خلف الكواليس [الأرشيف] - منتديات بيت حواء

أحب أخوي

12-08-2006, 06:30 PM

بسم الله الرحمن الرحيم

السلام عليكم و رحمة الله و بركاته:)

اليوم أنا حبيت أطلع موضوع للناس اللي مثلي..مبتدئين في الطبخ..و طبعا الكل بدون استثناء مرحب بالمشاركة..

السالفة و ما فيها..أن احنا جميعنا في تجاربنا للطبخ لنا أخطاء..أو مواقف..تظل ورا الكواليس و محد يشوف غير النتيجة ."R: .يعني لتحقيق العدالة..نعرض لكم المعاناة اللي نتكبدها علشان نوصل لكم الطبخة(اللي يسمع مقطعة عمري..أطبخ و أطبخ و أطبخ )

المهم..
اللي عنده..أي شي يقوله لنا..حـــــــــياه..يقرب..

و أنا ببدا..

احم..طبعا..لأني بديت استحي على ويهي و اشوف نفسي مشرفة مجلس طبخ و انا ما عرف شي فالطبخ قررت..ابدا اتعلم..احم..
اوكي..

امممم..المرة الاولى..ما كان عندنا طباخة..كانت مسافرة..و طبعا لازم حد يساعد الوالدة..فأمي كانت بتطلع و أمنتني على البرياني..هيه حطت لي اللحم فالقدر جاهز..و انا باقي علي احط البزار و البهارات..إلخ..
قلنا..بسيـــــــــــــطة..ما تحتاج..و عادي..حطيت الملح و البزار..و يوم وصلنا عند الفلفل..و علشان تعرفون معلومة عني..إني عيّــــازة(كسولة)..ما جبت ملعقة علشان اقايس..قلت برش شوي شوي من العلبة ما بيصير شي..و طبعا صار شي..و انسكب مقدار قبضة يد من الفلفل الأسود(حلو التعبير..قبضة يد )..وااااااااااااااااااأأأ..شو أسوي ..شو أسوي؟؟؟ جبت ملعقة و قعدت اغرف الفلفل و ارميه..و انقذت المتبقي من الخلطة..و اكملت العملية و باقي النتيجة..قوم امي كانوا صايمين..يعني الراي عند اخواني..يوم سألتهم..شو قالوا.....احم احم..العيش فنان..فيه طعم حار زيادة(على أساس يمدحونه يعني)
يعني الخلاصة عجبهم..وششششش..و مرت التجربة الأولى بسلام..

و مرة ثانية..هالشي صار لي مرتين..يوم سويت الكشري و البيتزا..الموقف مع علبة الصلصة..
ما أدري..شكله فيه عداء بيني و بينها..أنا أحبها والله و ما احمل عليها مشاعر سلبية..بس انا مش داخلة مزاجها(علبة الصلصة..ركزوا) ..المهم..لازم كل مرة..كل مرة..لما أجي افتحها..وشششششششش..تنطش على كل المطبخ..مش تعبير مجازي..قصدي تنطش على كل المطبخ حرفيا..و لو ما كان في جدران..كان وصلت الشارع العام..(تعبير قوي شوي )..يعني في كل مكان..السقف و الجدران..أماكن نظفتها بصعوبة يعني.. ..
بس الحمد لله االنتيجة طلعت لا باس فيها..و أبشركم على الرغم من الخلافات البسيطة بيني و بين علبة الصلصة..إلا أني قدرت اتجاوزها و صار عندي خلطة خاصة للصلصة ..و حاليا افكر في اسم تجاري لها و افكر اسوقها..لا تخافون..اعضاء الفجر لهم ديسكاونت خاص..لا شو ديسكاونت..بسوي شركة معاكم..احم..أفكر فيكم..شفتوا.. ..

و بس..
شكلي طولت عليكم..

لي عودة بعد ما ان شاء الله اشوف مشاركاتكم..يلا..بانتظاركم..

ــــــــــــــــ
م
ن
ق
و
ل
،/،/،/،/،/،/،/،/،/،/،/،/،/،/،/،/،/،/
أحب أخووي

قمر موتو قهر

12-08-2006, 07:56 PM

وعليكم الســــــــــلام
هههههههههههههه بصراحة موقف رهيب الله يجزاك الف الف خير
حبيبتي ((أحب أخوي))هذي أول مشاركة لي بصراحة موضوعك ووووووايد حلو فقلت لازم اشارك فيه
يالله نـــــــــــــــــــــبداء‘‘ بسم الله
أنا يوم كنت صغيرة تقريبا في الصف الرابع دخلت المطبخ وقلت لازم ازين شي وفتحت كتاب التدبير ولقيت طبخة بيض العيون ومكتوب في المقادير ملعقة شاي ملح عــــاد انا الله يجزاني خير وش سويت حطيت ملعقة شاي على البيض والمشكلة اني مستغربة وش لون شاي مع بيض ويوم خلصت من البيض واكلت شوي طعمة الله لايوريك (اأأأأأأأأأأاخ )""/ أكرام النعمه وفي نفس اللحظة دخلت علي أختي وشافت الجريمة وقالت ماتطلعين من المطبخ الأ وانتي ماكله البيض واكلت بيض بالشاي
ههههههههه طبخة جديدة بصراحة موقف لايمكن أنساه
أتمنى اكون ضيفة خفيفة عليكم,,,,,,,,,,,,,