ابي المساعدة؟؟؟

[بسكوتة]

السلام عليكم ورحمة اللة وبركاتة

بقو ل لكم على مشكاتي واتمنى الاقي الحل عندكم شوفو انا امس نزلت مع زوجي بيت اهلة وقعدنا مع امة وسالفنا وانبسطنا وحسيت انة امة كأنها متضايقة اشوي
بعد اشوي قالت لزوجي ابيك تسوي عزيمة لخوانك مع العلم واللة دايما نسوي لهم عزييمة احنا بس واهما عمرهم ماعزمونا انا وزوجي حاطين في خاطرنا اشدعوة ولامرة عزمونا المهم بعد ماقال لزوجي قلنا لها انشاللة على امرج اسبوع الجاي
بعد اشوي قلت لها بنسوي بس ياريت بعد اهما يعزمونا ماشفتها اللا طبت فيني واهي امعصبة تقول انتي مالج شغل انا ماكلمتج انتي ملقوفة وبصراخ حيل انا استغربت منها حاولت افهما وادخلت لي في الف سالفة تقو ل لي انتي ماتبيني ولاتبين اعيالي والشقة موشقتج موانتي اللي تحكمين تقولي الشقة شقتي انا وولدي وعيالي اانتي مالج خص فيها انا استغربت من كلامها وزوجي يحاول يفهمها السالفة واهي تهذر بعصبية واللة ثم واللة قالت لي بنجي غصبا عنج وعن اللي مايرضى قلت لها ياخالة شالحجي انا قلت شي حياج اللة انتي وعيالج انا بس مجرد فكرة قال لها زوجي صحيح يمة اهي مجرد فكرة بس واللة هذا اللي قلتة وترد وتقول مني ورايح كلمتي اهي الللي بتمشي انتي مالج كلمة ولاتنطين بحلجي ويوم ثاني تقول لمرت حماي اني قايلة لها مابيج ولاابي اعيالج ولااحد منكم باللة عليكم شسوي ابي حل لاني واللة حاسة الدنيا ضاكة فيني ...........

[ام ريمي 4]

شوفي حبيبتي سوي العزيمة وحطي فيها كل شي يخطر على بالك ولاتقصرين في شي وخلي الابتسامة من الاذن للاذن وعامليهم احسن معاملة صحيح بتتعبين بس معليش يوم ويعدي وخليهم يحسون انك شايلتهم شيل ولاتحسسينهم انك مضايقة من اي شي وشوفي وش راح يصير!!وبعدين ياحبيبتي سوي مثلي يوم حسيت انهم يبغون يستغلوني قلت لزوجي وهو تفاهممع اخوانه وصار كل اسبوع عند واحد وامهم مادرت وفرحانة بالجمعة وزي ماقلتك لالالاتحسسينهم انك مضايقة من شي ok:35: :36:

[الميلاف]

اختي الغاليه ان شاء الله انها سحابة صيف وتعدي ومثل ما قالت لك اخت ام ريمي
لاكن تذكري دائماً (من يتقي الله يجعل له مخرجاً) واعتبريها ام لك لاتزعلين منها مهما حصل
وتذكري (تهادو تحابو) لاتنسي الهديه لما تزورينها
والله يهدي ام زوجك
اخــ الميلاف ــــتك

[بسكوتة]

مشكورين خواتي عل نصايح بس ماتصدقون واللة اشلون انا مقهورة كللة دمعتي على خدي من القهر كللة افكر في كلامها اشلون دايما تكلمني بهالطريقة كاني طفلة انا كبيرة موصغيرة واللي يقهر اذا جات تكلم اعيالها بكل احترام وحنية واللة ثم واللة حتى اذا غلطو دايما تعذر عنهم وانا تمسك علي اقل القليل

[هنـــد]

يا الغالية ما أجمل موقفك وأنتِ تتحملين كل ذلك دون الرد على الإساءة بالإساءة

تأملي صورتك في عيني زوجك وأنتِ تقبلين كل ذلك دون الرد بالمثل

والدة زوجك بالطبع مخطئة في ظنها وكلامها الذي وجهته لكِ ، وأحسدك ما شاء الله على تحملك

لكن نصيحتي لكِ أن تقومي بعمل العزيمة بنفس منشرحة وقلب مليئ بالنقاء

فطيبة قلبك وحسن نيتك هي الكفيلة بتغيير تلك الظنون السيئة التي يحملونها عليكِ

قدمي لهم الواجب وأكثر من الواجب ، ومهما تنالين من كلامهم المحزن ، فقابلي الإساءة بالإحسان

وقتها والله ستكونين كبيرة جداً جداً في عيون زوجك

والأيام كفيلة بعدها بإيضاح مكانتك عندهم ، وستجدنيهم بإذن الله يتقربون منكِ ويعتذرون عما بدر منهم

ولا تنسي الدعاء لهم بالهداية

وأسال الله أن يديم المحبة بينك وبين زوجك ويسخره لك ويسخر أهله وأمه لكِ :)

[ام ريمي 4]

حبيبتي حبيت اذكرك في شي نسيت اقولة لك اياك من سب ام زوجك قدامة مهما صار وهو اكي بينتبة لكلامها ويعرف انها غلطانة ولاتنسين اغلبيهم بالطيبة ولكلام الزين:)

[أرزة لبنـــان]

شوفي حبيبتي سوي العزيمة وحطي فيها كل شي يخطر على بالك ولاتقصرين في شي وخلي الابتسامة من الاذن للاذن وعامليهم احسن معاملة صحيح بتتعبين بس معليش يوم ويعدي وخليهم يحسون انك شايلتهم شيل ولاتحسسينهم انك مضايقة من اي شي وشوفي وش راح يصير!!وبعدين ياحبيبتي سوي مثلي يوم حسيت انهم يبغون يستغلوني قلت لزوجي وهو تفاهممع اخوانه وصار كل اسبوع عند واحد وامهم مادرت وفرحانة بالجمعة وزي ماقلتك لالالاتحسسينهم انك مضايقة من شي ok:35: :36:

mazbout mitil ma kalitlik

[om amin]

السلام عليكم ورحمة الله وبركاته
اختي العزيزة اعانك الله وتبارك الله على هدهالاخلاق العالية يا غالية نحن عندنا نقول امراة بنت اصل
حبي حماتك اكراما لزوجك وتاكدي ما راح يضيع تعبك فزوجك يرى ويميز كل شيء
اعتقد ان حماتك سامعة شيء والحاسدين لاتوصيهم على هده الامور
اعملي مثل مل قالت ام رامي وعاملي حماتك كانه ما حصل شيء وان شاء الله تظلي هكدا دايما انت الطيبة الكريمة اللي بيتها وقلبها مفتوحين للكل.
بالتوفيق ورحعيلنا خبر على العزيمة
السلام عليكم ورحمة الله وبركاته

[ونعم بالله]

السلام عليكم ورحمة الله وبركاته
كيف حلج اختي ان شاالله مشكله وبتمر وانااعتقد انههي سامعه شي واكيد حد موصلها شي افهمه بالغلط كنا بهالظروف بس اكرميها علشان زوجك بالاول والاخير هذي امه

[شـــادن]

اختي كلام الاخوات صحيح هذي خالك وام زوجك تحمليه واصبري
واحتسبي الاجر وتذكر انتي راح تكبرين وعيالك راح يكبرون ويتزوجون
تحملي واحتسبي الاجر لعل الله يجعل عيالك من الصالحين ويبرون فيك ويهدي زوجاتهم
ومافي شي عند الله يضيع

[الميلاف]

اختي العزيزه
اعيد واكرر وتذكري (ومن يتق الله يجعل له مخرجا)
وكفاك

[ام سوسو11]

بسم الله الرحمن الرحيم من هالعجوز


شوفي تكشخي وتزيني ولا على بالك


ورحبي فيهم والعجوز لاتعطينها هذاك الخاطر الطيب مثل قبل عشان تعرف قدرك


واذا مشوا بيني لزوجك انك تعبانه مررررررررررره وقوليله يتصرف معهم عشان اي مشاكل تصير تكون بينه وبين اهله وانتي مالك دخل


بكره ياحبيبتي تكثر العائله الكريمه ويكثرون اطفالهم وكل يو جايينك


وقوليلنا وش صار