قطرة ندى
15-03-2016, 11:05 AM
سبب رفض اغلب البيبيهات للاكل مالوش علاقة ابدا بالشهر اللي ابتديتي فيه ... ان شالله تكوني ابتديتي من الشهر الاول .. الببيبي بيرفض الاكل لان الام بيبقى همها تاكله فمش بتتدرج معاه في الاكل ... هو بيرفض الاكل .. ومعدته بترفض الاكل كمان...
في امهات بتبدل رضعة بحالها بوجبه كامله ... لأ ... البيبي لسه بيعرف يعني ايه اكل .. زيك انتي لما بتلاقي اكلة جديدة .. بتبقي عايزه تدوقيها الاول .. هو كمان نفس الموضوع .. اول ما تبتدي معاه لازم تدوقيه ... مش وجبه كامله .. البيبي بقاله ست شهور ماحطش في بقه ولا يعرف اكل ف الحياه غير لبنك .. ازاي هيقبل فجاه ان الام تنزل عليه بانواع غريبه من الاكل وبكميات كبيره؟ 1- يادوبك تبتدي بالسيريلاك وتلت معالق صغنووونه منه فقط لا غير .. (التلت معالق دي النتيجه النهائيه بعد ما دوبناه ف لبن الام او ميه) وكل يوم تزودي الكميه حبه حبه .. لحد ما توصلي للكميه اللي تشبعه في خلال عشر ايام ..
تعديل: يفضل تاجيل السريلاك لبعد السنه حيث وجد في محتوياته سكر ولبن ودي من الممنوعات قبل السنه .. ممكن استبداله بجزرايه مسلوقه او كوسايه مسلوقه او بطاطسايه مسلوقه .. مع اتباع نفس الطريقه في التدريج .. 2- وبعدين تدخلي الخضار بالراحة برضو ونستمر عشر ايام (كوسه وجزر وبطاطس مضروبين) 3-وبعدين تحطي ع الخضار شوربه فراخ عشر ايام برضو 4- كده وصلنا لنهاية الشهر السابع نقوم حاطين ع الخضار صدر فرخه عشر ايام .. او نحط شوفان بدالها عشر ايام كمان 5- وبعدين ندخل الفاكهة نجرب نوع نوع من الانواع المسموحة وكل واحد عشر ايام العشر ايام دي عشان الطفل ما يتخضش .. عشان التدريج ..
ابتدي بحبه من الصنف ده وكملي برضعه لحد ما توصلي معاه للكميه المشبعه من الصنف ده .. سواء كان ده في خلال العشر ايام او بعدهم .. ساعتها ابقي حطي الصنف ده بدل رضعة .. كده انتي بقى عندك 3 وجبات ف اليوم .. وفنفس الوقت: - دخلتي الاكل بالراحه جدا
- معدته اتعودت عليه وحده وحده
- اتاكدتي ان مفيش حساسية
- ماخافش من الاكل .. لان الانسان عدو ما يجهل فبيخاف من الحاجة الجديدة دي لو اتقدمتله بشكل خاطيء وبيكرهها
- ما فتكرش ان الاكل ده بديل الرضاعة اللي هو بيعشقها .. لان عدم التدريج بيخليه يفتكر انك هتحرميه من الرضاعة فبيتخض ويكره الاكل واختاري وقت يكون البيبي فيه رايق .. يعني مش وقت نومه فيكون مقريف .. ولا يكون لسه متطعم .. ولا تكوني مجوعاه جامد ويكون هو منتظر منك رضاعه فلما يلاقي اكل اكيد هيتفه .. التوقيت مهم جدا برضو ومود الطفل كذلك اضافه: فلنفرض ان ابنك رفض النوع ده من الاكل .. هل تصري معاه انه ياكل .. ولا تبطلي تديهوله خالص؟
لا ده ولا ده .. حبيبات التذوق في فم الطفل بتتغير كل اسبوع تقريبا .. فالحاجه اللي رفضها دلوقتي بلاش منها حاليا .. خدي حاجه تانيه عشر ايام وبعدين ارجعي تاني للحاجه اللي رفضها بعد عشر ايام .. باذن الله هتلاقيه اخدها .
وكل ما يرفض اكل اتبعي نفس التكنيك السابق .. وباذن الله مفيش اكل هيرفضه .. وما تسميش الاكله اللي رفضها قدامه .. لانه مع تقدم العمر ممكن يحفظ اسمها واما تيجي تجربيهاله بعدين يفتكرها ويرفضها تاني من غير ما يدوقها اضافه: كل صنف من الاصناف السابق ذكرها بنجربه مره واحده فقط في اليوم التدريج ثم التدريج ثم التدريج .. بالطريقة دي مفيش وحده باذن الله هتشتكي من اكل ابنها .. طالما اتدرجت في الاكل صح
د شروق الهتيمى
في امهات بتبدل رضعة بحالها بوجبه كامله ... لأ ... البيبي لسه بيعرف يعني ايه اكل .. زيك انتي لما بتلاقي اكلة جديدة .. بتبقي عايزه تدوقيها الاول .. هو كمان نفس الموضوع .. اول ما تبتدي معاه لازم تدوقيه ... مش وجبه كامله .. البيبي بقاله ست شهور ماحطش في بقه ولا يعرف اكل ف الحياه غير لبنك .. ازاي هيقبل فجاه ان الام تنزل عليه بانواع غريبه من الاكل وبكميات كبيره؟ 1- يادوبك تبتدي بالسيريلاك وتلت معالق صغنووونه منه فقط لا غير .. (التلت معالق دي النتيجه النهائيه بعد ما دوبناه ف لبن الام او ميه) وكل يوم تزودي الكميه حبه حبه .. لحد ما توصلي للكميه اللي تشبعه في خلال عشر ايام ..
تعديل: يفضل تاجيل السريلاك لبعد السنه حيث وجد في محتوياته سكر ولبن ودي من الممنوعات قبل السنه .. ممكن استبداله بجزرايه مسلوقه او كوسايه مسلوقه او بطاطسايه مسلوقه .. مع اتباع نفس الطريقه في التدريج .. 2- وبعدين تدخلي الخضار بالراحة برضو ونستمر عشر ايام (كوسه وجزر وبطاطس مضروبين) 3-وبعدين تحطي ع الخضار شوربه فراخ عشر ايام برضو 4- كده وصلنا لنهاية الشهر السابع نقوم حاطين ع الخضار صدر فرخه عشر ايام .. او نحط شوفان بدالها عشر ايام كمان 5- وبعدين ندخل الفاكهة نجرب نوع نوع من الانواع المسموحة وكل واحد عشر ايام العشر ايام دي عشان الطفل ما يتخضش .. عشان التدريج ..
ابتدي بحبه من الصنف ده وكملي برضعه لحد ما توصلي معاه للكميه المشبعه من الصنف ده .. سواء كان ده في خلال العشر ايام او بعدهم .. ساعتها ابقي حطي الصنف ده بدل رضعة .. كده انتي بقى عندك 3 وجبات ف اليوم .. وفنفس الوقت: - دخلتي الاكل بالراحه جدا
- معدته اتعودت عليه وحده وحده
- اتاكدتي ان مفيش حساسية
- ماخافش من الاكل .. لان الانسان عدو ما يجهل فبيخاف من الحاجة الجديدة دي لو اتقدمتله بشكل خاطيء وبيكرهها
- ما فتكرش ان الاكل ده بديل الرضاعة اللي هو بيعشقها .. لان عدم التدريج بيخليه يفتكر انك هتحرميه من الرضاعة فبيتخض ويكره الاكل واختاري وقت يكون البيبي فيه رايق .. يعني مش وقت نومه فيكون مقريف .. ولا يكون لسه متطعم .. ولا تكوني مجوعاه جامد ويكون هو منتظر منك رضاعه فلما يلاقي اكل اكيد هيتفه .. التوقيت مهم جدا برضو ومود الطفل كذلك اضافه: فلنفرض ان ابنك رفض النوع ده من الاكل .. هل تصري معاه انه ياكل .. ولا تبطلي تديهوله خالص؟
لا ده ولا ده .. حبيبات التذوق في فم الطفل بتتغير كل اسبوع تقريبا .. فالحاجه اللي رفضها دلوقتي بلاش منها حاليا .. خدي حاجه تانيه عشر ايام وبعدين ارجعي تاني للحاجه اللي رفضها بعد عشر ايام .. باذن الله هتلاقيه اخدها .
وكل ما يرفض اكل اتبعي نفس التكنيك السابق .. وباذن الله مفيش اكل هيرفضه .. وما تسميش الاكله اللي رفضها قدامه .. لانه مع تقدم العمر ممكن يحفظ اسمها واما تيجي تجربيهاله بعدين يفتكرها ويرفضها تاني من غير ما يدوقها اضافه: كل صنف من الاصناف السابق ذكرها بنجربه مره واحده فقط في اليوم التدريج ثم التدريج ثم التدريج .. بالطريقة دي مفيش وحده باذن الله هتشتكي من اكل ابنها .. طالما اتدرجت في الاكل صح
د شروق الهتيمى