وصايف الجمعة
15-07-2014, 10:23 AM
السلام عليكم ورحمة الله وبركاته معاكم اختكم وصايف اول شي راح اقولكم نقطه ان هذا المكان مو مناسب بس مالقيت منتدى ثاني المهم اليوم موضوعي عن تقويم الاسنان انا لي 5 ايام حاطه التقويم طبعاً قبل ما احطه كنت خايفه من كلام الناس الي في المنتديات واكثر شي كنت خايفه منه هو الشد طيب ندخل بالموضوع بسرعه رحت مركز عاجي لطب وتقويم الاسنان في الرياض الدكتورة ميشيل مرره كويسه وسريعه واسعارهم حلوه فوق وتحت 2500 يوم رحت حطتلي مطاطات بين الاسنون و اخذت موعد وطلعت ويوم جاء موعدي الثاني رحت و ركبت التقويم مررره ما وجعني ولا شي بكل صراحه شدت وسوت كل شي في اثمي يوم خلصت وانا مرتاحه ولا كاني سويت شي الي يذكرني الشي الي في اثمي وشو هو لاني ما بعد تعودت جت وعطتني ورقه فيها فرشات الاسنان والاشياء الي تحتاجينها في تقويم الاسنان قالت لي بعد نص ساعه تمضمضي عشان طعم الشي الحطاه مدري وش يسمونه المهم تمضمت بعد نص ساعه وقالت لي عادي تاكلين بعد ساعتين والشرب بعد نص ساعه قلت اوكي وتمضمضت بعد نص ساعه و ورحت للبيت وعادي عندي مافي شي يوجعني يوم صارت ساعتين وانا كنت جوعانه واسوي لي اكل واكل بس المشكله هينا اني ما اقدر اكل شي لازم شوربه وسوائل سويت لي شوربة بيضاء وشربتها وشبعت الحمدلله رقيت للحمام الله يكرمكم افرش سنوني ولازم تشترين من الصيدليه الاشياء المهمه لي تقويم الاسنان الي هي فرشات بين تقويم الاسنان فرشات عاديه و النوع الكويس هو اورال بي لازم تكون ناعمه الفرشه و خيط الاسنان و شي زي الصمغ لما تنجرح لثتك او شي بدا يقرصك تحطينه على مكان الي انجرح او يقرص اكيد الي هي الحديده الصغيره المهم جلست اشوف التلفزيون بعدين رحت نمت ويوم قمت نزيت لاني ما تعودت ورحت فرشت سناني ونزلت وجلست لمين اذن المغرب عشان احنا في رمضان ياويلي ما قدرت اكل التمر تخيلو بدون ما اعضه ولا شي بلعته فا انا اقول لا تسون التقويم في رمضان والحين لي 5 يوم و بديت اكل فطيره كبه فشار شي خفيف انشاءالله بعد يومين اقدر اكل طبعاً تقدرو تاكلو بعد اسبوع وراح تتعودي على التقويم من يومين - ثلاث ايام و ما تاكلي شي صلب مثل الجزر و التفاح والعلك وانشالله افدتكم ومعليش على الكلام الي مدخل على بعض اذا تبون اي سوأل اسالوني و شكرا ✨