الى الامهات ذوات الخبره ... ساااااااعدوني

[جودي]

السلام عليكم ورحمة الله وبركاته ،،

للي عندها خبره في الامومه ايش اكثر المأكولات اللي تساعد على ادرار الحليب من خلال تجربتك ؟؟:eek:
وبعدين .. هل فيه علاج للبيبي اذا صار عنده مغص :cry: !!

واذا كان فيه رياضه معينه تحافظ على الصدر من الترهل بعد الرضاعه :o ياليت تدلوني عليها !!

والف شكر مقدما للي بتساعدني :)

[الخزامى]

هلا جودي
شكلك ام جديده.........................:)
شوفي انا باقول لك على بعض الخبرات اللي عندي.......:o

اولا الاكل اللي يساعد في ادرار الحليب
الحلبه . الحلاوه الطحينيه . الخس>>>>>>>>>>>>>>>>:D

بالنسبه للمغص اول شئ لازم تعرفين وش السبب يمكن يحتاج لطبيب
ويمكن انت تكثرين من اكل الفلفل والا شياء الحاره فتنتقل للطفل مع الحليب

بس سوي له رضاعه يانسون تخفف عليه شوي , رضاعه ماء وسكر نبات.

وبعدين الرضاعه ماترهل الصدر الحمل هو السبب:mad:

والرضاعه الطبيعيه تشد الصدر والرحم بعد..............:cool:

الحمد لله على سلامتك ومبروك المولود :)

[نسيبه]

حياك الله معنا جودي ويسعدنا انضمامك لنا ..



انا مع أختي الخزامى

كلامها صحيح وخاصة الحلبة تدر الحليب ..

وطفلك إذا عنده مغص اعطيه نعناع او ينسون مرة ممتاز للمغص ..

والف مبروك أختي

[ام انس]

اختي جودي حياك الله ,,,وشكله طفلك الأول:D

الأخوات ما قصروا ,,وترى الرضاعة الطبيعية مهمه للطفل ولك..

شد الصدر أوتع التمارين راح تفيدك وتجدينها في ركن الجمال للأخت سمر شامل ,,

وحياك الله في بيتك

[همس]

مبروك عليك طفلك الجديد
الاخوات ماشاء الله عليهم ماقصروا كفوا ووفوا
وبالنسبة للمغص فيه الشمر يشبه لليانسون مرة كويس للطفل
يريح بطنه ويخليه ينام وكمان موية غريب تتباع في الصيدليات
وبالتوفيق ان شاء الله

[جودي]

اخواتي ..
الخزامى .. صوت الأمل .. الخنساء .. همس ..
الله يبارك فيكم جميعاً ويرعاكم :)
وفعلا هذا طفلي الأول :girl: .. وكانت تجربه صعبه لأبعد الحدود :rolleyes: ..
بس نسأل الله أن يكفر عنا سيئاتنا ويجعله تكفير وتطهير .. ويجزا والدينا عنا خير الجزاء..

عندي كم سؤال اذا تكرمتوا :o ..
مو يقولوا ان الحلبه ما تنفع الا في العشرين يوم الأولى من النفاس ؟؟ :thinking:
وبالنسبه لليانسون والنعناع والشمر هل لهم مقدار معين يعطى للطفل !! :vconfused:
وموية الغريب سمعت عنها انها ضاره للطفل .. وش صحة هالكلام .. :whatthat:

وفي الأخير اشكركم كلكم على المعلومات :lightbulb: اللي زودتوني فيها والله يجزيكم عني خير الجزاء ..
ويجعله في ميزان حسناتكم ..

[الخزامى]

هلا جودي
مافيه شئ بالدنيا حلو الا ولازم يكون فيه معاناه وان شاء الله تطلعين من الاربعين وتنسين كل شئ.,,,,,,,,
استخدام الحلبه على حسب عادات المجتمع اللي انتي فيه,
فيه ناس يستخدمونها بعد اسبوعين من الولاده الى اخر الاربعين
وفيه ناس يستخدمونها من الاسبوع الاول الى الاسبوع الثالث
شوفي امك وش رايها هي الصح؟
بالنسبه لليانسون حطي كميه قليله جدا نص ملعقه صغيرع في ماء مغلي
وانا سمعت من طبيبه ان اليانسون من المهدئات ومش زين الطفل يتعود عليها
لانه ةممكن تعلمه على الادمان والله اعلم
موية الغريب لاتستحدمينها لانهم سحبوها من الاسواق وبعدين رجعوها بس اعتقد انها ضاره والطبيعي احلى
وبعدين ترى مهم جدا انك تقرين على الطفل الاذكار والرقيه علشان يهدأ

واي معلومات ثانيه احنا حاضرين,,,,,,,,,,,:)

[همس]

هلا اختي جودي الله يحفظ لك طفلك ان شاء الله وعقبال ماتشوفيه
عريس يارب وبالنسبة لاجابتي على الاسئلة
الشمر حطي نصف ملعقة تقريبا نفس مقدار اليانسون مع ماء مغلي
وبالنسبة لموية الغريب صحيح سحبوها من الاسواق وبعدين رجعوها لكن اختي ومرة اخويا مداومين عليه ماشاء الله وماضر اطفالهم
اذا كنتي خايفة منه خلاص اكتفي باليانسون والشمر
والله معاك يالغالية

[السورية]

بالنسبة للمأكولات المدرة للحليب شرب الحليب بارد وأكل البقدونس أما بالنسبة للحلبة فهي ممتازة لكن تعطي رااءحة للعرق مو حلوة
وبالنسبة للمغص للطفل لازم تدفي بطنه وأنت كمان تدفي حالك لأنه اذا أنت أخذت شوية برد هو يتأثر وحاولي ماتعطيه يانسون لانو منوم اكتفي بالنعناع ولكن بحد معتدل وإذا بدك في نقط بالصيدلية للمغص اسمن مودال أنا استعملتن لطفلي ومالن تأثيرات جانبية وإذا مانفع نصيحة خديه لعند دكتور وراقبي برازه وبوله

[شموع العلماء]

ربي يعطيك العافية