المساعد الشخصي الرقمي

مشاهدة النسخة كاملة : لماذا كبار السن يقولون العنوسه بلغت مليون؟


البنت المشاغبه
15-09-2006, 02:22 AM
:36: ""/ ""/ ""/ ""/

شايفين الوجه الاحمــــــــــــــــر اللي فوق


انا يصير وجهي مثله الله يكفيكم الشر ؟

اذا قالوا العنوسه ملـــــــــيون في السعوديه؟


المشكله كل اللي حولي متزوجات بنت عمي عمرها 17 وزواجها في اجازة
الربيع؟؟؟؟

مافيه عوانس يمكن تطالعوني لان عمري 24سنه؟

قسما اخرها قبل شهرين ولله الحمد لو اوافق لكان من يوم عمري14

متزوجه؟؟؟

وهذا ماهو تشهير بنفسي لاني اعرف ان اغلب الفتيات متزوجات

ومخطوبات ويتمشون في الاسواق يشترون اغراض الزواج وفرحانات

ويخططون لشهر العـــــــسل

لكن؟




ماتلاحظون ان مايتكلم في العنوسه الا الرجاجيل المعددين

واللي اعمارهم تجاوزت الاربعين؟



مره احد الاخوات اللي زوجها يشتغل في مكتب للزواج "وبعدين تزوج عليها"

تقول زوجها يقول جاهم رجل في التسعين من العمر يقول بالله ابغاها
بنت وحلوه وفي العشرين ماتتعدى الثلاثين؟


اقول ماتحسون انه يستاهل كف بصراحه وش رايكم انتم؟

يستاهل كف لانه تشجع يوم قله صاحب المكتب العوانس مليون

اموت واعرف منهو الشيبه المنتهيه مدته اخترع هذا الرقم؟:36:


وانتم يا بنات كيف تردون على هذا الكلااااااااااااااام؟بصراحه
همس الحروف
15-09-2006, 02:56 AM
السلام عليكم ورحمة الله وبركاته
ههههههههههههههههههههههههههههه
لا تعليق
أنت رديتي بالنيابه وخلصتي
بنت امي
15-09-2006, 02:58 AM
السلام عليكم ورحمة الله وبركاته
حبيبتي الرقم هذا قليل
(البنات الغير متزوجات) لأني ماأحب لفظ العوانس ..في هالوقت كثيييير لدرجة بعض البيوت فيها أكثر من وحده تعدت 30 وهي لسى ماتزوجت..

وبعدين هالشيبه اللي يبغى بنت صغنونه هذي الموضه الحين عند البنات اصلاً هم مايبغون إلا كبار السن لأنهم يوفرون لهم كل شي ويتركونهم على كيفهم..

إقرأي هالقصه..
أختي معلمه وكانت عندها طالبه عمرها 17 سنه متزوجه من رجل سبعيني بشروط:
شغاله..سواق..جيب....الخ
والزوج أعطى كل وحده من صديقاتها اللي أقنعوها 4آلاف ريال
القصه قالتها لي أختي عن المعلمات اللي لهم علاقه بالطالبات اللي أقنعوا البنت..
مو معقوله صح
تصدقين لو ماسمعتها من أختي ماصدقت.. لكن بنات آخر زمن

آسفه على الإطاله
البنت المشاغبه
15-09-2006, 03:03 AM
أختي معلمه وكانت عندها طالبه عمرها 17 سنه متزوجه من رجل سبعيني بشروط:
شغاله..سواق..جيب....الخ
والزوج أعطى كل وحده من صديقاتها اللي أقنعوها 4آلاف ريال
القصه قالتها لي أختي عن المعلمات اللي لهم علاقه بالطالبات اللي أقنعوا البنت..
مو معقوله صح
تصدقين لو ماسمعتها من أختي ماصدقت.. لكن بنات آخر زمن

آسفه على الإطاله



بخخخخخخخخخخخخخخخخخخخخخخخ


اعوووووووووووووذ بالله اتزوج سبعيني بشغاله وسواق وخربطات زي هاذي





لا والله اني اسال ربي شاب مثلي وتحت خيمه واقوم الصباح

احمس القهوه وادق الهيل واحلب العنز






قال شغاله وسواق وش تنفع اذا صار شريك الحياه سبعيني






لا تطورو الحين صار العمر تسعيني ههههههههههه









بعدين يا بنت امي ماهو انا اللي اقول عوانس هم اللي يقولونه

لييييييييه ماتصيرين واقعيه؟
البنت المشاغبه
15-09-2006, 03:05 AM
تقولين
في هالوقت كثيييير لدرجة بعض البيوت فيها أكثر من وحده تعدت 30 وهي لسى ماتزوجت..


طيب ليش انا اللي حولي مافيه زي كذا يعني انا ساكنه في المريخ


؟؟؟؟؟؟؟؟؟؟؟؟؟؟؟؟؟؟؟؟
همس الحروف
15-09-2006, 03:37 AM
ههههههههههههههههه
يا قلبي عليك ليش معصبه
الله يعطيك مرادك يا رب ويوفقك
لكن لا تنسينا من حليب العنز وفنجال قهوه ..
والله صدقتي بخيمة ولا شايب وش بينفعني فيه ماله إذا طاح وجاه شي
صحيح الأعمار بيد الله لكن الواحد يعمل بالأسباب ويتقي
صدق بناتنا ذا اليومين ما ندري وش فيهم ....
الله يهديهم ...
وترا البنت فعلاً صادقه حالات العنوسة ارتفعت ... لكن من مجتمع المجتمع تختلف ...
والحمدالله الجدارن ساتره ع الناس وإلا شفنا شي عظيم ...
الحمدالله على كل حال ...
بارك الله فيك
اسأل الله أن يستر علي وعليك وعلى بنات المسلمين اجمعين
البنت المشاغبه
15-09-2006, 03:45 AM
:454: خلااص مافيه تعصيبه ياهمووسه لاني لقيت من يؤيدكلامي


الله يستر على بنات المسلمين امين يارب


لكن كلامي والله واقعي جدا واسمعه بام اذني
همس الحروف
15-09-2006, 03:49 AM
صدقتي يالغالية
لكن اسمعي من هنا وطلعيه من هنا كله كلام ويروح مع الهوا ...
لا والمشكلة الجديده الحين مو زواج بنات من شياب بس
لا الحين طاحوا بالمسيار....
الله يحفظنا والمسلمين
البنت المشاغبه
15-09-2006, 04:17 AM
يا بنت امي

وش تسوين اسفل الصفحه؟
بنت امي
15-09-2006, 08:33 PM
عزيزتي

ليه ماأكون واقعيه..
والله أختي إذاكان الواقع مؤلم وقاسي افضل اعيش بالأحلام احسن لــي..

وبعدين انا ماأتبلى على بنات المسلمين ..
..ماأدري وش المغزى من قولكـ((طيب ليش انا اللي حولي مافيه زي كذا يعني انا ساكنه في المريخ))

أسأل الله لكـ الستر وبنات المسلمين..


وش أسوي اسفل الصفحه ؟؟
أبـــد فتحتها ونسيتها!!


حفظكـ الإلـــــه
دنيتي غريبة
16-09-2006, 01:04 AM
اموت واعرف منهو الشيبه المنتهيه مدته اخترع هذا الرقم؟


توجد دراسة بنسبة الفتيات الغير متزوجات بأكثر من هذا الرقم الذي ذكره الشايب المنتهي على قولتك


وكشفت دراسة أعدها مركز الأمير سلمان الاجتماعي

عن ارتفاع نسبة العنوسة في المجتمع السعودي إلى أكثر من مليون ونصف مليون فتاة عانس

او غير متزوجه بمعنى اصح في السعودية .



هذه هي الحقيقة المرة اللي مو مصدقتها انت يالمشاغبة للاسف


همسة لك

هذا ردك على الاخت بنت امي


وش تسوين اسفل الصفحه؟

موشرط بقاء الاسم يعني ان الشخص موجود في المتصفح ربما يكون قد فتح متصفح اخر

للعلم فقط



شاكره لك موضوعك
البنت المشاغبه
16-09-2006, 03:23 AM
السلام عليكم ورحمة الله وبركاته

يا بنت امي انا كنت امزح معاك يوم سألتك وش تسوين اخر الصفحه؟

كان قصدي انك تبغين تردين رد جامد

رقم اثنين يوم قلت هذا الكلام((طيب ليش انا اللي حولي مافيه زي كذا يعني انا ساكنه في المريخ))

قلته من كامل قواي العقليه انا لا ارى عنوسه امامي ولله الحمد

او بالمعنى المحترم لا ارى بنت تاخر عليها الزواج ولله الحمد

في مجتمعي ومن حولي

طيييييييييييييييييييييب يا دنيتي غريبه

وكشفت دراسة أعدها مركز الأمير سلمان الاجتماعي

عن ارتفاع نسبة العنوسة في المجتمع السعودي إلى أكثر من مليون ونصف مليون فتاة عانس

او غير متزوجه بمعنى اصح في السعودية .


ما ادري مركز الامير سلمان الاجتماعي سوى دراسه عن عدد الشباب اللي ما تزوجو

والا بس النظر على الفتاه فقط

مع شكري واحترامي
أحلى ورده
16-09-2006, 09:15 AM
هههههههههههههههههههههههههههههههه

بصراحه انا اشوف عادي يوصل عدد العوانس مليون اكثر مايهم
خليهم يخربطون على كيفهم ونحن وش علينا اذن من طين واذن من عجين
وانا اشوف بصراحه الوحده تعيش عانس ولا تتزوج انسان مايفهمها ولايقدر شعورها ومعتبرها زي اله في البيت

وياعمري ليش الزعل الموضوع صغير ومايستحق انك تحرقين اعصابك عليه
أحلى ورده
16-09-2006, 09:15 AM
هههههههههههههههههههههههههههههههه

بصراحه انا اشوف عادي يوصل عدد العوانس مليون اكثر مايهم
خليهم يخربطون على كيفهم ونحن وش علينا اذن من طين واذن من عجين
وانا اشوف بصراحه الوحده تعيش عانس ولا تتزوج انسان مايفهمها ولايقدر شعورها ومعتبرها زي اله في البيت

وياعمري ليش الزعل الموضوع صغير ومايستحق انك تحرقين اعصابك عليه
دنيتي غريبة
16-09-2006, 10:14 AM
طيييييييييييييييييييييب يا دنيتي غريبه

ما ادري مركز الامير سلمان الاجتماعي سوى دراسه عن عدد الشباب اللي ما تزوجو

والا بس النظر على الفتاه فقط

نعم ياأختي الكريمة سوى دراسة والنتيجه كانت :

مثل هذا العدد وأكثر من الشباب عاجزون عن دخول الحياة الزوجية......


وأناعندي المصدر وهو عبارة عن رابط لمنتدى وانت عارفه ممنوع وضع روابط لمنتديات اخرى ولا كان وضعته..




لك ِ أعذب التحايا وأعذرينا لو ضايقناك :)
همس الحروف
16-09-2006, 02:55 PM
السلام عليكم ورحمة الله وبركاته
هههههههههههههههههه
يا حليلك يا شغوووووبه
هو لو الشباب يفكروا يتزوجوا كان خلاص حلينا مشكلة البنات وما عاد صار فيه عنووووووسه
بسمة اليقين
16-09-2006, 05:15 PM
خخخخخخخخخخخ عندكم مليون وغضبانين

قريت مقال يقول أنه عدد عوانس الجزائر يتعدي عدد سكان ليبيا

يعني أكثر من 6 ملا يين ههه وش نعملوا احنا

Q/ ـ2 ""/

..~~~

وما يكفيش لأنه الكلمة بحد ذاتها تغضب
البنت المشاغبه
17-09-2006, 12:18 AM
السلام عليكم ورحمة الله وبركاته

شكرا اخواتي العزيزات على اثراء موضوعي

لكم حبي واحترامي
الطفله المزيونه
18-09-2006, 05:35 PM
هلا صدقتي يالغالية
لكن اسمعي من هنا وطلعيه من هنا كله كلام ويروح مع الهوا ...
لا والمشكلة الجديده الحين مو زواج بنات من شياب بس
لا الحين طاحوا بالمسيار....
الله يحفظنا والمسلمين
الطفله المزيونه
20-09-2006, 10:26 AM
هههههههههههه "R: :7: خخخخخخخخخخخخخ انا مثل هذا :97: هههههههههههه بسم الله عليك الرحمن الرحيم هههههههههههههههههههههههههههههههههههههه انتي كذا توحشيني ههههههههههههه
البنت المشاغبه
21-09-2006, 03:52 AM
اهلين الطفله المزيونه


هههههههههههههههههههههههههههههههههههههههههههههههههه هههه


ههههههههه ههههههههههه هههههههه هههههههه