راق النهار

[Miss.Reem]

حزآت مدآت الوفاء كنّه الميّ
للضامي اللي يرتوي من يدينك
مدآت كفك للعطش صادق الريّ
سحابتك بالخير جابت ثمينك
وقفات طيبك يابعدي مالها زيّ
تاج الفخر يامسندي في يمينك
دورت بحروفي مساحات ياخيّ
عجزت الاقي مايوّفي لدينك
استفزع افكاري مجاديف ودليّ
هاجوس فكري يالسنافي رهينك
لجلك قصيدي ينتخي يابعد حيّ
والشعر كله ينحني لجل عينك
شبيت ضي ومهجتي ترجي الفّي
ابي عسى وهاجّها يستّبينك
مير انطفى ياسيدي واهج الضي
من يوم شاهد طلتّن من جبينك
راق النهار العذب في راسك الحيّ
يالله عسا تزهر بوجهك سنينك
ياحمود عذراً صار شعري ولاشيّ
فديت روحك دام حرفي سجينك