العين السخنة والمصيف .. تقرير كامل بالتفاصيل والصور

[emanmh]

مساء الخير او صباح الخير بنات حواء
اول موضوع ليا فى المنتدى
بس الموضوع مش بتاعى للامانة
دة زوجى اللى عاملة فى منتدى تانى
وانا نقلتة لهنا كوبى وبست
بدون اى تدخل
يعنى هتلاقو اللى بيتكلم ويشرح رجل (زوجى) مش انا
وسبب انى نقلتة انة فية كمية معلومات وصور مفيدة جدا عن العين السخنة واللى عايز يصيف فيها

اسيبكم بقة مع الكوبى وبست اللى انا عملتة


ــــــــــــــــــــــــــــــــــــــــــــــ
الصيف دخل
وبدأ كل واحد مننا يفكر هيصيف فين السنة دى
وفى ناس كتير ظروفها او ظروف عملها مبتسمحش لها انها تاخد اسبوع كامل او اكتر مصيف
كتير مننا البحر بالنسبة لة هو مصيف اليوم الواحد
وبما انى دايس فى البحر الى حد ما
قررت اعمل الموضوع دة للمنتدى والاعضاء
(((((تقرير كامل عن العين السخنة))))


وعشان مينفعش اروح البحر لوحدى
كلمت اتنين من اصدقائى واتنين من زملاء العمل
وقولت لهم ان انا منظم لهم رحلة سنوركل وغطس حر بتصوير تحت الماء (مجانا عشان خاطر الصداقة والزمالة طبعا)
وفى نفس الوقت اشوف المية بقت دافية ولا لسة وبالمرة اعمل التقرير
وطلعنا يوم 5/5/2013 (شم النسيم) الساعة 5 فجرا


فى البداية معلومات عامة عن العين السخنة.....
مدينة ساحلية تقع على خليج السويس وهى مدينة صناعية سياحية واتسمت بالاسم دة عشان فيها عيون كبريتية سخنة بتستخدم للاستشفاء من بعض الامراض الجلدية بس بصراحة معرفش فين العيون دى ولا فكرت اروحها اصلا


اقرب المدن ليها هى السويس لانها تابعة لمحافظة السويس
بس هيا مش مدينة بالمعنى المتعارف علية
بشكل ابسط لو افترضنا انك هتروح تصيف فى مرسى مطروح كام يوم فانت بعد ما تخلص البحر اخر النهار ممكن تخرج فى المدينة لانها فيها حياة (اسواق - ملاهى - سينما - سيرك ...الخ الخ الخ)

لكن العين السخنة مفيهاش الكلام وخصوصا المنطقة اللى فيها القرى السياحية عشان كدة هى مصيف لليوم الواحد

كيفية الوصول ليها :

لو انت من بورسعيد او اسماعيلية او السويس هتاخد طريق السويس الغردقة وهتلاقيها بعد 70كيلو تقريبا

لكن لو انت من سكان القاهرة والاقاليم المحيطة بها فطريق الوصول ليها عن طريق - القطامية العين السخنة - ودة اولة من على الدائرى الشرقى بعد كارفور المعادى ب 2 كيلو وانت رايح على القاهرة الجديدة

لكن لو انت جاى من الناحية التانية من الدائرى الغربى (اسكندرية زراعى - الخصوص - السلام - اسماعيلة زراعى ..الخ الخ الخ) فبعد ما تعدى من تحت نفق السلام بحوالى 25 كيلو تقريبا هتلاقى اليفط الارشادية اللى على الطريق بتدلك على مكان النزلة يمين وتاخد الصينية وتخش من تحت الدائرى

وانا حطيت صورة من الجوجل لتسهيل الموضوع

http://i1357.photobucket.com/albums/q757/zarifsasa/62706440639064A0646062706440633062E06460629076_zps 42de0b01.jpg (http://s1357.photobucket.com/user/zarifsasa/media/62706440639064A0646062706440633062E06460629076_zps 42de0b01.jpg.html)


المسافة 120 كيلو والطريق باشا والسرعة القصوى علية 120 ك/س بس بعد ما تعدى الكارتة بحوالى 25 كيلو هتلاقى كوبرى تحت الانشاء فى المنطقة دى ابقى هدى السرعة شوية

فى بنزينتين على الطريق رايح وزيهم جاى وفى كافتيرا فى نص الطريق رايح وزيها جاى
دى الخدمات الموجودة على الطريق

بعد ما تخلص الطريق وتعدى الكارتة هتلاقى الطريق واخد يمين اجبارى (اتجاة الغردقة) ولو عايز تروح الناحية التانية هتاخد اليوترن وترجع طريق السويس

هنا بقة هقف وهصفر العداد بتاع العربية وهسمى النقطة دى نقطة الصفر
http://i1357.photobucket.com/albums/q757/zarifsasa/IMG_0085_zpsdb04e285.jpg (http://s1357.photobucket.com/user/zarifsasa/media/IMG_0085_zpsdb04e285.jpg.html)

وخلى بالك من كلمة نقطة الصفر عشان هستخدمها كتير
يعنى مثلا هتلاقينى بوصف لك شاطى واقولك على بعد كذا كيلو من نقطة الصفر باتجاة الغردقة فتبقى فاهم قصدى

قبل ما اقولك الشواطى ووصفها واسعارها لازم اقولك ان كل الشواطى اللى انا بنزل فيها لازم تكون شواطى صخرية بالاساس عشان الشعب المرجانية والسنوركل والغطس الحر والتصوير تحت الماء

بمعنى ابسط انا شخصيا صنفت شواطى العين السخنة من عند نقطة الصفر

يمين كانك رايح الغردقة شواطى ذات الطبيعة الصخرية بالاساس بعضها يصلح للمصيف العادى (بحر وعوم ولعب وكورة ركت ..الخ الخ) وبعضها لا يصلح الا ببعض الحذر

ومن عند نقطة الصفر تاخد اليوترن وترجع اتجاة السويس كلها شواطى رملية ناعمة تصلح لل (بحر وعوم ولعب وكورة ركت ..الخ الخ) وفيها قرى سياحية مستويات مختلفة

بس نصيحة من العبد للة ابعد عن الشواطى العامة اللى رسوم الدخول بتاعتها 7 و 8 و 10 ج ودى موجودة بعد ما تخلص الطريق وتاخد شمال كانك رايح السويس عشان بتبقى مزدحمة جدا جدا ولو معاك اسرتك هتبقى متكدر وانت قاعد من (عجائب الكائنات الحية) اللى احنا بنسميها بنى ادمين لوكال

فية عندك شاطى الزهور بتاع القوات المسلحة رسم الدخول السنة اللى فاتت كان 50ج بس مش عارف دلوقتى كام وفية بعدها دار المركبات ودول بعد حوالى 20 كيلو من نقطة الصفر فى اتجاة السويس

بس فية كام ملاحظة :
الشواطى دى بتاعة قوات مسلحة يعنى ممنوع الجلاليب واللحى والنقاب ...الخ الخ والرسرم بتبقى للشمسية والكراسى ملهموش دعوة بالاكل انت وراحتك
شواطى كويسة وحمامتها كويسة برضو

دة اللى انا اعرفة عن الناحية الشمال من نهاية الطريق (من نقطة الصفر يسارا باتجاة السويس)
لانى بصراحة مليش فى الشواطى الرملية

نيجى بقة للى انا عارفة

من عند نقطة الصفر هتاخد يمين كانك رايح الغردقة
خلى بالك الطريق دة متعرج جدا والحكومة حطالك يفط بتقولك دة طريق حوادث

الكلام دة من عند نقطة الصفر لحد ما توصل الزعفرانة ... يعنى متحاولش تجرى او تعدى حد او تاخد غرز عشان الطريق رايح جاى..... يمينك الجبل وشمالك البحر

نبدا بقة

شاطى جنكو على بعد 11 كيلو من نقطة الصفر باتجاة الغردقة ودى صورتة

http://i1357.photobucket.com/albums/q757/zarifsasa/62706440639064A0646062706440633062E06460629060_zps e0d86099.jpg (http://s1357.photobucket.com/user/zarifsasa/media/62706440639064A0646062706440633062E06460629060_zps e0d86099.jpg.html)

الشاطى دة تابع لكافتريا امامة على الطريق العربيات بتعمل عندها رست فهتلاقى المنطة حيوية شوية وبتوع كاوتش وبنزينة وكدة

رسم الدخول 25ج للفرد واحيانا فى بعض الايام زى الجمعة والاحد بيزودوها 5 او 10ج عن السعر العادى

رسم الدخول للكراسى والشمسية فقط ........والاكل انت وراحتك

فى بعض الايام لو الشاطى ازدحم قليلا خد الشمسية والكراسى بتاعتك واهرب فى اليمين (لو بصيت للصورة هتفهم) لان عرض الشاطى الرسمى حوالى 50 متر فقط وكدة كدة شغالين بمبدا (الشاطى كومبليت ياباشا) لما الشاطى بياخد عدد المصيفين كامل

غير الشواطى العامة اللى انا حذرت منها شغالة بمبدا (هونجا حتى الموت)

الحمامات متواضعة او بسيطة

الشاطى دة شاطى صخرى بالاساس يعنى عشان تعوم وتلعب وكدة لازم تكون لابس حاجة فى رجليك
خصوصا ان انت بنتعدى على شريط من الزلط الصغير قبل ما توصل المية (لاحظ الصورة) لان المساحة الفاضية بين الشاطى وبداية الشعاب المرجانية فى قاع البحرعبارة عن حزام عرضة 18 متر تقريبا وبطول الشاطى كلة ودى المساحة اللى انت ممكن تلعب وتعوم فيها بأمان

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
فندق موفنبيك على بعد 12 كيلو من نقطة الصفر باتجاة الغردقة
الفرد ب 230ج بدون وجبة ..... وبالوجبة 350ج للفرد
وطبعا مش هيحتاج صور ولا شرح عشان دة موفنبيك

________________________________
واحة مينا على بعد 13 كيلو من نقطة الصفر باتجاة الغردقة
صورة الشاطى

http://i1357.photobucket.com/albums/q757/zarifsasa/62706440639064A0646062706440633062E06460629061_zps 737b0a11.jpg (http://s1357.photobucket.com/user/zarifsasa/media/62706440639064A0646062706440633062E06460629061_zps 737b0a11.jpg.html)

الفرد ب 105ج شامل وجبة غدا والكراسى والشمسية
وفى ايام الجمعة والاحد الفرد ب 121 ج شامل وجبة غدا والكراسى والشمسية
من باب الاحتياط متنزلش المية حافى لان انت بردة بتعدى على حزام من الزلط الصغير قبل ما تنزل المية (بص على الصورة)

الحمامات والخدمة اكيد حاجة كويسة

بس انا عمرى ما دخلتة عشان مفيهوش شعب مرجانية فيبقى مينفعنيش

ــــــــــــــــــــــــــــــــــــــــــــــــــ ــــــــــــــــــــ
واحة الحجاز على بعد 15 كيلو من نقطة الصفر باتجاة الغردقة

http://i1357.photobucket.com/albums/q757/zarifsasa/62706440639064A0646062706440633062E06460629064_zps fa764e2d.jpg (http://s1357.photobucket.com/user/zarifsasa/media/62706440639064A0646062706440633062E06460629064_zps fa764e2d.jpg.html)

ودى بقة مش بالفرد
دى الشالية ب 350ج فى اليوم حد اقصى 5 او 6 افراد فى الشالية وملهموش دعوة بالاكل والشرب
والشالية زى ما هو واضح فى الصورة منة للبحر علطول
وبردو لازم تكون لابس حاجة فى رجليك


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

شاطى سفارى ايجبت على بعد 20 كيلو من نقطة الصفر باتجاة الغردقة

http://i1357.photobucket.com/albums/q757/zarifsasa/62706440639064A0646062706440633062E06460629062_zps 5ac5fed3.jpg (http://s1357.photobucket.com/user/zarifsasa/media/62706440639064A0646062706440633062E06460629062_zps 5ac5fed3.jpg.html)




سعر الفرد 15 ج وفى بعض الايام 20 او 25 ج

شاطى بسيط كدة والحمامات متواضعة او بسيطة وفى رأيى الشخصى هو يبنفع للصيد بالسنارة 10/10

لكن لو قررت تنزل فية عوم ولعب فاعمل حسابك انك هتعدى على حزام من الزلط الكبير عرضة 3 متر وبعدها توصل للمية ومفيهوش شعب مرجانية
يعنى بعد ما تعدى حزام الزلط البحر من تحت رملة ناعمة

وبردو لازم تكون لابس حاجة فى رجليك


ــــــــــــــــــــــــــــــــــــــــــــــــــ ـــــــــــــ
بورتو السخنة على بعد 28 كيلو من نقطة الصفر باتجاة الغردقة
هو طبعا غنى عن التعريف ومش محتاج صور ولا حاجة
وممكن تدخل على النت وتعرف كل حاجة من المصدر نفسة

ــــــــــــــــــــــــــــــــــــــــــــــــــ ــــــــــــــــ
شاطى جراند هايتس على بعد 33 كيلو من نقطة الصفر باتجاة الغردقة

http://i1357.photobucket.com/albums/q757/zarifsasa/62706440639064A0646062706440633062E06460629063_zps fa9134b2.jpg (http://s1357.photobucket.com/user/zarifsasa/media/62706440639064A0646062706440633062E06460629063_zps fa9134b2.jpg.html)

ودة شاطى بتاع قرية تحت الانشاء لسة
ودة اللى انا بنزل فية غالبا
واللى بقيت الصور فى الموضوع (تحت المياة) متاخدة فية
وهو ظروفة صعبة شوية هههههههههههههه
يعنى الغفير اللى بيحرس الموقع اول ما تروحلة يقولك الشاطى مقفول
وبعد ما تلح علية يقولك مفيش مية حلوة (للاستحمام اخر اليوم) ومفيش كراسى لكن الحمام شغال (نظام تطفيش)

لو صممت على الدخول بيوافق على مضض باعتبارك كائن حى جة عشان يقومة من قدام كوباية الشاى وحجر المعسل اللى بيشربة فلو فضل يجادلك حجر الشيشة هيخلص وكوباية الشاى هتبرد ...!!!!!!

بيفتح لك حمام شالية من الشاليهات اللى لسة متسلمتش لاصحابها

وعلى الرغم ان ممكن ناس تستغرب انى انزل فى شاطى (بيطفشوا الزباين)
الا ان الشاطى دة لية كذا ميزة من وجهة نظرى
اولا الشاطى غير قابل للازدحام يعنى لو بصيت على الصورة هتلاقى بين كل شمسية حديد والتانية حوالى 10 متر فدة معناة انك هيبقى ليك خصوصية

دة غير ان الغفير لما العدد بيكمل (على الرغم من سياسة التطفيش ) مبيرضاش يدخل حد تانى ويقولة الشاطى كومبليت يعنى مفيش حد هيزاحمك ولو معاك اسرتك ممكن تنام تحت الشمسية قرير العين وانت مطمن عليهم ان محدش هيضايقهم

اجمل ما فى الموضوع واللى بيخلينى استحمل سادية وحب انتقام الغفير من الكائنات الحية (المصيفين) ان المية بتاعة الشاطى بتخفى تحت منها واحدة من اجمل الحيود المرجانية الرائعة المليئة بالممرات والوديان والكهوف الصغيرة فى القاع وعلى اعماق بسيطة ودة اللى هتشوفوة لما تكملوا التقرير للاخر

تالت حاجة انك بتدخل بعربيتك لحد جنب الشمسية يعنى بتركن عربيتك جنب الشمسية
ودى صورتين لية عشان تفهم انا قصدى اية
http://i1357.photobucket.com/albums/q757/zarifsasa/DSC03915_zpsfea1aed1.jpg (http://s1357.photobucket.com/user/zarifsasa/media/DSC03915_zpsfea1aed1.jpg.html)

http://i1357.photobucket.com/albums/q757/zarifsasa/DSC03930_zps1bb503e4.jpg (http://s1357.photobucket.com/user/zarifsasa/media/DSC03930_zps1bb503e4.jpg.html)




الحمام بتستخدمة عادى طول اليوم لكن اخر اليوم لما تيجى تستحمى من المية المالحة احيانا الغفير بيرضى يخليك تستحمى واحيانا بيقفش عليك ويقولك وهو عامل حواجبة 88 (انا قولتك مفيش مية)

احيانا بحس ان الغفير دة عندة ميول سادية ويهوى التلذذ بتعذيب الاخرين ههههههههههههه

وطبعا عشان الشاطى بتاع قرية تحت الانشاء فطبيعى انك تلاقى حاجات غريبة على الشاطى (اخشاب تستخدم فى البناء - مسامير خشابى - احبال - زجاجات فارغة....الخ)

انا عارف ان فية واحد ممكن يقولى واية اللى غاصبك على كل دة ؟؟؟؟؟؟؟
هقولة تابع الموضوع للاخر وانت تعرف



وصلنا الشاطى الساعة 8 صباحا وكنا 5 افراد
وعلى الرغم انى قولت لهم انى عازمهم على رحلة سنوركل وغطس حر وتصوير تحت الماء
الا انهم مكانش عندهم تصور كامل هيقضوا اليوم ازاى

وعشان تبقى متابع باقى الموضوع والصور وفاهم اية اللى بيحصل ومين دول اسمح لى اعرفك على مجموعتنا الصغيرة وظروف كل فرد بالنسبة للسباحة

العبد للة صاحب الموضوع(مصطفى حسن) لابس اسود فى اسود
عبود صديقى: لابس تى شرت اصفر وبيعرف يعوم كويس
عماد صديقى : فى بعض الصور لابس تى شرت اسود وفى البعض الاخر عارى الصدر وبيعوم كويس
كمال : زميل عمل لابس بدلة غطس صيفى وبيعوم نص نص وقالى ان مشكلتة انة مبيعرفش يقف فى المية
كريم : زميل عمل لابس تى شرت احمر ومبيعرفش يعوم خالص

فى البداية بعد ما ركنا العربية جنب الشمسية وفطرنا وشربنا الشاى وكلة تمام
طلعت العدة بتاعتى وفردتها قدامهم وبدأ كل واحد يختار الزعانف والنظارة والقصبة المناسبة لة


http://i1357.photobucket.com/albums/q757/zarifsasa/62706440639064A0646062706440633062E0646062902_zps1 427e519.jpg (http://s1357.photobucket.com/user/zarifsasa/media/62706440639064A0646062706440633062E0646062902_zps1 427e519.jpg.html)

http://i1357.photobucket.com/albums/q757/zarifsasa/62706440639064A0646062706440633062E0646062903_zpsb 45c5fff.jpg (http://s1357.photobucket.com/user/zarifsasa/media/62706440639064A0646062706440633062E0646062903_zpsb 45c5fff.jpg.html)


ولان المجموعة اللى معايا شباب كلها فانا مطلعتش العدة الخاصة بالنساء والاطفال ولا التجهيزة بتاعة كبار السن

وبدأت الاول اشرح لهم يعنى اية سنوركل ويعنى اية غطس حر وازاى يتعامل مع النظارة والتشبير والضغط وطريقة طرد قطرات الماء المالح اللى بيتكثف فى القصبة والطريقة الصحيحة للتعامل مع الزعانف واى انواع الشعب المرجانية الى هتقابلة يقدر يتعامل معاها (الامساك باليد والوقوف عليها ) واى الانواع لا يمكن التعامل معها .....الخ الخ الخ الخ

وفى الغالب موضوع تعليم المجموعة اللى معايا بياخد حوالى ساعة او ساعة ونصف

http://i1357.photobucket.com/albums/q757/zarifsasa/62706440639064A0646062706440633062E06460629067_zps e984d6c0.jpg (http://s1357.photobucket.com/user/zarifsasa/media/62706440639064A0646062706440633062E06460629067_zps e984d6c0.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629068_zps 005ed3f6.jpg (http://s1357.photobucket.com/user/zarifsasa/media/62706440639064A0646062706440633062E06460629068_zps 005ed3f6.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629069_zps 570c1a5b.jpg (http://s1357.photobucket.com/user/zarifsasa/media/62706440639064A0646062706440633062E06460629069_zps 570c1a5b.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629070_zps 97ce5c7d.jpg (http://s1357.photobucket.com/user/zarifsasa/media/62706440639064A0646062706440633062E06460629070_zps 97ce5c7d.jpg.html)



يتبــــــــــــــــــــــع

[emanmh]

وبالنسبة لما يكون حد فى المجموعة مبيعرفش يعوم او بيعوم على قدة
لازم البسة لايف جاكت حفاظا على سلامتة
وعشان يقضى يوم جميل بدون اى خوف
لان اللايف جاكت بيرفعة فوق المية طول اليوم بدون اى مجهود
وفى نفس الوقت لا بيتخرم ولا بيفسى زى اطارات السيارات الداخلية اللى بعض الناس على الشواطى بيستخدموها رغم انها خطر جدا على حياتهم

لكن اللى بيعرف يعوم طبعا ما بيلبسش لايف جاكت

وهنا انا بتأكد من كفاءة الايف جاكت واحكام قفلة

http://i1357.photobucket.com/albums/q757/zarifsasa/62706440639064A0646062706440633062E06460629071_zps 2552d247.jpg (http://s1357.photobucket.com/user/zarifsasa/media/62706440639064A0646062706440633062E06460629071_zps 2552d247.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629072_zps 57a47502.jpg (http://s1357.photobucket.com/user/zarifsasa/media/62706440639064A0646062706440633062E06460629072_zps 57a47502.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629073_zps 7f29bde7.jpg (http://s1357.photobucket.com/user/zarifsasa/media/62706440639064A0646062706440633062E06460629073_zps 7f29bde7.jpg.html)



ثم جولة صغيرة فى الماء لاختبار كفاءة كل حاجة

http://i1357.photobucket.com/albums/q757/zarifsasa/62706440639064A0646062706440633062E06460629074_zps 24d6b059.jpg (http://s1357.photobucket.com/user/zarifsasa/media/62706440639064A0646062706440633062E06460629074_zps 24d6b059.jpg.html)



وبعدين تعليم السنوركل لعماد وعبود اللى بيعرفوا يعوموا كويس مخدش وقت
ومن ثم توجهنا جميعا الى الداخل

http://i1357.photobucket.com/albums/q757/zarifsasa/62706440639064A0646062706440633062E06460629011_zps e0882bf8.jpg (http://s1357.photobucket.com/user/zarifsasa/media/62706440639064A0646062706440633062E06460629011_zps e0882bf8.jpg.html)

دى صورة كريم اللى مبيعرفش يعوم خالص واحنا على بعد 200 متر من الشاطى
والايف جاكت رافعة بمنتهى السهولة والحياة جميلة معاة
رافع ايدية من المية وبيظبط النضارة

http://i1357.photobucket.com/albums/q757/zarifsasa/62706440639064A0646062706440633062E064606290_zps2b b6baad.jpg (http://s1357.photobucket.com/user/zarifsasa/media/62706440639064A0646062706440633062E064606290_zps2b b6baad.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629015_zps e1d04473.jpg (http://s1357.photobucket.com/user/zarifsasa/media/62706440639064A0646062706440633062E06460629015_zps e1d04473.jpg.html)



بعد الفترة التدريبية الصغيرة لكمال اللى بيعوم على قدة
وبعد ما تفاجأ بفاعلية وقوة الزعانف بعد ما علمتة ازاى يتعامل معاها
قالى انة هيقلع الايف جاكت وهيكمل بدونة
وقفت معاة لحد ما اتاكدت انة بقى تمام فى موضوع الوقوف فى المية
وبعدين كملنا
ودى صورتة وهو بيلف حولين وادى فى قاع البحر عشان يشوف اقصر حتة يعدى منها للناحية التانية

http://i1357.photobucket.com/albums/q757/zarifsasa/62706440639064A0646062706440633062E0646062907_zps4 31f177f.jpg (http://s1357.photobucket.com/user/zarifsasa/media/62706440639064A0646062706440633062E0646062907_zps4 31f177f.jpg.html)


http://i1357.photobucket.com/albums/q757/zarifsasa/62706440639064A0646062706440633062E0646062908_zps0 b48afce.jpg (http://s1357.photobucket.com/user/zarifsasa/media/62706440639064A0646062706440633062E0646062908_zps0 b48afce.jpg.html)


لحظات استعداد لكمال
قبل ان يقرر عبود الوادى الى الجهة الاخرى

http://i1357.photobucket.com/albums/q757/zarifsasa/62706440639064A0646062706440633062E06460629013_zps b651fa7d.jpg (http://s1357.photobucket.com/user/zarifsasa/media/62706440639064A0646062706440633062E06460629013_zps b651fa7d.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629014_zps bdbb8697.jpg (http://s1357.photobucket.com/user/zarifsasa/media/62706440639064A0646062706440633062E06460629014_zps bdbb8697.jpg.html)



وكنت فى انتظارة على الجهة الاخرى من الوادى
فوق الشعب المرجانية


http://i1357.photobucket.com/albums/q757/zarifsasa/62706440639064A0646062706440633062E06460629016_zps 9d28fea5.jpg (http://s1357.photobucket.com/user/zarifsasa/media/62706440639064A0646062706440633062E06460629016_zps 9d28fea5.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629017_zps b9e63dbb.jpg (http://s1357.photobucket.com/user/zarifsasa/media/62706440639064A0646062706440633062E06460629017_zps b9e63dbb.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629018_zps aaa74a36.jpg (http://s1357.photobucket.com/user/zarifsasa/media/62706440639064A0646062706440633062E06460629018_zps aaa74a36.jpg.html)


كمال على حافة الحاجز المرجانى ونظرة الى البحر المفتوح

http://i1357.photobucket.com/albums/q757/zarifsasa/62706440639064A0646062706440633062E06460629022_zps e333c97b.jpg (http://s1357.photobucket.com/user/zarifsasa/media/62706440639064A0646062706440633062E06460629022_zps e333c97b.jpg.html)


كمال وعبود قادمون من البحر المفتوح باتجاة الشعب المرجانية

http://i1357.photobucket.com/albums/q757/zarifsasa/62706440639064A0646062706440633062E06460629025_zps 79db3888.jpg (http://s1357.photobucket.com/user/zarifsasa/media/62706440639064A0646062706440633062E06460629025_zps 79db3888.jpg.html)


يتبــــــــــــــــــــــع

[emanmh]

نيجى بقة لكريم اللى مبيعرفش يعوم خالص
طبعا هو كمل معانا بالايف جاكت عادى جدا بدون مشاكل
ودى بعض الصور لية على اعماق مختلفة
وهو مبسوط جدا من الايف جاكت

http://i1357.photobucket.com/albums/q757/zarifsasa/62706440639064A0646062706440633062E06460629028_zps 155bf528.jpg (http://s1357.photobucket.com/user/zarifsasa/media/62706440639064A0646062706440633062E06460629028_zps 155bf528.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629029_zps 47127db6.jpg (http://s1357.photobucket.com/user/zarifsasa/media/62706440639064A0646062706440633062E06460629029_zps 47127db6.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629032_zps 56cb1812.jpg (http://s1357.photobucket.com/user/zarifsasa/media/62706440639064A0646062706440633062E06460629032_zps 56cb1812.jpg.html)


صورة لكريم وكمال وعبود من قاع البحر

http://i1357.photobucket.com/albums/q757/zarifsasa/62706440639064A0646062706440633062E06460629031_zps 7d964063.jpg (http://s1357.photobucket.com/user/zarifsasa/media/62706440639064A0646062706440633062E06460629031_zps 7d964063.jpg.html)


كريم وعبود فوق احد الصخور المرجانية الضخمة
http://i1357.photobucket.com/albums/q757/zarifsasa/62706440639064A0646062706440633062E06460629030_zps 2dfe5778.jpg (http://s1357.photobucket.com/user/zarifsasa/media/62706440639064A0646062706440633062E06460629030_zps 2dfe5778.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629033_zps 485ea68d.jpg (http://s1357.photobucket.com/user/zarifsasa/media/62706440639064A0646062706440633062E06460629033_zps 485ea68d.jpg.html)


نيجى بقة لعبود وعماد اصدقائى اللى بيعرفوا يعوموا كويس

الاول سبت كريم وكمال فوق الشعاب المرجانية يستمتعوا بجمال ورعة الشعب المرجانية وهما بيعملوا سنوركل وبيتفرجوا على اسماك البحر الاحمر الملونة الجميلة جدا لدرجة انهم نسيوا نفسهم وقضوا ساعتين على وش المية فى المشاهدة والتمتع بعظيم خلق اللة فى الحياة البحرية


ورحت انا وعماد وعبود على وادى مرجانى صغير
وبدأت اعلمهم الغطس الحر
الاول عملت تجربة قدامهم لطريقة النزول الصحيحة
والانزلاق بهدوء تحت الماء وقطع مسافات

http://i1357.photobucket.com/albums/q757/zarifsasa/62706440639064A0646062706440633062E06460629047_zps 17e841bb.jpg (http://s1357.photobucket.com/user/zarifsasa/media/62706440639064A0646062706440633062E06460629047_zps 17e841bb.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629048_zps 2ca335d2.jpg (http://s1357.photobucket.com/user/zarifsasa/media/62706440639064A0646062706440633062E06460629048_zps 2ca335d2.jpg.html)


http://i1357.photobucket.com/albums/q757/zarifsasa/62706440639064A0646062706440633062E06460629036_zps caa4a9ad.jpg (http://s1357.photobucket.com/user/zarifsasa/media/62706440639064A0646062706440633062E06460629036_zps caa4a9ad.jpg.html)


ثم بدأ كل واحد منهم يحاول الغطس الحر
وانا متابعهم واعرفهم الاخطاء الى عملوها
وبعدين يرجعوا يغطسوا تانى
واتابع معاهم الاخطاء والسلبيات

وبعد ساعة كاملة من المحاولات كانوا تقريبا عرفوا الاساسيات كلها
فقلت لهم انا هستناكم فى القاع

ولما تنزلو ليا تحت امشوا فى اتجاة اشارة ايدى
ودة عشان اضمن انهم بينزلوا بهدوء ويقظة وبيوجهوا نفسهم ببساطة داخل الماء عشان اضمن انهم مش بيغطسوا عميانى وخلاص
وكانت البداية مع عبود

بداية الغطسة وانا مستنية فى القاع

http://i1357.photobucket.com/albums/q757/zarifsasa/62706440639064A0646062706440633062E06460629037_zps 0082d1dd.jpg (http://s1357.photobucket.com/user/zarifsasa/media/62706440639064A0646062706440633062E06460629037_zps 0082d1dd.jpg.html)



بحفزة على النزول لعمق اكتر

http://i1357.photobucket.com/albums/q757/zarifsasa/62706440639064A0646062706440633062E06460629038_zps ecc05f91.jpg (http://s1357.photobucket.com/user/zarifsasa/media/62706440639064A0646062706440633062E06460629038_zps ecc05f91.jpg.html)

وعلى الرغم من اشارتى لية بالاستمرار فى الغطسة الا ان الباشا طلع جرى لفوق ....سجاير ودخان بقة ههههههههههههههههه

http://i1357.photobucket.com/albums/q757/zarifsasa/62706440639064A0646062706440633062E06460629039_zps f15c527d.jpg (http://s1357.photobucket.com/user/zarifsasa/media/62706440639064A0646062706440633062E06460629039_zps f15c527d.jpg.html)


وبعدين بدأت مع عماد نفس الحركة
بس كنت عارف ان اداءة هيبقى اعلى
لانة غير مدخن ورياضى
فكان اسرع فى الاستجابة لأشارات ايدى وتوجية جسمة

http://i1357.photobucket.com/albums/q757/zarifsasa/62706440639064A0646062706440633062E06460629041_zps e46ad7ea.jpg (http://s1357.photobucket.com/user/zarifsasa/media/62706440639064A0646062706440633062E06460629041_zps e46ad7ea.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629042_zps 3791ebde.jpg (http://s1357.photobucket.com/user/zarifsasa/media/62706440639064A0646062706440633062E06460629042_zps 3791ebde.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629043_zps 6bad46a8.jpg (http://s1357.photobucket.com/user/zarifsasa/media/62706440639064A0646062706440633062E06460629043_zps 6bad46a8.jpg.html)



يتبـــــــــــــــــــــع

[emanmh]

طبعا عماد استجابتة واداءة اعلى عشان رياضى
مش معنى كدة ان الشخص المدخن مش هيعرف يغطس ويقطع مسافات

الاتنين بيغطسوا حر ويقطعوا مسافات فى قاع البحر بس المدخن بيبقى ابطأ قليلا فى التعلم فقط

والمدخن فى سرعة تعلم الغطس الحر زية زى المرأة
استجابة ابطأ لكن اداء ثابت

الشريحة الوحيدة اللى بيبقى ادائها فى الاعماق غير عادى هى المرأة الغير متزوجة اللى بتعرف تعوم كويس.... لما بتتعلم الغطس الحر بتبقى ماشاء اللة (طوربيد بشرى فى الماء)
وقدرتهم على كتم النفس لفترات طويلة بتبقى عجيبة
والفتيان الغير مدخنين فى سن المراهقة ادائهم عالى برضو

يعنى بعد حوالى 45 دقيقة من المحاولات لعبود (المدخن) مش بس كان بيغطس كويس
دا كمان كان بيرقص تحت المية فى القاع
http://i1357.photobucket.com/albums/q757/zarifsasa/62706440639064A0646062706440633062E06460629023_zps 82fcaa59.jpg (http://s1357.photobucket.com/user/zarifsasa/media/62706440639064A0646062706440633062E06460629023_zps 82fcaa59.jpg.html)

ودى مجموعة من اللقطات التذكارية لعبود

http://i1357.photobucket.com/albums/q757/zarifsasa/62706440639064A0646062706440633062E06460629035_zps 2092e4df.jpg (http://s1357.photobucket.com/user/zarifsasa/media/62706440639064A0646062706440633062E06460629035_zps 2092e4df.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629034_zps 00f55ae9.jpg (http://s1357.photobucket.com/user/zarifsasa/media/62706440639064A0646062706440633062E06460629034_zps 00f55ae9.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629026_zps a648d7c6.jpg (http://s1357.photobucket.com/user/zarifsasa/media/62706440639064A0646062706440633062E06460629026_zps a648d7c6.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629019_zps abee9bfc.jpg (http://s1357.photobucket.com/user/zarifsasa/media/62706440639064A0646062706440633062E06460629019_zps abee9bfc.jpg.html)


استراحة قصيرة على الشعاب المرجانية اثناء مرور سرب اسماك

http://i1357.photobucket.com/albums/q757/zarifsasa/62706440639064A0646062706440633062E06460629010_zps 2faa116a.jpg (http://s1357.photobucket.com/user/zarifsasa/media/62706440639064A0646062706440633062E06460629010_zps 2faa116a.jpg.html)


ثم التوجة مرة اخرى الى الوديان فى القاع للغطس الحر

http://i1357.photobucket.com/albums/q757/zarifsasa/62706440639064A0646062706440633062E06460629011_zps 71836191.jpg (http://s1357.photobucket.com/user/zarifsasa/media/62706440639064A0646062706440633062E06460629011_zps 71836191.jpg.html)

http://i1357.photobucket.com/albums/q757/zarifsasa/62706440639064A0646062706440633062E0646062909_zpsd 6b37cda.jpg (http://s1357.photobucket.com/user/zarifsasa/media/62706440639064A0646062706440633062E0646062909_zpsd 6b37cda.jpg.html)

http://i1357.photobucket.com/albums/q757/zarifsasa/62706440639064A0646062706440633062E0646062906_zps5 970fb8a.jpg (http://s1357.photobucket.com/user/zarifsasa/media/62706440639064A0646062706440633062E0646062906_zps5 970fb8a.jpg.html)

http://i1357.photobucket.com/albums/q757/zarifsasa/62706440639064A0646062706440633062E0646062905_zpsb 09ece1e.jpg (http://s1357.photobucket.com/user/zarifsasa/media/62706440639064A0646062706440633062E0646062905_zpsb 09ece1e.jpg.html)

http://i1357.photobucket.com/albums/q757/zarifsasa/62706440639064A0646062706440633062E0646062904_zps5 6042a70.jpg (http://s1357.photobucket.com/user/zarifsasa/media/62706440639064A0646062706440633062E0646062904_zps5 6042a70.jpg.html)

وفى النهاية بدأ عبود فى تطبيق تقنية الغطس الزاحف

يمسك الشعب المرجانية بالجوانتى اللى فى ايدة ويتقدم الى القاع بدون اى مجهود يذكر

وهيا طريقة خطر عشان الشعب المرجانية ممكن تعورة يعنى عايزة تركيز جامد وبيئة بحرية مناسبة واحساس عالى بمكان اطرافك (الساقين والوسط)
لكن ميزتها انة ممكن يوصل للعمق اللى عايزة بدون اى مجهود على الاطلاق

وممكن يستنانى تحت فى القاع يشرب كوباية شاى على اما انزل لة هههههههههههههههه

http://i1357.photobucket.com/albums/q757/zarifsasa/62706440639064A0646062706440633062E06460629045_zps 812f0b82.jpg (http://s1357.photobucket.com/user/zarifsasa/media/62706440639064A0646062706440633062E06460629045_zps 812f0b82.jpg.html)



بعض الصور التذكارية لعماد


http://i1357.photobucket.com/albums/q757/zarifsasa/62706440639064A0646062706440633062E06460629053_zps 3bc54075.jpg (http://s1357.photobucket.com/user/zarifsasa/media/62706440639064A0646062706440633062E06460629053_zps 3bc54075.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629051_zps 9a251342.jpg (http://s1357.photobucket.com/user/zarifsasa/media/62706440639064A0646062706440633062E06460629051_zps 9a251342.jpg.html)


يتبــــــــــــــــــع

[emanmh]

http://i1357.photobucket.com/albums/q757/zarifsasa/62706440639064A0646062706440633062E06460629046_zps 2fd18771.jpg (http://s1357.photobucket.com/user/zarifsasa/media/62706440639064A0646062706440633062E06460629046_zps 2fd18771.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629059_zps a1f7f32f.jpg (http://s1357.photobucket.com/user/zarifsasa/media/62706440639064A0646062706440633062E06460629059_zps a1f7f32f.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629058_zps 0589eaf9.jpg (http://s1357.photobucket.com/user/zarifsasa/media/62706440639064A0646062706440633062E06460629058_zps 0589eaf9.jpg.html)

http://i1357.photobucket.com/albums/q757/zarifsasa/62706440639064A0646062706440633062E06460629056_zps 2545e375.jpg (http://s1357.photobucket.com/user/zarifsasa/media/62706440639064A0646062706440633062E06460629056_zps 2545e375.jpg.html)

امام مدخل احد الكهوف
http://i1357.photobucket.com/albums/q757/zarifsasa/62706440639064A0646062706440633062E06460629052_zps a4fe4741.jpg (http://s1357.photobucket.com/user/zarifsasa/media/62706440639064A0646062706440633062E06460629052_zps a4fe4741.jpg.html)



انا حبيت انوة عن بعض المعلومات التكميلية للموضوع عشان التقرير يبقى كامل متكامل


فى البداية فكرة التقرير الرئيسية هى وصف شواطى العين السخنة (اللى انا عارفها) مكان كل شاطى وصورتة واسعارة وحالتة العامة والشاطى اللى فية شعب مرجانية وصخور واللى مفيهوش والتنبية على لبس شيى فى الاقدام فى غالبية الشواطى عشان دى بالدرجة الاولى شواطى صخرية ووصف المساحة الامنة للسباحة فى بعض الشواطى....


وفى نفس الوقت لو حدة من الاعضاء عندة معلومات لم اذكرها قى التقرير بخصوص شواطى تانية يحطها عشان يبقى موضوع متكامل ويعتبر كمرجع للعين السخنة

طيب لية انا عملت التقرير؟؟؟؟؟؟؟

عشان لما بيكون معايا فوج او اسرة او مجموعة شباب فى احدى الرحلات اللى انا بنظمها بلاقى ناس كتير من المصيفين الموجودين على الشاطى بتشتكى من الصخور والظلط والبعض رجلية بتتعور وبيبقى متكدر لانة مش فاهم طبيعة الشاطى من الاساس ولا فاهم المساحة الامنة للسباحة

وعشان فى ناس كتير بتبقى عايزة تروح العين السخنة لكن
معندهاش معلومات عنها فمبتروحش وبتلتزم بالمصيف التقليدى بتاعها اللى بتروحة كل سنة عشان ميقضيش اليوم يلف ويدور واليوم يضيع علية

وعشان فية ناس بتبقى عايزة بحر ثابت (حصيرة) عشان بتبقى قرفت من امواج البحر الابيض المتوسط وانة بيقضى اليوم كل شوية ينط عشان يفادى الموجة الى جاية او يغطس عشان يفادى الموجة ولما يطلع يلاقى الموجة التانية لابسة فى وشة ودة اللى انا بسيمة من باب الكوميديا (فيلم صراع مع الامواج ...عرض مستمر طوال اليوم والمشاهدة مجانية)
دة غير السحب والدوامات طبعا وانك بتبقى قلقان طول اليوم على اللى معاك
وبصراحة الناس بتصعب على الواحد

تنبية مهم للناس : لو حضرتك قررت تروح العين السخنة فى اى شاطى من الشواطى اللى انا وصفتها وشرحتها اللى هيكون قدامك هو الشاطى والبحر والكراسى والشماسى والناس وبس خلاص

لكن كل الصور اللى انت شوفتها تحت المية والبيئة البحرية دى والسنوركل والغطس الحر والتصوير تحت الماء مش هيكون متاح الا اذا كنت متعلم ومتدرب ومتجهز لكدة

او فى وسط مجموعة او فوج ومعاك واحد فاهم كويس قوى هو بيعمل اية

طيب انا بقول الكلام دة لية ؟؟؟؟؟؟؟

عشان مسؤلية اعطاء المعلومة للغير وعشان ميحدش يدعى عليا

لان فى ناس ممكن الموضوع يعجبها جدا وتلاقية راح يدور على اماكن بيع الزعانف والنظارة والقصبة والايف جاكت وجوانتى اعمال بحرية وهما متوفرين طبعا وخد اسرتة معاة او اصحابة وطيران على العين السخنة والشعب المرجانية والبحر المفتوح

وهنا المشكلة........!!!!!!!!!!!

اذا مكنتش متدرب ومتعلم ومتجهز وعلى دراية كاملة بالبيئة البحرية تحت سطح الماء والطرق الصحيحة للتعامل مع العدة اللى انت لابسها كل اللى هتعملة انك هتأذى نفسك واللى معاك اكبر اذى ممكن تتخيلة

وعشن المعلومة توصل انا هدى مثال بسيط جدا جدا وتافة لحاجة عبيطة وهيا ازاى تقف فى المية على الصخور او الشعب المرجانية وانت لابس الزعنفة.......!!!!

ممكن واحد يتخيها بسيطة بس للاسف لو انت حبيت تقف وانت مش متدرب هتلاقة نفسك اتقلبت على وشك وكرد فعل غريزى لاى واحد بيقع على وشة بيمد ايدية قدامة عشان يسند فى الحالة دى يا معلم انت سلمت ايديك وجسمك تسليم اهالى (زى ما بنقول فى المثل الشعبى) للشعب المرجانية والصخور وانت وحظك بقة

دة مثال لحاجة تافهة مش عايز اقولك بقة عن التشبير ومعادلة الضغط وطريقة حبس النفس والمحافظة على الطفوية للغطاس الحر وطرد المية المالحة من الشيك بلف بتاع القصبة وازاى تتنفس من فمك طول النهار بدون ضيق فى الصدر لان الانف بيكون مكتوم فى النضارة ومين الناس اللى مينفعش تطلع رحلة زى كدا....الخ الخ الخ الخ الخ الخ

الموضوع يا جماعة عامل زى سواقة العربية
بالنسبة لك سهلة جدا وعادية .... لكن لو فى واحد راح اشترى عربية وهو عمرة فى حياتة ما ساق عربية ولا قعد ورا دركسيون بس السواقة والعربية عجبتة جدا

وسمع كام معلومة من هنا على كام معلومة من النت وهوب قعد فى العربية ودورها وانطلق
يا ترى اية اللى هيحصل ؟؟؟؟؟؟؟؟؟
طبعا كلكم عارفين اية اللى هيحصل.....
ولو رجع بيتة سليم يبقى ستر من ربنا
.


مش معنى كدة انى بهبط الناس ولا بعقدهم ولا بعمل لنفسى دعاية
ابدا والله

انا الحمد لله شغال بقالى 3 سنين ودى السنة الرابعة فى تنظيم رحلات السنوركل والغطس الحر والتصوير تحت الماء مع اسر وعائلات ودة بيقول لدة... ودة بيجيب دة ... وهكذا دعاية عائلية شجرية زى ما بيقولو بتوع التسويق

واول ما الامتحانات بتخلص مبلاحقش شغل الحمد لله

بس انا بنبة التنبية دة عشان محدش يروح يدبس نفسة فى شراء حاجات هتكون مصدر اذى جامد لية لانة رايح يتعامل مع بيئة بحرية نشطة

والبحر مبيجاملش حد

وبكدة يبقى انا كملت معلومات الموضوع
عشان تبقى المعلومة كاملة لوجة الله


وربنا يوفقكوا جميعا

مصطفى حسن
العاشر من رمضان

[emanmh]

180 مشاهدة للموضوع ولم اتلقى رد واحد

هل معنى هذا ان موضوعى سيى؟؟؟؟؟؟؟؟؟
ام غير مفيد ؟؟؟؟؟؟؟؟؟

[نجمة خراسان]

وعليكم السلام ورحمة الله وبركاته

ما شاء الله مكان جداً جميل واكثر من الررراائع

مشكورة والله يعطيك العافية اختي

اختي لا تزعلي ممكن عضوات ما شافوا موضوعك او ممكن لان فيه صور الرجال

ننتظر موضوع من تصويرك

[عطر الشرق]

http://forum.hawahome.com/clientscript/ckeplugins/picwah/images/extra122.gif

[ليدي الامورة]

روووووووووووووووووووووووووعة

[Miss.Reem]

تسلمى يالغلا ماننحرم

[وسم]

يعطيك العافية

[بسمات المدينة]

https://forum.hawahome.net/clientscript/ckeplugins/picwah/images/extra11.gif