العجينة ليش ما تضبط معاي؟ بسرعة ردوا الله يخليكم [الأرشيف]

مشاهدة النسخة كاملة : العجينة ليش ما تضبط معاي؟ بسرعة ردوا الله يخليكم

سفر الليل

18-09-2006, 01:59 PM

مرحبا

سلام عليكم:36:

كيف الحال؟:)

شخبار عزيزاتي

انا عضوة جديدة ع المنتدى بس كنت زائرة متواصلة بشكل مستمر

وطبخات وايدة اخذ من المنتدى

ولما فكرت اسوي فطاير " عجينة العشر دقايق" ما تضبط معي ..~~~ مع ان المقادير اهيا اهيا ما اغيرها ابي اعرف ليش ما تضبط معي العجينة هل بسبب كمية الطحين او شنو؟ ./

كمية الطحين ناخذها بالكوب وانا مادري كم الكمية بالضبط هل كمية الطحين اهيا نفس حجم كاسة الجبن الصغير؟ او الحجم الكبير؟ او كوبة الشاي؟ ماادري هل هذا السبب؟

والمقادير مثل ما قلت اخليها كلها بالضبط بدون زيادة او نقصان ووقت العجن اخليه 10 دقايق واكثر والتخمير هم اخليه ساعتين ع الاقل

الله يخليكم حددوا لي كمية الطحين بالضبط واسباب انه ما ضبطت معي؟

لان سويت البيتزا وصارت القاعدة وايد خشنة ويابسة وهم سويت فطيرة بالزعتر والعجينة اثناء ما بغيت اشكلها على شكل دوائر ما صارت لان كانت وايد تلصق وع خليت في الصينة اللي مديت فيها العجينة طحين وما نفع فخليت العجينة بكبرها في الباركس وقمت اممدها غصبQ/

الله يخليكم رمضان ع الابواب وهذي اول رمضان اكون فيها معي خطيبي امبي اعرف اشولن اجيد المعجنات لان يحبها وايد وهم البيت يحبونها

لان بقية الطبخات مثل المجبوس والمعكرونة بانواعها والعيش والسلطات اعرف اسويها بالتمام {"

ردوا علي بسرعة ولا تنسون ترحبون فيني وان شا ءالله اصير عضوة دايمة بينكم يارب

ورمضان كريم وك لعام وانتم بخير:36:

ميمي,,,

18-09-2006, 03:02 PM

حياك الله أختي الكريمة سفر الليل بين أخواتك
بصراحة عجينة العشر دقايق ما عمري جربتها وناوية أجربها ولما أجربها إن شاء الله أقدر أجاوب على أسئلتك وإن شاء الأخوات اللي جربوها يفيدونك لكن بغيت أفيدك أختي بعجينة معتمدة عندي أنا أصلح منها كل المعجنات تقريبا السينابون وخلية النحل والفطائر والبيتزا وتطلع هشة ولذيذة مرة والمقادير هي
3كاسات دقيق وأنا أفضل الكويتي
1/2 كاس سكر مطحون وإذا كانت الفطائر باللحمة أقلل السكر
1/2 كاس زيت
1/2 1 كاس لبن شرب
1 ملعقة كبيرة خميرة
1ملعقة صغيرة بيكنج باودر
ذرة ملح
تعجن هذه المقادير مع بعض لمدة عشر دقائق تقريبا ثم تترك تختمر ساعة ثم تشكل حسب الرغبة
بصراحة هذي العجينة رهيبة وما عليها كلام إذا ألتزمتي بالمقادير وإن شاء الله تجربينا وتظبط معك
جربيها وأخبريني بتجربتك

][`~*¤!||!¤*~`][ أختك ميمي][`~*¤!||!¤*~`][

مكسورة الخاطر

18-09-2006, 03:12 PM

غريبه والله ما تضبط معك عجينة العشر دقائق !!!!!!!!

طيب أختي انا من عرفت المعجنات وهم يقولون لازم يكون الكأس المستخدم نفس الحجم يمكن هذا السبب

وما قصرت ميمي عطتك عجينها وجزاها الله خير

سفر الليل

18-09-2006, 03:24 PM

شكرا اختي ميمي ع العجينة وان شاء الله راح اجربها واعطيج الرد

بس اختي عندجي سؤال محيرني

انا دايما اذا بسوي اي طبخة ومكتوب مثلا في الوصفة 3 كاسات دقيق انا ما استخدم الا كاسة الجبن الصغيرة واحيانات كاسة الجبن الطويلة

اما كاس ثاني ما استخدم لان اخاف ما تضبط خصوصا اني ما اعرف حجم الكاسة اللي يستخدمونها؟

اختي مكسورة الخاطر الكاسة تكون نفس الحجم ؟؟ انزين جم الحجم؟

هنـــد

18-09-2006, 03:26 PM

أختي أنا عمري ما جربت عجينة العشر دقائق
بس لي زميلة بالشغل وفنانة طبخ ما شاء الله عليها
جربتها وفشلت معها !!!!!!!

وتقول كانت يابسة بشكل :( !!!!

وجربت عجيني ونجحت معاها 100 % ولله الحمد :)

أنصحك فيها
وهذا رابطها
http://www.hawahome.com/vb/showthread.php?t=43631

وبشهادة كثير من الأخوات في أكثر من منتدى
الأغلب يجمع على أنه نسي عجينة العشر دقائق بعد أن جربن عجينتي :) >> مشكلة الثقة هههههههههه

هنـــد

18-09-2006, 03:26 PM

انا دايما اذا بسوي اي طبخة ومكتوب مثلا في الوصفة 3 كاسات دقيق انا ما استخدم الا كاسة الجبن الصغيرة واحيانات كاسة الجبن الطويلة

استخدمي الطويل دوماً
الصغير ما يكفي

سفر الليل

18-09-2006, 03:28 PM

اي هم عندي سؤال اخت ميمي؟

هذي العجينة اذا بغيت اسوي اقراص من البيتزا تقريبا جم بيتزا تعمل لي؟

عتاب الماضي

18-09-2006, 03:36 PM

اني كمان جربتها مره وماعجبتني

بس عجينة الأخت هند مافي أروووع منها

جربيها اختي

ميمي,,,

18-09-2006, 07:07 PM

أختي الكريمة أنا عن نفسي أستخدم الكأس الكبير أهم شي أن يكون الكأس المستخدم في القياس واحد وأنت أختي إذا كنت خايفة أن الكمية كبيرة أو خايفة أن العجينة ماتظبط معك أستخدمي نصف الكمية كاس ونصف دقيق و3/4 الكاس لبن و1/4كاس زيت و1/4 كاس سكر نصف ملعقة كبير خميرة فورية و ملعقة صغيرة بيكنج باودر وذرة ملح ,إن شاء الله تظبط معك

اي هم عندي سؤال اخت ميمي؟

هذي العجينة اذا بغيت اسوي اقراص من البيتزا تقريبا جم بيتزا تعمل لي؟

بصراحة أناإذا عملت البيتزا ما أعملها أقراص صغيرة أنا أعمل منها من 3 إلى 4 أقراص متوسطة الحجم لا هي صغيرة و لاهي كبيرة حجمها مناسب وأقطعها مثلثات وبصراحة العجينة رهيبة ولا عندي نية أغيرها وأنا معتمدها من رمضان الماضي أستعملتها أول مرة وأعجبت الكل ومن وقتها ماغيرتها
أتمنى أختي إنك تجربينها وتعطيني رايك

_فراشة_

19-09-2006, 01:50 PM

سلام اختي :

والله انه عمرج اطول من عمري لاني انا كنت بعد بسأل عن نفس الموضوع
لانه مشكلتي نفس مشكلتج

عمرها العجينه ما اضبطت معاي مع اني حاولت كل الطرق

حتى عجينه العشر دقايق ما في فايده تطلع يابسه

بس انا انشاء الله راح اجرب طريقة الاخت هند وانشاء الله تضبط معاي

II: II: II: II:

{" {"

سفر الليل

19-09-2006, 05:44 PM

مشكورة حبيبتي وان شاء الله اجربها وارد لك خبر

دانه 20002

19-09-2006, 07:45 PM

هلا حبيبتي
انا جربت الثنتين وكلهم ماشاء يضبطون معاااااااي
بس انتي استخدمي الكاس المعياري والملااعق المعياريه احسن لك ....

بس عندي حقت هند رائئئئئئئئئعه جداااااااااااااااااااااااااااا
وشوفي الصوره عيوني *

http://www.hawahome.info/uploaded/37402/1157215473.jpg
ومشاء مقاديرها مضبووووووووووووطه راح تضبط معاك من اول شئ

ودعواتك ياقمرررررررررررر
والله يوفق هنووده ويسخر لها ملائكه السماء وجنود الارض وجعلنا نرقص بعرسها يارب

هنـــد

20-09-2006, 01:24 PM

وجعلنا نرقص بعرسها يارب

http://smilies.sofrayt.com/^/aiw/biggrin.gifhttp://smilies.sofrayt.com/^/aiw/biggrin.gifhttp://smilies.sofrayt.com/^/aiw/biggrin.gifhttp://smilies.sofrayt.com/^/aiw/biggrin.gif

يا ويلك لو ما جيتي ذاك اليوم يا دندوووونة

بجيبك من آخر الدنيا http://smilies.sofrayt.com/^/aiw/biggrin.gif

وبالمرة تنقي لدندونة وجوري عرسان

بتشوفينهم مسوين يولة بره http://smilies.sofrayt.com/%5E/r/dance.gif

دانه 20002

20-09-2006, 08:25 PM

ههههههههههههههههههههههههههههههههههههههه

خلااص اذا زواجك با الصيف وربي اكتبه ان شاء الله اجي باذن الله
منها احضر زواجك ومنها اتمشى با الامارات
وشكلي اباخذ اخوانك الصغار او اعيال اختك لبناااااتي خخخخخخخخخخخخخخخخخخخخخخ

ميمي,,,

24-09-2006, 03:49 AM

وينك أختي سفر الليل تعالي شوفي صورة معجناتي بمقادير العجينة اللي أعطيتك عملت منها خلية نحل وبيتزا
هذي صورة لخلية النحل http://www.TiT2.com/up/uploads/3bd6f5353f.jpg (http://www.TiT2.com/up/)

وهذي اقربhttp://www.TiT2.com/up/uploads/22b98101e9.jpg (http://www.TiT2.com/up/)

وهذي عن جنب
http://www.TiT2.com/up/uploads/925ddd20b5.jpg (http://www.TiT2.com/up/)
http://www.TiT2.com/up/uploads/899df6dfaa.jpg (http://www.TiT2.com/up/)
وهذي البيتزا http://www.TiT2.com/up/uploads/a58da2b34b.jpg (http://www.TiT2.com/up/)

وهذي عن جنبhttp://www.TiT2.com/up/uploads/34153187b3.jpg (http://www.TiT2.com/up/)
http://www.TiT2.com/up/uploads/91cec6da3a.jpg (http://www.TiT2.com/up/)
أتمنى تجربينها وتعطيني رايك

سمرا

24-09-2006, 04:20 AM

اختي العجينه يبغالها خطوات اهم من المقادير

* لازم يكون السائل الذي يعجن به العجين سواء ماء او حليب يكون دافي لابارد ولا حامي

* العجن لازم تعجنيها كويس وافضل شي بالعجانه اقل شي عشر دقايق

* حطيها مكان دافي يعني شغلي الفرن واذا سار الجو داخله دافي طفيه وحطي العجينه وتكونين لافتها بكيس نايلون جيدا اتركيها حتى تتضاعف وتخمر
جربي وقوليلي صدقيني غير تضبط معك ......

_فراشة_

24-09-2006, 08:46 AM