دورتي مو منتظمه ؟

[دمعة امل]

مثل ما قرأتوا

الدوره صار لها تقريبا 7اشهر وهي ماهي منتظمه

رحت للدكتوره قالت حللي دم وحللت بعدين قالت ما عندك شيء

انا قلقانه انا ما عارفه ايش السبب وبصراحه زوجي يبني اوحم وما اعرف ايش اصلح امنتى اللي عندهم

اي شيء يساعدني سواء للحمل او لتنظيم الدورة ما تتاخر على

للعلم انا معي ولد يعني سبق وحملت.

مشكورات

[همايـــــن]

دمعة امل:

انا دورتي مب منتظمة والحين صار لي شهرين انتظمت ولله الحمد..

شوفي ياقلبي من خامس يوم بالدروة اشربي زنجبيل لمدةة خمس ايام متتالية وياريت تكون بنفس الوقت

يعني العصر تشربينه اليوم اللي بعده العصر...

وإن شاء الله الشهر الجاي بتييج بنفس التاريخ بإذن الله وبحيله بس انتي اهم شي وكلي

امرج لله ولاتفكرين وايد ...

والله يرزقج بالذرية الصالحة..

[دمعة امل]

تسلمي حبيبتي على ردك بس ما اعرف كيف اعمل الزنجبيل اغليه ولا لا

طازج ولا محطون ولا كيف ياريت توضحين لي يالغاليه

مشكورة

[همايـــــن]

دمعة امل:

ايه ياقلبي..

تغلينه مع ماااي وكمية الماي حوالي كوووب...

والزنجبيل يكون طازج وكميته انتي حرة فيهاااا اللي تقدرين تتحملين طعمه..

اغليه بمااي لمدة خمس دقائق تقريباً وخليه لين يدفا

واشربيه دافي من خامس يوم فالدورة لمدة خمس اياااام ..

وبإذن الله الدورة بنتظم عندج يالغاليـــة..

دعواتج لي بظهر الغيب انه الله يرزقني بالذرية الصالحة المعافاه عاجلاً غير آجل..

وعسى الله ينولج كل اللي في بالج يارب...

[مكسورة الخاطر]

زي ما قالت هماين الله يجزاها خير

[دمعة امل]

مشكورات اختي هماين واختي مكسوره الخاطر

انا عملت نفس الطريقه والباقي على الله

تسلموا على مروركم