Miss.Reem
13-12-2016, 12:47 AM
الشتاء على الأبواب، طبعًا بالنسبة للناس الطبيعية فالشتاء أجمل فصول السنة وموسم جميل للخروجات والشياكة والأكلات اللذيذة والسفر ورأس السنة. لكن الحقيقة، إن الأمهات مش بيشوفوا حلاوة وجمال فصل الشتا زي بقية الناس.
النهاردة هحكيلكم عن بعض الخطوات الاستعدادية لفصل الشتاء من معسكر الأمهات..عن استعدادت البيات الشتوي وأسبابه من واقع التجربة الشتوية:فصل الشتاء عند جميع الأمهات بلا استثناء لأعمار أطفالهم أو عددهم، شهر عبارة عن زيارات متعددة لدكتور الأطفال وتطعيمات الأنفلونزا وتلبيس طبقات الهدوم اللي بيقابلها عياط هستيري من الأطفال، شهر رفض الغطاء بليل في عز البرد، ورفض الصحيان بدري للمدرسة، شهر تسريبات الحفاضات وعدم التحكم في الحمام بالليل، شهر بيتسجل فيه رقم قياسي لعدد مرات الغسيل يوميًا اللي بالمناسبة مبينشفش، وشهر الامتناع عن الزيارات والخروجات إلا في أضيق الحدود علشان الأطفال متتعبش أو تاخد نزلة برد!من الآخر: شهر مرهق ومتعب ودمه تقيل أوي بالنسبة للأمهات، اللي هتلاحظوا دايمًا إنهم مع بداية فصل الخريف وتحول الطقس للبرودة التدريجية، يبدأوا يعملوا ما يسمى بالبيات الشتوي: تقليل الخروجات قدر الإمكان، وملء الثلاجة بأدوية البرد المتوقعة، وتغيير الدولاب للملابس الشتوي، وشراء كميات عسل ولمون ومناديل تكفي احتياج الأسرة لمدة شهرين تلاتة.. ولو فيه طفل بيروح حضانة، غالبًا بياخد إجازة فترة الشتاء وحتى موسم الربيع.
كمان في الفترة دي، الأمهات بتبدأ تفرز الملابس الداخلية للأطفال، وتشتري كل ما زاد وزنه من ملابس وزادت تدفئته وتبدأ تدور على حيل وأفكار علشان تدفي القرود الصغيرين اللي مصممين يناموا بدون غطاء أو يناموا على الأرض في أوضاع بهلوانية. كمان الإقبال بيكون تاريخي على تطعيمات الأنفلونزا وشراء كمية مناسبة من فيتامين سي، علشان مناعة الأطفال.
أما الأمهات اللي عندها أطفال رضع، فبيبدأوا يخزنوا أكبر قدر من الحفاضات والغيارات اللي معروف إنها مهما كان نوعها وجودتها هتسرب فترة الليل وهتضطر تغير العشروميت قطعة اللي طفلها لابسهم علشان نزلات البرد.
البيت حرفيًا بيعلن حالة الطوارئ، حيث الستاير التقيلة والدفايات تستعد للعمل قريبًا، السجاد بيغطي الأرضيات كلها والشبابيك بتتقفل بإحكام وتبدأ رحلة البحث عن فرد الشرابات الضايعة علشان دي اللي هتتلبس في البيت، لأن طبعًا مش وارد الخروج بشراب فردة مخططة أسود والتانية فسفوري!
فصل الشتاء من الفصول الطويلة على أي أم، وهو نفس الموسم اللي بقية الناس العادية بيحسوه بيعدي بسرعة جدًا ويا دوب كام يوم في السنة. ومن هنا، بيحصل البيات الشتوي للأمهات.. نشوفكم على الربيع إن شاء الله.
النهاردة هحكيلكم عن بعض الخطوات الاستعدادية لفصل الشتاء من معسكر الأمهات..عن استعدادت البيات الشتوي وأسبابه من واقع التجربة الشتوية:فصل الشتاء عند جميع الأمهات بلا استثناء لأعمار أطفالهم أو عددهم، شهر عبارة عن زيارات متعددة لدكتور الأطفال وتطعيمات الأنفلونزا وتلبيس طبقات الهدوم اللي بيقابلها عياط هستيري من الأطفال، شهر رفض الغطاء بليل في عز البرد، ورفض الصحيان بدري للمدرسة، شهر تسريبات الحفاضات وعدم التحكم في الحمام بالليل، شهر بيتسجل فيه رقم قياسي لعدد مرات الغسيل يوميًا اللي بالمناسبة مبينشفش، وشهر الامتناع عن الزيارات والخروجات إلا في أضيق الحدود علشان الأطفال متتعبش أو تاخد نزلة برد!من الآخر: شهر مرهق ومتعب ودمه تقيل أوي بالنسبة للأمهات، اللي هتلاحظوا دايمًا إنهم مع بداية فصل الخريف وتحول الطقس للبرودة التدريجية، يبدأوا يعملوا ما يسمى بالبيات الشتوي: تقليل الخروجات قدر الإمكان، وملء الثلاجة بأدوية البرد المتوقعة، وتغيير الدولاب للملابس الشتوي، وشراء كميات عسل ولمون ومناديل تكفي احتياج الأسرة لمدة شهرين تلاتة.. ولو فيه طفل بيروح حضانة، غالبًا بياخد إجازة فترة الشتاء وحتى موسم الربيع.
كمان في الفترة دي، الأمهات بتبدأ تفرز الملابس الداخلية للأطفال، وتشتري كل ما زاد وزنه من ملابس وزادت تدفئته وتبدأ تدور على حيل وأفكار علشان تدفي القرود الصغيرين اللي مصممين يناموا بدون غطاء أو يناموا على الأرض في أوضاع بهلوانية. كمان الإقبال بيكون تاريخي على تطعيمات الأنفلونزا وشراء كمية مناسبة من فيتامين سي، علشان مناعة الأطفال.
أما الأمهات اللي عندها أطفال رضع، فبيبدأوا يخزنوا أكبر قدر من الحفاضات والغيارات اللي معروف إنها مهما كان نوعها وجودتها هتسرب فترة الليل وهتضطر تغير العشروميت قطعة اللي طفلها لابسهم علشان نزلات البرد.
البيت حرفيًا بيعلن حالة الطوارئ، حيث الستاير التقيلة والدفايات تستعد للعمل قريبًا، السجاد بيغطي الأرضيات كلها والشبابيك بتتقفل بإحكام وتبدأ رحلة البحث عن فرد الشرابات الضايعة علشان دي اللي هتتلبس في البيت، لأن طبعًا مش وارد الخروج بشراب فردة مخططة أسود والتانية فسفوري!
فصل الشتاء من الفصول الطويلة على أي أم، وهو نفس الموسم اللي بقية الناس العادية بيحسوه بيعدي بسرعة جدًا ويا دوب كام يوم في السنة. ومن هنا، بيحصل البيات الشتوي للأمهات.. نشوفكم على الربيع إن شاء الله.