بقاتلي من العجينه الصباح درتلهم بيها الكرواسان و نوع تاني يجي كيما المتلت عمرتو بالمعجون...عشر دقايق القهوه سخونه كانت واجده جاو يهبلو

أم ناجي بصحتك الكوكا باخي انت وولادك ربي معاك و يعاونك على حملك و على التعب تاع الدار سايسي روحك مليح و ديري غير الحاجه الخفيفه

[أم ياسين الزهراء]

امممممممممم ريان سخفتيني بصح علاش تعبي روحك في العجينة لمي عجينك وحطيه في ساشي مبلول يولي ساهل

[أم ياسين الزهراء]

صباح النوووووووووووووووووووووووور

[زينة الحياة الدنيا]

مساء الخير عليكم كامل

يعطيك الصحة ام ريان على الوصفة ان شاء الله نجربها في القريب العاجل وتصلحلي برك :)

هاد الايامات الزدرة دارت فينا حالة,,,انا ماقدرتش حتى نوض من الفراش

[أم ياسين الزهراء]

زينة ربي يجيبلك الشفاء الجو هو اللي زاد علينا حقى مازالكي تخدمي

[زينة الحياة الدنيا]

زينة ربي يجيبلك الشفاء الجو هو اللي زاد علينا حقى مازالكي تخدمي

الله يسلمك حبيبتي والله الجو بارد بزاف لوكان غير نطل من التاقة نولي نعطس ههه

حبست الخدمة :)

[أم ريان dz]

السلام عليكم و رحمة الله و بركاته
ربي يجيبلك الشفا زينه حق أم ياسين العجينه عجنتها بزاف و حطيتها في صاشيه مبلوله و خليتها تحطت شوي وزدت عجنتها مره أخرى هك باش ما نحصلش فيها خاطر أنا نحطها على ذراعي و نطوطها حتى تولي شفافه خلاص بصح تجي روعه
أم ناجي طولتها علينا ربي يسلكها و تزيد على خير ان شاء الله
سعيده حتى هي ما بانتش ؟؟؟؟؟؟؟ و هبه ثاني ؟؟؟؟؟؟؟؟؟؟ و نسمه طلي علينا و طمنينا عليك ربي رزقك بالذريه الصالحه أمين
ان شاء الله تكونوا كامل بخير و عافيه لي ذكرتهم و لي ما ذكرتهمش:68::rroo::68:

[أم ريان dz]

اللهم صل على محمد وعلى آله الطيبين الطاهرين وصحبه أجمعين

[أم ياسين الزهراء]

راهو الثلج مداير حالى من الصباح بكري وهو يصب واوووووووووووووو حطى وقالو حتى الاحد ان شاء الله

[أم ياسين الزهراء]

شوفو بسبوستي امممممممممممممم

http://up.hawahome.com/uploads/13602524891.jpg

[أم ياسين الزهراء]

اللهم صل على محمد وعلى آله وصحبه أجمعين

[قلب راض]

السّلام عليكم ورحمة الله وبركاته

بسبوستك أم ياسين تفحفح من بعيد

وجيت معاها ...

كيفك وكيف ام ناجي؟

[أم ياسين الزهراء]

واش راكم وحدة مادخلت غير الخير

هذا واش طيبت اليوم جاج محمر مع المطلوع

http://up.hawahome.com/uploads/13603543041.jpg


المطلوع درت للعشاء مع السلق


http://up.hawahome.com/uploads/13603543042.jpg

[أم ريان dz]

السلام عليكم و رحمة الله و بركاته
أم ياسين راكي سخفتيي ذرك جي نجري لباتنه9::هههههههه

[أم ريان dz]

تحيه طيبه لأحلى عضوات في لمتنا المنوره لكل وحده فيكم ربي يبلغها مرادها و مبتغاها أن شاء الله وانا معاكم
وخاصة أم ناجي ربي يسلكها على خير و عروستنا يسوره ربي يفرحها و يهون عليها فراق الأهل هذه سنة الحياة

[أم ياسين الزهراء]

ام ريان نحطك بين عينينا مرحبا بيك

[ام ناجي]

مساء الخير عليكم كاااااااااااامل ..راني متابعتكم و متابعه اخباركم بصح على الصاااااااااااااامت ههههههههههه نشوف و نخرج

باقيلي اسبوع و خلص الشهر التاسع..ادعيولي نولد قبل ما نكمله..احسن ما يقولولي ديري طلق اصطناعي و لا عمليه

[أم ياسين الزهراء]

ربي يسلكك على خير

[أم ريان dz]

ربي يسلكك على خير و يهون عليك ساعة الوضع ربي يكون معاك ان شاء الله نهار تجي تزيدي اشربي القرفه مليحه وادعي ربي يعينك
و هذه أدعيه لتسهيل الوضع


هل قراءة سورة الزلزلة عند الولادة يسهل الولادة ؟ وهل هناك أدعية وأذكار مشروعة تقال عند الولادة لتسهيلها ؟ وهل الدعاء عند الولادة مستجاب ؟.

الجواب:

الحمد لله

كتابة سورة الزلزلة في إناء بالزعفران ، وكذلك الآيات التي فيها أن الله سبحانه وتعالى يعلم ما في الأرحام ، وكذلك مثل قوله تعالى : " وما تخرج من ثمرات من أكمامها وما تحمل من أنثى ولا تضع إلا بعلمه " فصلت : 47 ، وقوله تعالى : " الله يعلم ما تحمل كل أنثى وما تغيض الأرحام وما تزداد وكل شيء عنده بمقدار " الرعد : 8 .

هذه جربت ويصب في الإناء ماء ويحرك حتى يتغير بالزعفران ثم تشربه النفساء ويمسح منه على بطنها ، أو تقرأ هذه الآيات في ماء وتسقى إياه ويمسح به على بطنها أيضا . أو يقرأ على نفس المرأة التي أخذها الطلق ، كل هذا نافع بإذن الله .

أما مسألة الدعاء ... دعاء المرأة التي تطلق - عند الطلق - فهذا حري بالإجابة لأنه يقع عند الاضطرار وقد قال الله عز وجل : " أمن يجيب المضطر إذا دعاه ويكشف السوء ويجعلكم خلفاء الأرض أإله مع الله " النمل : 62 .

وما أكثر ما يجيب الرب عز وجل الدعاء عند الكربات فيفرجها الله سبحانه وتعالى . والله أعلم .

[Saida.tem]

السلام عليكم ورحمة الله وبركاته
واش راكم لبنات راني توحشتكم بزاف كان عندي مشكل في النت على هكدا مارانيش ندخل

[زينة الحياة الدنيا]

السلام عليكم ورحمة الله وبركاته

[زينة الحياة الدنيا]

انا كنت مريضة في حالة

حكموني القراجم ,,,وش نحكيلكم حسبت روحي رايحة نموووووت

الدوخة الفشلة القيئ السعلة الصداع الظغط المنخفض ...الخ

حتى لليوم باه راني نحس روحي اتحسنت والحمد لله

عندي 10 ايام ماعتبتش باب الدار ,,ومانضتش من السرير ,,,حتى وجعني ظهري وكي نوض نلقى روحي نسيت على المشية كيفاش هههه,,

الحمد لله على كل حال,,,,يارب تأجرني في مرضي يارب ..وتشفيني وتشفي جميع المرضى

[زينة الحياة الدنيا]

الحمد لله على سلامتك سعيدة

ام ناجي راكي في الباااااااااال وندعيلك من قلبي

ام يس,انا رايحة نجي نقعد عندك هاد الشهر تسمنيني شوية وش قلتي ؟؟ ماكلتك تشهي الله يبارك

ام ريان يا القلب الحنون تع التجمع ..توحشتك بزاف

هبة غطست مانعرف وين ,,ان شاء الله راهي بخير

ونسمة تجي وتروح ,,,ربي يفرج عليها ,,

ان شاء الله مانسيت حتى واحدة ,,

ربي يهنينا جميعا ,,

[أم ياسين الزهراء]

على سلامتك زينة الحمد لله اجر ومغفرة وجدي روحك راهو برد كبير عندنا والجليد هرد الدنيا ومرحبا بيك عندي نديرك بين عينيا

[أم ياسين الزهراء]

اهلا سعيدة الحمد لله اللي راكي لاباس توحشناك

[أم ياسين الزهراء]

ام ريان واش ركي

هبى طال غيابك خير

نسمة وين رحتي عندك مدة مابنتيش

موني مسكينة راهي مع بنت عمها بداولها الكيمياوي يارب الطف بيها


ام ناجي تدخلي طلي وتهربي معليش الله يسلكك على خير

[أم ياسين الزهراء]

اللهم صل على محمد وعلى آله وصحبه أجمعين

[أم ريان dz]

[QUOTE=زينة الحياة الدنيا;5976143]المحتوى المخفي لايقتبس[
أسأل الله العظيم رب العرش العظيم أن يشفيك و يلبسك ثوب العافيه و يجعله كفارة للذنوب
وان شاء الله يهنيك ربي و يسعد قلبكك و يسخر لك زوجك :68:

[أم ريان dz]

ام ريان واش ركي

هبى طال غيابك خير

نسمة وين رحتي عندك مدة مابنتيش

موني مسكينة راهي مع بنت عمها بداولها الكيمياوي يارب الطف بيها


ام ناجي تدخلي طلي وتهربي معليش الله يسلكك على خير

الحمد لله يا لعزيزه ربي يصلحلك في ذريتك و يحفطلك عايلتك
هبه ما بانتش عسى أن يكون خير
نسمه راكي في بالنا ربي يرزقك واش تتمناي
موني ربي يعطيكم القوه و الجلدو يشفيلكم مريضتم و الدعاء هو بابنا الوحيد و خاصة دعاء المضطر
(أمّن يجيب المضطر إذا دعاه و يكشف االسوء )
أم ناجي ربي يسلكها على خير
سعيده واش اخبارك وشراهي البنوته تاعك ربي يحميها

[زينة الحياة الدنيا]

[QUOTE=زينة الحياة الدنيا;5976143]المحتوى المخفي لايقتبس[
أسأل الله العظيم رب العرش العظيم أن يشفيك و يلبسك ثوب العافيه و يجعله كفارة للذنوب
وان شاء الله يهنيك ربي و يسعد قلبكك و يسخر لك زوجك :68:


اللهم آمين جزاك الله خيرا وجعله في ميزان حسناتك ...تعيشي حبيبتي

[زينة الحياة الدنيا]

شكرا ام يس,,من ذوقك ربي يخليك ..لو كان نلقاها مانقولش لالا ,,هكدا نهرب من الظغط تع العرس الي رح يهبلني

[زينة الحياة الدنيا]

ماعلى بالكمش لوكتاه يبقى التلج في الشرق ؟؟؟

[أم ياسين الزهراء]

صباح النور

ام ناجي طمنيننا عليك

البارح لعشية زلزلة عندنا ربي يستر

[بمبينا بيلا]

]كيف حالكم يا جيراننا [/SIZE]
ان شاء الله تكونو بخير
ام ناجي ولدت ولا لا
طمنوني الله يطمن قلبكم بكل خير

[زينة الحياة الدنيا]

جمعة مباركة للجميع

ام ناجي ولدت وجابت بنوتة

الحمد لله على سلامتها وتتربى في عزها وعز ابوها :10:

[بمبينا بيلا]

زينه الله يبشر بكل خير
الحمد لله على سلامتها
تتربى في عزها وتشوفها عروسه يا رب

[أم ياسين الزهراء]

مبروووووووووووووووووووووك عليها والحمد لله على سلامتها واش سماتها

[hibet-allah]

سلالالالام
كيييييييييييييفكم
راني مع الدراااااااسه
سلامي للكل
ومبروك لام ناجي

[أم ريان dz]

السلام عليكم و رحمة الله و بركاته
مفاجأة جميله ألف ألف مبروك لأختنا أم ناجي و مبروك أنك جبت بنوته كيما حبيتي تتربى في عزك و عز باباها
الحمد لله على سلامتك أم ناجي

http://files2.fatakat.com/2013/1/13589650081138.gif

[زينة الحياة الدنيا]

راني هدرت مع ام ناجي وباركتلها ,,راهي تسلم عليكم

وسمعت بنوووتتها وهي تلاغي ياعمري ياعممممممري :10:

سماتها ريتاج :)

[زينة الحياة الدنيا]

راسي من البارح وهو يوجع فيا مانفع فيه لا دوا لا والو ..~~~

[نسمة الجزائر]

سلام عليكم لبنات توحشتكم الكل سمحولي مكنتش ندخل على خاطر النفسية صفر والحمد لله مبروووووك لام ناجي تتربى فعزها وعز بوها سلامي ليكم كلكم وزينة ربي يهنيك انشالله

[أم ياسين الزهراء]

صباح النووووووووووووووووووور

[حورية الجزائر 2]

السلام عليكم لمتكم شابة بزاااااااااااف راني راطيت بصح معليش
الف الف نمبروووك ام ناجي تتربى في عزك جعلها الله صالحة بارة بك انا انموت .على البنات الحمد لله ربي رزقني و ان شاء الله يرزق كل محرومة
ام ناجي ان شاء الله تكوني بخير و نسمعو عليك خبر الخير بوسي البيبي

[زينة الحياة الدنيا]

صباح الخيرات عليكم جميعا

مرحبا بيك حورية معانا ,,,

نسمة عاش منى شافك ,,,اتفاءلي برك ياأختي ,,حتى والنفسية في الزيرووو قولي راهي في المية ههههه

[أم ريان dz]

السلام عليكم و رحمة الله وبركاته
يسرى ربي يجيبلك الشفا أتهلاي في روحك راكي عروسه :68:~~,
لازم يقلشوك كيما يقولوا أهل الغرب ههههههه

[أم ريان dz]

أهلا بيك حوريه هذي غيبه واشراكي لاباس وشراهم ولادك
ربي يحفظهم و يصلحهم

[أم ريان dz]

نسمه هوني على نفسك ووكلي أمرك لله مع الدعاء و اليقين بالإجابه ان شاء الله تتحل الأمور

[أم ريان dz]

و الغائب الأكبر هي أم ياسين ان شاء الله المانع خير
مبروك مره ثانيه لأم ناجي بالبنوته ريتاج عاشت الاسامي

[أم ريان dz]

اللهم صل على محمد وعلى آله وصحبه أجمعين

[حورية الجزائر 2]

السلام عليكم وش راكي ام ريان انا الحمد لله بصح عندي ازمة سكن كيما كامل الناس هنا ههههههههه ربي يجعل الخير ادعيلي راني شوية في مازق ولادي الحمد لله على النعمة اخبارك انتي و يعطيك الصحة على الدعاء
زينة الحياة الدنيا ربي اهنيك وش راكي بسمة لا تقنطي من رحمة الله النفسية واعرة كي تولي في الزيروو بصح انتي اوقفي قدام المرايا و قولي راني مليحة تولي مليحة ان شاء الله

[زينة الحياة الدنيا]

السلام عليكم و رحمة الله وبركاته
يسرى ربي يجيبلك الشفا أتهلاي في روحك راكي عروسه :68:~~,
لازم يقلشوك كيما يقولوا أهل الغرب ههههههه


والله يا أم ريان مافهمتش وش بيا ,,مني لي حكمتني الزدرة وراسي يوجع فيا لليوم ,,مافهمتش وش بيه ,,

وقيلة بيا التخمام برك ..

راني نخمم الليل مع النهار ..*)

وخصني غير التقلاش ,,راني شاعلة فيهم غير الي مايدورش بجهتي ههههه

الواحد الستراس حاكمو وهوما يزيدوني بواحد الافكار وواحد الهدرة ,,,,قلتلهم مانزيدش نسمع حتى كلمة على هاد العرس قدامي ,,,روحوا بعيد عليا واحكيوا ,,هبلتوووووووووووونيـ2

[زينة الحياة الدنيا]

السلام عليكم وش راكي ام ريان انا الحمد لله بصح عندي ازمة سكن كيما كامل الناس هنا ههههههههه ربي يجعل الخير ادعيلي راني شوية في مازق ولادي الحمد لله على النعمة اخبارك انتي و يعطيك الصحة على الدعاء
زينة الحياة الدنيا ربي اهنيك وش راكي بسمة لا تقنطي من رحمة الله النفسية واعرة كي تولي في الزيروو بصح انتي اوقفي قدام المرايا و قولي راني مليحة تولي مليحة ان شاء الله


ربي يعيشك أختي حورية
شكرا على الدعوة

[أم ياسين الزهراء]

اهلا لبنات كنت ندخل ونخرج نطمن عليكم شوي مشغولة

نسمة ياخي تفاهمنا ماكانش قلق خليها على ربي

اهلا حورية مرحبا بيك معانا والله غير نفرح كيجونا خيات جدد منين انت

زينة على سلامتك ركي تدللي على اهلك وبديتي تتوحشيهم قبل ماتروحي اه فكرتيني بالذي مضى والحمد لله

ام ناجي وين راهي الطمينة

سعيدة واش راكم

هبى طلي مين ذاك

ام ريان الله يخليك تعيشي حنونة

[أم ريان dz]

المحتوى المخفي لايقتبس

راني حاسه بيك راكي على موعد مع حياة جديده و تجربه جديده و كذلك فراق الأهل و الاحباب كل هذا يولد لك الضغط و يزيدلك في القلقه مع التحضيرات تع الجهاز و الي ناقص الخ حكايه كبيره و مصاريف كبيره ربي يكون في العون و يسهلك السبل و يحسن أموركك كلها كي تنوضي الصباح شوفي في المرايا و قولي يسرى سعيده يوميا ان شاء الله ربي يرزقك بالسعاده و الذريه الصالحه:68:
و هذا الرابط فيه معلومات عن الصداع كل ما يجب معرفته عن الصداع
http://forum.hawahome.com/t439100.html

[أم ريان dz]

حوريه ربي يرزقك بالسكنه و هذا مشكل كبير في دزاير و خاصة العاصمه ربي يكون في العون
نسمه ربي يعطيك واش تتمناي أم ياسين كاشمه كاين جديد في الطياب عندي بزاف ما طليتش على الجلفه ههههه
سعيده واقيله فاشيتينا وين راكي ما بنتيش واش راهي الصغيرونه تاعك ربي يحفطها مع ريتاج بنت أم ناجي

[أم ريان dz]

السلام عليكم ورحمة الله وبركاته

[أم ياسين الزهراء]

اهلا بنات واش راكم

ام ريان راهو كاين غير الخير طيبت وكرهت الشاف قالي هلكتينا بالماكلى هههههههههه شوفي هذي تارت الفلان بالفاني هايلة


http://up.hawahome.com/uploads/13613746662.jpg

[زينة الحياة الدنيا]

المحتوى المخفي لايقتبس

ان شاء الله حبيبتي ام ريان ناخد بنصيحتك

وشكرا على الرابط

والله من درك بديت نتوحش ونبكي ...ربي يكون في العون وخلاص

[زينة الحياة الدنيا]

ام يس قوليلي كيفاش قدرتي تصبري على اهلك في ايامات الزواج الاولى

انا قلتلو وجد روحك تخرج تخليني نبكي تدخل تلقاني نبكي

[زينة الحياة الدنيا]

اللهم صل على محمد وعلى آله وصحبه أجمعين

[نسمة الجزائر]

سلام عليكم جميعا شكرًا ليكم جميعا على الدعوات ربي يسمع منكم ان شالله وتشرفت بمعرفتك اخت حورية وزينة ربي معاك ان شالله فالأول رح تجيك صعيبة فرقة والديك وداركم بصح مع الوقت رح توالفي شوية وانا واش نقول اللي بعيدة على دارنا ست ساعات بالطائرة وزيدي ساعتين من داري بالطائرة وحدوخرا ويلا كاين مشاكل ولا زعفت معندي ليمن نشكي هنا والله دائماً نقول لوكان ماتزوجتش خير لي من حياتي اللي راني فيها غربة وزيد ما عندي جارات ولا صاحبات يعني ربعة وعشرين ساعة فالدار التاقة ومنطلش منها إيه واش نقول واش نخلي ربي يسهلها علي ان شالله على ديك نقول لكم ديما ادعولي راني في حالة صعيييييبة بزاف بزاف غير التخمام والنفسية اللي كل يوم تحت بصح نقول الحمد لله على كل حال سمحولي ديما نشتكي بصح الله غالب معنديش حاجة جديدة نقولها ليكم ادعولي الله يخليكم بالذرية الصالحة اللي تخفف علي بزاف حوايج

[حورية الجزائر 2]

سلام عليكم جميعا شكرًا ليكم جميعا على الدعوات ربي يسمع منكم ان شالله وتشرفت بمعرفتك اخت حورية وزينة ربي معاك ان شالله فالأول رح تجيك صعيبة فرقة والديك وداركم بصح مع الوقت رح توالفي شوية وانا واش نقول اللي بعيدة على دارنا ست ساعات بالطائرة وزيدي ساعتين من داري بالطائرة وحدوخرا ويلا كاين مشاكل ولا زعفت معندي ليمن نشكي هنا والله دائماً نقول لوكان ماتزوجتش خير لي من حياتي اللي راني فيها غربة وزيد ما عندي جارات ولا صاحبات يعني ربعة وعشرين ساعة فالدار التاقة ومنطلش منها إيه واش نقول واش نخلي ربي يسهلها علي ان شالله على ديك نقول لكم ديما ادعولي راني في حالة صعيييييبة بزاف بزاف غير التخمام والنفسية اللي كل يوم تحت بصح نقول الحمد لله على كل حال سمحولي ديما نشتكي بصح الله غالب معنديش حاجة جديدة نقولها ليكم ادعولي الله يخليكم بالذرية الصالحة اللي تخفف علي بزاف حوايج

نسمة انا الي تشرفت بمعرفتك و وعلاش تقولي معنديش صحابات و احنا واش انكونو راكي زعفتيني و ربي اسهل على كل وحدة ان شاء الله انتي قال لازم طائرة باش تروحي لداركم و انا واش انقول غير قدامهم بالسيارة اندير 10 د و ما نروحش دايما والله اختي واحدة ما سلكت
توكلي على الله و راني انا و حياتك هنا اشكي كيما حبيتي رانا نسمعو فيك
زينة الحياة الدنيا ما تخميش بزاف ربي اسهلها ان شاء الله نصيحة مني دوك ما تخميش دارنا دارنا خمي كيفاش تبداي حياتك و حطي انتي و زوجك اسس تمشو عليها شغل اديرو اتفاقية كيما جنيف ههههه لي ما يطبقش يتعاقب راني انقسر صح اختي بلاكي تنساي تصلي زوج ركعات كي يخلاص العرس معاه طبعا و بلا ما نوصيك ما ديريش موسيقى باش ربي اباركلك فيه و ان شاء الله نسمع عليك خبر الخير انتي و نسمة اجيبولنا بيبيات شابين بحالكم
ام ياسين ملي عرفت هذا المنتدى و انا حابة نعرفك معلبليش علاش سبحان الله دخلتي قلبي
ام ريان انتي قدوة ليا نحس بلي عندك قلب مؤمن نحسبك كذلك توحشتكم كامل

[أم ياسين الزهراء]

اهلا بنات واش راكم عيت درت المحاجب وراني ميتة بالعتعببصح حبيت نطمن عليكم

[أم ياسين الزهراء]

اولا زينة واش نقلك واش نحكيلك على الاول كنت نحسابها لعبة كان عمري قريب 20 سنة ومنبعد لقيتها صح المهم الحمد لله والشكر لله اعطالي ربي زوج صالح وعوضلي فراق الاهل ومنبعد والفت هذي سنة الحياة راح تتعودي وتوالفي حنونة وربي يطيحك في ولد الحلال


2 نسمة كل ماتحسي بالقلقة ادخلي للمنتدى واحكي وبردي قلبك رانا هنا باش نتحملو بعضانا ونحو على بعضانا اصبري حنونة بعد الضيق ياتي الفرج

3 حورية ربي يعيشك حنونة ويوسع عليك وقيلى عندك ازمة سكن انا من ضواحي العاصمة ومزوجة في باتنة عندي 22 سنة الله يبارك مشكلتي وعندي 6 ولاد الله يحفظهم وانت منين حنونة

[أم ياسين الزهراء]

سلامي للكل راح نتكى شوي بلاك في الليل نتعشى برى اذا كتبلي ربي

[أم ياسين الزهراء]

اللهم صل على محمد وعلى آله وصحبه أجمعين

[بمبينا بيلا]

يغلق يا حلوين