ساعدوني ارجوكم انا في مشكلة

[ThE RosE AnGeL]

السلام عليكم ورحمة الله وبركاته



كيفكم يااخوات ايش عاملين انا عندي مشكلة وابغالها حـــــــــــــل ولوسمحتو لا تبخلووو عليا بالجواب


انا اخويا والحمد لله ااتزوج قريب قبل 22 يوم وراح شهر العسل وجا والمشكلة انو هوا ماشي على كلام زوجتو لاتقومو عليا


بس من جد بشكل غريب


اول شي ابدا لكم الحكايه


روحنا خطبنا لاخويا بنت ناس محترمين وقالو انهم ملتزمين يعني مايسمعو اغاني بس احنا ناس عادين


وبعدين اكتشفنا انهم يسمعو مو هنا المشكلة المشكلة انو ام العروسة تحرضها على اخويا

وسارت الملكه والمفرووض الملكة تكون على العروسة قالولنا احنا واحنا قلناهم طيب خلاص احنا حنعمل الملكة و


سارت الملكة وكانت روعة قلنا عادي موهنا المشكلة


وجينا تفرش الشقة حقت اخويا قالت العروسة انا وماما نبا نشوف الشقه

قلنا برضو خليهم بس سارت شويه احتجاجات بس في النهاية رضينا


وجينا على الفرح واحنا برضو الي سوينا


وادينا العروسة مهر عشان تدبش لنفسها او اهلها يدبشولها


لمن كلامناهم على الدبش قالو انتو دبشولها

فقلنا لاء الدبش على اهم العروسة <<<<<<<< هما مابيعملو شي

كلو عليا وبابا كان طول الوقت رافض انو نكون كدا بس ماما كانت تقولي


مشي ياشيخ دي اول فرحتنا

نقطة نسيت اقولها في الملكة الرجال كانو علينا والحريم عليهم عزمو بس 150 حرمه


وبابا كان يمشي حالو


وبعد فترة اكتشفنا انهم ماكملو دبش للبنت وبعدبن لمن راحو شهر العسل


اخويا اشترالها فساتين افراح 6 قطع

والمفروض انها هيا تدبش لانو مهرها ماعملت فية شي<< وهيا حرة


بس كمان على الاقل تدبش لنفسها<<<على فكرة هما مو فقراء ناس مرتاحين


ودحين اخويا ساير يمشي ورا كلام حرمتو حتى لو اية

وهادا الشي مضايق اهلي

لانو احنا عملنا الي علينا وزيادة

انتو ليش كدا
معانا


..~~~ ..~~~


فاياريت يا اخوات تلاقولي حل لمشكلتي وبختصار هيا انو اخويا ماشي ورا كلام زوجتو

زي ما امها ممشية ابوها يعني امها وابوها زي كدا

الاب هوا الي يسمع كلام لام

وكمان علية مرا كل اسبوع يطبخ""/

الله يعين وتلاقولي حل









تحياتي لكم


ولاتبخلو عليا ولا بنص معلومه

[ام مريــــــم]

السلام عليكم ورحمة الله وبركاته
اختي عذرا المشكلة عندكم فانتم تنازلتم كثيرا وايضا اخاك اين تأثير والديك عليه لابد من وقفة لهولاء الناس انا لي صديقة لها اخ مثل اخاك تهاونوا كثيرا مع اهل زوجته وكانت زوجته تأثر عليه وهو ساكت حتى منعته من زيارة اهله وزيارة اهله اليه ربنا يهديهم

[ThE RosE AnGeL]

اهلي يكلمو ويقولولو انو مايسير الي بتسوية

وماما وبابا رافضين دا الشي كل مايكلموة يقلهم انتو تكرهوني في زوجتي وانا حرر


وإحنا ماتنازلنا الا عشانو هوا لانو هوا كان يقول انو لو ماتزوجت دي البنت محى اتزوج تاني

[زهرة الكادي]

والله مادام اخوكي هكذا

عليه العوض ومنه العوض

بتحصل بينكم مشاكل كثير



الله يعينكم


واهل البنت الله يهديهم

[ام افنان]

يا اختي الامر عادي

ودائما اول الزواج يكون فيه اختلافات رأي حول الزواج والحفل والتجهيزات وكلهااااا الى زوال اي هذه المشاكل ستنتهي باذن الله بمجرد الانتهاء من التجهيزات الاوليه

ويا اختي اخوك ما مشى بكلام زوجته ولا حاجه بس لانه فرحان فيها وتوه عريس جديد ومن حقه الشيء هذا

يعني في نظرك لازم يخالف كلامها علشان يصير ما يمشي بكلامها طيب ليش ما نقول انهم متفقين ومرتاحين ولله الحمد

وبصراحه ما دام هو اول شخص يتزوج عندكم فالله يكون بعونه

لانه دائما اول شخص يتزوج من العائله تكون التجارب براسه

ونصيحتي لكم اتركوا الولد يعيش حياته ولا تتدخلوا بينه وبين زوجته في اي شيء لا يخصكم او يؤثر على علاقتكم به

ولا بد ان تعرفوا انه الان مسؤول عن بيت وزوجه وان له حق بالحياة الخاصه به وان زوجته لها عليه حق
فلا تدققوا في كل صغيره وكبيره واتركوا الامور تمشي عادي
لانه هذه هي الحياة وهذه طبيعتها

وبصراحه
الوقت قصير جداااااا 22 يوم!!! كيف امكن ان تحكمي ان زوجته مشيته
اعطوه الفرصه والوقت الكافي واتركوه يسعد بحياته من غير تنكيد

الله يوفقه ويوفقكم جميعاااااااااا

[ThE RosE AnGeL]

إحنا ماتدخلنا ولافي شي من حياتو هو حر يسوي الي يباة

بس لمن ام العروسة تقولها انتبي من ام زوجك <<< وماما وماسوتلها شي

وهيا ام العروسة تكرة ام زوجها

وكرهت اولادها فيها


واذا جانت انو مبسوط فيها فهي من اول مااتملكت وهوا يسوي اليي تباه

احنا ماقلنا انو يبسطها بس انو مايكون يمشي ورا كلامها

لانو هيا تبا تعمل زي امها

وعلى قولت المثل اقلب الجرة لفمها تطلع البنت لامها

واحنا اصلا من يوم الخطوبة سايبينهم في حالهم لابنقلو روح ولاتعال

بس احنا كل مانهرج هرجة في اي شي يقول انتو تكرهوني في البنت

وعلى فكرة احنا مرااا نحب البنت وما نبغلها الا الخير

وماما من النوع الي مايتدخل في شؤؤن الغير

وشكرا اخواتي على مرووركم

[alnamry]

اختي الغاليه لاتعبي حالك وخلو اخوك يعيش حياته إذا هو مرتاح وصدقيني راح يجي اليوم الي يحس فيه ويصحى من غفلته وكما تدين تدان ولا تنسي أنتوا إلي أخترتوها وهذا أول ولد إتزوجونه أفرحو معاه وفوتوا بعض الشيء لانه خلاص تزوج هذه المره وكلمة ياليت ماتنفع الحين وادعوله وأنشاء الله يرجع الصوابه وتقوى شخصيته يارب

[صمت المشاعر]

عزيزتي

الي يشيل قربة بتخر على راسه

يعني خلوه يسوي اللي يبقى ولا تتدخلوا

إذا هم بعيدين عنكم

مثل ما قالوا الأخوات بيجي اليوووم اللي ما راح يستحملها فيه

[الريتــــاج]

صح خلوه على راحته\


ممكن ياخذ منكم موقف لانه ماراح يفهمكم


فاخلوه احسن ماتخسرونه


بس ادعوله ان ربي يهديه هو زوجته ويسعدهم


وبيجي يوم يعرف الصح

[سمو الروح]

مرحبا

شوفي يا قلبي

انتو تبغوا سعادة أخوكم صح ؟؟؟؟

المهم

لنفترض أن البنت سمعت كلام أمها


ومع المعاملة اكتشفت أنكم ناس حبوبين و طيبين

ايش تتوقعي

أكيد ح تتأثر بيكم

>>> الطيبة تلين الحديد

و خلو بينكم و بينها حدود

يعني لا تمونوا مرة عليها

>>>> و ربي
يصلح الحال

[المهاجرة1]

صدقيني مافي مشكلة كل الحريم بيدلعوا في البداية وبعد الاطفال والسنين بيآخذوا على راسهم معلش خليها تتدلعلها كم يوم الهم جااااااااااااي جااااااااااااي الاطفال في مثل عندنا يقول حلاوة ( ) شهر ونص لاحقين لايزعل ابوك وامك صديقتي كانت كدة ودحين ماكلة القرف وساكتة المهم خليكم طيبين معاها وعاملوها بما امركم الله تعالى وكما قال الله تعالى (ادفع بالتي هي أحسن فاذا الذي بينك وبينه عداوة كأنه ولي حميد )

[بسمات المدينة]

https://forum.hawahome.com/clientscript/ckeplugins/picwah/images/extra11.gif