بصراحه++(مين تحف حواجبها) موضوع للنقاش

[نسايم ليل]

مســــــــــــــــــــاء الخير
اليوم حابه اناقش موضوع وابغى كل وحده تتكلم بصراحه وابغى تفاعل من الجميع
نبغى نعرف مين تحف حواجبها ومين ماتحف واللي تحف ليش ;) ;)

[ام سلطان]

انا بصراحه انظف حواجبي من تحت عشان يطلعون مرتبين خاصه يوم احط مكياج
اما اللي طالع امبين الحواجبيعني اللي فوق الانف واعلى الحواجب ما اشلهم

[الشهد]

الحمد لله ما افكر ابدا العب فيهم

وعارفة الحكم الشرعي فيه

ونسال الله الثبات

[*الفجر الباسم*]

الحمدلله إني لاأفكر مجرد تفكير في أن أبيع ما عند الله بعرض من الدنيا زائل

رغم أن حواجبي كثيفه:) إلا أن الجمال لم يكن يوماً مرتبطاً بالمعصية

ويكفي في المعصية ظلمة الوجه التي لا تزيلها أشد طبقات المكياج كثافه


مشكورة000ولك تحياتي

[نسايم ليل]

ام سلطان
الشهد
الفجر الباسم
اشكركم على تفاعلكم مع الموضوع والله يثبتكم على اللي انتم عليه
وام سلطان
الله يجزاك خير ترى التنظيف يعتبر حف

[*خلود*]

الحمد لله لم أحف حواجبي يوما ولكن في فترة من الفترات استخدمت التشقير حتى قرأت فتوى ابن عثيمين وتركته , ويقال أن التشقير تحايل على النمص .

بارك الله فيك أختي نسايم ليل على الموضوع.

[الخزامى]

الحمد لله عمري ماحفيت حواجبي

لأنه حرااااااااااااااااااام


وتحياتي لك على الموضوع :)

[نسايم ليل]

الامل
مشكوره على تفاعلك مع الموضوع وانا مثلك استخدمت التشقير لمده بعدين تركته
الخزامى
مشكوره حياتي على مرورك
والله يثبتكم على اللي انتم عليه
والحمد لله الى الحين مافيه احد يحف حواجبه من اللي شاركوا في الموضوع

[يارا]

بالنسبه لي انا مثل الجميع لا احف

اذكر لكم قصه بهذي المناسبه <<<ياكثر قصصي

مره دخلت على الكوافيره (لقص شعري ) فاغرتني بتشقير حواجبي
خاصه ان الجميع عندهامشقرين (حوالي 10 ) <<<مافيهم الي تقص مثلي

المهم قلت لها بصوت اتوقع سمعه الجميع <<<بتعرفون السبب بعدين

قلت : انا حواجبي مرسومه وحلوه وماتحتاج رسم <<<الله على الثقه الي مالها داعي

فتفاجأت بالجميع يتلفت لي وكلهم حب استطلاع بيشوفون هذي المرسومه حواجبها <<<اكلوا مقلب

كان موقف شجاع مني <<شجاعه بدون قصد

برغم هذا الموقف الا ان حواجبي ولله الحمد قد تحتاج لتعديل خفيف لكن هي بمجلمها جميله متى ما اقتنعنا بها خاصه ان مايرسمه الرحمن لا يمكن رسم افضل منه <<<كذا الثقه ولا بلاش


احدى قصصي في هذي الدنيا

[أم علي]

بصراحة آنه أحف لأن إذا ماحفيت حواجبي آحس أن شكلي غير مقبول وخاصة أني هالأيام ودي أمتنع عن هالموضوع وأستبدل بالتشقير بما في ذلك من حرام
(صدقوني إذا ما أحف شكلي يصير غير))

أم علي،،،

مشكورين من زمان آنة هالموضوع في بالي،،

[نسايم ليل]

يارا
ياحليلك وياحليل قصصك
والله انك واثقه وشجاعه(تسلملي هالثقه)
ام علي
كلنا لو حفينا تطلع اشكالنا شي تاني
بس لو تبغين انا عندي طريقه تخلي الحواجب حليوه بدون حف

[أم علي]

عزيزتي نسايم
أولاً هذي مو شجاعة... وبعدين آنة لو موحابة أني أترك الحفاف كان ما كتبت قصتي.. آنه كاتبة قصتي حق أحد يساعدني أني آترك الحفاف وأدري أن الكل يصير شكلة غير...
على العموم أتمنى أن اللي بيرد علي يرد بأحترام
مع خالص الشكر
أم علي،،

[الشهد]

يارا هلا والله تسلم لنا هذي الطلة

ام علي

الله يهديك الاخت نسايم ماكانت تقصدك اقري الرد مرة تانية وشوفي هي وجهت كلامها في الاول ليارا

ثم وجهت كلامها لك

[نسايم ليل]

ام علي
حياتي والله انت فاهمتني غلط وانا والله ماقلت شي يزعلك واحرص اني مااغلط على اي احد والله انك تضايقت لما شفت ردك علي
كل اللي قلته
كلنا لو حفينا تطلع اشكالنا غير وش اللي يزعل في هاالكلمه وانا اتأسف لك لو شي يزعلك
والسطرين الاوائل كانو للاخت يارا
الشهد
الشهد
تسلمين على ردك الحلو مثلك

[أم البدر]

بالتاكيد ..لا احف ....ووالله يثبتنا.....
ومافي زي الجمال الطبيعي......

[أم علي]

على العموم يمكن صار مس بالنسبة لي ومشكورة الأخت الشهد على التوضيح
ومسامحة الأخت نسايم مافهمت الموضوع
وأتمنى إذا عندج حل تعطيني،،
;)
وكلنا خوات،،

أم علي،،،

[الشهد]

:) :)

[غريبة الروح]

اعوذ بالله:mad:
هذا اللى ناقص!!
انا اصلا حواجبي بدون حف روعه :o
ولا فكرت والله مره انى اشيلهم..
اصلا انا ما احط مكياج الا نادرا جدا جدا
علشان كذه حتى ما انتبه لهم
لما اكون قدام المرايه :p

[الشهد]

ياعيني عليك غروبة اكيد انك حلوة عشان كدا ما تحطي مكياج;)

[نسايم ليل]

ام علي
حصل خير ومثل ماقلتي حنا خوات
شهوده
مو عارفه شلون اشكرك وجزاك الله خير
غريبه الروح
ماشاء الله
انا نادر جدا اكون بدون ماكياج

[أمل حياتي]

الحمد لله ولا عمري لمستهم


أختي الغاليه أم علي تذكري من ترك شيء لله عوضه خير منه
وهذا الكلام أقوله من مبدأ أن أحنا كلنا هنا خوات

[هديل]

يا ستي انا ما كنت احفهم ولا حتى في ليلة زفافي ولكن من فترة شلت شي بسيط منهم من اجل المكياج لانه بيصير افضل

ولكن من وقت عرفت انه حرام ما عدت شلت منهم شي لانهم مو ماثرات

بالنسبة للمكياج انا اضعه فقط في المناسبات السعيدة وليست الحزينة خخخخ

بس ما احب المكياج الكتير او اللامع احبه خفيف والوانه رايقة جدا {دخلتكم بغير موضوع }

يلا الى بدها تكتب تذكر لنا وضع المكياج بالنسبة لها

مشكورة عزيزتي على الموضوع ;)

[نسايم ليل]

امل حياتي
يعطيك العافيه على تفاعلك مع الموضوع
هديل
يحليلك كان كملت موضوع الماكياج عادي انا انسجمت معاه

[aom morad]

بصراحة انا ماأحف حواجبي ابد
والحمد لله حواجبي كثيرة ومرتبة يعني أنها ماتحتاج لها الشقلات
ولازم علينا الإبتعاد عن المحضور

[بنت البوسنة]

شكراً لك اختي الكريمة على هذا الموضوع مهم!

الحمدلله انا ما بعد شلت حواجبى و انا ضد هذا الفعل لان الله سبحانه حرمه

[نوسة]

أنا ما أحف حواجبي ولكني أشقرها بنفسي ولكن هناك من يقول أن التشقير حرام هل هذا صحيح؟؟؟؟؟
أم أن هناك بعض من يتلاعب بالتشقير مثل بعض الصالونات التي تشقر الحواجب ثم تزيل الشعر المشقر لذلك حرم العلماء التشقير .
وزمان قبل هذا التلاعب كان التشقير حلال لأن النمص معناه الازالة فردا للمعاصي حرم التشقير ورأيت بعض المشايخ يحللون التشقير الا اذا كان بالميش فهو حرام لأنه يمنع وصول الماء عند الوضوء.... والله أعلم

[الشهد]

اختي نوسة الامر فيه خلاف

لكن النبي عليه الصلاة والسلام يقول " الحلال بين والحرام بين وبينهما امور مشتبهات لا يعلمهن كثير من الناس فمن اتقى الشبهات فقد استبرأ لدينه وعرضه "

واعتقد انه بعض شعرات لن تزيدنا جمالا بقدر ما تزيدنا ايمانا لو تركناها لاننا نكون تركناها اتقاء الشبهة وهذا كما في الحديث فيه الحيطة والافضل

ولنتذكر ان التوسع في المباحات يفضي الى المحرمات فكيف اذا كان الامر فيه شبهة والبعد عنه افضل واغنم

بارك الله فيك اختي وبصرنا جميعا بما فيه الخير واصلاح

[عــاشقة الجنان]

السلام عليكم ورحمة الله وبركاته

بوركتي يااخيه على الموضوع الحلو ...

اما جوابي ...

ولا مره في حياتي حفيت ..;)

[دمـــوع الرسايل]

الحمد لله ماعمري حفيتهم غير مره الله يسامحني كان يوم زواجي وكنت صغيره ما ادري انه حلال وحرام

الله يسامحني ويغفر لي امييييييييين ياااااااااارب

[الغريبه 2007]

انا كنت اشقر حواجبي بس لاحظت حتى اهلي لاحظو انها صارت غزيره فوقفت التشقير
سبحان الله في بنات يشقروا ولما تكثر حواجبهم ينمصوا
اسال الله ان يهديهم وايان

[shd]

شكرا الموضوع حلو

[shd]

ليش كل وحدة حرة في الي تشوفه

[عذوب...]

مشكوره حبيبتي نسايم ليل
على طرحك هذا الموضوع
انا صراحه حواجبي خفيفه يعني
ماتحتاج تغيير اقدر اخفيها بالمكياج
بس اول ماتزوجت صرت اشقر هي مومحتاجه
بس عاد تعرفين الوحده اول ماتزوج تبي الزين
وماكنت ادري عن حكم التشقير
بس الحين الحمدلله تركت التشقير والله
يهديني انشالله مع انه اكثرت الحين عن اول
وكله من التشقير لانه يكثر الحواجب ....

[هتاف المجد]

موضوع رااائع يا نسايم .... وتشكرين عليه...

الحمدلله إني ما أحف حواجبي ولا حتى أشقرها... وحتى لما أسوي مشقرة لشعر وجهي..أنبه الكوفيرة إنها ما تقرب من الحواجب حتى مابين الحاجبين...

مع أنها كثيفة وسووودا....وعيلتنا معظمهم حواجبهم كثيفة... لدرجة إنو خالتي كانت مرة عند دكتورة أسنان... ولاحظت حواجبها وقالت لها ... لو تشيلين تصيرين أحلى..( سبحان الله دكتورة أسنان ما أدري شو دخلها بالحواجب..)

والتشقير مثل ماقالوا الأخوات يزيد الشعر.. وإحدى زميلات الدراسة تشقر حواجبها .... نصحناها ...ماهي مقتنعة...والآن تشتكي من كثافة حواجبها..


وأما مكياجي فخفيييف جداً... وإذا رحت عند كوفيرة..( وحصل مرتين بس يوم زواجي.. ويوم شبكة حماتي.) الكوفيرة تطفش وتعصب من كلمة ..خففي..ثقييل ... قللي ..
والغريب إن الكوفيرة تزيد وترسم حواجبي بالكحل..ماأدري ليش؟؟؟ هي ما تحتاج زيادة...لكن هذا هم عندهم طقوس مكياجية غريبة...


والحمدلله .......مافي أحسن من خلقة ربي.........


((( تبارك الله أحسن الخالقين)))



مع خالص حبي..............

[أمي الحبيبه]

الحمد لله ماأفكر نهائيا حفها وتشقيرها لأن ربي خلقني في احسن صوره والحمد لله والشكر واثقة أشد الثقه في شكلي وخلقة الله مافي أحسن منها
وياأختي تخيلي انك ملعونه بسبب عدم قناعتك بشكلك وجمالك وغيرتيها وانبسطت ورضيت نفسك عشان الناس يشوفونك بأحسن شكل ونسيتي ترضين اللي خلقك وآخرتها هل انت متاكده أن الله سيرضى عنك أم لا ؟؟
ويمكن تدخلي النار بسبب أفعال بسيطه عملتيها في الدنيا وانتي عارفه انها حرااااااام أعاذنا الله واياكم

[مدام خوخه]

الحف لا بس كنت اشقر ولما قرأت الحكم بطلت والحمدلله... الله يثبتني واياكم

يوم زواجي رحت عند وحده في بيتها تسويلي مشقره وتشقر حواجبي بعد ماشقرتها قالتلي الله يهديها بس انها تروح التحفيظ وقالتلهم المدرسه انه يجوز القص وقصتلي الشعر المشقر ولما شفت نفسي تفاجأت كأني شايلتهم اعوذ بالله ولما بحثت في الحكم عرفت انه حرام الله يتوب علي بس