وصفة بيتزا روعه

[ام احمد 333]

السلام عليكم و رحمة الله و بركاته

حبيت أول موضوع لي في المنتدى يكون عن البيتزا
لأنه أحس البيتزا صعبه شويه من حيث العجينه
و الحشوه و أنا اليوم بعطيكن وصفه روعه
للبيتزا حتى مكوناتها سهله



مكونات العجين:

2كوب طحين رقم1
2ملعقه صغيره خميره فوريه
1ملعقه صغيره بيكج باودر
3ملعقه كبيره حليب بودره
3ملعقه كبيره زيت
1/2ملعقه صغيره ملح
1كوب ماي


ملاحظه:
الكوب اللي بتستخدميه للطحين نفسه استخدميه للماي و نفس الحاله للملاعق




مكونات الحشوه:
دجاجة واحدة
فلفل أخضرحلو
بصل
طماطم
جزر
ملح
فلفل أسود مطحون
زعتر شويه

الطريقه:
للعجينه:
تخلطين جميع المكونات مع بعض و تخلينها تتخمر ساعه كامله

أعرف أنه ساعه كامله وايد بس راح تحصلين على عجينه برفكت صراحه كل اللي في البيت حبوها

للحشوه:
طبخي الدجاجه بشويه ماي مع ملح و شويه ثوم وبس
بعد متخلص الدجاجه نتفيها خلي التنتيف صغير صغير
في قدر في النار شويه زيت و تخلي (البصل + الطماطم + فلفل أخضر + الجزر )
لين ما تشوفي المكونات صارت بما معناه صارت لينه بعدين
تحطي الدجاجه + البهارات وتخلهم بالنار شويه مده دقيقتين فقط
وبعدين تطفي النار
بعد متتخمر العجينه تفرديه و تخلي سمكها خفيف (رقيق)
و تخليها في الصاج بعد ما تدهنيه بشويه زيت
بعد تصبي فوق العيجينه كاتشب اللي هوه عباره عن (صلصه)
و تخلي الحشوه و شويه زيتزن أخضر و تنثري فوقها جبن موزرلا




ملاحظات بسيطه:
أحسن أنواع جبن الموزرلا (جبن البقرات الثلاث/ جبن بوك)

ممكن تسوي البيتزا بأطراف الجبن مثلا
و اللي هوه أنك تخلي العجينه كلها بعد ما تفرديها في الصاج
بدون ما تجصيها على كبر الصاج و تخلي الجبن على الأطراف بعدين تسكري
الاطراف بالعجين بس مو كله و تجصين الباقي


و اتمنى انكن تجربنها لانها بصراحه لذيذه


و بالعافيه :68::68:

[ام احمد 333]

بس نسيت عن اكتب كم دقيقه في الفرن 15دقيقه من تحت و5 دقائق من فوق و درجه حراره الغرن مابين 150-180

[قلب راض]

وعليكم السلام ورحمة الله وبركاته

مرحبا أختي ام احمد, نورت الركن والمنتدى كاملا

ورائع ما اخترت من اطايب الأطباق

البيتزا الشهية التي يعشقها الكثير

مشكورة على الشرح الوافي وننتظر منك مزيد الأطباق ويا ليت تكون مصورة لمزيد الفائدة

حفظك الله وأنبت لك احمدا نباتا حسنا

[قطرة ندى]

اهلا وسهلا فيكي عزيزتي

البيتزا من الاطباق المحببة للكبير قبل الصغير

اختيار موفق

بانتظار المزيد من ابداعاتك

[مشاعر خجولـة]

تسلممي الله يسعدك
ماقصرتي ربي حفظك ويعطيكِ العافية (=

[ام احمد 333]

مشكورات اخواتي و اشكركن على المرور الرائع

[ترآتيل]

تسسلم ديآتكِ ..
إن شآء الله نجربهآ ,, ~

[عقربهـ]

يعطيك العافيه

من جد البيتزا مرا صعبه عجينتها

وشكرا لك ع الطريقة ةان شاء الله راح نجربها قريب ..

[رب ما أكرمك]

اكيد لذيذة الله يعطيك العافية

[hanin love]

جزاكي الله الف خير

[اسماء بحر]

وصفة رااااااااااااااااائعة

فى انتظار جديدك المصور حبيبتى

[عطر الشرق]

http://www.arabtravelersforum.com/imgDir/40/96cdf92f0e5291fc2f4a67728acf13f853dd4f77ce4.gif

[ليدي الامورة]

http://v.3bir.net/attachment.php?attachmentid=50945&d=1414931072

[Miss.Reem]

تسلمى يالغلا ماننحرم